រដ្ឋបាលរាជធានីភ្នំពេញ នៅថ្ងៃទី១៥ ខែឧសភា ឆ្នាំ២០២១ បានចេញសេចក្តីជូនដំណឹងស្តីពីការបើកយុទ្ធនាការចាក់វ៉ាក់សាំងកូវីសែល (Covisheld) សម្រាប់ដូសទី២ ដែលទទួលបានអាជ្ញាប័ណ្ណផលិតពីក្រុមហ៊ុន AstraZeneca នៅក្នុងភូមិសាស្រ្តរាជធានីភ្នំពេញ។ យោងតាមពេលវេលាកំណត់ រដ្ឋបាលរាជធានីភ្នំពេញ បានជូនដំណឹងថាប្រជាពលរដ្ឋដែលបានទទួលការចាក់វ៉ាក់សាំងកូវីសែលដូសទី១ទាំងអស់ និងត្រូវដល់ពេលចាក់ដូសទី២ ជាបន្តបន្ទាប់នៅដើមខែឧសភា ឆ្នាំ២០២១ ដែលក្នុងនោះយុទ្ធនាការចាក់វ៉ាក់សាំងដូសទី២ ចាប់ផ្តើមតាំងចាប់ពីថ្ងៃទី០៦ ខែឧសភា ដល់ថ្ងៃទី១៨ ខែមិថុនា ឆ្នាំ២០២១។ យោងតាមការឱ្យដឹងពីលេខាធិការដ្ឋាននៃអនុគណៈកម្មាធិការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ការចាក់វ៉ាក់សាំងចាក់វ៉ាក់សាំងកូវីសែល (Covisheld)ដូសទី២ អាចចាក់បានក្នុងអំឡុងពេលពី០៨ ទៅ១២សប្តាហ៍ បន្ទាប់ពីចាក់វ៉ាក់សាំង កូវីសែល ដូសទី១។

ក្រុមគ្រូពេទ្យនៃមន្ទីរពេទ្យបង្អែកខេត្តសៀមរាប នៅថ្ងៃទី១៦ ខែឧសភា ឆ្នាំ២០២១ បានឲ្យដឹងថា បានព្យាបាលជាសះស្បើយអ្នកវិជ្ជមានជំងឺកូវីដ-១៩ ថ្មី ចំនួន២នាក់ ដូចមានរាយនាមខាងក្រោម៖១- ឈ្មោះ សូរ សារ៉ាន់ ភេទស្រី អាយុ៣៧ឆ្នាំ អាសយដ្ឋានភូមិវិហារចិន សង្កាត់ស្វាយដង្គំ ក្រុងសៀមរាប។ ២- ឈ្មោះ ត្រេង បញ្ញា ភេទប្រុស អាយុ១ឆ្នាំ៦ខែ អាយសយដ្ឋានភូមិពោធិ៍ ឃុំពង្រក្រោម ស្រុកជីក្រែង។ សេចក្តីជូនព័ត៌មានមួយផ្សព្វផ្សាយដោយរដ្ឋបាលខេត្តសៀមរាប បានបញ្ជាក់ថា អ្នកជាសះស្បើយទាំងពីរនាក់ខាងលើ ត្រូវបានក្រុមគ្រូពេទ្យបានអនុញ្ញាតឱ្យត្រឡប់ទៅលំនៅឋានវិញ ដោយត្រូវបន្តការធ្វើចត្តាឡីស័ករយៈពេល១៤ថ្ងៃ។ សូមជម្រាបថា មកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន៨១នាក់ បានព្យាបាលជាសះ-ស្បើយចំនួន២២នាក់ ស្លាប់២នាក់ និង ៥៧នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប៕

រដ្ឋបាលខេត្តព្រះវិហារបានប្រកាសថា ឈ្មោះ គេង រ៉ាឌី ភេទប្រុស អាយុ ២៦ឆ្នាំ ទីលំនៅបច្ចុប្បន្នក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ ត្រូវបានរកឃើញ វិជ្ជមានកូវីដ១៩ ដោយមន្ត្រីសុខាភិបាលនៅថ្ងៃទី១៤ ខែឧសភា ឆ្នាំ២០២១។ យោងតាមសេចក្តីជូនដំណឹងរបស់រដ្ឋបាលខេត្ត បុគ្គលវិជ្ជមានខាងលើបានសម្រាកក្នុងផ្ទះសំណាក់ ម៉ាលីម៉ា ស្ថិតក្នុងភូមិភារកិច្ច សង្កាត់ប៉ាលហាល ក្រុងព្រះវិហារ ហើយមានអ្នកពាក់ព័ន្ធផ្ទាល់ចំនួន ០៥នាក់ និងប្រយោលចំនួន ០៤នាក់។ ជាមួយគ្នានេះ រដ្ឋបាលខេត្តព្រះវិហារ បានសម្រេចបិទជាបណ្តោះអាសន្ននូវទីតាំងផ្ទះសំណាក់នេះចាប់ពីថ្ងៃទី១៥ ឧសភា ២០២១ រហូតមានការជូនដំណឹងជាថ្មី និងស្នើសុំឱ្យបុគ្គលពាក់ពា័ន្ធចូលរួមយកសំណាក និងអនុវត្តវិធានការសុខាភិបាលឱ្យបានខ្ជាប់ខ្ជួន ដើម្បីទប់ស្កាត់ការរាលដាលជំងឺកូវីដ-១៩៕

