-
កូវីដ៖ ថៃប្រាប់ពីពេលវេលាការមកដល់វ៉ាក់សាំងអាមេរិក ១០ទៅ២០លានដូស ឆ្នាំនេះ
រដ្ឋមន្ត្រីសុខាភិបាលនៃប្រទេសថៃបានបញ្ជាក់ កាលពីថ្ងៃទី០៧ ខែមេសា ឆ្នាំ២០២១ថា ប្រទេសថៃ នឹងទទួលបានវ៉ាក់សាំង Pfizer ចំនួន ១០ ទៅ ២០ លានដូស នៅក្នុងត្រីមាសទី៣ ឬទី៤ នៃឆ្នាំ២០២១ ដោយក្រុមអាមេរិកអះអាងផ្លូវការហើយ។ លោក Anutin Charnvirankul រដ្ឋមន្ត្រីសុខាភិបាលថៃ បានសរសេរបែបនេះថា៖ ” Pfizer កំពុងមកហើយ… យើងរំពឹងថានឹងទទួលបាន ១០-២០ លានដូស “។ គិតមកទល់ពេលនេះ ប្រទេសថៃ ទទួលបានវ៉ាក់សាំង២ប្រភេទ របស់អង់គ្លេស និនចិន ហើយចិនបានទទួលច្រើនជាងគេ គឺចំនួន ៣,៥ លានដូស ពីក្រុមហ៊ុន Sinovac Biotech ហើយនឹងទទួលបាន ២,៥ លានដូសទៀត នៅក្នុងខែឧសភានេះ៕
-
អង្គការសុខភាពពិភពលោកឲ្យប្រើវ៉ាក់សាំងចិន បន្ទាន់ហើយ
-
ស.ស.យ.ក ខណ្ឌទាំង១៤ បន្តចូលរួមសម្របសម្រួលការងារចាក់វ៉ាក់សាំងជូនប្រជាពលរដ្ឋទូទាំងរាជធានីភ្នំពេញ
ភ្នំពេញ ៖ សហភាពសហព័ន្ធយុវជនកម្ពុជា ខណ្ឌទាំង១៤ បាននឹងកំពុងបន្តចូលរួមសម្របសម្រួលការងារចាក់វ៉ាក់សាំងជូនប្រជាពលរដ្ឋទូទាំងរាជធានីភ្នំពេញ នាថ្ងៃទី៧ ខែឧសភា ឆ្នាំ២០២១ ។ ក្រុមគ្រួសារ ស.ស.យ. ក ទាំងអស់ ប្តេជ្ញា បន្តរក្សាគោល ជំហរ និងឆន្ទះ ដ៏ មុះមុត ក្នុងការ ចូល រួម គ្រប់ សកម្មភាព ជាពិេសសរួមគ្នាជាធ្លុងមួយក្នុងបេសកកម្មនាំនាវាកម្ពុជាឆ្ពោះទៅការបិទបញ្ចប់នៃការរីករាលដាលនៃជំងឺកូវីដ-១៩ ក្នុង ស្មារតី ខ្មែរ តែមួយ អនាគត តែមួយ ដេីម្បី បុព្វហេតុ ជាតិ មាតុ ភូមិ និង ប្រជាជន ។ សូមប្រជាពលរដ្ធទាំងអស់នាំគ្នាអត់ធ្មត់នៅក្នុងដំណាក់កាលនេះ និងចូលរួមក្នុងការអនុវត្តនូវវិធានការរបស់ប្រមុខរាជរដ្ឋាភិបាល និងក្រសួងសុខាភិបាល ៣ការពារ ៣កុំ ដើម្បីបញ្ចប់នូវព្រឹត្តិការណ៍សហគមន៍២០កុម្ភៈ ៕ដោយ / គ្រី សម្បត្តិ
-
ឯកឧត្តម ខៀវ កាញារីទ្ធ អញ្ជើញពិនិត្យមើលទីតាំងរៀបចំធ្វើកន្លែង ចត្តាឡីស័ក និង ប្រគេនអង្ករ បច្ច័យ ដល់វត្តទាំង ២៧ និងជូនដល់ឃុំ ទាំង ៨ ក្នុងស្រុកកោះសូទិន ខេត្តកំពង់ចាម
ក្នុងឱកាសអញ្ជើញចុះបំពេញបេសកកម្មការងារ នៅខេត្តកំពង់ចាម នាព្រឹកថ្ងៃទី៧ ខែ ឧសភា ឆ្នាំ២០២១ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន រួមជាមួយ ឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការ អគ្គនាយកទាំង ៥ ចំណុះអោយក្រសួង ព័ត៌មាន បានអញ្ជើញទៅពិនិត្យមើលទីតាំង ត្រៀមធ្វើជាមណ្ឌលចត្តាឡីស័ក មួយកន្លែង ស្ថិត នៅ ក្នុងសាលាពុទ្ធិកសិក្សា វត្តដំណាក់ព្រីង ឃុំមហាលាភ ស្រុកកោះសូទិន ខេត្តកំពង់ចាម ដែលបានរៀបចំហើយរួចរាល់ក្រោមការចំណាយថវិកា ពី ឯឧត្តម រដ្ឋមន្រ្តី ខៀវ កាញារីទ្ធ ។ តាមការបញ្ជាក់របស់អាជ្ញាធរដែនដី ស្រុកកោះសូទិន បានអោយដឹងថា ដោយពិនិត្យ ឃើញពីមានការឆ្លងរីករាលដាលនៃជំងឺកូវីដ-១៩ កាន់តែច្រើននៅតាមបណ្តាខេត្ត និង រាជ ធានី ជាបន្តបន្ទាប់មកនេះ អាជ្ញាធរដែនដីស្រុក បានលើកគម្រោងរៀបចំទីតាំង ចត្តាឡីស័ក មួយកន្លែង ក្នុងសាលាពុទ្ធិកសិក្សា វត្ត ដំណាក់ព្រីង ឃុំមហាលាភ…
-
ក្រសួងទេសចរណ៍រៀបចំកិច្ចប្រជុំតាមប្រព័ន្ធអនឡាញ ដើម្បីបែងចែកភារកិច្ចជូនថ្នាក់ដឹកនាំក្រសួង និងផ្សព្វផ្សាយការអនុវត្តផែនការសកម្មភាពសម្រាប់ឆ្នាំ២០២១
ភ្នំពេញ៖ ក្រសួងទេសចរណ៍រៀបចំកិច្ចប្រជុំតាមប្រព័ន្ធអនឡាញ (Zoom Meeting) ក្រោមអធិបតីភាពឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ ដើម្បីបែងចែកភារកិច្ច និងផ្សព្វផ្សាយការអនុវត្តផែនការសកម្មភាពសម្រាប់ឆ្នាំ២០២១ ស្ដីពីការអនុវត្តផែនទីចង្អុលផ្លូវការស្ដារ និងលើកស្ទួយវិស័យទេសចរណ៍ ក្នុង និងក្រោយវិបត្តកូវីដ-១៩ ដោយមានការចូលរួមពីផ្នែកឯកជនក្នុងវិស័យទេសចរណ៍។ ផែនទីចង្អុលផ្លូវការស្ដារ និងលើកស្ទួយវិស័យទេសចរណ៍ ក្នុង និងក្រោយវិបត្តកូវីដ-១៩ សម្រាប់ឆ្នាំ២០២១នេះ គឺជាផ្នែកសំខាន់ក្នុងដំណាក់កាលទី១ ដើម្បីគ្រប់គ្រងវិបត្តិក្នុងដំណាក់កាលទម្លាប់ថ្មី (New Normal) សំដៅធានាលើ៖ ភាពធន់ (Resilience & Restart), ការងើបឡើងវិញ (Recovery) និងការដំណើរការឡើងវិញ (Relaunch) នៃវិស័យទេសចរណ៍កម្ពុជា។ សូមបញ្ជាក់ផងដែរថា ផែនការសកម្មភាពសម្រាប់ឆ្នាំ២០២១ ស្ដីពីការអនុវត្តផែនទីចង្អុលផ្លូវការស្ដារ និងលើកស្ទួយវិស័យទេសចរណ៍ ក្នុង និងក្រោយវិបត្តកូវីដ-១៩ ផ្ដោតលើគោលដៅយុទ្ធសាស្ត្រ ០៣គឺ៖ ១. ជំនួយផ្នែកសេដ្ឋកិច្ចចំពោះវិស័យឯកជន និងការងារ២. ជំរុញទេសចរណ៍ក្នុងស្រុក និងត្រៀមទទួលភ្ញៀវទេសចរអន្តរជាតិ “ទេសចរពិសេសស្ថិតក្រោមការគ្រប់គ្រង”៣. រៀបចំយន្តការអភិបាលកិច្ចទេសចរណ៍ឡើងវិញ ដោយដាក់ចេញសកម្មភាពយុទ្ធសាស្ត្រចំនួន ២៣ និងសកម្មភាពយុទ្ធសាស្ត្រលម្អិតចំនួន ១០៥សកម្មភាព។ កិច្ចការដែលបានអនុវត្តក្នុងផែនការសកម្មភាពសម្រាប់ឆ្នាំ២០២១ គឺជាមូលដ្ឋានគ្រឹះសម្រាប់គាំទ្រដល់ការអភិវឌ្ឍទេសចរណ៍ឆ្នាំ២០២២-២០២៣។
-
ឧត្តមសេនីយ៍ឯក រ័ត្ន ស្រ៊ាង ផ្តល់ទូរ កាំរស្មីពណ៌ស្វាយ អ៊ុលត្រាវីយូលែត (UV) សម្លាប់មេរោគ ព្រមទាំងផ្លែត្រឡាច និងផ្លែល្ពៅ ដល់បណ្តាមូលដ្ឋានអាវុធហត្ថខណ្ឌទាំង១៤!
