អាជ្ញាធររដ្ឋបាលខេត្តបាត់ដំបង បានដឹកនាំក្រុមការងារមួយក្រុមចុះសាកសួរសុខទុក្ខ និងបាននាំយកអំណោយជាស្បៀងបន្តិចបន្តួចជូនដល់បងប្អូនប្រជាពលរដ្ឋក្រីក្រនិងជួបការលំបាកក្នុងជីវភាពរស់នៅប្រចាំថ្ងៃ និង កំពុងតែធ្វើចត្តាឡីស័ក រយៈពេល១៤ថ្ងៃ ចាប់តាំងពីថ្ងៃទី២២ខែមេសាឆ្នាំ២០២១ស្ថិតមៅក្នុងតំបន់បិទខ្ទប់ ចំនួន១០០គ្រួសារក្នុងភូមិខ្នាចអំពរ ឃុំព្រែកជីក ស្រុករុក្ខគីរី ខេត្តបាត់ដំបង នៅព្រឹកថ្ងៃទី០៣ខែឩសភាឆ្នាំ២០២១នេះ ដឹកនាំដោយឯកឧត្តម ងួន រតនៈ អភិបាលខេត្តបាត់ដំបង និង ឯកឧត្តម អ៊ុយ រី ប្រធានក្រុមប្រឹក្សាខេត្តនិងអមដំណើរដោយឯកឧត្តមទីប្រឹក្សាសម្តេចក្រឡាហោម ស ខេង ស្នងការនគរបាលខេត្ត ព្រមទាំងអស់លោក-លោកស្រី ប្រធានមន្ទីរជុំវិញខេត្តនិងអាជ្ញាធរស្រុកនិងមូលដ្ឋានគ្រប់ថ្នាក់ បាននាំយកអំណោយមួយចំនួន រួមមាន៖ អង្ករចំនួន២០គក្រ. មី១កេស សៀង០៣ដប ទឹកត្រីនិងទឹកសុទ្ធ ដែលជាអំណោយដ៍ថ្លៃថ្លា របស់សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃនិងជាអ្នកតំណាងរាស្ត្រ មណ្ឌលខេត្តបាត់ដំបង ដើម្បីចែកជូនដល់បងប្អូនដែលកំពុងធ្វើចត្តាឡីស័កហើយនិងត្រូវបញ្ចប់នៅថ្ងៃទី០៥ខែឧសភាឆាប់ៗខាងមុខនេះ និងដើម្បីជួយសម្រាលជីវភាពការលំបាករបស់បងប្អូនទាំងនោះ និងថវិកាចំនួន៤លានរៀលជូនដល់រដ្ឋបាលស្រុកទីនោះផងដែរ។ តាមការគូសបញ្ជាក់ពីលោកស្រី ប៊ិន ប៉ូឡែនអភិបាលស្រុករុក្ខគីរី បានគូសបញ្ជាក់ថា:ភូមិខ្នាចអំពរ មានប្រជាពលរដ្ឋរស់នៅ សរុបចំនួន ៣០៦ គ្រួសារ គិតជាមនុស្សរាយ ១.៣១៦នាក់។ក្រោយរកឃើញករណីនៃការរឆ្លងជម្ងឺកូវីដ-19ពីបុរសម្នាក់មានទីលំនៅក្នុងភូមិនេះ។រដ្ឋបាលស្រុក បានចាត់តាំងកម្លាំងសរុបដើម្បីបិទខ្ទប់នៅក្នុងភូមិខ្នាចអំពរឃុំព្រែកជីក ជាបន្ទាន់ភ្លាមៗ ចាប់តាំងពីយប់ថ្ងៃទី២១ខែមេសា ដោយបានដាក់បម្រាមហាមឃាត់រារាំង…

ភ្នំពេញ ៖ អាជ្ញាធរខណ្ឌ-សង្កាត់ បន្ត នាំយកអំណោយដ៍ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃចន្ទ ៧រោច ខែពិសាខ ឆ្នាំឆ្លូវ ត្រីស័ក ព.ស ២៥៦៥ ត្រូវនិងថ្ងៃទី ០៣ ខែ ឧសភា ឆ្នាំ ២០២១ ចែកជូនប្រជាពលរដ្ឋ និងកម្មករ កម្មការនី ចំនួន ៨,០០០ គ្រួសារ ដល់ខ្នងផ្ទះ ដល់បន្ទប់ជួល ដែលកំពុងធ្វើចត្តាឡីស័កនៅតាមផ្ទះ តាមបន្ទប់ និងបិទខ្ទប់ ស្ថិតក្នុងសង្កាត់បឹងទំពន់ទី១ ចំនួន ១០០០គ្រួសារ សង្កាត់បឹងទំពន់ទី២ ចំនួន ១០០០ គ្រួសារ សង្កាត់ស្ទឹងមានជ័យ១ ចំនួន ១,០០០ គ្រួសារ សង្កាត់ស្ទឹងមានជ័យ២ ចំនួន ២០០០គ្រួសារ និងសង្កាត់ស្ទឹងមានជ័យ៣ ចំនួន ៣,០០០គ្រួសារ ។ ក្នុងឱកាសនេះដែរ អាជ្ញាធរខណ្ឌមានជ័យ បានលើកឡើងថា…

