ភ្នំពេញ៖ តាមរយៈទំព័រហ្វេសប៊ុកផ្លូវការនៅព្រឹកថ្ងៃទី២៨ ខែមេសា ឆ្នាំ២០២១ ឯកឧត្តម បណ្ឌិត ហ៊ុន ម៉ាណែត បានបន្តសូមឱ្យពលរដ្ឋទាំងអស់ ចូលរួមក្នុងការអនុវត្តវិធានសុខាភិបាល, គោរពវិធានការបិទខ្ទប់មួយរយៈពេលខ្លី, ចាក់វ៉ាក់សាំងការពារជំងឺកូវីដ១៩ ដើម្បីឈានដល់ការបញ្ចប់ជំងឺកូវីដ១៩ នៅក្នុងប្រទេសរបស់យើង បានឆាប់រហ័ស ។ ឯកឧត្តម បណ្ឌិត ហ៊ុន ម៉ាណែត បានអំពាវនាវបែបនេះ លើបណ្ដាញសង្គមហ្វេសប៊ុក ជាមួយនឹងរូបថតកាលពីឆ្នាំ២០២០ ដោយបានសរសេរថា៖ បងប្អូនទាំងអស់ប្រាកដជាមានអារម្មណ៍ដូចខ្ញុំ គឺចង់ឱ្យជំងឺកូវីដ១៩ រលាយអស់ពីទឹកដីយើងក្នុងពេលឆាប់បំផុត ដើម្បីយើងអាចត្រឡប់ទៅរកជីវភាពរស់នៅ ជួបជុំគ្រួសារជាធម្មតាដូចមុនវិញ។ សូមបងប្អូនប្រជាពលរដ្ឋទាំងអស់ ចូលរួមក្នុងការអនុវត្តឲ្យបានខ្ជាប់ខ្ជួននូវវិធានសុខាភិបាល (៣កុំ ៣ ការពារ) ក៏ដូចជាក្នុងការទទួលចាក់វ៉ាក់សាំងការពារជំងឺកូវីដ១៩ និងការគោរពគោលការណ៏អនុវត្តក្នុងការបិទខ្ទប់មួយរយៈពេលខ្លី ដើម្បីយើងរួមគ្នាទប់ស្កាត់ការរីករាលដាលនិងឈានដល់ការបញ្ចប់ជំងឺកូវីដ១៩ នៅក្នុងប្រទេសរបស់យើងបានឆាប់រហ័ស ៕

បើមានការខ្វះខាតណាមួយក្នុងការបំពេញការងារជូនបងប្អូនប្រជាពលរដ្ឋ ក្នុងការមកទទួលចាក់វ៉ាក់សាំង បងប្អូនអាចសំណូមពរ ក្នុងន័យស្ថាបនាដល់ក្រុម គ្រូពេទ្យរបស់យើង បើមានចំណុចណាមួយមិនល្អដើម្បីក្រុមគ្រូពេទ្យរបស់យើង កែសម្រួល៖

