ភ្នំពេញ៖ មេរោគឆ្លងកូវីដ-១៩ ត្រូវបានរកឃើញនៅកម្លាំងនគរបាលជាតិកងអន្តរាគមន៍ប្រមាណជាង ៨០ នាក់ ។ ក្រុមកម្លាំងអន្តរាគមន៍ទាំងនេះ ជាក្រុមប្រចាំការ នៅទីតាំងសំបូរប្រជាពលរដ្ឋឆ្លងជំងឺកូវីដ-១៩។នេះបើយោងតាមប្រសាសន៍របស់ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ​។ ឯកឧត្តម ឧត្តមសេនីយ៍ឯក ឆាយ គឹមខឿន បានថ្លែងប្រាប់ នៅរសៀលថ្ងៃទី ១០ ឧសភានេះថា កងកម្លាំងនគរបាលជាតិកងអន្តរាគមន៍ពិតជាបានឆ្លងជំងឺកូវីដ-១៩ ពិតប្រាដកមែន។ ហើយកងកម្លាំងទាំងអស់នោះ ជាក្រុមការងារប្រចាំការនៅក្នុងតំបន់ក្រហមចំណុចច្រមុះជ្រូកស្ទឹងមានជ័យ រាជធានីភ្នំពេញ។ ចំពោះប្រភពចម្លងវិញ ឯកឧត្តម ឧត្តមសេនីយ៍ឯក ឆាយ គឹមខឿន មិនទាន់បានដឹងនោះទេ។ ឯកឧត្តម ឧត្តមសេនីយ៍ឯក ឆាយ គឹមខឿន ថ្លែងថា “ឆ្លង៤៤នាក់ បូកសរុបជាមួយ ​​និងនគរបាលអន្តរាគមន៍​ទាំងអស់ទៅ​ប្រហែលជាជាង ៨០នាក់កន្លងទៅ”។ ឯកឧត្តម កើត ឆែ អភិបាលរងរាជធានីភ្នំពេញ ក្នុងសន្និសីទសារព័ត៌មាន នៅព្រឹកថ្ងៃទី០៦ ខែឧសភា ធ្លាប់បានអះអាងថា កងកម្លាំងប្រដាប់អាវុធ និងមន្ដ្រីមូលដ្ឋានមួយចំនួន បានឆ្លងជំងឺកូវីដ១៩ ពេលចុះចែកអំណោយជូនប្រជាពលរដ្ឋដែលរស់នៅតំបន់ក្រហម ក្នុងរាជធានីភ្នំពេញ។ ឯកឧត្តម កើត…

ភ្នំពេញ៖ ឯកឧត្តម នួន ផារ័ត្ន អភិបាលរងរាជធានីភ្នំពេញ នៅថ្ងៃ ទី៩និង ១០ ឧសភា ឆ្នាំ២០២០នេះ បានចុះដោះស្រាយបញ្ហា និងសម្របសម្រួលជូនបងប្អូនប្រជាពលរដ្ឋ ដែលកំពុងរស់នៅបន្ទប់ជួលអំពីការបញ្ចុះថ្លៃឈ្នួលផ្ទះ នៅក្នុងតំបន់ក្រហមមួយចំនួន ក្នុងរាជធានីភ្នំពេញ។ ឯកឧត្តម នួន ផារ័ត្ន បានមានប្រសាសន៍ថាមធ្យោបាយ នៅក្នុងការសម្រេចបាននូវគោលដៅយុទ្ធសាស្រ្តរបស់យើង ពេលខ្លះមិនសំខាន់យុទ្ធវិធីអ្វីទេ សំខាន់គឺលទ្ធផលចុងក្រោយ។ ទន្ទឹមនឹងនេះ ឯ.ឧ សូមអំពាវនាវដល់ម្ចាស់ផ្ទះជួលទាំងអស់ សូមយកចិត្តទុកដាក់គោរពតាមការអំពាវនាវរបស់ សម្តេចតេជោ នាយករដ្ឋមន្រ្តី ដែលស្នើសុំឲ្យមាន ការយោគយល់ដល់ការលំបាករបស់កម្មករ-កម្មការិនីរបស់យើង ក្នុងពេលវេលាមួយដែលយើងសុទ្ធតែជួបការលំបាក និងសូមផ្អាកជាបណ្តោះអាសន្ននូវ ការយក ប្រាក់ឈ្នួលពីកម្មករ-កម្មការិនី ក្នុងពេលដែលកម្មករ-កម្មការិនី មិនទាន់បានបើកប្រាក់ឈ្នួលពីថៅកែនៅឡើយ ឬ អាចធ្វើការបញ្ចុះថ្លៃឈ្នូលផ្ទះ នៅក្នុងចំនួនតិច ឬចំនួនច្រើន តាមលទ្ធភាពដែលអាចធ្វើទៅបាន ឬ ប្រសិនបើអាចលើកលែងទៅបានក្នុង ១ខែ ២ខែ ឬ ៣ខែ ក៏សូមធ្វើការលើកលែង ដើម្បីចូលរួមចំណែកនូវការលំបាកនេះ ជាមួយ កម្មករ-កម្មការិនីរបស់យើងដែលកំពុងជួបការលំបាកនៅក្នុងតំបន់បិទខ្ទប់ តំបន់ក្រហម ហើយនៅក្នុងតំបន់ផ្សេងទៀត ដែលគាត់មិនទាន់ទទួលបៀវត្សរបស់គាត់នៅឡើយ ។…