ភ្នំពេញ៖ ដើម្បីពង្រឹងនៅតាមគោលដៅនៃការចាក់វ៉ាក់សាំងកូវីដ-១៩ ជូនប្រជាពលរដ្ឋ ទៅតាមការណែនាំរបស់រាជរដ្ឋាភិបាល ក្នុងការទប់ស្កាត់ការរីករាលដាលនៃជំងឺ-១៩លោកឃួង ស្រេងអភិបាលរាជធានីភ្នំពេញ និងលោកនាយឧត្តមសេនីយ៍ ឥត សារ៉ាត់ អគ្គមេបញ្ជាកការរង នាយសេនាធិការចម្រុះ នៃកងយោធពលខេមរភូមិន្ទ និងជាប្រធានប្រតិបត្តិយុទ្ធនាការចាក់វ៉ាក់សាំង នៅព្រឹកថ្ងៃទី១ ខែឧសភានេះបានចុះពិនិត្យស្ថានភាព នៅតាមទីតាំងចាក់វ៉ាក់សាំងមួយចំនួននៅទូទាំងរាជធានីភ្នំពេញ ។ លោកឃួង ស្រេងនិងលោកនាយឧត្តមសេនីយ៍ ឥត សារ៉ាត់ បានចុះពិនិត្យចំនួន៤ខណ្ឌនៅក្នុងរាជធានីភ្នំពេញ ក្នុងនោះ មាននៅក្នុងខណ្ឌមានជ័យ ខណ្ឌដង្កោ ខណ្ឌពោធិ៍សែនជ័យ និងខណ្ឌកំបូល ។ ក្នុងការចុះពិនិត្យទីតាំងជាច្រើនកន្លែងនៅក្នុងតំបន់នានានៃ៤ខណ្ឌនេះ លោកឃួង ស្រេង អភិបាលរាជធានីភ្នំពេញ បានធ្វើការណែនាំដល់អាជ្ញាធរក៏ដូចជាក្រុមការងារដែលអនុវត្តន៍ លើការចាក់វ៉ាក់សាំងនេះ ត្រូវណែនាំឱ្យបងប្អូនប្រជាពលរដ្ឋ រក្សាគម្លាតសុវត្ថិភាព ទៅតាមការណែនាំរបស់ក្រសួងសុខាភិបាល ដើម្បីចៀសឱ្យបាននូវការឆ្លងរីករាលដាលនៃជំងឺកូវិ-១៩ ដោយសារតែយុទ្ធនាការនេះ បងប្អូនប្រជាពលរដ្ឋដែលត្រូវមកទទួលយក ការចាក់វ៉ាក់សាំងជាប្រជាពលរដ្ឋ រស់នៅតំបន់ក្រហម ដែលប្រឈមមុខនិងការឆ្លងរាលដាលជំងឺកូវីដ-១៩ ដែលតម្រូវឲ្យបងប្អូនប្រជាពលរដ្ឋទាំងអស់ប្រុងប្រយ័ត្នខ្ពស់ ក្នុងការការពារខ្លួនទៅតាមការណែនាំរបស់ក្រសួងសុខាភិបាល។ លោកឃួង ស្រេង អភិបាលរាជធានីភ្នំពេញបានមានប្រសាសន៍ថា ៖យុទ្ធនាការចាក់វ៉ាក់សាំង ជូនប្រជាពលរដ្ឋក្នុងតំបន់ក្រហមទាំងនេះ គឺជាការគិតគូរខ្ពស់មួយរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីឱ្យប្រជាពលរដ្ឋនៅក្នុងតំបន់ប្រឈមនៃការឆ្លងជំងឺខ្លាំងនេះ…

រដ្ឋបាលស្រុកគីរីវង់បានប្រកាសករណីមនុស្សចំនួនពីរនាក់មានវិជ្ជវីរុសកូវីដ១៩ នៅភូមិពោធិ៍តាម៉ុក ឃុំអង្គប្រាសាទ ស្រុកគិរីវង់នៃខេត្តតាកែវ៖

