រាជធានីភ្នំពេញ៖គណៈកម្មាធិជាតិរៀបចំការបោះឆ្នោត (គជប )បានប្រកាសព័ត៌មាន ថា បន្ទាប់ពីបាន​សម្រេច​ទទួលស្គាល់​ជាផ្លុវការ​នូវការចុះបញ្ជីគណបក្សនយោបាយ​ឈរឈ្មោះបោះឆ្នោត និងបញ្ជីបេក្ខជន​ឈរឈ្មោះរបស់គណបក្ស​នយោបាយចំនួន ៤រួចមក គណៈកម្មការ​រៀបចំការបោះឆ្នោត ខេត្តកំពត បានរៀបចំពិធីចាប់ឆ្នោត ដោយព្រះសង្ឃ ដើម្បី​កំណត់លំដាប់លេខរៀងគណបក្ស​នយោបាយ នៅលើសន្លឹកឆ្នោត នៅទីស្នាក់ការលេខាធិការដ្ឋាននៃគណៈកម្មការ​រៀបចំការបោះឆ្នោត ខេត្តកំពត កាលពីរសៀល ថ្ងៃទី១៨ ខែឧសភា ឆ្នាំ២០២១​។​ គ.ជ.ប ប្រកាសថា លទ្ធផលនៃការចាប់ឆ្នោតលំដាប់លេខរៀងដែលគណបក្សនយោបាយនីមួយៗទទួលបាន មានដូចតទៅ ៖គណបក្សហ៊្វុនស៊ិនប៉ិច ទទួលបានលេខរៀងទី១,គណបក្សយុវជនកម្ពុជា ទទួលបានលេខរៀងទី២, គណបក្សប្រជាជនកម្ពុជា ទទួលបានលេខរៀងទី៣ ,និងគណបក្សសញ្ជាតិកម្ពុជា ទទួលបានលេខរៀងទី៤។ ជាមួយគ្នាគ.ជ.ប ប្រកាសដែរថា ការកំណត់លំដាប់លេខរៀងគណបក្សនយោបាយនៅលើសន្លឹកឆ្នោត នឹងជួយបង្កលក្ខណៈងាយ ស្រួលដល់គណបក្សនយោបាយពាក់ព័ន្ធក្នុងការឃោសនាបោះឆ្នោត ហើយជួយឱ្យអ្នកបោះឆ្នោតអាច ស្គាល់បានដោយងាយនូវលេខរៀង និងឈ្មោះគណបក្សនយោបាយដែលគាត់ស្រលាញ់ពេញចិត្ត។ គណៈកម្មការរៀបចំការបោះឆ្នោតខេត្តកំពត ត្រូវបិទផ្សាយបញ្ជីគណបក្សនយោបាយឈរឈ្មោះ បោះឆ្នោត និងបញ្ជីបេក្ខជនឈរឈ្មោះ ដែលបានចាប់ឆ្នោតរួចហើយ ក្នុងរយៈពេលយ៉ាងតិច ៤៥ថ្ងៃ មុនថ្ងៃបោះឆ្នោត យោងតាមមាត្រា ២៦ នៃច្បាប់បោះឆ្នោតជ្រើសរើសក្រុមប្រឹក្សា៕ដោយ៖ ម៉ាដេប៉ូ

ភ្នំពេញ៖ ប្រជាពលរដ្ឋដែលមានជីវភាពខ្វះខាត ចាស់ជរា និងជនពិកាចំនួន ៣០គ្រួសារ រស់នៅក្នុងសង្កាត់បឹងត្របែក បានទទួលអំណោយពីអនុសាខាកាកបាទក្រហមកម្ពុជាខណ្ឌចំការមន នៅរសៀលថ្ងៃទី១៨ ខែឧសភា ឆ្នាំ២០២១ ក្រោមវត្តមានលោក ថេង សុថុល អភិបាលខណ្ឌ និងជាអនុប្រធានសាខាកាកបាទក្រហមខណ្ឌចំការមន និងលោក ព្រុំ សំខាន់ ប្រធានកិត្តិយសអនុសាខា ហើយមានការអញ្ជើញចូលរួមពីអភិបាលរងខណ្ឌ, លោកនាយករដ្ឋបាលខណ្ឌ, ប្រធានការិយាល័យចំណុះរដ្ឋបាលខណ្ឌ និងចៅសង្កាត់បឹងត្របែកផងដែរ ។ លោក ថេង សុថុល បានថ្លែងថា ប្រជាពលរដ្ឋជនចាស់ជរា ជនពិការ និងអ្នកផ្ទុកមេរោគអេដស៍ ត្រូវបានចាត់ទុកថា ជាមុខសញ្ញាងាយរងគ្រោះ ហើយក៏ជាមុខសញ្ញា ត្រូវសង្រ្គោះជាបន្ទាន់ ដែលត្រូវទទួលបានអំណោយនៅពេលនេះ ដើម្បីជាការដោះស្រាយជីវភាព ក្នុងអំឡុងពេលរងផលប៉ះពាល់ ដោយសារជំងឺកូវីដ១៩ ។ ជាមួយគ្នានេះ លោក ថេង សុថុល បាននាំមកនូវផ្តាំផ្ញើសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់គ្រួសារទាំងអស់ប្រកបដោយសេចក្តីនឹករលឹក។ លោកថា ទីណាមានការលំបាក ទីនោះមានកាកបាទក្រហមកម្ពុជា ជាក់ស្តែងដូចជាពេលនេះ…

