​ខេត្តតាកែវ៖ រដ្ឋបាល​ខេត្តតាកែវនៅថ្ងៃទី១៦ ខែ ឧសភានេះ បានចេញ​សេចក្តីសម្រេច​បញ្ចប់​ការបិទ​ខ្ទប់ និង​បើក​ឱ្យ​ដំណើរការ​ឡើងវិញ​ក្រុមហ៊ុន​ចំនួន​៤ នៅ​ស្រុក​បាទី ចាប់ពី​ថ្ងៃទី​១៦ ខែឧសភា ឆ្នាំ​២០២១​នេះ​តទៅ​។ បើយោងតាមសេចក្តីសម្រេចរបស់រដ្ឋបាលខេត្តតាកែវខាងលើនេះបានបញ្ជាក់ថាក្រុមហ៊ុន​ទាំង​៤​នេះ​រួមមាន​៖ ក្រុមហ៊ុន​វី​ភី អ៊ិន​ដាស​ស្ទី (​ខេ​ម​បូ​ឌា​) ឯ​.​ក​, ក្រុមហ៊ុន​ហួរ លី​មី (​ខេ​ម​បូ​ឌា​) ឯ​.​ក​, ក្រុមហ៊ុន​លីន តុ​ន មេ​នូ​ហ្វេ​ក​ធើ​រីង ឯ​.​ក ក្រុមហ៊ុន​លូន វៃ ថោក​ស្តាយ ឯ​.​ក ស្រុក​បាទី ខេត្តតាកែវ ។​ សេចក្តីសម្រេចដដែលនេះបានធ្វើការជំរុញដល់អាជ្ញា​ធរមាន​សមត្ថកិច្ច​គ្រប់លំដាប់​ថ្នាក់​ត្រូវធ្វើ​ការផ្សព្វផ្សាយ ណែនាំ​ដល់​រោងចក្រ​ទាំង​៤​ខាងលើនេះ ត្រូវអនុវត្ត​ឱ្យបាន​ម៉ឺងម៉ាត់​តាម​វិធានការ ៣​កុំ និង​៣​ការពារ របស់​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា និង​សេចក្តីណែនាំ​របស់​ក្រសួងសុខាភិបាល​៕​ ការបញ្ចប់ការបិទខ្ទប់ និងបើកឱ្យដំណើរការឡើងវិញនូវ ក្រុមហ៊ុន វីភី អិនដាសស្តី (ខេមបូឌា)ឯក, ក្រុមហ៊ុនហូរលីម៉ី(ខេមបូឌា)ឯក, ក្រុមហ៊ុន លីន តុន មេនូហ្វេកធើរីង ឯ.ក ក្រុមហ៊ុនលូន វ ថោកស្តាយ…

ភ្នំពេញ៖ ប្រជាពលរដ្ឋដែលមានជីវភាពខ្វះខាត និងស្នាក់នៅតាមបន្ទប់ជួលចំនួន ២១៨គ្រួសារបានទទួលអំណោយ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចគតិព្រឹទ្ធបណ្ឌិតប៊ុន រ៉ានីហ៊ុន សែន និងអំណោយរបស់សប្បុរសជន ក្រុមការងាររបស់រដ្ឋបាលខណ្ឌដឹកនាំលោកចេង មុនីរ៉ា អភិបាលខណ្ឌច្បារអំពៅ និងលោករស់ សុភក្តិ អភិបាលរងខណ្ឌ ។ សកម្មភាពមនុស្សធម៍នាំយកអំណោយសម្តេចតេជោនិងអំណោយរបស់សប្បុរសជនចែកជូនប្រជាពលរដ្ឋនេះបានធ្វើឡើងនៅព្រឹកថ្ងៃអាទិត្យទី១៦ ខែឧសភា ឆ្នាំ២០២១ នៅក្នុងសង្កាត់២ ផ្សេងគ្នារួមមានសង្កាត់និរោធក្រោមវត្តមានលោកចេង មុនីរ៉ា អភិបាលខណ្ឌច្បារអំពៅ បាននាំយកអំណោយសម្តេចតេជោចែកជូនប្រជាពលរដ្ឋដែលមានជីវភាពខ្វះខាត និងអ្នករស់នៅតាមបន្ទប់ជួលចំនួន៩៨គ្រួសារ ។ ចំណែកសង្កាត់ច្បារអំពៅទី១ ក្រោមវត្តមានលោករស់ សុភ័ក្ត អភិបាលរងខណ្ឌ បាននាំយកអំណោយរបស់សប្បុរសជនមានឈ្មោះលោក សុខ ពៅ និង លោកស្រី ឃុន លី ចែកជូនប្រជាពលរដ្ឋចំនួន១២០ គ្រួសារមកពី៣ភូមិ រួមមាន ភូមិដើមអំពិល ភូមិព្រែក និងភូមិដើមម៉ាក្លឿ សង្កាត់ច្បារអំពៅទី១ ខណ្ឌច្បារអំពៅ ។ ក្នុងពិធីនេះដែរក្រុមការងារបានសំណេះសំណាលនិងផ្តាំផ្ញើរអោយបងប្អូនប្រជាពលរដ្ឋ ត្រូវអនុវត្តតាមការណែនាំរបស់អាជ្ញាធរ សង្កាត់-ខណ្ឌ និងក្រុមគ្រូពេទ្យ ។ ជំងឺកូវីដ-១៩នេះជាជំងឺកាចសាហាវកំពុងតែគំរាមកំហែងសុខភាពនិងជីវភាពរស់នៅរបស់ប្រជាពលរដ្ឋជុំវិញពិភពលោក មិនមែនមានតែប្រទេសកម្ពុជាយើងប៉ុណ្ណោះទេ…

ព្រឹកថ្ងៃទី១៦ ខែឧសភា ឆ្នាំ២០២១ ឯកឧត្តម ឧត្តមសេនីយ៍ឯក យឿង សុខុន មេបញ្ជាការរង កងទ័ពជើងគោក មេបញ្ជាការ យោធភូមិភាគទី៣ បានអញ្ជើញចុះសួរសុខទុក្ខ និងសំណេះសំណាល ព្រមទាំងនាំយកអំណោយឯកឧត្តម ហ៊ុន ម៉ាណែត រួមមានថវិកា កាហ្វេ ទឹកក្រូច ជូនដល់ក្រុមការងារចាក់វ៉ាក់សាំងយោធភូមិភាគ ដែលបានចុះចាក់កន្លងមកនៅខណ្ឌដង្កោ និងខណ្ឌពោធិ៍សែនជ័យ។ ក្នុងឱកាសនោះឯកឧត្តម បានរំលឹកដល់ក្រុមការងារឲ្យយកចិត្តទុកដាក់បំពេញភារកិច្ចឲ្យបានម៉ត់ចត់ គោរពវិន័យ គោរពស្រឡាញ់ប្រជាពលរដ្ឋ សហការណ៏ល្អជាមួយអាជ្ញាធរដែនដី និងអនុវត្តឲ្យបានខ្ជាប់ខ្ជូនតាមការណែនាំរបស់ក្រសួងសុខាភិបាល ព្រមទាំងវិធានការ ៣កុំ ៣ការពារដាច់ខាត។ ឯកឧត្តម បានបន្តថាក្រុមការងារនឹងបន្តឈរជើងនៅរាជធានីភ្នំពេញ ដើម្បីចាក់វ៉ាក់សាំងជូនប្រជាពលរដ្ឋ ឲ្យបានគ្រប់ៗគ្នា មុននឹងត្រលប់ចូលអង្គភាពវិញ ៕