ភ្នំពេញ៖ ក្រុមការងារលេខាធិការដ្ឋាន នៃសហភាពសហព័ន្ធយុវជនកម្ពុជា រាជធានីភ្នំពេញ ថ្ងៃអង្គារ ទី៤ ខែឧសភា ឆ្នាំ២០២១ បាននាំយកអំណោយដ៏ថ្លៃថ្លារបស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ជូនដល់បងប្អូនកងកម្លាំងកំពុងប្រចាំការនៅទីបញ្ជាការគោលដៅតំបន់លឿងទុំ សង្កាត់ចាក់អង្រែលើ-ចាក់អង្រែក្រោម និងសង្កាត់បឹងទំពន់ទី២ ខណ្ឌមានជ័យ ដែលកំពុងបំពេញភារកិច្ចក្នុងការចូលរួមទប់ស្កាត់ការឆ្លងរីករាលដាលនៃជំងឺ កូវិដ-១៩ ភូមិសាស្រ្តរាជធានីភ្នំពេញ។ ក្នុងឱកាសនោះ លោកឧត្តមសេនីយ៍ទោ ប៉ុល រតនា ជំនួសមុខឱ្យ ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ និងជាបញ្ជាការរួមគ្រប់គ្រងតំបន់លឿងទុំ បានថ្លែងអំណរគុណយ៉ាងជ្រាលជ្រៅចំពោះ ឯកឧត្តម ហ៊ុន ម៉ានី ដែលបាននាំយកអំណោយ ប្រគល់ជូនទីបញ្ជាការ ដើម្បីបែងចែកជូនបងប្អូនកងកម្លាំងនៅតាមគោលដៅសង្កាត់ចាកអង្រែលើ-ចាក់អង្រែក្រោម និងសង្កាត់បឹងទំពន់ទី២ ដែលបានខិតខំប្រឹងប្រែងបំពេញភារកិច្ចរក្សាសុវត្ថិភាព សន្តិសុខ សណ្តាប់ធ្នាប់ ក្នុងអំឡុងពេលបន្តការបិទខ្ទប់ភូមិសាស្រ្តរាជធានីភ្នំពេញ និងក្រុងតាខ្មៅ នៃខេត្តកណ្តាល ដើម្បីទប់ស្កាត់ការឆ្លងរាលដាល នៃជំងឺកូវីដ-១៩។ លោកឧត្តមសេនីយ៍ទោ បន្តថា អំណោយដែលទទួលបាននៅពេលនេះ បញ្ជាក់ឲ្យឃើញពីវប្បធម៌ចែករំលែក ក៏ដូចជាការលើកទឹកចិត្តឲ្យបងប្អូនកងកម្លាំងកាន់តែមានស្មារតីបំពេញភារកិច្ចបានល្អបន្ថែមទៀត។ ជាចុងក្រោយ លោកឧត្តមសេនីយ៍ទោ ប៉ុល…

ខេត្តកំពង់ស្ពឺ បិទខ្ទប់ជាបណ្ដោះអាសន្ន ភូមិត្រពាំងទន្លាប់ និងមួយផ្នែក នៃភូមិព្រៃស្រឡែង ឃុំទួលអំពិល ស្រុកបសេដ្ឋ ខេត្តកំពង់ស្ពឺ ដែលជាតំបន់មានការឆ្លងរាលដាលនៃជំងឺកូវីដ-១៩ (COVID-19)៖

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី៤ឧសភាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ ២រស់នៅភូមិដើមចាន់ សង្កាត់ច្បារអំពៅទី២ បានទៅទិញថ្នាំនៅ ឳសថស្ថាន សួស្ដី ដែលមានទីតាំងស្ថិតនៅផ្ទះលេខ ១៥៣ ផ្លូវលេខ ៣៦៩ (ក្បែរគល់ស្ពានច្បារអំពៅថ្មី) នៅព្រឹកថ្ងៃទី៣ឧសភាឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋដែលធ្លាប់ទៅឳសថស្ថាននោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។

យោងតាមលោកទេសរដ្ឋមន្ត្រី លី ធុជ បានឲ្យដឹងថា លោកស្រី Armida Salsiah Alisjahbana អគ្គលេខាធិការរង UN និងជាប្រធាន UNESCAP បានផ្ញើលិខិតថ្លែងអំណរគុណ និងវាយតម្លៃខ្ពស់ចំពោះសុន្ទរកថាពិសេសរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ដែលបានកំណត់ជាត្រីវិស័យជួយដល់ការពិភាក្សា និងចូលរួមចំណែកដ៏ធំធេងក្នុងការធ្វើឲ្យកិច្ចប្រជុំលើកទី ៧៧ របស់ UNESCAP ទទួលបានលទ្ធផលជោគជ័យ។ ក្នុងលិខិតថ្លែងអំណរគុណ កាលពីថ្ងៃទី៣០មេសា លោកស្រីបានមានប្រសាសន៍ថា ទោះបីជាស្ថានការណ៍នៃការរីករាលដាលនៃជំងឺឆ្លងកូវីដ-១៩ កាន់តែធ្ងន់ធ្ងរ ដែលតម្រូវឲ្យយើងធ្វើការប្រជុំតាមរយៈប្រព័ន្ធវីដេអូក៏ដោយ អង្គសន្និបាតបានដំណើរការទៅយ៉ាងល្អនិងបានអនុម័តលើសេចក្តីសម្រេចមួយ ស្តីពី “ការស្តារឡើងវិញក្រោយវិបត្តិតាមរយៈកិច្ចសហប្រតិបត្តិការតំបន់នៅក្នុងតំបន់អាស៊ី និងប៉ាស៊ីហ្វិក” ដែលបានផ្តល់នូវមូលដ្ឋានគ្រឹះ សម្រាប់ការពង្រឹងកិច្ចសហប្រតិបត្តិការក្នុងតំបន់ និងលើកកម្ពស់ភាពធន់និងរឹងមាំរបស់បណ្តាប្រទេសអាស៊ី និងប៉ាស៊ីហ្វិក ក្នុងការឆ្លើយតបទៅនឹងវិបត្តិនាពេលអនាគត។ ការសម្រេចចិត្តរបស់សន្និបាតទាំងមូល ក៏ជាមូលដ្ឋានដ៏រឹងមាំមួយទៀតក្នុងការឆ្ពោះទៅរកការអភិវឌ្ឍប្រកបដោយចីរភាព និងបរិយាប័ននៅក្នុងតំបន់។ ជាមួយគ្នានោះ លោកស្រីបានបញ្ជាក់ថា លោកស្រីរង់ចាំស្វាគមន៍ដោយរីករាយចំពោះការចូលរួមរបស់សម្តេចតេជោនាយករដ្ឋមន្ត្រី និងរាជរដ្ឋាភិបាលកម្ពុជា នៅក្នុងសន្និបាតលើកក្រោយៗទៀត ដើម្បីពង្រឹងបន្ថែមនូវកិច្ចសហប្រតិបត្តិការក្នុងតំបន់ សម្រាប់ការអភិវឌ្ឍប្រកបដោយចីរភាពនៅអាស៊ី និងប៉ាស៊ីហ្វិក។ សម្តេចតេជោ ហ៊ុន សែន នាយករដ្ឋមន្រ្តី កាលពីរសៀលថ្ងៃទី២៦មេសាឆ្នាំ២០២១ បានផ្តល់នូវកិត្តិយថ្លែងសុន្ទរកថាពិសេស…

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី៤ឧសភាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ ២នាក់ប្ដីប្រពន្ធ ជាគឺជាអ្នកលក់ត្រីបោះដុំនៅជាប់ស្ពានច្បារអំពៅ និងខាងមុខផ្សារច្បារអំពៅ។ អ្នកជំងឺកូវីដ-១៩ទាំង២នាក់ប្ដីប្រពន្ធ រស់នៅភូមិដើមចាន់ សង្កាត់ច្បារអំពៅទី២ រាជធានីភ្នំពេញ ហើយពួកគេបានទៅលក់ត្រីចាប់ពីថ្ងៃទី២៥ដល់ថ្ងៃទី៣០មេសាឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋដែលធ្លាប់ទៅទៅទិញត្រី ជាមានទំនាក់ទំនងជាមួយអ្នកលក់ត្រីខាងលើនោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។

