អ្នកនៅរាជធានីភ្នំពេញ អាចចេញទៅខេត្តបាន តែត្រូវគោរពវិធានការខេត្តនោះ ឯអ្នកខេត្តអាចចូលភ្នំពេញបាន តែត្រូវគោរពតាមវិធានការរបស់អាជ្ញាធរ រាជធានីភ្នំពេញ។

យោងតាមទំព័រហ្វេសប៊ុករបស់សម្ដេចតេជោហ៊ុន សែន នៅព្រឹកថ្ងៃទី៦ឧសភានេះ បានរសសេរថា ថ្ងៃនេះ សម្ដេចបានបញ្ចប់ការធ្វើចត្តាឡីស័ករយៈពេល១៤ថ្ងៃ បន្ទាប់ពីគ្រូពេទ្យយកសំណាកទៅពិនិត្យ និងបញ្ជាក់ថាសម្ដេចពុំមានកូវីដ-១៩នោះទេ។ សម្ដេចបានបញ្ជាក់ថា មុនទៅ និងក្រោយត្រឡប់ពីប្រទេសឥណ្ឌូនេស៊ីវិញសម្ដេចត្រូវធ្វើតេស្ត រហូត៤ដង និងត្រូវរស់នៅម្នាក់ឯងរយៈពេល១៤ថ្ងៃ ដែលនោះជាវិធានការសុខាភិបាលដែលគ្រប់គ្នាត្រូវតែគោរព។ សូមជម្រាបថា សម្ដេចតេជោហ៊ុន សែន នាយករដ្ឋមន្ត្រី នៅថ្ងៃ២៣មេសា បានធ្វើដំណើរទៅប្រទេសឥណ្ឌូនេស៊ី ចូលរួមកិច្ចប្រជុំពិសេសក្រៅផ្លូវជាមួយមេដឹកនាំអាស៊ាន និងជំនួបទ្វេភាគីមួយចំនួនទៀតជាមួយបណ្ដាមេដឹកអាស៊ាន។ សម្ដេចបាននិវត្តមកដល់មាតុប្រទេសវិញនៅយប់ថ្ងៃទី២៤មេសាឆ្នាំ២០២១។ បន្ទាប់ពីអញ្ជើញដល់អាកាសយានដ្ឋានអន្តរជាតិភ្នំពេញភ្លាម សម្ដេចតេជោ និងគណៈប្រតិភូ បានផ្ដល់សំណាកដើម្បីពិនិត្យកូវីដ-១៩ នៅអាកាសយានដ្ឋានអន្តរជាតិភ្នំពេញ រួចនឹងធ្វើចត្តាឡីស័ករយៈពេល១៤ថ្ងៃបន្តទៀត ដើម្បីធានាសុវត្ថិភាពសុខភាព។

រតនគីរី- គិតមកត្រឹមថ្ងៃនេះ សម្រាប់ខេត្តរតនគិរី ពុំទាន់មានករណីវិជ្ជមានជំងឺកូវីដ-១៩ ឆ្លងចូលសហគមន៍នៅឡើយទេ។ ទាំងនេះអាស្រ័យដោយការដឹកនាំរបស់រាជរដ្ឋាភិបាលបានដាក់ចេញនូវវិធានការជាបន្តបន្ទាប់ សម្រាប់រដ្ឋបាលថ្នាក់ក្រោមជាតិអនុវត្ត និងការចូលរួមរបស់អាជ្ញាធរនៅថ្នាក់ក្រោមជាតិអនុវត្តប្រកបដោយស្មារតីយកចិត្តទុកដាក់ខ្ពស់ ទោះហត់នឿយយ៉ាងណា មិនធ្វេសប្រហេសចំពោះករណីនេះ និងការចូលរួមរបស់បងប្អូនប្រជាពលរដ្ឋអនុវត្តនូវវិធានការនានារបស់រាជរដ្ឋាភិបាល និងអាជ្ញាធរខេត្ត។ អាជ្ញាធរថ្នាក់ក្រោមជាតិ គ្មានជម្រើសអ្វីក្រៅពីពង្រឹងការអនុវត្តវិធានការចាំបាច់នានា រួមមានការត្រួតពិនិត្យដើមទី និងយកសំណាកធ្វើតេស្តរហ័សរាល់អ្នកដំណើរចូលមកខេត្តរតនគិរី និងដាក់ចត្តាឡីស័ក១៤ថ្ងៃ នៅក្នុងមណ្ឌលចត្តាឡីស័ក ឬនៅផ្ទះដោយខ្លួនឯង ក្រោមការត្រួតពិនិត្យយ៉ាងហ្មត់ចត់បំផុតពីអាជ្ញាធរមានសមត្ថកិច្ច ការរៀបចំណតនៅទីតាំងមួយដែលអាចគ្រប់គ្រងបាននូវមធ្យោបាយដឹកជញ្ជូនចូលខេត្តគ្រប់ប្រភេទ ដើម្បីធានាបានថា ខេត្តរតនគិរី នឹងមិនមានករណីនាំចូលមេគកូវីដ-១៩ ចូលមកក្នុងសហគមន៍។ ជាមួយគ្នានេះ សហគមន៍ ភូមិ ឃុំ មួយចំនួនបានសម្រេចជ្រើសយកវិធានការប្រពៃណី គឺតំណមភូមិ ហាមឃាត់មិនឱ្យជនប្លែកមុខចូលក្នុងភូមិរបស់ពួកគាត់ ឬរាយការណ៍មកអាជ្ញាធរមានសមត្ថកិច្ចរាល់ជនចំណូលស្រុក ដើម្បីសមត្ថកិច្ចចុះធ្វើការអប់រំ ណែនាំ និងអនុវត្តវិធានការចាំបាច់នានា ៕

