អាជ្ញាធរខេត្តបន្ទាយមានជ័យ នៅព្រឹកថ្ងៃទី២៥ ខែមេសា ឆ្នាំ២០២១នេះបានឲ្យដឹងថា ក្នុងរយៈពេលប៉ុន្មានថ្ងៃនេះ មន្រ្តីសុខាភិបាល និងអាជ្ញាធរ បានធ្វើយកសំណាកពីមនុស្សចំនួន៤៧០នាក់ ហើយរកឃើញវិជ្ជមានកូវីដ១៩ ចំនួន១២៦នាក់ ដោយធ្វើសំណាកលើកទី១លើមនុស្សចំនួន១២៧ រកឃើញវិជ្ជមាន៦៣នាក់ និងលើកទី២ ធ្វើសំណាកលើមនុស្សចំនួន៣៤៣ រកឃើញវិជ្ជមាន៦៣នាក់។ សម្រាប់អ្នកវិជ្ជមានទាំង១២៦នាក់ នេះ គឺភាគច្រើនជាជនជាតិឥណ្ឌូណេស៊ី។

ចំនួននៃការចាក់វ៉ាក់សាំងកូវីដ១៩ បានចំនួន ១ចំនួន២៩ម៉ឺន៣ពាន៩៧៤នាក់គិតត្រឹមថ្ងៃទី២៤ ខែមេសា ដែលបានចាក់ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេស។ ក្នុងនោះក្រសួងសុខាភិបាល ចាក់បានចំនួន ៩៩ម៉ឺន៩ពាន់៤៣១នាក់, និងក្រសួងការពារជាតិ ចាក់បានចំនួន២៩ម៉ឺន៤ពាន់៥៤៣នាក់។

មណ្ឌលគិរីៈយ៉ាងហោចណាស់សមាជិកគ្រួសារនៃស្ត្រីដែលបានវិលត្រឡប់ពីមន្ទីរពេទ្យលោកសង្ឃហើយបានឆ្លងជំងឺកូវីដ១៩នោះ គឺបានបន្តឆ្លង២នាក់ទៀតហើយ ដោយសរុបខេត្តមណ្ឌលគិរីមានអ្នកជំងឺ៣នាក់គិតត្រឹមថ្ងៃទី២៤មេសា។ រដ្ឋបាលខេត្តមណ្ឌលគិរីនៅវេលាអាធ្រាតុថ្ងៃទី២៤មេសា បានចេញសេចក្តីប្រកាសព័ត៌មានភ្លាមៗ ដោយមានខ្លឹមសារទាំងស្រុងដូចខាងក្រោម៖ ដោយៈសាតចាន់បុត្រ

ព្រះសីហនុ ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមការងារចុះមូលដ្ឋានខេត្តព្រះសីហនុ អមដំណើរដោយឯកឧត្តម គួច ចំរើន អភិបាល នៃគណ:អភិបាលខេត្តព្រះសីហនុ នារសៀលថ្ងៃសៅរ៍ ១៣កើត ខែពិសាខ ឆ្នាំឆ្លូវ ត្រីស័ក ព.ស ២៥៦៤ ត្រូវនឹងថ្ងៃទី២៤ ខែមេសា ឆ្នាំ២០២១ បាននាំយកអំណោយឧបត្ថម្ភជូនដល់កងទ័ពជើងទឹក ដែលកំពុងបោះទីតាំងនៅក្នុងបរិវេណស្ថានីយរថភ្លើង ដើម្បីត្រៀមចុះជួយសម្រួលនៅតាមគោលដៅតំបន់បិទខ្ទប់ក្នុងភូមិសាស្រ្តក្រុងព្រះសីហនុ ក្នុងការទប់ស្កាត់ឆ្លងរីករាលដាលជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈ នៅខេត្តព្រះសីហនុ ។ ក្នុងឱកាសនោះឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមការងារចុះមូលដ្ឋានខេត្តព្រះសីហនុ បានមានប្រសាសន៍សំណេះសំណាលជាមួយកងកម្លាំងជើងទឹក ព្រមទាំងបានថ្លែងអំណរគុណចំពោះមេបញ្ជាការ មេបញ្ជាការរង និងពលនាវិកកងទ័ពជើងទឹកមូលដ្ឋានសមុទ្រដែលបានចូលរូមសហការជាមួយរដ្ឋបាលខេត្ត ត្រៀម និងបន្តចុះតាមគោលដៅតំបន់បិទខ្ទប់មួយចំនួនក្នុងភូមិសាស្រ្តក្រុងព្រះសីហនុ ទន្ទឹមនោះត្រូវរក្សាគម្លាតសុវត្ថិភាព និងចូលរួមអនុវត្តវិធានការរបស់ក្រសួងសុខាភិបាល ពិសេសគោលការ ៣.ការពារ និង ៣. កុំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដើម្បីរួមគ្នាប្រយុទ្ធប្រឆាំងទប់ស្កាត់ការឆ្លងរាលដាលជំងឺកូវីដ-១៩…