ភ្នំពេញ ៖ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ នាព្រឹក ថ្ងៃទី០៧ ខែឧសភា ឆ្នាំ២០២១ នៅបញ្ជាការដ្ឋានកងរាជអាវុធហត្ថរាជធានីភ្នំពេញបានចាត់ឲ្យក្រុម ការងារ ប្រគល់ទូរកាំរស្មីពណ៌ស្វាយ អ៊ុលត្រាវីយូលែត (UV) សម្លាប់មេរោគ ដល់បណ្តាមូលដ្ឋានអាវុធហត្ថ ខណ្ឌទាំង១៤ ដើម្បីយកទៅប្រើប្រាស់បន្ថែមពីលើការប្រើប្រាស់ទឹកថ្នាំនិងអាល់កុលសម្លាប់មេរោគ លើសម្ភារៈ បរិក្ខា ឯកសារ ឬ គ្រឿងឧបភោគបរិភោគ ម្ហូបម្ហារ បន្លែត្រីសាច់ មុននាំចូលក្នុងអង្គភាពនីមួយៗ ដើម្បីឲ្យរឹតតែសុវត្ថិភាព។ ព្រមជាមួយគ្នានោះ ផងដែរ លោកឧត្តមសេនីយ៍ឯក រ័ត្ន ស្រ៊ាង បានរំលែក ផ្លែត្រឡាច និងផ្លែល្ពៅ ដែលជាអំណោយ របស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ផ្តល់តាមរយៈក្រុមការងារ មកកងរាជអាវុធហត្ថរាជធានីភ្នំពេញ បន្តទៅឲ្យមូលដ្ឋានកងរាជ អាវុធហត្ថខណ្ឌទាំង១៤ យកទៅច្នៃជាម្ហូបម្ហារ បន្ថែម ដល់នាយទាហាន នាយទានហានរង និងពលទាហាន ក្រោមឱវាទរៀងៗខ្លួន៕…
-
រដ្ឋបាលខេត្តបាត់ដំបង បានចេញសេចក្តីប្រកាសព័ត៌មាន និងជូនដំណឹង ៖ ពីការររកឃើញករណីវិជ្ជមាន កូវីដ-19 ចំនួន៤ករណី
រដ្ឋបាលខេត្តបាត់ដំបង បានចេញសេចក្តីប្រកាសព័ត៌មាន និងជូនដំណឹង ៖ ពីការររកឃើញករណីវិជ្ជមាន កូវីដ-19 ចំនួន៤ករណី គឺជាស្ត្រីម្នាក់ដែលត្រូវជាម្តាយនិងជីដូនដែលបានវិលត្រឡប់ពីព្យាបាលជម្ងឺនៅរាជធានីភ្នំពេញ ជាមួយកូន និង ចៅ០២នាក់ ដែលមានទីលំនៅភូមិតាហែន ឃុំត្រាង ស្រុកកំរៀង ខេត្តបាត់ដំបង ក្រោយពីយកវត្ថុសំណាកនិងធ្វើតេស្តនៅមណ្ឌលសុខភាពត្រាង កាលពីថ្ងៃទី០៦ខែឧសភាឆ្នាំ២០២១នៅព្រឹកថ្ងៃទី០៧ខែឧសភានេះ បានរកឃើញ ករណីវិជ្ជមានចំនួន០៤នាក់។ស្ត្រីខាងលើនេះនិងកូនចៅ ត្រូវបានបញ្ជូនមកសំរាកព្យាបាលនៅមន្ទីរពេទ្យបង្អែកខេត្ត(ពេទ្យធំ)ខេត្តបាត់ដំបងរួចហើយ។គិតត្រឹមថ្ងៃទី០៦ខែឧសភានេះមន្ទីរពេទ្យបង្អែកខេត្តបាត់ដំបង បាននិងកំពុងព្យាបាលអ្នកជំងឺកូវីដ-19 ដែលកំពុងសម្រាកព្យាបាលជំងឺក្នុងមន្ទីរពេទ្យ សរុបមាន ចំនួន ១២នាក់ហើយ។ សូមបញ្ជាក់ផងដែរថា៖ តាំងពីចាប់ផ្តើមមានករណីផ្ទុះជម្ងឺកូវីដ-19 មន្ទីរពេទ្យបង្អែកខេត្តបាត់ដំបង បានព្យាបាលអ្នកជម្ងឺកូវីដ-19 សរុបចំនួន៤០នាក់។ ក្នុងនោះ បានព្យាបាលជាសះស្បើយចំនួន២៨នាក់និងកំពុងសម្រាកព្យាបាលចំនួន១២នាក់៕
-
ស.ស.យ.ក រាជធានីភ្នំពេញ ប្រមូលទិញកសិផលប្រជាពលរដ្ធយ៉ាងច្រើន សម្រាប់ផ្គត់ផ្គង់កងកម្លាំងតាមគោលដៅសំខាន់ៗ
ស.ស.យ.ក រាជធានីភ្នំពេញ បានប្រមូលទិញបន្ថែមនូវទិន្នផលពីបងប្អូនប្រជាកសិករ មានដូចជាផ្លែល្ពៅ ចំនួន ៥តោន (សរុប ៨តោន) និង ផ្លែត្រឡាច ចំនួន ៤,៥តោន ។ ក្នុងរយ:ពេលប៉ុន្មានថ្ងៃនេះ ស.ស.យ.ក រាជធានីភ្នំពេញ បានកំពុងធ្វេីការចែកចាយទៅតាមគោលដៅសំខាន់ៗមួយចំនួនដែលមានតម្រូវការ ។ នេះគឺជាសិល្ប:នៃការចែករំលែកដ៏សំខាន់ ក្នុងស្ថានភាពដែលប្រទេសកំពុងជួបការលំបាកដោយការរីករាលដាលនៃជំងឺ Covid-19 មួយផ្នែក គឺសម្រួលការលំបាកដែលបងប្អូនប្រជាកសិករ និងមួយផ្នែកទៀតគឺបងប្អូនដែលមានជីវភាពខ្វះខាត ហេីយមានតម្រូវការស្បៀង។ ទាំងអស់គ្នាដេីម្បីមាតុភូមិកម្ពុជា
-
រដ្ឋបាលខណ្ឌចំការមន បន្តចែកអំណោយសម្តេចតេជោ និងសម្តេចកិត្តិព្រឹទ្ធបណ្ឌិត ជូនដល់គ្រួសារដែលមានជីវភាពខ្វះខាត
ភ្នំពេញ៖ នៅថ្ងៃសុក្រ ទី០៧ ខែឧសភា ឆ្នាំ២០២១ រដ្ឋបាលខណ្ឌចំការមន ដឹកនាំដោយលោក ថេង សុថុល អភិបាលខណ្ឌ បានបន្តចុះចែកអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តាមរយៈឯកឧត្តមអភិបាលរាជធានីភ្នំពេញ ជូនដល់បងប្អូនកម្មករសំណង់ដែលកំពុងធ្វើចត្តាឡីស័ក ចំនួន ១៦០នាក់ នៅរោងស្នាក់នៅកម្មករ ក្នុងទីក្រុងកោះពេជ្រ ភូមិ១៤ សង្កាត់ទន្លេបាសាក់ ហើយអំណោយដែលចែកជូនក្នុង០១នាក់ទទួលបាន៖ អង្ករ, មី, ត្រីខ, ទឹកត្រី, ទឹកស៊ីអ៉ីវ។ នៅរសៀលថ្ងៃនេះដដែល លោក កែវ សំណាង និងលោក ប៊ុន សុភ័ក្ត្រ អភិបាលរងខណ្ឌ តំណាងលោក ថេង សុថុល អភិបាលខណ្ឌ បានបន្តចុះចែកអំណោយជូនប្រជាពលរដ្ឋដែលមានជីវភាពខ្វះខាត ចំនួន ០២សង្កាត់បន្ថែមទៀត រួមមាន៖ សង្កាត់ទួលទំពូងទី២ ចំនួន ៨៧គ្រួសារ និងសង្កាត់ផ្សារដើមថ្កូវ ចំនួន…