យោងតាមសេចក្ដីប្រគេនដំណឹងរបស់គណៈសង្ឃនាយកនៃព្រះរាជាណាចក្រកម្ពុជា នៅថ្ងៃទី២៨មេសាឆ្នាំ២០២១ បានឲ្យដឹងថា ករណីឆ្លងរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈឆ្នាំ២០២១ កាន់តែមានការកើនឡើង ក្នុងនោះក៏មានប៉ះពាល់ដល់ព្រះសង្ឃផងដែរ ជាក់ស្ដែងភិក្ខុ ប៊ូ ផាត គង់នៅវត្តស្ទឹងហាវ ខេត្តព្រះសីហនុ ពេលនេះគ្រូពេទ្យពិនិត្យឃើញមានវិជ្ជមានកូវីដ-១៩ កំពុងសម្រាកព្យាបាលនៅមន្ទីរពេទ្យបង្អែកខេត្តកែប។ ដើម្បីចូលរួមចំណែកជាមួយរាជរដ្ឋាភិបាល ក្នុងការទប់ស្កាត់ និងការរឹតបន្តឹងការអនុវត្តវិធានការសុខាភិបាល របស់ក្រសួងសុខាភិបាល និងអនុវត្តតាមអនុសាសន៍របស់សម្ដេចតេជោហ៊ុន សែន ៣ការពារ និង៣កុំ ក្នុងវិធានការការពារវីរុសកូវីដ-១៩ គណៈសង្ឃនាយក បានណែនាំដល់ព្រះមេគណរាជធានី ខេត្ត ត្រូវធ្វើការណែនាំបន្ថែមដល់ព្រះអនុគណ ព្រះចៅអធិការគ្រប់វត្ត ឲ្យអនុវត្តគោលការណ៍គម្លាតសង្គមឲ្យបានខ្ជាប់ខ្ជួនស្របតាមការណែនាំរបស់ក្រសួងសុខាភិបាល និងសេចក្ដីណែនាំនានារបស់ក្រសួងធម្មការ និងសាសនា ព្រមទាំងគណៈសង្ឃនាយកនាពេលកន្លងមក។ គណៈសង្ឃនាយក បានណែនាំឲ្យបន្តបង្កើនការប្រុងប្រយ័ត្នខ្ពស់ និងចូលរួមថែរក្សាសុខភាពទាំងអស់គ្នាតាមរយៈការពាក់ម៉ាសការពាររៀបចំឲ្យមានជាកន្លែងពិនិត្យសុខភាពមុនពេលចូលក្នុងទីធ្លាវត្តអារាម ព្រះវិហារ ឬសាលាឆាន់ ត្រូវមានឧបករណ៍វាស់កម្ដៅ សាប៊ូ ជែល ឬទឹកអាល់កុលសម្រាប់លាងដៃជាប្រចាំ និងដាច់ខាតត្រូវពាក់ម៉ាស ឬប្រើក្រដាសខ្ទប់មាត់នៅពេលក្អ ឬកណ្ដាស់ និងត្រូវរក្សាគម្លាតសុវត្ថិភាពពីម្នាក់ទៅម្នាក់ទៀតដូចជា គង់ អង្គុយ ឈរ ឈររង់ចាំ ឬឈរជជែកគ្នាឲ្យនៅគម្លាតគ្នាយ៉ាងតិចមួយម៉ែត្រកន្លះឡើងទៅ។ ដោយឡែកប់មានការនិមន្តចូលរួមបុណ្យសព ត្រូវមានការបញ្ជាក់ពីក្រុមគ្រួសារសព ឬសំបុត្រពេទ្យ។ ជៀសវាងបុណ្យសពអ្នកជំងឺកូវីដ-១៩ លើកលែងតែមន្ត្រីជំនាញសុខាភិបាល…

ភ្នំពេញ ៖ យុវជននៃសហភាពសហព័ន្ធយុវជនកម្ពុជា គ្រប់លំដាប់ថ្នាក់ បានចូលរួមចំណែកយ៉ាងសកម្ម ក្នុងការងារប្រយុទ្ធប្រឆាំងជម្ងឺកូវីដ-១៩ ក្នុងមូលដ្ឋានខណ្ឌទាំង១៤ក្នុងរាជធានីភ្នំពេញ ។ ជាបន្តបន្ទាប់យុវជនយើងតែងតែនៅជួរមុខរួមជាមួយអាជ្ញាធរមូលដ្ឋាន ក្នុងការលើកកម្ពស់កិច្ចសម្របសម្រួលការងារចាក់វ៉ាក់សាំងជូនប្រជាពលរដ្ឋ មន្ត្រីរាជការ កម្មករ និងបុគ្គលិកវិស័យឯកជននានា របស់ក្រុមគ្រួសារ ស.ស.យ.ក ខណ្ឌទាំង ១៤ នៅតាមគោលដៅនៃការចាក់វ៉ាក់សាំងនានាទូទាំងរាជធានីភ្នំពេញ ប្រកបដោយប្រសិទ្ធភាព និងដំណើរការដ៏រលូន ដែលធ្វើឱ្យប្រជាជនកាន់តែមានការជឿទុកចិត្តខ្ពស់មកលើដំណើការចាក់វ៉ាក់សាំងនៅគ្រប់គោលដៅនានាទូទាំងរាជធានីភ្នំពេញ សម្រាប់ថ្ងៃទី២៧ ខែមេសា ឆ្នាំ២០២១។ សកម្មភាពទាំងអស់នេះ បានបង្ហាញពីគុណតម្លៃរបស់យុវជនក្រោមដំបូលនៃសុខសន្តិភាព ! ក្រោមការដឹកនាំរបស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ឯកឧត្តម សាយ សំអាល់ ប្រធានសហភាពសហព័ន្ធយុវជនកម្ពុជារាជធានីភ្នំពេញ និងថ្នាក់ដឹកនាំជាយុវជនជាច្រើននាក់ទៀត ដែលជាចលនាយ៉ាងសំខាន់ក្នុងការចូលរួមចំណែកជាមួយសង្គមជាតិកម្ពុជា ៕ ដោយ / គ្រី សម្បត្តិ

ក្រសួងព័ត៌មាន សម្រេចបន្តសុពលភាព លិខិតធ្វើដំណើរដែលបានចេញជូនអ្នកសារព័ត៌មាន រហូតដល់ចប់ Lockdown៖