ក្រុមគ្រូពេទ្យរបស់កងទ័ព នៅព្រឹក នេះ ចាប់ផ្តើមនូវយុទ្ធនាការទ្រង់ទ្រាយធំ ចាក់វ៉ាក់សាំងជំងឺកូវីដ១៩ ជូនប្រជាពលរដ្ឋនៅតំបន់ក្នុងក្រហម ក្នុងរាជធានីភ្នំពេញ ដែលមានចំនួនជិត ៥០ម៉ឺននាក់។ ការចាប់ផ្តើមដំណើរការចាក់វ៉ាក់សាំងនាព្រឹកថ្ងៃនេះ មានការចុះពិនិត្យដំណើរការចាក់ដោយផ្ទាល់ពីសំណាក់នាយឧត្តមសេនីយ៍ ឥត សារ៉ាត់ អគ្គមេបញ្ជាកការរង នាយសេនាធិការចម្រុះ នៃកងយោធពលខេមរភូមិន្ទ និងជាប្រធានប្រតិបត្តិយុទ្ធនាការចាក់វ៉ាក់សាំង និងអភិបាលរាជធានីភ្នំពេញ លោក ឃួង ស្រេង ផងដែរ។

ចំនួននៃការចាក់វ៉ាក់សាំងកូវីដ-១៩ បាន ១លាន ៣៣ម៉ឺន ៩ពាន់ ៥៦៦នាក់ គិតត្រឹមថ្ងៃទី៣០ ខែមេសា ឆ្នាំ២០២១ ដែល បានចាក់ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេស។ ក្នុងនោះក្រសួងសុខាភិបាល ចាក់បានចំនួន ១លាន ៤ម៉ឺន៥ពាន់ ២៣នាក់, និង ក្រសួងការពារជាតិ ចាក់បានចំនួន ២៩ម៉ឺន ៤ពាន់ ៥៤៣នាក់។

ដោយមានការព្រួយបារម្ភពីបញ្ហាឆ្លងជំងឺកូវីដ១៩ ចូលក្នុងសហគមន៍ខេត្តប៉ៃលិន នៅព្រឹកថ្ងៃទី៣០ ខែមេសា ឆ្នាំ២០២១ ឯកឧត្តម អុី ឈាន រដ្ឋលេខាធិការក្រ សួងកាពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន បានដឹកនាំក្រុមការងារ ចុះសំណេះសំណាលសួរសុខទុក្ខដល់ប្រជាពលរដ្ឋ និងអាជីវករ ដែលលក់ដូរនៅតាមបរិវេណផ្សារសាមគ្គី ហៅប៉ាហ៊ី ក្នុងប៉ៃលិន ។ ក្នុងការចុះសួរសុខទុក្ខដល់ប្រជាពលរដ្ឋនេះដែរ ឯកឧត្ដម អ៊ី ឈាន បានណែនាំដល់បងប្អូនប្រជាពលរដ្ឋនៅជុំវិញផ្សារ ជាពិសេសអាជីវករ ដែលលក់ដូរនៅតាមតូបក្នុងផ្សារទាំងអស់ ត្រូវចូលរួមពាក់ម៉ាសជាប់ជាប្រចាំ រក្សាគម្លាត លាងដៃនឹងទឹកអាល់កុល ឬជែល ព្រោះទីផ្សារមានមនុស្សច្រើនដូចនេះ យើងត្រូវតែចូលរួមការពារទាំងអស់គ្នា ដោយអនុវត្តតាមវិធានការ (៣ការពារ ៣កុំ) របស់ប្រមុខរាជរដ្ឋាភិបាល ព្រមទាំងអនុវត្តឲ្យបានម៉ឺងម៉ាត់នូវវិធានការអនាម័យ តាមការណែនាំរបស់ក្រសួងសុខាភិបាល ដើម្បីការពារ និងទប់ស្កាត់ការរីករាលដាលនៃជម្ងឺកូវីដ-១៩ ដែលកំពុងតែឆ្លងរីករាលដាលនៅតាម បណ្តាខេត្តនានា និងរាជធានីភ្នំពេញជាដើម ។ ជាមួយគ្នានោះដែរ ក្នុងនាមឯកឧត្ដម ជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តប៉ៃលិន ក៏មានសំណូមពរដល់ក្រុមការងារថ្នាក់មូលដ្ឋាន ពិសេសមន្រ្តីនៅតាមភូមិទាំងអស់ក្នុងខេត្ត ត្រូវចុះមើលប្រជាពលរដ្ឋ បើមានការខ្វះខាតស្បៀងអាហារ សូមរាយការណ៍ជាបន្ទាន់ ព្រោះគោលការណ៍របស់រាជរដ្ឋាភិបាល មិនឲ្យពលរដ្ឋណាម្នាក់ ដាច់ស្បៀងដោយមិនបានដឹងនោះឡើយ…