-
អភិបាលរាជធានី ចុះទៅសម្របសម្រួលការឡើងថ្លៃបន្ទប់ជួល បានបញ្ចប់ និងបានផ្តល់ស្បៀងអាហារបន្ថែមជូនកម្មកររោងចក្រ ដែលកំពុងស្នាក់នៅតំបន់ក្រហម
ភ្នំពេញ៖ ក្រោយទទួលបានព័ត៌មាន ពីបងប្អូនកម្មករកម្មការិនី ដែលរស់នៅក្នុងផ្ទះជួលតាមបណ្តោយវេង ស្រេង ស្ថិតនៅក្នុងភូមិ២ សង្កាត់ស្ទឹងមានជ័យ៣ ខណ្ឌមានជ័យ ដែលមានការខ្វះខាត ស្បៀងអាហារនិងមានបញ្ហាពាក់ព័ន្ធនឹងតម្លៃផ្ទះជួលផងដែរនោះ នៅល្ងាចថ្ងៃទី ០៧ខែឧសភានេះ លោកឃួង ស្រេង អភិបាលនៃគណៈអភិបាលរាជធានីភ្នំពេញនបានដឹកនាំអាជ្ញាធរខណ្ឌនិងសង្កាត់ ចុះទៅធ្វើការសម្របសម្រួលជាមួយបងប្អូនកម្មករទាំងនេះបានបញ្ចប់ភ្លាមតែម្តង ។ តាមប្រភពព័ត៌មានដែលបានបង្ហាញតាមរយៈបណ្ដាញសង្គម ជុំវិញបងប្អូនកម្មករកម្មការិនីដែលរស់នៅទីនោះ បានបញ្ជាក់ថា កម្មករកម្មការិនី បានជួលបន្ទប់ជួល នៅទីតាំងខាងលើចំនួន៤៧០ បន្ទប់ហើយក្រោយ ពីមានព្រឹត្តិការណ៍សហគមន៍កូវីដ-១៩ នេះ ម្ចាស់ផ្ទះជួលបានបញ្ចុះតម្លៃជួល២០ដុល្លារ ក្នុងមួយបន្ទប់ ជូនបងប្អូនកម្មករ ដើម្បីរំលែកការលំបាករបស់ពួកគាត់ ខណៈដែលរោងចក្រត្រូវបានបិទទ្វាដែរនោះ ។ តែក្នុងរយៈពេលចុងក្រោយនេះ ពោលគឺក្រោយពីរាជរដ្ឋាភិបាលបានបើកឲ្យមានការធ្វើចរាចរណ៍ឡើងវិញ ម្ចាស់ផ្ទះជួលបានឡើងថ្លៃដូចដើមវិញ ដែលធ្វើឱ្យបងប្អូនកម្មករ កម្មការិនីការ រស់នៅតំបន់ក្រហមនិងមិនទាន់មានការងារធ្វើវិញផងនោះ កើតទុក្ខមិនសុខចិត្តចំពោះការឡើងថ្លៃនេះ ។ ប៉ុន្តែការតវ៉ានោះ ក្រោយពីមានការសម្របសម្រួលពីអាជ្ញាធររាជធានីភ្នំពេញ ម្ចាស់ផ្ទះជួលបានយល់ព្រមជាមួយអាជ្ញាធរ ដោយបញ្ចុះតម្លៃ២០ដុល្លារនេះដូចដើមវិញ ។ ជាមួយគ្នានោះដែរ លោកឃួង ស្រេង អភិបាលរាជធានីក៏បានជួយឧបត្ថម្ភ បងប្អូនកម្មករកម្មការិនីទាំង៤៧០បន្ទប់ផងដែរ ដោយក្នុងមួយបន្ទប់ ទទួលបានអំណោយរបស់សម្ដេចអគ្គមហាសេនាបតីតេជោហ៊ុនសែន នូវអង្ករមួយបាវទម្ងន់២៥គីឡូក្រាម មីមួយកេស ត្រីខ១០កំប៉ុងនិងទឹកត្រី១យួរ…