ភ្នំពេញ៖ ក្រសួងសុខាភិបាល នៃព្រះរាជាណាចក្រកម្ពុជា នៅថ្ងៃទី១៦ ខែឧសភា ឆ្នាំ២០២១នេះ បានប្រកាសថារកឃើញបន្ថែមទៀតករណីវិជ្ជមានអ្នកកើតជំងឺកូវីដ-១៩ ថ្មី ចំនួន ៣៥០នាក់ ក្នុងនោះមានករណីនាំចូលពីក្រៅប្រទេសចំនួន ៩នាក់។ យោងតាមសេចក្តីប្រកាសព័ត៌មាន ក្រសួងសុខាភិបាលបានបញ្ជាក់ដែរថាបានព្យាបាលជាសះស្បើយអ្នកជំងឺកូវីដ-១៩ ចំនួន១៣៨០នាក់។ ដោយឡែកនៅថ្ងៃនេះដែរ ក្រសួងសុខាភិបាលបានឱ្យដឹងថាមានករណីស្លាប់ជំងឺកូវីដ-១៩ ចំនួន ៣នាក់ផងដែរសូមបញ្ជាក់ថា កាលពីថ្ងៃទី១៥ ខែឧសភា ឆ្នាំ២០២១ ស្ថានភាពជំងឺកូវីដ-១៩ នៅក្នុងប្រទេសកម្ពុជា មាន៖ ករណីឆ្លងសរុប៖ ២២,១៨៤នាក់, ជាសះស្បើយសរុប៖ ១២,១២០នាក់, ករណីស្លាប់សរុប៖ ១៥០នាក់, និងករណីនាំចូលពីក្រៅប្រទេសសរុបៈ ៦៣០នាក់ ៕

ភ្នំពេញ៖ យោងតាមទំព័រហ្វេសប៊ុកផ្លូវការនៅព្រឹកថ្ងៃអាទិត្យ ទី១៦ ខែឧសភា ឆ្នាំ២០២១នេះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងថា វ៉ាក់សាំងកូវីដ-១៩ របស់ក្រុមហ៊ុនស៊ីណូវ៉ាក់ របស់មិត្តចិន ចំនួន ៥០ម៉ឺនដូសបន្ថែមទៀត ដែលរាជរដ្ឋាភិបាលកម្ពុជា បានបញ្ជាទិញនោះ បានដឹកមកដល់ប្រទេសកម្ពុជាយើងទៀតហើយ។ សម្ដេចតេជោ ហ៊ុន សែន បន្តថា វ៉ាក់សាំងស៊ីណូវ៉ាក់ ៥០ម៉ឺនដូស ដែលដឹកមកដល់កម្ពុជានៅព្រឹកថ្ងៃនេះ គឺជាវ៉ាក់សាំងលើកទី៤ហើយ ដែលរាជរដ្ឋាភិបាលកម្ពុជាបានបញ្ជាទិញ ខណៈលើកទី១ មានចំនួន ១.៥លានដូស ត្រូវបានដឹកមកដល់កម្ពុជា កាលពីថ្ងៃទី២៦ ខែមីនា, លើកទី២ មានចំនួន ៥០ម៉ឺនដូស ដឹកមកដល់កម្ពុជានៅថ្ងៃទី១៧ ខែមេសា និងលើកទី៣ មានចំនួន ៥០ម៉ឺនដូស ដឹកមកដល់កម្ពុជាថ្ងៃទី១១ ខែឧសភា។ សម្ដេចតេជោ បន្ថែមថា វ៉ាក់សាំងកូវីដ-១៩ គឺជាផ្នែកមួយដ៏សំខាន់បន្ថែមទៀតក្នុងប្រតិបត្តិការប្រយុទ្ធប្រឆាំងជំងឺកូវីដ-១៩ និងជួយការពារសុខភាពរបស់មនុស្សពីការវាយប្រហារដោយជំងឺកូវីដ-១៩។ រាជរដ្ឋាភិបាលកម្ពុជា បានដាក់ចេញយុទ្ធសាស្ត្រចាក់វ៉ាក់សាំងនេះឱ្យបានលឿន តាមដែលអាចធ្វើទៅបានជូនដល់ប្រជាពលរដ្ឋរបស់ខ្លួន។ ទន្ទឹមនឹងនេះ រាជរដ្ឋាភិបាលស្វះស្វែងរកវ៉ាក់សាំង ហើយបាននាំមកដល់នូវវ៉ាក់សាំងជាបន្តបន្ទាប់សម្រាប់ចាក់ជូនប្រជាពលរដ្ឋរបស់ខ្លួន។ វ៉ាក់សាំងកូវីដ-១៩…