តាកែវ៖ នៅព្រឹកថ្ងៃព្រហស្បតិ៍ ទី២០ ខែឧសភា ឆ្នាំ២០២១នេះ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ អមដំណើរដោយអាជ្ញាធរពាក់ព័ន្ធ បានអញ្ជើញចុះពិនិត្យការយកសំណាកបងប្អូនអាជីវករលក់ដូរនិងអ្នកពាក់ព័ន្ធមួយចំនួន របស់ក្រុមគ្រូពេទ្យជំនាញ នៅផ្សារសំរោងយ៉ោង ដែលស្ថិតក្នុងឃុំត្រពាំងសាប ស្រុកបាទី ដែលជាតំបន់មានអ្នកវិជ្ជមានកូវីដ-១៩ ដែលបានប៉ះពាល់ដោយផ្ទាល់ និងប្រយោជន៍ជាច្រើននាក់ នៅក្នុងព្រឹត្តិការណ៍សហគមន៍ ២០ កុម្ភៈ ។ នាឱកាសនោះ ឯកឧត្តម អ៊ូច ភា អភិបាលខេត្ត ក៏បានណែនាំ ដល់អជ្ញាធរពាក់ព័ន្ធទាំងអស់ ត្រូវបន្តតាមដានស្រាវជ្រាវ និងធ្វើការផ្សព្វផ្សាយដល់បងប្អូនប្រជាពលរដ្ឋ ដែលមានការជាប់ពាក់ព័ន្ធ មិនថាផ្ទាល់ ឬក៏ប្រយោលនោះទេ គឺត្រូវហៅពួកឲ្យមកធ្វើតេស្តរកជំងឺកូវីដ-១៩ ឲ្យបានគ្រប់ៗគ្នា និងតាមដានបន្តទៀត រកអ្នកដែលមានការសង្ស័យ ថាមានជាប់ព័ន្ធជាមួយអ្នកដែលមានផ្ទុកជំងឺកូវីដ-១៩ ដែលបានរកឃើញ ។ ឯកឧត្តមអភិបាល ក៏បានជំរុញឱ្យប្រជាពលរដ្ឋ ក៏ដូចជាអាជីវករលក់ដូរក្នុងផ្សារសំរោងយ៉ោងទាំងអស់ បន្ទាប់ពីការធ្វើតេស្តលើកទី០១រួច សូមឲ្យពួកគាត់ធ្វើការណែនាំរបស់ក្រសួងសុខាភិបាល ដោយត្រូវអនុវត្តវិធានចត្តាទ្បីស័កខ្លួនឯងរយៈពេល១៤ថ្ងៃ ឲ្យបានត្រឹមត្រូវ ៕ដោយ -រ៉ាវុធ

សេចក្ដីជូនដំណឹង នៅរាជធានីភ្នំពេញ រកឃើញករណីវិជ្ជមានកូវីដ-១៩ ចំនួន ១៧២នាក់ នៅថ្ងៃទី១៩ ខែឧសភា ឆ្នាំ២០២១ ដែលជាករណីឆ្លងក្នុងសហគមន៍ រដ្ឋបាលរាជធានីភ្នំពេញ សូមអំពាវនាវដល់បងប្អូនប្រជាពលរដ្ឋដែលធ្លាប់ប្រាស្រ័យទាក់ទងជាមួយអ្នកជំងឺកូវីដ-១៩ ទាំងអស់ខាងក្រោម ត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងរួសរាន់ទៅយកសំណាកនៅតាមទីតាំងដែលបានកំណត់៖

