យោងតាមសេចក្ដីជូនដំណឹងរបស់រដ្ឋបាលខេត្តកំពង់ចាមនៅថ្ងៃទី១០ឧសភានេះ បានឲ្យដឹងថា លទ្ធផលតេស្តរហ័សកូវីដ-១៩នៅថ្ងៃទី៩ឧសភាឆ្នាំ២០២១ មានវិជ្ជមានកូវីដ_១៩ ចំនួន ១១នាក់ ក្នុងនោះនៅស្រុកស្រីសន្ធរ២នាក់, ស្រុកកងមាស២នាក់ និងស្រុកបាធាយ៧នាក់។ ជាមួយគ្នានោះ លទ្ធផលបញ្ចាក់ពីវិទ្យាស្ថានសុខភាពសាធារណៈ ចំនួន៥នាក់ ទៀត គឺនៅស្រុកចំការលើ៤នាក់ និងស្រុកកំពង់សៀម១នាក់ សរុបចំនួន១៦នាក់។ ជាមួយគ្នានោះ រដ្ឋបាលខេត្តកំពង់ចាមក៏បានប្រកាសថា ករណីជាសះស្បើយ ចំនួន៩នាក់ ។ អាជ្ញាធរខេត្តកំពង់ចាមអំពាវនាវឲ្យអ្នកដែលពាក់ពន្ធ័ជាមួយអ្នកជំងឺកូវីដ-១៩ទាំង១៦នាក់នោះ ត្រូវប្រញាប់ធ្វើចត្តាឡីស័ក និងទៅយកសំណាកនៅមន្ទីរពេទ្យបង្អែកដែលនោជិតបមផុត ឬជូនដំណឹងទៅអាជ្ញាធរមូលដ្ឋានជាបន្ទាន់។

សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេង សំរិន បានអញ្ជើញចាក់វ៉ាក់សំាងការពារជំងឺកូវីដ-១៩ (AstraZeneca) ដូសទី២ នៅវិមានរដ្ឋសភា នាព្រឹកថ្ងៃទី១០ ខែឧសភា ឆ្នាំ២០២១។ សម្តេចប្រធានរដ្ឋសភា បានថ្លែងអំណរគុណយ៉ាងជ្រាលជ្រៅដល់រាជរដ្ឋាភិបាលដែលបានខិតខំកៀរគរគ្រប់មធ្យោបាយដើម្បីទទួលបានវ៉ាក់សំាងមកចាក់ជូនប្រជាពលរដ្ឋ ដែលតាមគម្រោងឱ្យបានប្រមាណ១០លាននាក់ ដើម្បីបង្កើតភាពស៊ាំនៅក្នុងសហគមន៍ ឈានទៅគ្រប់គ្រងបានលើវីរុសកូវីដ-១៩ ដើម្បីស្តារសេដ្ឋកិច្ចនិងសង្គមជាតិ ចេញពីវិបត្តិជាសកលនេះក្នុងពេលឆាប់ៗខាងមុខនេះ។ ឆ្លៀតឱកាសនោះ សម្តេចអគ្គមហាពញាចក្រី ហេង សំរិន បានថ្លែងអំណរគុណផងដែរ ដល់បណ្តាប្រទេសជាមិត្ត ពិសេសសាធារណរដ្ឋប្រមានិតចិន និងដៃគូរអភិវឌ្ឍន៍ជាច្រើនទៀតដូចជាអង្គការសុខភាពពិភពលោកជាដើម ដែលមានជួយឧបត្ថម្ភវ៉ាក់សំាងនិងជំនួយបច្ចេកទេស សម្ភារៈវិទ្យាសាស្រ្តជាច្រើនដល់កម្ពុជានៅក្នុងការប្រយុទ្ធប្រឆំាងជំងឺកូវីដ-១៩ នាពេលកន្លងមក។ សម្តេចបានអំពាវនាវនិងលើកទឹកចិត្តដល់ប្រជាពលរដ្ឋ សូមអញ្ជើញទៅទទួលវ៉ាក់សំាងដោយឥតគិតថ្លៃនៅតាមមូលដ្ឋានរបស់ខ្លួន