ប្រជាពលរដ្ធក្នុងរាជធានីភ្នំពេញ សម្តែងការសប្បាយរីករាយ ថ្លែងអំណរគុណរាជរដ្ឋាភិបាលក្រោមការដឹកនាំរបស់សម្តេចតេជោ នាយករដ្ឋមន្រ្តី ដែលបានផ្តល់អំណោយសង្គ្រោះជាគ្រឿងឧបភោគបរិភោប សម្រាប់ផ្គត់ផ្គង់ក្នុងដំណាក់កាលជម្ងឺកូវី១៩ និងសំណូមពរប្រជាពលរដ្ធនៅក្នុងតំបន់ក្រហម និងលឿងទុំឱ្យមានការអត់ធ្មត់ ជាមួយនិងស្នើសុំឱ្យមានវិធានការចំពោះអ្នកដែលនៅតំបន់ក្រហម លួចរត់ចេញទៅខេត្តហើយចំលងជម្ងឺកូវីដ១០ទៅអ្នកដ៏ទៃ

រដ្ឋបាលខេត្តកំពង់ស្ពឺនៅថ្ងៃទី១៤ឧសភាឆ្នាំ២០២១ បានបង្ហាអត្តសញ្ញាណអ្នកវិជ្ជមានកូវីដ-១៩ចំនួន៨នាក់ ដែលជាករណីឆ្លងក្នុងសហគមន៍។ អ្នកវិជ្ជកូវីដ-១៩ទាំង៨នាក់នោះរួមមាន នៅ៧នាក់ជារស់នៅស្រុកភ្នំស្រួច និងក្រុងច្បារមនម្នាក់។ រដ្ឋបាលខេត្តកំពង់ស្ពឺ បានអំពាវនាវដល់អ្នកដែលបានប៉ះពាល់ផ្ទាល់ ឬប្រយោលជាមួយ បុគ្គលទាំង៨នាក់នោះ ត្រូវរួសរាន់ទៅយកសំណាក ឬទៅពិនិត្យសុខភាពនៅមន្ទីរពេទ្យបង្អែកដែលនៅជិតបំផុត ព្រមទាំងដាក់ខ្លួនឲ្យនៅដាច់ដោយឡែករយៈពេល១៤ថ្ងៃ។ ក្នុងករណីមានបញ្ហាសុខភាព ឬមានរោគសញ្ញាសង្ស័យៗផ្សេងៗ ត្រូវរាយការណ៍ជូនអាជ្ញាធរមូលដ្ឋានជាបន្ទាន់។

ភ្នំពេញ៖ ក្រោយពេលទទួលបានថវិកាលើកទឹកចិត្តពីសម្តេចតេជោ ហ៊ុន សែន នាយករដ្ឋមន្ត្រីកម្ពុជា ចំនួន ១០លានរៀល អ្នកចាក់វ៉ាក់សាំងទី២លាន ជាកម្មការិនីឈ្មោះ ទិត ចិន្តា បានសម្តែងក្តីរំភើបរីករាយរហូតដល់ស្រក់ទឹកភ្នែក ។ ក្តីរំភើបរបស់កម្មការិនីរូបនេះ ក្នុងពេលរូបនាង ទទួលបានទឹកប្រាក់ និងអំណោយរបស់សម្តេចតេជោ តាមរយៈលោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំង នៅរសៀលថ្ងៃទី១៤ ខែឧសភា ឆ្នាំ២០២១ ។ អ្នកស្រី ទិត ចិន្តា បានគូសបញ្ជាក់ថា អ្នកស្រីបានទៅចាក់វ៉ាក់សាំង នៅព្រឹកថ្ងៃទី១៤ ខែឧសភា ឆ្នាំ២០២១ ហើយក៏មិនបានដឹងថា ខ្លួនមានសំណាងទទួលបានរង្វាន់លើកទឹកចិត្តពីសម្តេចតេជោ បែបនេះ នោះឡើយ។ កម្មការិនីរូបនេះ បានថ្លែងចាត់ទុកថវិកានេះ ប្រៀបដូចជាថវិកាព្រះប្រទាន ដែលនឹកស្មានមិនដល់។ អ្នកស្រី ទិត ចិន្តា បានថ្លែងថា ថវិកា ជាអំណោយដ៏ថ្លៃថ្លារបស់សម្តេចតេជោ នឹងជួយដោះស្រាយការលំបាករបស់អ្នកស្រី ដែលកំពុងខ្វះខាត និងមានបំណុលគេផងនោះ។ បើតាមអ្នកស្រី ទិត ចិន្តា ក្តីរំភើបនេះ…

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី១៤ ឧសភា ឆ្នាំ២០២១ បានជូនដំណឹងថា មានអ្នកជំងឺកូវីដ-១៩ បានទៅកាន់ទីតាំងសាខាក្រុមហ៊ុន ZTO នៅខណ្ឌដូនពេញ ដែលមានទីតាំងនៅផ្ទះលេខ២០ ផ្លូវលេខ៥៤ សង្កាត់ផ្សារថ្មី៣ ខណ្ឌដូនពេញ ចាប់ពីថ្ងៃទី១០ដល់ថ្ងៃទី១៤ឧសភាឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានបន្តថា ករណីនោះមានអ្នកប៉ះពាល់ផ្ទាល់ និងប្រយោល នៅក្នុងក្រុមហ៊ុននៃ ១៧នាក់ នៅមិនទាន់បានទៅយកសំណាកនៅឡើយទេ។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់ទៅក្រុមហ៊ុននោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី១៤ ឧសភា ឆ្នាំ២០២១ បានជូនដំណឹងថា មានជនជាតិចិនចំនួន ២នាក់ ត្រូវបានរកឃើញ វិជ្ជមានកូវីដ១៩ហើយពួកគេបានស្នាក់នៅសណ្ឋាគារ LAVANYA Boutique Hotel ដែលមានទីតាំងស្ថិតនៅផ្ទះលេខ ១៦ ផ្លូវលេខ ២២៨ កែង ផ្លូវលេខ ៥៥ សង្កាត់ផ្សារថ្មី៣ ខណ្ឌដូនពេញចាប់ពីថ្ងៃទី៨ដល់ថ្ងៃទី១២ឧសភាឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ រត់កង់បីដែលធ្លាប់បានដឹក និងប្រជាពលរដ្ឋ ដែលមានទំនាក់ទំនងជាមួយ ជនជាតិចិនទាំង២នាក់ស្នាក់នៅសណ្ឋាគារនោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ជាមួយអ្នកជំងឺកូវីដ-១៩ទាំង២នាក់។

នៅរាជធានីភ្នំពេញ រកឃើញករណីវិជ្ជមានកូវីដ-១៩ ចំនួន ១៧៥នាក់ នៅថ្ងៃទី១៣ ខែឧសភា ឆ្នាំ២០២១ ដែលជាករណីឆ្លងក្នុងសហគមន៍ រដ្ឋបាលរាជធានីភ្នំពេញ សូមអំពាវនាវដល់បងប្អូនប្រជាពលរដ្ឋដែលធ្លាប់ប្រាស្រ័យទាក់ទងជាមួយអ្នកជំងឺកូវីដ-១៩ ទាំងអស់ខាងក្រោម ត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងរួសរាន់ទៅយកសំណាកនៅតាមទីតាំងដែលបានកំណត់។