ក្រសួងសុខាភិបាលនៅថ្ងៃទី៦ឧសភាឆ្នាំ២០២១ បានបញ្ជាក់ថា យោងតាមបញ្ជីឈ្មោះប្រតិបត្តិករសម្រាប់ប្រើប្រាស់ក្នុងលក្ខខណ្ឌបន្ទាន់ ដើម្បីរកអង់ទីហ្សែនវីរុសកូវីដ-១៩ របស់អង្គការសុខភាពពិភពលោក (WHO Emergency Use Listing for in Vitro diagnostics (IVDs)SARS-CoV-2) ក្រសួងសុខាភិបាលនឹងអនុញ្ញាតឲ្យចុះបញ្ជិការនូវប្រតិករ COVID-19 Rapid Antigen Test ស្ថិតក្នុងបញ្ជីប្រើប្រាស់បន្ទាន់ (Emergency Use Listing EUL) របស់អង្គការសុខភាពពិភពលោកដែលបច្ចុប្បន្នមាន៣មុខ។ ក្រសួងសុខាភិបាលបានស្នើឲ្យប្រធានគ្រឹះស្ថានអាហរ័ណ និហរ័ណឱសថ និងតំណាងគ្រឹះស្ថានឱសថផលិតឱសថនៅក្រៅប្រទេស ដែលមានបំណងចូលបញ្ជិកាប្រតិករ COVID-19 Antigen Test ត្រូវរៀបចំឯកសារចុះបញ្ជិកាឲ្យស្របតាមបែបបទបច្ចេកទេស និងអនុលោមទៅតាមច្បាប់ ស្តីពីការគ្រប់គ្រងឱសថ ដែលមានជាធរមាននៅក្នុងព្រះរាជាណាចក្រកម្ពុជា ដើម្បីឲ្យការប្រើប្រាស់ឧបករណ៍តេស្តរហ័ស ក្នុងការស្រាវជ្រាវរកអ្នកជំងឺកូវីដ-១៩ ប្រព្រឹត្តទៅបានដោយរលូន និងទាន់ពេលវេលាទាំងវិស័យរដ្ឋ និងឯកជន។ សសូមជម្រាបថា នៅថ្ងៃទី៥ឧសភាឆ្នាំ២០២១ ក្រសួងសុខាភិបាលបានអនុញ្ញាតចុះបញ្ជិកាចំពោះប្រតិករ២ប្រភេទរបស់ក្រុមហ៊ុន Abbott ដែលនាំចូលដោយគ្រឹះស្ថានអាហរ័ណ នីហរ័ណឱសថ ឌី ខេ អេស អេច (ខេមបូឌា) និងក្រុមហ៊ុនRoche ដែលនាំចូលដោយគ្រឹះស្ថាន អាហរ័ណ…