-
ផ្សាយផ្ទាល់ ព្រឹត្តិការណ៍ថ្មីៗ ២២-ឧសភា-២០២១
-
អ្នកឆ្លង COVID-19 នៅទូទាំងពិភពលោកកើនឡើង១៦៦លាន៤៨ម៉ឺននាក់ ក្នុងនោះស្លាប់៣លាន៤៥ម៉ឺននាក់ និងជាសះស្បើយ១៤៧លាន២៤ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៦៦លាន៤៨ម៉ឺន៦ពាន់៣២៦ករណី ក្នុងនោះមានអ្នកជម្ងឺសរុបចំនួន៣លាន៤៥ម៉ឺន៧ពាន់៨៥១នាក់ស្លាប់ និង ជាសះស្បើយឡើងវិញសរុបចំនួន១៤៧លាន២៤ម៉ឺន២ពាន់៩៦១នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២២ ខែឧសភា ឆ្នាំ២០២១ ។សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៣លាន៨៦ម៉ឺន២ពាន់៣៩៨នាក់ ស្លាប់ចំនួន៦០ម៉ឺន៣ពាន់៤០៨នាក់ និងជាសះស្បើយចំនួន២៧លាន៣៩ម៉ឺន៩ពាន់៤២៩នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន២៦លាន២៨ម៉ឺន៩ពាន់២៩០នាក់ ស្លាប់២៩ម៉ឺន៥ពាន់៥២៥នាក់ និងជាសះស្បើយ២៣លាន៧ម៉ឺន៣៦៥នាក់ ។ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៥លាន៩៧ម៉ឺន៦ពាន់១៥៦នាក់ ស្លាប់ចំនួន៤៤ម៉ឺន៦ពាន់៥២៧នាក់ និងជាសះស្បើយ១៤លាន៤២ម៉ឺន២ពាន់២០៩នាក់ ៕ ប្រភព៖ worldometers
-
អាជ្ញាធរសុខាភិបាលសិង្ហបុរីអះអាងថា វ៉ាក់សាំងបង្ការជំងឺ Covid-19 របស់ក្រុមហ៊ុន Pfizer-BioNTech មានសុវត្ថិភាព និងប្រសិទ្ធភាពចំពោះកុមារអាយុ១២ដល់១៥ឆ្នាំ (មានវីដេអូ)
សង្ហិបុរី៖ គណៈកម្មាធិការជំនាញវ៉ាក់សាំងសិង្ហបុរី បានធ្វើការឆ្លើយតបទៅនឹងលិខិតបើកចំហរមួយរបស់ក្រុមវេជ្ជបណ្ឌិត១២រូប នៅថ្ងៃសុក្រនេះថា ការប្រើវ៉ាក់សាំងបង្ការជំងឺ Covid-19 របស់ក្រុមហ៊ុនផលិតឱសថអាមេរិក-អាល្លឺម៉ង់ (ភីហ្វាយហ្សឺ-បាយអូអិនធិច) សម្រាប់កុមារអាយុ១២ឆ្នាំដល់១៥ឆ្នាំ គឺមានសុវត្ថិភាព និងប្រសិទ្ធភាព ។គណៈកម្មាធិការជំនាញបញ្ជាក់ថា បច្ចុប្បន្ននេះ ភីហ្វាយហ្សឺ-បាយអូអិនធិច គឺជាវ៉ាក់សាំងតែមួយគត់នៅគ្រប់ទីកន្លែងទូទាំងពិភពលោក ដែលត្រូវបានអនុញ្ញាតឲ្យប្រើប្រាស់សម្រាប់កុមារអាយុ១២ឆ្នាំដល់១៥ឆ្នាំ ។ អាជ្ញាធរវិទ្យាសាស្ត្រសុខភាព (HSA) និងគណៈកម្មាធិការជំនាញបានត្រួតពិនិត្យពីសុវត្ថិភាព និងប្រសិទ្ធភាពវ៉ាក់សាំង ភីហ្វាយហ្សឺ-បាយអូអិនធិច ដោយផ្អែកលើការតេស្តគ្លីនិកសម្រាប់មនុស្សដែលដែលស្ថិតនៅក្រុមអាយុនេះ ។ ទម្រង់សុវត្ថិភាពវ៉ាក់សាំងនេះ គឺស្របទៅនឹងទម្រង់សុវត្ថិភាពដូចមនុស្សធំដែរ ហើយកម្រិតស្តង់ដារសម្រាប់វ៉ាក់សាំងដែលត្រូវចុះបញ្ជីប្រើប្រាស់ គឺមានប្រព័ន្ធភាពសុំាប្រឆាំងនឹងជំងឺផ្សេង ។សូមជម្រាបថា វ៉ាក់សាំងបង្ការជំងឺ Covid-19 ពីរប្រភេទត្រូវបានអនុម័តអោយប្រើប្រាស់នៅប្រទេសសិង្ហបុរី ក្នុងនោះរួមមានវ៉ាក់សាំងរបស់ក្រុមហ៊ុនផលិតឱសថអាមេរិក-អាល្លឺម៉ង់ (ភីហ្វាយហ្សឺ-បាយអូអិនធិច) និងក្រុមហ៊ុនអាមេរិក ម៉ូឌែណា ដោយក្រុមហ៊ុនធំៗទាំងពីរនេះ ផ្អែកលើបច្ចេកវិទ្យា mRNA ៕ ប្រភព៖ Reuters
-
រដ្ឋបាលរាជធានីភំ្នពេញ បានបើកកិច្ចប្រជុំ ដោយលើកយករបៀបវារៈចំនួនបីមកពិភាក្សា
នាព្រឹកថ្ងៃសៅរ៍ ១១កើត ខែជេស្ឋ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២២ ខែឧសភា ឆ្នាំ២០២១នេះ រដ្ឋបាលរាជធានីភំ្នពេញ បានបើកកិច្ចប្រជុំ ដោយលើកយករបៀបវារៈចំនួនបីមកពិភាក្សា ៖ របៀបវារៈទី១ ស្ដីពីការបង្កើតក្រុមការងារចុះជួយសម្របសម្រួលការងារកំណត់អត្តសញ្ញាណគ្រួសារក្រីក្រ និងអនុវត្តកម្មវិធី ” ជំនួយសង្គមជាសាច់ប្រាក់ក្រោយពេលបិទខ្ទប់ ” បន្ទាប់ពីការអនុវត្តវិធានការបិទខ្ទប់ជាលក្ខណៈទ្រង់ទ្រាយធំ ក្នុងព្រឹត្តិការណ៍ ២០ កុម្ភៈ ២០២១ ក្នុងភូមិសាស្រ្តរាជធានីភ្នំពេញ។ របៀបវារៈទី២ ស្ដីពីការបើកដំណើរការឡើងវិញចំពោះផ្សាររដ្ឋទាំងអស់ ក្នុងមូលដ្ឋានរាជធានីភ្នំពេញ ចាប់ពីថ្ងៃទី២៤ ខែឧសភា ឆ្នាំ២០២១ តទៅ ដោយលើកលែងតែផ្សារមិនរៀបរយទាំងអស់ ដូចជា ផ្សារក្រមួន ផ្សារចាត់តាំង ផ្សាររោងចក្រ ផ្សារសហគមន៍ ផ្សារក្នុងដីឡូត៍ឯកជន ផ្សារជុំវិញមន្ទីរពេទ្យ និងផ្សារតាមចិញ្ចើមផ្លូវ ជាដើម មិនត្រូវបានអនុញ្ញាតឱ្យបើកដំណើរការឡើយ ដើម្បីបង្ការ និងទប់ស្កាត់ការឆ្លងរាលដាលនៃជំងឺកូវីដ១៩ ក្នុងសហគមន៍។ របៀបវារៈទី៣ ស្ដីពីការបិទបញ្ចប់បម្រាមគោចរ និងការអនុញ្ញាតគោលការណ៍ពិសេសចំពោះអាជីវកម្មដ្ឋាន ក្នុង “តំបន់លឿង” នៃភូមិសាស្រ្តរាជធានីភ្នំពេញ គិតចាប់ពីម៉ោងសូន្យ នាថ្ងៃទី២២ ខែឧសភា…
-
វ៉ាក់សាំងបង្ការជំងឺកូវីដ-១៩ ស៊ីណូវ៉ាក់ ចំនួន ១លានដូសនឹងដឹកមកដល់កម្ពុជានៅថ្ងៃស្អែកនេះ
