យោងតាមលិខិតរបស់រដ្ឋមន្ត្រីក្រសួងសុខាភិបាល លោកសាស្ត្រាចារ្យ ម៉ម ប៊ុនហេង នៅថ្ងៃទី១៤ ឧសភា ឆ្នាំ២០២១ បានដឹងថា យោងតាមចណារឯកភាពរបស់សម្ដេចតេជោហ៊ុន សែន នាយករដ្ឋមន្ត្រីចុះថ្ងៃទី១៣​ ឧសភា ឆ្នាំ២០២១ លើលិខិតរបស់ក្រសួងសុខាភិបាល ស្ដីពីរបាយការណ៍កិច្ចប្រជុំគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ នាថ្ងៃទី១២ឧសភាឆ្នាំ២០២១ ការដាក់ចេញវិធានការបិទខ្ទប់នៅរាជធានីភ្នំពេញ និងក្រុងតាខ្មៅខេត្តកណ្ដាល គឺជាមេរៀនពិសោធន៍ដែលគួរត្រូវបានដកស្រង់ដើម្បីប្រតិបត្តិនៅតាមមូលដ្ឋានរបស់ខ្លួនទៅតាមស្ថានភាពជាក់ស្ដែង។ ទន្ទឹមគ្នានោះ ត្រូវពង្រឹងការាអនុវត្តច្បាប់ វិធានការសុខាភិបាល និងវិធានការរដ្ឋបាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ឲ្យមានប្រសិទ្ធភាពខ្ពស់ ព្រមទាំងលើកកម្ពស់ការយល់ដឹងអំពីវិធានការបង្ការជំងឺកូវីដ-១៩ ឲ្យកាន់តែស៊ីជម្រៅទៅដល់បុគ្គល គ្រួសារ និងសហគមន៍។

យោងតាមលិខិតរបស់រដ្ឋបាលខេត្តព្រះសីហនុ នៅថ្ងៃទី១៤ ឧសភា ឆ្នាំ២០២១ បានឲ្យដឹងថា រោងចក្រដាប់ប៊ែលយូអ៊ីស៊ី មេនូហ្វេកធើរីង មានទីតាំងស្ថិតនៅតំបន់សេដ្ឋកិច្ចពិសេសក្រុងព្រះសីហនុ មានករណីឆ្លងជំងឺកូវីដ-១៩ដល់កម្មករ ត្រូវបានរដ្ឋបាលខេត្តព្រះសីហនុចេញសេចក្ដីជូនដំណឹងផ្អាកជាបណ្ដោះអាសន្នដំណើរការអាជីវកម្មដើម្បីឲ្យបុគ្គលិក កម្មករ និយោជិតក្នុងរោងចក្រយកសំណាកទៅវិភាគរកមេរោគកូវីដ-១៩ និងបានណែនាំឲ្យធ្វើចត្តាឡីស័កនៅតាមលំនៅដ្ឋាន។ ប៉ុន្តែក្នុងអំឡុងពេលនេះ រដ្ឋបាលខេត្តព្រះសីហនុបានទទួលព័ត៌មានថា មានកម្មករម្នាក់នៃរោងចក្រនោះមានឈ្មោះ ហំ សុវណ្ណៈ ភេទប្រុស អាយុ២១ឆ្នាំ មានអាសយដ្ឋាននៅភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប បានលួចគេចវេះចេញពីការធ្វើចត្តាឡីស័កនៅលំនៅឋានក្នុងខេត្តព្រះសីហនុ ហើយបានាធ្វើដំណើរទៅខេត្តកែប។ រដ្ឋបាលខេត្តព្រះសីហនុបានចាត់ទុកទង្វើរបស់បុគ្គលនោះ គឺជាអំពើដោយចេតនាមិនគោរពមាត្រាទី៧ នៃច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត។ រដ្ឋបាលខេត្តព្រះសីហនុ បានស្នើឲ្យអភិបាលខេត្តកែបចាប់វិធានការច្បាប់ចំពោះបុគ្គលល្មើសនោះឲ្យបានតឹងរ៉ឹងបំផុត។ មាត្រាទី៧ នៃច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត អំពើគេចវេះពីការធ្វើចត្តាឡីស័ក ឬគេចចេញពីកន្លែងធ្វើចត្តាឡីស័កក្នុងអំឡុងពេលធ្វើចត្តាឡីស័កដែលកំណត់ដោយក្រសួងសុខាភិបាល ឬអាជ្ញាធរមានសមត្ថកិច្ច ត្រូវផ្ដន្ទាទោសដាក់ពន្ធនាគារពី៦ខែទៅ៣ឆ្នាំ និងពិន័យជាប្រាក់ពី២លានទៅ១០លានរៀល កាលបើអំពើនោះបានបណ្ដាលឲ្យមានការចម្លងជំងឺកូវីដ-១៩ដល់អ្នកដទៃ។