ខេត្តកណ្ដាលត្រូវគេឃើញចំនួនអ្នកឆ្លងជំងឺកូវីដ-១៩ កាន់តែកាន់ឡើង។ តាមរបាយការណ៍របស់ក្រសួងសុខាភិបាលនៅថ្ងៃទី៣ឧសភា មានអ្នកឆ្លងជំងឺកូវីដ-១៩ចំនួន១៧៥នាក់ក្នុងចំណោមអ្នកឆ្លងទូទាំងប្រទេសចំនួន៩៣៨នាក់។ ខេត្តកណ្ដាលគិតមកដល់ថ្ងៃទី៣ឧសភាឆ្នាំ២០២១ មានអ្នកឆ្លងជំងឺកូវីដ-១៩ សរុប១ពាន់៣៨៧នាក់ ក្នុងនោះបានព្យាបាលជាសះស្បើយចំនួន៤៨៩នាក់ និងនៅសល់៨៩៨នាាក់កំពុងសម្រាកព្យាបាល។ នៅរសៀលថ្ងៃទី៤ឧសភា ឆ្នាំ២០២១ លោក គង់ សោភ័ណ្ឌ អភិបាលខេត្តកណ្ដាល បានដឹកនាំមន្ត្រីជំនាញ ចុះពិនិត្យវិទ្យាល័យវឌ្ឍណៈឈូងលាភ ក្នុងសង្កាត់រកាខ្ពស់ ក្រុងតាខ្មៅ ខេត្តកណ្ដាល ដើម្បីរៀបចំជាកន្លែងសម្រាប់ព្យាបាលអ្នកមានផ្ទុកមេរោគកូវីដ-១៩ នៅក្នុងខេត្តកណ្ដាល។ លោក គង់ សោភ័ណ្ឌ បានបញ្ជាក់ថា ខេត្តកណ្ដាលមានអ្នកវិជ្ជមានមេរោគកូវីដ-១៩ ជាង១ពាន់៣០០នាក់ ដែលតួលេខនោះ នៅតែបន្តមានការកើនឡើងជាបន្តបន្ទាប់ ទើបតម្រូវឱ្យរដ្ឋបាលខេត្តកណ្ដាល បង្កើតមណ្ឌលសម្រាប់ព្យាបាលអ្នកផ្ទុកមេរោគកូវីដ-១៩ថ្មីបន្ថែមទៀត នៅវិទ្យាល័យវឌ្ឍណៈឈូងលាភ។ លោកអភិបាលខេត្ត បានណែនាំដល់អាជ្ញាធរក្រុងតាខ្មៅ ត្រូវរៀបចំទីកន្លែងនោះឱ្យបានសាកសមជាកន្លែងសម្រាប់ព្យាបាលអ្នកផ្ទុកមេរោគកូវីដ-១៩ ត្រូវមានបន្ទប់អនាម័យឱ្យបានត្រឹមត្រូវ និងមានផាសុខភាព។ ជាមួយគ្នានោះ លោកអភិបាលខេត្ត បានណែនាំឲ្យរៀបចំកងកម្លាំងការពារ សន្តិសុខ សណ្ដាប់ធ្នាប់ ២៤ ម៉ោងលើ ២៤ ម៉ោង។ ជាមួយគ្នានោះ មន្ទីរសុខាភិបាលខេត្តកណ្ដាល ត្រូវរៀបចំក្រុមគ្រូពេទ្យជំនាញ និងសម្ភារៈសម្រាប់ព្យាបាលអ្នកផ្ទុកមេរោគកូវីដ-១៩ផង។

ភ្នំពេញ៖ រដ្ឋបាលខណ្ឌចំការមន ដឹកនាំដោយលោក ថេង សុថុល អភិបាល នៃគណៈអភិបាលខណ្ឌ និងលោក ព្រុំ សំខាន់ ប្រធានក្រុមប្រឹក្សាខណ្ឌ បានអញ្ជើញទទួលនូវគ្រឿងឧបភោគបរិភោគ ដែលជាអំណោយរបស់លោកជំទាវ ហ៊ុន ស៊ីណាត ជូនមករដ្ឋបាលខណ្ឌចំការមន ដើម្បីសម្រាប់ប្រើប្រាស់ចែកជូនបងប្អូនប្រជាពលរដ្ឋមានជីវភាពខ្វះខាតនៅក្នុងមូលដ្ឋានខណ្ឌចំការមន ដំណាក់កាលការរីករាលដាលនៃជំងឺកូវីដ-១៩ នៅព្រឹកថ្ងៃអង្គារ ៨រោច ខែពិសាខ ឆ្នាំជូត ទោស័ក ព.ស.២៥៦៥ ត្រូវនឹងថ្ងៃទី០៤ ខែឧសភា ឆ្នាំ២០២១ ។ អំណោយរបស់លោកជំទាវ ដែលបានជូនមករដ្ឋបាលខណ្ឌ រួមមាន៖-អង្ករ ចំនួន ០១តោន-មី ចំនួន ០៩កេសធំ-ទឹកត្រី ចំនួន ៥០យួរ-ត្រីខ ចំនួន ០៥កេសធំ ជាមួយគ្នានោះផងដែរ រដ្ឋបាលខណ្ឌចំការមន សូមថ្លែងអំណរគុណយ៉ាងជ្រាលជ្រៅបំផុត ចំពោះ លោកជំទាវ ហ៊ុន ស៊ីណាត ដែលបានឧបត្ថម្ភនូវគ្រឿងឧបភោគបរិភោគជូនមករដ្ឋបាលខណ្ឌ និងសូមវត្ថុស័ក្តិសិទ្ធក្នុងលោកប្រសិទ្ធពរជ័យសព្ទសាធុការជូន លោកជំទាវ ព្រមទាំងបុត្រា បុត្រី ចៅៗ និងក្រុមគ្រួសារជាទីស្រលាញ់ សូមជួបតែសុភមង្គល វិបុលសុខគ្រប់ប្រការ…