ភ្នំពេញ ៖ ដោយទទួលបានណែនាំពីឯកឧត្តម អ៊ុក ពញ្ញា ប្រធានក្រុមការងារសហភាពសហព័ន្ធយុវជនកម្ពុជាក្នុងវិស័យអភិវឌ្ឍន៍ជនបទ នៅថ្ងៃចន្ទ ៧រោច ខែពសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី ០៣ ខែឧសភា ឆ្នាំ ២០២១ ក្រុមការងារ បាននាំយកគ្រឿងឧបភោគបរិភោគ យកទៅប្រគល់ដលជូនសមាជិក សមាជិកា ដែលកំពុងស្ថិតនៅក្នុងតំបន់ក្រហម នៃការរីករាលដាលជម្ងឺកូវីដ១៩ ។ ក្រុមការងារសមាជិក សមាជិកា ដែលស្ថិតក្នុងតំបន់បិទខ្ទប់ (តំបន់ក្រម) មានដូចជា ៖ ក្នុងខណ្ឌមានជ័យ ពោធិ៍សែនជ័យ ទួលគោក និង ខណ្ឌឬស្សីកែវមាន ចំនួន ១៦រូប ដោយក្នុងនោះទទួលបានជាអង្ករចំនួន ២៥គីឡូក្រាម ទឹកត្រី ១យួរ ទឹកស៊ីអ៊ី ១យួរ មី ១កេស និងត្រីខ ១យួរ ដើម្បីសម្រួលដល់ជីវភាពប្រចាំថ្ងៃរបស់ពួកគាត់ ។ ជាមួយគ្នានោះ សមាជិក សមាជិកា បានថ្លែងអំណរគុណចំពោះការយកចិត្តទុកដាក់ចំពោះជីវភាពនិងការរស់នៅ ខណៈកំពុងផ្ទុះការរីករាលដាល់ជាសកលនៃជម្ងឺកូវីដ១៩…

ភ្នំពេញ ៖ សសយក វិស័យមុខងារសាធារណៈ ថ្លែងអំណរគុណដល់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ឯកឧត្តម សាយ សំអាល់ ប្រធានសហភាពសហព័ន្ធយុវជនកម្ពុជារាជធានីភ្នំពេញ និងថ្នាក់ដឹកនាំជាយុវជន ដែលបានយកចិត្តទុកដាក់ដល់សមាជិក សមាជិកកា ក្នុងការឧបត្ថម្ភស្បៀងក្នុងដំណាក់កាលជម្ងឺរាតត្បាតកូវីដ១៩ ។ ជានិច្ចកាលថ្នាក់ដឹកនាំតែងបានគិតគូរនិងយកចិត្តទុកដាក់ចំពោះកិច្ចខិតខំប្រឹងប្រែងរបស់សមាជិក សមាជិកាគ្រប់លំដាប់ថ្នាក់ ពិសេសជីវភាពក្នុងការរស់នៅប្រចាំថ្ងៃ ។ មិនតែប៉ុណ្ណោះក្រើនរំលឹក និងបំផុសស្មារតីដល់ក្រុមគ្រួសារ សសយក ទាំងអស់ចូលរួមក្នុងការងារសង្គមដើម្បីជាផលប្រយោជន៍ប្រជាពលរដ្ធ ៕ ដោយ / គ្រី សម្បត្តិ

អង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រីបញ្ចេញផ្សាយវីដេអូ៖ «តើរាជរដ្ឋាភិបាលបានធ្វើអ្វីខ្លះដើម្បីជួយប្រជាពលរដ្ឋដែលប្រឈមនឹងការលំបាកក្នុងតំបន់បិទខ្ទប់?» វីដេអូស្ពតនេះ គឺជាកិច្ចសហការផលិតរួមគ្នារវាងអង្គភាពព័ត៌មាន និងប្រតិកម្មរហ័ស ជាមួយគណៈកម្មការប្រតិបត្តិ នៃគណៈកម្មការជាតិគ្រប់គ្រង និងដឹកនាំការអនុវត្តវិធានការបិទខ្ទប់ ហៅកាត់ថា គ.ប.ខ. ដែលដឹកនាំដោយឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រីជាប្រធាន ក្នុងគោលបំណងបន្តអប់រំ និងលើកទឹកចិត្តប្រជាពលរដ្ឋឱ្យបន្តចូលរួមក្នុងការបង្ការទប់ស្កាត់ជំងឺរាតត្បាតកូវីដ-១៩

ជំងឺកូវីដ-១៩ នៅកម្ពុជា គិតត្រឹមថ្ងៃទី៣ ខែឧសភា ឆ្នាំ២០២១៖