ភ្នំពេញ ៖ ប្រជាពលរដ្ឋដែលប្រកបរបរជាជាងសំណង់ និងអ្នករើសអេតចាយ ប្រមាណ ៧០គ្រួសារ ដែលស្ថិតនៅក្នុងតំបន់ឋិតខ្ចប់ (តំបន់ក្រហម) នៃសង្កាត់ស្ទឹងមានជ័យ១ លោកនាយកសាលាភូមិន្ទរដ្ឋបាល ដឹកនាំក្រុមការងារ ចុះសំណេះសំណាល និងនាំយកអំណោយជាស្បៀងចែកជូន ដើម្បីជួយសម្រួលដល់ជីវភាពប្រចាំថ្ងៃ ក្នុងកំឡុងការរីករាលដាលនៃជំងឺកូវីដ~១៩ ។ កម្មវិធី នៃគម្រោង «រួមជួយដើម្បីរីករាយទាំងអស់គ្នា ក្នុងពេលកូវីដ-១៩» នៃសាលាភូមិន្ទរដ្ឋបាល ដែលរៀបចំដោយឯកឧត្តម យក់ ប៊ុនណា រដ្ឋលេខាធិការប្រចាំការ នៃក្រសួងមុខងារសាធារណៈ និងជានាយកសាលាភូមិន្ទរដ្ឋបាល និងមានការចូលរួមពីគណៈគ្រប់គ្រង ក្រុមប្រឹក្សា សាស្ត្រាចារ្យ សិស្សមន្ត្រី កម្មសិក្សាការី និងសិក្ខាកាម ដើម្បីប្រគល់សម្ភារៈមួយចំនួន ជូនប្រជាពលរដ្ឋនៅសង្កាត់ស្ទឹងមានជ័យ និងសង្កាត់ចោមចៅ២ ចំនួន១៥០នាក់ ដែលនឹងប្រព្រឹត្តិទៅនៅថ្ងៃទី២០ ខែឧសភា ឆ្នាំ២០២១ ។ ឯកឧត្តម យក់ ប៊ុនណា នាយកសាលាភូមិន្ទរដ្ឋបាល បានថ្លែងថា ថ្ងៃនេះជាថ្ងៃដ៏វិសេសវិសាល ដែលសាលាភូមិន្ទរដ្ឋបាល បាននាំយកអំណោយជាស្បៀងចែកជូន ដល់បងប្អូនដែលប្រកបរបរជាជាងសំណង់ និងអ្នករើសអេតចាយ ប្រម៉ាណ៧០គ្រួសារដែល ស្ថិតនៅក្នុងតំបន់ឋិតខ្ចប់ (តំបន់ក្រហម) ក្នុងកំឡុងការរីករាលដាលនៃជំងឺកូវិដ១៩…

លោកស្រីពេជ ចន្ទមុន្នី ហ៊ុន ម៉ាណែតអញ្ជើញចុះពិនិត្យទីតាំងចាក់វ៉ាក់សាំង ដែលរៀបចំដោយសមាគមគ្រូពេទ្យស្ម័គ្រចិត្តយុវជនសម្តេចតេជោ នៅសាលាបឋមសិក្សាវត្តមហាមន្ត្រី នៅថ្ងៃ២០ ឧសភា ឆ្នាំ២០២១៖

អនុគណៈកម្មការស្រាវជ្រាវជំងឺកូវីដ-១៩នៅថ្ងៃទី២០ឧសភាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ បានទៅបូមឈាមដើម្បីពិនិត្យនៅទីតាំងមន្ទីរសម្រាកព្យាបាល និងនិងសម្ភព កណ្ណិកា ដែលមានទីតាំងស្ថិតនៅផ្លូវវេងស្រេង សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញចាប់ពីថ្ងៃទី១០ដល់ថ្ងៃទី២០ឧសភាឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានឲ្យដឹងថា គ្រូពេទ្យធ្វើការនៅទីតាំងខាងលើនោះ មិនទាន់បានយកសំណាកនៅឡើយនោះទេ។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវឲ្យប្រជាពលរដ្ឋដែលបានទៅ ឬមានទំនាក់ទំនងជាមួយបុគ្គលិក ជាពិសេសគ្រូពេទ្យដែលធ្វើការនៅមន្ទីរសម្រាកព្យាបាល និងសម្ភពនោះ ត្រូវដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។