ដើម្បីកាពារអាយុជីវិតរបស់ខ្លួន ក្រុមគ្រួសារ និងសហគមន៍របស់ខ្លួន។ ជាមួយគ្នានេះសម្តេចបានអំពាវនាវដល់ប្រជាពលរដ្ឋបន្តអនុវត្តវិធានការអនាម័យ “៣ការពារ ៣កុំ” ឱ្យបានខ្ជាប់ខ្ជួនគ្រប់ៗគ្នា ទោះជាបានទទួលវ៉ាក់សំាងការពារហើយក្តី។ សម្តេចប្រធានរដ្ឋសភាបានគូសបញ្ជាក់ថា ជំងឺកូវីដ-១៩នៅតែបន្តគំរាមកំហែងពិភពលោកក៏ដូចជាកម្ពុជា ក្នុងស្ថានភាពខ្លំាងក្លានៅឡើយ។ ដូច្នេះដើម្បីការពារទប់ស្កាត់ជំងឺនេះកុំឱ្យឆ្លងរាលដាលកាន់តែខ្លំាងឡើង កត្តាសំខាន់បំផុតគឺការចូលរួមនិងការបេ្តជ្ញាចិត្តពីបុគ្គលម្នាក់ៗ ទើបសង្គមជាតិអាចគេចផុតពីជំងឺរាតត្បាតនេះបាន។ សូមជម្រាបថា អគ្គលេខាធិការដ្ឋានរដ្ឋសភា សហការជាមួយក្រសួងសុខាភិបាល និងមន្ទីរពេទ្យកាល់ម៉ែត បានរៀបចំកម្មវិធីចាក់វ៉ាក់សាំងប្រភេទ…

យោងតាមរដ្ឋបាលខេត្តព្រៃវែងនៅថ្ងៃ១០ឧសភានេះ បានឲ្យដឹងថា មានអ្នកដំណើរកើតជំងឺកូវីដ-១៩ ម្នាក់ បានចូលទៅទទួលទានបាយក្នុងហាងយីហោ សុធី លក់បាយ ក្បែររង្វង់មូលស្វាយអន្ទរ ក្នុងស្រុកស្វាយអន្ទរ ខេត្តព្រៃវែង នៅថ្ងៃទី៦ និងទី៧ឧសភាឆ្នាំ២០២១។ អាជ្ញាធរស្រុកស្វាយអន្ទរ បានអំពាវនាវឲ្យប្រជាពលរដ្ឋទាំងអស់ដែលបានចូលទទួលទានបាយក្នុងហាង សុធី លក់បាយ ក្បែររង្វល់មូលស្វាយអន្ទរ កាលពីថ្ងៃទី៦ និងទី៧ ខែឧសភា ឆ្នាំ២០២១ កន្លងទៅ ត្រូវទៅពិគ្រោះយោបល់ជាមួយគ្រូពេទ្យ ដើម្បីយកសំណាកទៅពិនិត្យរកមេរោគកូវីដ-១៩ ។

រយៈពេល៩ថ្ងៃនៃយុទ្ធនាការចាក់វ៉ាក់សាំងជូនប្រជាពលរដ្ឋនៅតំបន់ក្រហម ដែលជាតំបន់ប្រឈមនឹងការរីករាលដាលជំងឺកូវីដ-១៩ ក្នុងរាជធានីភ្នំពេញ ចាប់ពីថ្ងៃទី១ដល់ថ្ងៃទី៩ឧសភាឆ្នាំ២០២១ ក្រុមការងារចាក់វ៉ាក់សាំងរបស់ក្រសួងការពារជាតិ បានចាក់ជូនប្រជាពលរដ្ឋបានជិត៤០ម៉ឺននាក់ហើយ។ តាមរបាយការណ៍បានបង្ហាញថា នៅថ្ងៃទី៩ឧសភា ក្រុមការងារចាក់បាន៤ម៉ឺន៨ពាន់៨០នាក់ សរុបរយៈពេល៩ថ្ងៃចាក់បានចំនួន ៣៩ម៉ឺន៩ពាន់៦១៧នាក់។ របាយការណ៍បានបង្ហាញថា ក្នុងចំណោមអ្នកចាក់ទាំងជិត៤០ម៉ឺននាក់នោះ មានចំនួន៦ខណ្ឌដែលជាតំបន់ក្រហម រួមមាន ណ្ឌមានជ័យ ចាក់បាន ៨ម៉ឺន៥ពាន់១១៧នាក់, ខណ្ឌដង្កោ ចាក់បាន ១០ម៉ឺន៩០៥នាក់, ខណ្ឌកំបូល ចាក់បាន ៧ម៉ឺន៨២៨នាក់, ខណ្ឌពោធិ៍សែនជ័យ ចាក់បាន ១៣ម៉ឺន២ពាន់៦៨០នាក់, ខណ្ឌឫស្សីកែវ ចាក់បាន ៨ពាន់៩១៩នាក់ និងខណ្ឌទួលគោក ចាក់បាន ១ពាន់១៦៨។ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ និងជាប្រធានក្រុមការងារចាក់វ៉ាក់សាំងនៅតំបន់ក្រហម ដែលបានចុះពិនិត្យជាប់ប្រចាំនូវដំណើរការចាក់វ៉ាក់សាំង បានកត់សម្គាល់ឃើញថា ដំណើរការចាក់វ៉ាក់សាំងនៅតំបន់ក្រហម បើទោះបីមានការលំបាក និងស្មុគស្មាញបន្តិច ព្រោះស្ថានភាពនៃការរីករាលដាលជំងឺកូវីដ-១៩នោះ តែដំណើរការរក្សាបានភាពល្អប្រសើរ ហើយដំណើរការចាក់ក៏បានលឿនទៅតាមផែនការ។ សូមបញ្ជាក់ថា ចាប់តាំងពីថ្ងៃទី១ឧសភាមក រាជរដ្ឋាភិបាលកម្ពុជា បានចាប់ផ្តើមយុទ្ធនាការចាក់វ៉ាក់សាំងជូនប្រជាពលរដ្ឋនៅតំបន់ក្រហម ក្នុងខណ្ឌចំនួន៦រួមមាន ខណ្ឌមានជ័យ ខណ្ឌដង្កោក…

រាជធានីភ្នំពេញ៖គិតមកត្រឹមនៅថ្ងៃទី៩ ខែឧសភាឆ្នាំ ២០២១នេះកងពលតូចលេខ៧០ បានចាក់វ៉ាក់សាំងការពារជំងឺកូវីត-១៩ (SINOPHARM) ដូសទី១ ជូនប្រជាពលរដ្ឋទាំង៦ទីតាំង សរុប ៩.៥៨២នាក់ (ស្រី៥.២៦៤នាក់ និងប្រុសចំនួន ៤.៣១៨នាក់)។ គួរបញ្ជាក់ថាការចាក់វាំងសាំងបង្ការជំងឺកូវីដ-១៩ ដែលស្ថិតក្នុងខណ្ឌពោធិ៍សែនជ័យ និងខណ្ឌមានជ័យ។ចំពោះ ទីតាំងចាក់វ៉ាក់សាំងការពារជំងឺកូវីដ-១៩ (SINOPHARM) ដូសទី១ ជូនប្រជាពលរដ្ឋទាំង ០៦ទីតាំងនេះ មានដូចជា៖ -ទី១) សង្កាត់ស្ទឹងមានជ័យ១ (សាលាបឋមសិក្សាសឡា)-ទី២) សង្កាត់ស្ទឹងមានជ័យ២ (សាលាបឋមសិក្សាស្ទឹងមានជ័យ)-ទី៣) សង្កាត់ស្ទឹងមានជ័យ៣ (បុរី លឹម ឈាងហាក់)-ទី៤) សង្កាត់ចោមចៅ១ (សួនកាណាឌីយ៉ា ផ្លូវវេងស្រេង) ទី៥) សង្កាត់ចោមចៅ២ (សាលាបឋមសិក្សាគោកបញ្ជាន់) ទី៦) សង្កាត់ចោមចៅ៣ (ផ្សារ លន ស៊ីធី ចោមចៅ)៕