តាមការគ្រោងទុក នៅព្រឹកថ្ងៃទី ២៣ ខែឧសភា ឆ្នាំ ២០២១ កម្ពុជានឹង ទទួលបានវ៉ាក់សាំងបង្ការជំងឺកូវីដ-១៩ ស៊ីណូវ៉ាក់ ដែលរាជរដ្ឋាភិបាលកម្ពុជាបានបញ្ជារទិញពីរដ្ឋាភិបាលសាធារណរដ្ឋប្រជាមានិតចិន ចំនួន១លានដូសបន្ថែមទៀត។ នេះ គឺជាវ៉ាក់សាំងលើកទី៥ហើយ ដែលរាជរដ្ឋាភិបាលកម្ពុជាបានបញ្ជាទិញ ខណៈលើកទី១ មានចំនួន ១.៥លានដូស ត្រូវបានដឹកមកដល់កម្ពុជា កាលពីថ្ងៃទី២៦ ខែមីនា, លើកទី២ មានចំនួន ៥០ម៉ឺនដូស ដឹកមកដល់កម្ពុជានៅថ្ងៃទី១៧ ខែមេសា លើកទី៣ មានចំនួន ៥០ម៉ឺនដូស ដឹកមកដល់កម្ពុជាថ្ងៃទី១១ ខែឧសភា និងលើកទី៤ ដឹកមកកាលពីថ្ងៃទី ១៦ ខែឧសភា កន្លងមកនេះ។ សម្រាប់វ៉ាក់សាំងបង្ការជំងឺកូវីដ-១៩ ចំនួន ១លានដូស ដែលនឹងដឹកមកកម្ពុជានៅថ្ងៃទី ២៣ ខែឧសភា ស្អែកនេះ កម្ពុជានឹងមានវ៉ាក់សាំងនៅក្នុងដៃសរុប ២លានដូស ដែលនឹងអាចចាក់ជូនឲ្យប្រជាជនដោយឥតគិតថ្លៃ។ សូមបញ្ជាក់ថា រាជរដ្ឋាភិបាលកម្ពុជា បានដាក់ចេញយុទ្ធសាស្ត្រចាក់វ៉ាក់សាំងនេះឱ្យបានលឿន តាមដែលអាចធ្វើទៅបានជូនដល់ប្រជាពលរដ្ឋរបស់ខ្លួន។ ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន បានបញ្ជាក់ហើយថា កម្ពុជានឹងស្វះស្វែងរកវ៉ាក់សាំងឱ្យបានរហូតដល់ទៅជាង…
-
រដ្ឋបាលខេត្តប៉ៃលិន រកឃើញអ្នកវិជ្ជមានកូវីដ-១៩ ចំនួន ២នាក់
ខេត្តប៉ៃលិន ៖ រដ្ឋបាលខេត្តប៉ៃលិន បានចេញសេចក្តីប្រកាសព័ត៌មាននៅថ្ងៃទី២១ ខែឧសភា ឆ្នាំ២០២១ ជម្រាបជូនដល់សាធារណជនថា ក្រុមឆ្លើយតបបន្ទាន់មន្ទីរសុខាភិបាលខេត្តប៉ៃលិន បានរកឃើញវិជ្ជមានជំងឺកូវីដ-១៩ ចំនួន០២ករណី គឺ ៖ ទី១. ឈ្មោះ ស៊ុ សោភ័ណ ភេទស្រី អាយុ៤១ឆ្នាំ (ម្តាយ) ជាមេផ្ទះ ទី២. ឈ្មោះ ណាត ម៉េងរក្សា ភេទប្រុស អាយុ១៣ឆ្នាំ (កូន) ជាសិស្ស ។ ប្រភពបន្តទៀតថា ទាំងពីរនាក់ខាងលើត្រូវជាប្រពន្ធ និងជាកូនរបស់ឈ្មោះ គីម បូនី ភេទប្រុស ជាងដែក មានវិជ្ជមានជំងឺកូវីដ-១៩ រស់នៅភូមិអូរបេង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ មុនដំបូង អ្នកជំងឺទាំងពីរនាក់ម្តាយ និងកូន មានការប៉ះពាល់ផ្ទាល់ជាមួយឈ្មោះ គីម បូនី ហើយគាត់នេះ ធ្លាប់មានការប៉ះពាល់ជាមួយ អ្នកជំងឺម្នាក់ទៀត ឈ្មោះ នុម ដុង ភេទប្រុស អាយុ៣៦ឆ្នាំ…
-
រដ្ឋបាលខេត្តកំពង់ចាម ដាក់ចេញនូវវិធានការ បិទខ្ទប់ និងការពារកុំឲ្យវីរុសបម្លែងថ្មី កូវីដ-១៩ រាលដាលចេញក្រៅ សំដៅកាត់ផ្តាច់ខ្សែចម្លងពីសហគមន៍មួយទៅសហគមន៍មួយទៀត