រដ្ឋបាលខេត្តព្រះសីហនុនៅថ្ងៃ ១៤ ឧសភានេះ បានបង្ហាញអំពីអត្តសញ្ញាណអ្នកវិជ្ជមានកូវីដ-១៩ទាំង ៤៤នាក់ ដែលពួកគេគឺជាកម្មករ អាជីវករ និងគ្រួសារប្រជាពលរដ្ឋ រស់នៅក្នុងក្រុងព្រះសីហនុ។ ជាមួយគ្នានោះ រដ្ឋបាលខេត្តព្រះសីហនុបានអំពាវនាវដល់អាជីវករ ប្រជាពលរដ្ឋ ដែលធ្លាប់បានប្រាស្រ័យទាក់ទងដោយផ្ទាល់ជាមួយអ្នកវិជ្ជមានកូវីដ-១៩ទាំងនោះ ត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងប្រញាប់រួសរាន់ទៅផ្ដល់សំណាកដើម្បីវិភាគរកវីរុសកូវីដ-១៩ នៅវេទិការ៧មករា ហើយត្រូវធ្វើចត្តាឡីស័កនៅលំនៅឋានរបស់ខ្លួនឲ្យបានត្រឹមត្រូវតាមបទបញ្ជាផ្ទៃក្នុងសម្រាប់អ្នកធ្វើចត្តាឡីស័ករយៈពេល ១៤ថ្ងៃ។

យោងតាមក្រសួងសុខាភិបាលនៅថ្ងៃទី១៤ឧសភាឆ្នាំ២០២១ បានឲ្យដឹងថា នៅថ្ងៃ១៣ឧសភា គេបានរកឃើញអ្នកវិជ្ជមានកូវីដ-១៩ចំនួន៣៥៨នាក់ ដែលក្នុងនោះអ្នកដំណើរមកពីបរទេសមានចំនួន៨នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ១៣ឧសភា មានអ្នកជាសះស្បើយពីជំងឺកូវីដ-១៩ ចំនួន៣៤៨នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី១៤ឧសភាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន ២ម៉ឺន១ពាន់៤៩៩នាក់ ក្នុងនោះបានព្យាបាលជាសះស្បើយចំនួន៩ពាន់៨៦៧នាក់ និងនៅសល់ ចំនួន១ម៉ឺន១ពាន់៦៣២នាក់ កំពុងសម្រាកព្យាបាល។ ជាមួយគ្នានោះ ក្រសួងសុខាភិបាលបាននៅថ្ងៃនេះ មានអ្នកស្លាប់ចំនួនថ្មីចំនួន៥នាក់ ដែលនាំឲ្យ កម្ពុជាមានអ្នកស្លាប់ដោយសារជំងឺកូវីដ-១៩ចំនួន១៤៧នាក់ហើយ។

ភ្នំពេញ៖ យោងតាមទំព័រហ្វេសប៊ុកផ្លូវការនៅព្រឹកថ្ងៃទី១៤ ខែឧសភា ឆ្នាំ២០២១ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងថា ថ្ងៃនេះ យើងរកឃើញអ្នកចាក់វ៉ាក់សាំងទី២លាន ដែលនឹងទទួលបានរង្វាន់លើកទឹកចិត្តនូវទឹកប្រាក់ចំនួន១០លានរៀលទៀត ។ សម្ដេចតេជោ នាយករដ្ឋមន្ត្រី បានសរសេរលើទំព័រហ្វេសប៊ុកផ្លូវដូច្នេះថា បន្ទាប់ពីការចាប់ផ្តើមចាក់វ៉ាក់សាំងថ្ងៃ១០ ខែកុម្ភៈ ឆ្នាំ២០២១ ដែលម្ជុលទី១ បានទៅ ហ៊ុន ម៉ាណែត។ ថ្ងៃ១១ ខែ មេសា ២០២១ យើងបានរកឃើញមនុស្សទី១លាន ដែលបានចាក់វ៉ាក់សាំង ដែលបានទៅក្មួយ ប៉ាន់ សុវណ្ណរិទ្ធិ ដែលទទួលបានរង្វាន់១០លានរៀលផងដែរ។ ថ្ងៃទី១៤ ខែឧសភា ឆ្នាំ២០២១ យើងរកឃើញមនុស្សទី២លាន ដែលបានទៅក្មួយស្រី ទិត ចិន្តា អាយុ ២៣ឆ្នាំ ជាកម្មការរិនីរោងចក្រដែលនឹងទទួលបានរង្វាន់លើកទឹកចិត្តចំនួនទឹកប្រាក់១០លានរៀលទៀត។ សូមក្មួយស្រី ទិត ចិតា្តទទួលយករង្វាន់ពី លោកជំទាវ ឱ វណ្ណឌីន ប្រធានគណៈកម្មការចំពោះកិច្ចលើការចាក់វ៉ាក់សាំង។ សម្ដេចបន្តថា ក្នុងយុទ្ធសាស្ត្រពន្លត់ភ្លើង ល្អជាងអង្គុយបក់ផ្សែង យើងគ្មានជម្រើសណាអោយល្អជាងការខិតខំស្វែងរកវ៉ាក់សាំង ចាក់ជូនប្រជាជនយើងនោះទេ។…

ភ្នំពេញ៖ តំណាង ឯកឧត្តម ស សុខា រដ្ឋលេខាធិការ ក្រសួងអប់រំ យុវជន និងកីឡា និង លោកជំទាវ កែ សួនសុភី ដឹកនាំដោយលោក សែម គន្ធា និងលោក គង់ កៃដូ និងក្រុមការងារ បាននាំយកគ្រឿងបរិភោគជាចាំបាច់មួយចំនួនរបស់ ឯកឧត្តម ស សុខា និង លោកជំទាវ ប្រគល់ជូនដល់ក្រុមគ្រួសារបងប្អូនបុគ្គលិកផ្នែកអនាមយ័បម្រើការងារនៅពហុកីឡដ្ឋានជាតិអូឡាំពិក ចំនួន ១៧គ្រួសារ នៅព្រឹកថ្ងៃសុក្រ ទី១៤ ខែឧសភា ឆ្នាំ២០២១ ។ លោក សែម គន្ធា និងលោក គង់ កៃដូ បាននាំមកនូវការផ្តាំផ្ញើសួរសុខទុក្ខពីឯកឧត្តម ស សុខា និងលោកជំទាវ ជូនបងប្អូនដោយក្តីនឹករលឹក ព្រមទាំងការគិតគូរយ៉ាងយកចិត្តទុកដាក់ខ្ពស់អំពីសុខទុក្ខ សុខុមាលភាព និងសុវត្ថិភាពរបស់បងប្អូន ។ ក្នុងឱកាសនេះដែរ លោក សែម គន្ធា និងលោក គង់…