ប៉ៃលិន ៖ រដ្ឋបាលខេត្តប៉ៃលិន ដឹកនាំដោយលោកជំទាវ បាន ស្រីមុំ កាលពីថ្ងៃទី៣០ ខែមេសា ឆ្នាំ២០២១ បានដឹកនាំក្រុមការងារមន្ទីរសុខាភិបាលខេត្ត ធ្វើការបាញ់ថ្នាំ កំចាត់មេរោគកូវីដ-១៩ នៅក្នុងបរិវេណផ្សារសាមគ្គី ហៅប៉ាហ៊ី ក៏ដូចជាទូទាំងខេត្តប៉ៃលិន ដើម្បីកុំឱ្យមេរោគដ៏កាចសាហាវមួយនេះ ឆ្លងចូលទៅក្នុងសហគមន៍ខេត្តប៉ៃលិន ។ មានប្រសាសន៍ក្នុងឱកាសនោះ លោកជំទាវ បានលើកឡើងថា មេរោគនៃជំងឺកូវីដ-១៩ គឺជាសត្រូវដ៏កាចសាហាវរបស់យើងរាល់គ្នា ដែលមើលមិនឃើញ ហើយមានគ្រោះថ្នាក់ ដូច្នេះ បើសិនជាយើងធ្វេសប្រហែសតែបន្តិច អាចនឹងបង្កឱ្យកើតមានហានីភ័យ ឆ្លងរាលដាលពីអ្នកកើតជំងឺនេះ មកខ្លួនឯង ឆ្លងទៅក្រុមគ្រួសារ រួចចូលក្នុងសហគមន៍ នាំឱ្យមានការលំបាកផងដែរ ។ លោកជំទាវអភិបាលខេត្ត ក៏បានក្រើនរំលឹកដល់អាជីវករនៅក្នុងផ្សារ ឱ្យមានការប្រុងប្រយ័ត្នខ្ពស់ ត្រូវពាក់ម៉ាស លាងដៃនឹងទឹកអាល់កុល ឬជែល រក្សាគម្លាតសុវត្ថិភាពឱ្យបាន១.៥ ទៅ២ម៉ែត្រ និង ត្រូវអនុវត្តតាមវិធានរបស់ប្រមុខរាជរដ្ឋាភិបាល (៣ការ ពារ ៣កុំ) ព្រមទាំងធ្វើតាមការណែនាំរបស់ក្រសួងសុខាភិបាល ។ ម្យ៉ាងវិញទៀត សមត្ថកិច្ចនិងអាជ្ញាធរមូលដ្ឋាន ព្រមទាំងប្រធានផ្សារ ត្រូវបន្តរឹតបណ្តឹង ដោយណែនាំដល់ប្រជាពលរដ្ឋ ដែលចូលទិញម្ហូបអាហារក្នុងផ្សារ…

ព្រៃវែង៖ ក្រោមការណែនាំពី ឯកឧត្តម រាជ រ៉ា រដ្ឋលេខាធិការ ក្រសួងពាណិជ្ជកម្មថ្ងៃទី៣០ ខែមេសា ឆ្នាំ២០២១ ស.ស.យ.ក ស្រុកពារាំង រួមជាមួយ ស.ស.យ.ក ឃុំព្រៃស្នៀត បានចុះចែកម៉ាស់ និងចាក់មេក្រូផ្សព្វផ្សាយស្តីពីការហាមឃាត់ការវិលត្រឡប់មកស្រុកកំណើត របស់បងប្អូនប្រជាពលរដ្ឋដែលបានទៅធ្វើការនៅឆ្ងាយ ហើយបើមានករណីវិលចូលស្រុកត្រូវតែដាក់ឲ្យធ្វើចត្តាឡីស័ក១៤ថ្ងៃ។ ក្រុមការងារស.ស.យ.ក បានផ្សព្វផ្សាយនិងចែកម៉ាសគ្រប់ភូមិ ក្នុងឃុំព្រៃស្នៀត និងនៅតាមទីប្រជុំជន ម៉ាសចែកអស់១០ប្រអប់ ស្មើ៥០០ម៉ាស។ បន្ទាប់មកក្រុមការងារស ស.យ.កស្រុក បន្តផ្សព្វផ្សាយនៅភូមិរកា និងភូមិស្នាយពល ឃុំរកា ស្រុកពារាំង ៕