នៅក្នុងកិច្ចប្រជុំបូកសរុបអំពីវឌ្ឍភាព នៃការអនុវត្តការងារប្រយុទ្ធប្រឆាំងនឹងជំងឺកូវីដ-១៩ នៅសាលាខេត្តកំពង់ចាម នាព្រឹក ថ្ងៃទី ២១ ខែឧសភា ឆ្នាំ ២០២១នេះ ឯកឧត្ដម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តរយុទ្ធប្រឆាំងនឹងជំងឺកូវីដ-១៩ បានថ្លែងថា៖ ដេីម្បី គ្រប់គ្រង ស្ថានការណ៍ ទប់ស្កាត់ ការ ឆ្លង រីករាល ដាល នៃ ជំងឺ កូវីដ -១៩ កុំឲ្យមានការរាលដាលបន្ត យើង ត្រូវ អនុវត្ត យុទ្ធសាស្ត្រពីរយ៉ាង គឺ ទី១- ត្រូវ បិទខ្ទប់ ក្តោប ឲ្យ ជាប់ ទី២-ត្រូវការពារ កុំ ឲ្យ រីករាលដាលចេញទៅខាងក្រៅ ហេីយ យេីងត្រូវធ្វើការ បោសសំអាត ដេីម្បី កាត់ផ្ដាច់ ខ្សែ ចម្លង ព្រឹត្តិការណ៍ ២០-កុម្ភៈ ដែល កំពុង បង្ក…
-
ពលរដ្ឋរស់នៅក្នុងសង្កាត់អូឬស្សីទី២ ចំនួន ៨៨គ្រួសារ ទទួលបបានអំណោយមនុស្សធម៌ដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន (វីដេអូ)
-
រដ្ឋបាលរាជធានីភ្នំពេញ ប្រកាសបិទបំរាមគោចរក្នុង «តំបន់លឿង» ចាប់ពីម៉ោងសូន្យថ្ងៃស្អែកនេះតទៅ
រដ្ឋបាលរាជធានីភ្នំពេញ នៅថ្ងៃទី២១ ខែឧសភា ឆ្នាំ២០២១ បានសម្រេចបិទបញ្ចប់បំរាមគោចរ និងអនុញ្ញាតឲ្យបើកអាជីវកម្មមួយចំនួនក្នុង «តំបន់លឿង» នៅក្នុងភូមិសាស្រ្តរាជធានីភ្នំពេញ ចាប់ពីម៉ោងសូន្យថ្ងៃទី២២ ខែឧសភា ស្អែកនេះតទៅ។ នៅក្នុងសេចក្តីសម្រេច រដ្ឋបាលរាជធានីភ្នំពេញ បានណែនាំឱ្យសកម្មភាពការងារ មុខរបរ និងអាជីវកម្ម ដែលបានអនុញ្ញាតឱ្យបើកដំណើរការ ត្រូវអនុវត្តវិធានការសុវត្ថិភាពផ្នែកសុខាភិបាលឱ្យបានម៉ឺងម៉ាត់ រួមមាន កាតព្វកិច្ចពាក់ម៉ាស កាតព្វកិច្ចរក្សាគម្លាតសុវត្ថិភាព ការធ្វើអនាម័យដើម្បីសម្លាប់មេរោគ ការវាស់កម្ដៅ ការស្កេន QR Code និងត្រូវអនុវត្តតាមការណែនាំរបស់ក្រសួងសុខាភិបាល ជាពិសេសត្រូវប្រកាន់ខ្ជាប់ជានិច្ចនូវវិធានការ «៣ការពារ និង៣កុំ» របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕
-
រដ្ឋបាលរាជធានីភ្នំពេញចេញសេចក្ដីជូនដំណឹង បង្ហាញអត្តសញ្ញាណ ករណីវិជ្ជមានកូវីដ-១៩ ចំនួន ១៩២នាក់ ដែលជាករណីឆ្លងក្នុងសហគមន៍
រដ្ឋបាលរាជធានីភ្នំពេញចេញសេចក្ដីជូនដំណឹង បង្ហាញអត្តសញ្ញាណ ករណីវិជ្ជមានកូវីដ-១៩ ចំនួន ១៩២នាក់ ដែលជាករណីឆ្លងក្នុងសហគមន៍ អជ្ញាធររាជធានីភ្នំពេញ សូមអំពាវនាវដល់បងប្អូនប្រជាពលរដ្ឋដែលធ្លាប់ប្រាស្រ័យទាក់ទងជាមួយអ្នកជំងឺកូវីដ-១៩ ទាំងអស់ខាងក្រោម ត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងរួសរាន់ទៅយកសំណាកនៅតាមទីតាំងដែលបានកំណត់។