អនុគណៈកម្មការចំពោះកិច្ចសម្រាប់ចាក់វ៉ាក់សាំងការពារជំងឺកូវីដ-១៩ ជូនកម្មករនិយោជិត នៃក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី៤ឧសភា ឆ្នាំ២០២១ បានរៀបចំបើកដំណើរការទីតាំងចាក់វ៉ាក់សាំងកាពារជំងឺកូវីដ-១៩ ប្រភេទស៊ីណូវ៉ាក់ដូសទី២ ជូនដល់កម្មករនិយោជិត និងថ្នាក់ដឹកនាំអង្គការវិជ្ជាជីវៈនានា១ទីតាំងថ្មីបន្ថែមទៀត គឺរោងចក្រ ស្ព័រតិច(Sportex) ស្ថិតនៅសង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ។ យោងតាមក្រសួងការងារ គិតត្រឹមថ្ងៃទី៤ឧសភា ឆ្នាំ២០២១ អនុគណៈកម្មការចំពោះកិច្ចសម្រាប់ចាក់វ៉ាក់សាំងការពារជំងឺកូវីដ-១៩ ជូនកម្មករនិយោជិត នៃក្រសួងការងារ និងបណ្ដុះបណ្ដាលវិជ្ជាជីវៈបានបើកមណ្ឌលចាក់វ៉ាក់សាំងសរុបចំនួន២៥ទីតាំងរួចមកហើយ ក្នុងភូមិសាស្ត្ររាជធានីភ្នំពេញ និងខេត្តកណ្តាល។ អនុគណៈកម្មចំពោះកិច្ចចាក់វ៉ាក់សាំងការពារជំងឺកូវីដ-១៩ ក៏បានជូនដំណឹងដល់កម្មករនិយោជិត ដែលបានចាក់វ៉ាក់សាំងការពារជំងឺកូវីដ-១៩ប្ រភេទស៊ីណូវ៉ាក់ ដូសទី១ ដោយក្រុមគ្រូពេទ្យរបស់ក្រសួងការងារ និងបណ្តុះបណ្តាលវិជ្ជាជីវៈថា បើសិនជាកម្មករនិយោជិតដែលរស់នៅក្បែររោងចក្រ ដែលជាទីតាំងចាក់វ៉ាក់សាំងដូសទី១នោះ ត្រូវទៅចាក់វ៉ាក់សាំងដូសទី២ នៅតាមទីតាំងចាស់របស់ខ្លួន ដោយភ្ជាប់ជាមួយនូវកាតចាក់វ៉ាក់សាំងជំងឺកូវីដ-១៩ និងអត្តសញ្ញាណបណ្ណសញ្ជាតិខ្មែរ ឬបណ្ណ ប.ស.ស. ឬ ឯកសារបញ្ជាក់អត្តសញ្ញាណ ដែលបានប្រើប្រាស់ពេលមកចាក់វ៉ាក់សាំងកូវីដ-១៩ ដូសទី១។ ការចាក់ដូសទី២ មានគម្លាតពីការចាក់ ដូសទី១ រយៈពេលចន្លោះពី១៤ ទៅ ២៨ ថ្ងៃ។ ចំណែកកម្មករនិយោជិត ដែលរស់នៅខណ្ឌផ្សេងពីទីតាំងរោងចក្រ ដែលបានចាក់ដូសទី១ ដោយក្រុមគ្រូពេទ្យរបស់ក្រសួងការងារ និងបណ្តុះបណ្តាលវិជ្ជាជីវៈនោះ…