បទយកការណ៍ខ្លីស្ដីពី៖ មន្ទីរពេទ្យ និងមណ្ឌលព្យាបាលជំងឺកូវីដ-១៩ ចំនួន៥ ដែលរៀបចំដោយ អនុគណៈកម្មការគ្រប់គ្រងសន្តិសុខ និងសណ្ដាប់ធ្នាប់នៅតាមគោលដៅ និងតំបន់ចត្តាឡីស័កដើម្បីប្រយុទ្ធនឹងជំងឺកូវីដ-១៩ និងទទួលព្យាបាលដោយក្រុមគ្រូពេទ្យសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) ជួរមុខ។ #TYDA#ក្រុមគ្រូពេទ្យសម្ដេចតេជោប្រឆាំងកូវីដ១៩

នៅថ្ងៃទី១៧ ខែឧសភា ឆ្នាំ២០២១ នៅរាជធានីភ្នំពេញ រកឃើញករណីវិជ្ជមានកូវីដ-១៩ ចំនួន ១៤៣នាក់ ដែលជាករណីឆ្លងក្នុងសហគមន៍ រដ្ឋបាលរាជធានីភ្នំពេញ សូមអំពាវនាវដល់បងប្អូនប្រជាពលរដ្ឋដែលធ្លាប់ប្រាស្រ័យទាក់ទងជាមួយអ្នកជំងឺកូវីដ-១៩ ទាំងអស់ខាងក្រោម ត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងរួសរាន់ទៅយកសំណាកនៅតាមទីតាំងដែលបានកំណត់។

រដ្ឋបាលខេត្តស្ទឹងត្រែងនៅថ្ងៃទី១៨ ឧសភានេះ បានជូនដំណឹងថា គេបានរកឃើញវិជ្ជមានកូវីដ-១៩ លើយុវជនម្នាក់មានឈ្មោះ ជាង ស៊ឺ អាយុ១៨ឆ្នាំ ដែលជាករណីវិជ្ជមានទី៣ ហើយនៅក្នុងខេត្តស្ទឹងត្រែង។ រដ្ឋបាលខេត្តបានបន្តថា បុរសនោះ គឺមានជាប់ពាក់ពន្ធ័នឹងអ្នកវិជ្ជមានកូវីដ-១៩ចំនួន៥នាក់ក្នុងគ្រួសាររបស់ខ្លួននៅភូមិព្រែកតារត្ន័ ឃុំពោធិ៍បាន ស្រុកកោះធំ ខេត្តកណ្ដាល។ សាម៉ីខ្លួនបានធ្វើដំណើរតាមរថយន្តដឹកបន្លែពីស្រុកកោះធំ ខេត្តកណ្ដាលទៅកាន់ខេត្តស្ទឹងត្រែងនៅថ្ងៃទី១៥ឧសភាឆ្នាំ២០២១។ រដ្ឋបាលខេត្តស្ទឹងត្រែងបានស្រាវជ្រាវយកអ្នកពាក់ពន្ធ័នឹងយុវជននោះទៅធ្វើតេស្ដ និងបន្តអំពាវនាវឲ្យអ្នកពាក់ពន្ធ័ដទៃទៀត ប្រញាប់ទៅធ្វើតេស្ដ និងធ្វើចត្តាឡីស័កខ្លួនឯងរយៈពេល ១៤ថ្ងៃ។

អនុគណៈកម្មការស្រាវជ្រាវជំងឺកូវីដ-១៩នៅថ្ងៃទី១៨ឧសភាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ ចំបានចូលទៅផឹកកាហ្វេនៅហាងកាហ្វេគន្ធា កាហ្វេ និងតែ ដែលមានទីតាំងស្ថិតនៅ ផ្ទះលេខ ២១ ផ្លូវលេខ ២៩១ សង្កាត់បឹងកក២ ខណ្ឌទួលគោក រាជធានីភ្នំពេញ ចាប់ពីថ្ងៃទី១៤ដល់ថ្ងៃទី១៧ឧសភាឆ្ណាំ២០២១។ អនុគណៈកម្មការស្រាវជ្រាវជំងឺកូវីដ-១៩បានអំពាវនាវឲ្យប្រជាពលរដ្ឋដែលធ្លាប់ទៅហាងកាហ្វេនោះ ត្រូវដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។