ថ្ងៃទី២៤ ខែមេសា ឆ្នាំ២០២១ នេះ ក្រុមគ្រូពេទ្យសម្តេចតេជោ ប្រឆាំងកូវីដ-១៩ រួមសហការយ៉ាងសកម្មជាមួយវិទ្យាស្ថានជាតិ សុខភាពសាធារណ: និងក្រសួងសុខាភិបាល ក្នុងកិច្ចការងារប្រយុទ្ធប្រឆាំងជំងឺកូវីដ-១៩ បូករួមទាំងព្រឹត្តិការណ៍ ២០កុម្ភៈ បានចុះយកសំណាកអ្នកដែលសង្ស័យនៅទីតាំង៖ 📍សខាន់ៗដែលមានអ្នកពាក់ព័ន្ធផ្ទាល់ 🦠🤒 កិច្ចខិតខំនេះក្រោមការយកចិត្តទុកដាក់ខ្ពស់របស់បងប្រុស ហ៊ុន ម៉ាណែត ប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ និងបងស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ #TYDA

ភ្នំពេញ ៖ ក្រុមការងារសហភាពសហព័ន្ធយុវជនកម្ពុជា រាជធានីភ្នំពេញ និងខណ្ឌ នៅថ្ងៃទី២៤ ខែមេសា ឆ្នាំ២០២១ បានបន្តនាំយកគ្រឿងឧបភោគបរិភោគដែលជាអំណោយដ៏ថ្លៃថ្លារបស់ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ផ្ដល់ជូនបងប្អូនប្រជាពលរដ្ឋដែលប្រកបរបររត់រ៉ឺម៉កកង់បី និងសេដ្ឋកិច្ចក្រៅប្រព័ន្ធដែលមានជីវភាពខ្វះខាត នៃសមាគមន៍រួមគ្នាដើម្បីអភិវឌ្ឍន៍កម្ពុជា និងប្រជាពលរដ្ឋដែលមានជីវភាពខ្វះខាត នៅក្នុងភូមិសាស្ត្រនានាទូទាំងរាជធានីភ្នំពេញ ដើម្បីជួយសម្រួលជីវភាពក្នុងដំណាក់កាលដ៏លំបាកនេះ ។ សូមប្រជាពលរដ្ធទាំងអស់នាំគ្នាអត់ធ្មត់នៅក្នុងដំណាក់កាលនេះ និងចូលរួមក្នុងការអនុវត្តនូវវិធានការរបស់ក្រសួងសុខាភិបាល ៣ការពារ ៣កុំ ដើម្បីបញ្ចប់នូវព្រឹត្តិការណ៍សហគមន៍២០កុម្ភៈ ។ សកម្មភាពនេះបានបង្ហាញពីការយកចិត្តទុកដាក់ពីឯកឧត្តម ហ៊ុន ម៉ានី ក្នុងជីវភាពការរស់នៅប្រចាំថ្ងៃនិងសកម្មភាពយ៉ាងសកម្មរបស់យុវជន ក្នុងការជួយអ្នកមានជីវភាពលំបាកខ្វះខាត និងកាយវិការសប្បុរសធម៌ ៕ ដោយ / គ្រី សម្បត្តិ

-អរគុណ សន្តិភាព-អរគុណ នយោបាយ ឈ្នះ ឈ្នះ-ដឹងគុណ ស្ថាបនិកមគ្គុទ្ទេសឯក និងប្រតិបត្តិករនយោបាយឈ្នះ ឈ្នះ ដែលនាំមកនូវសន្តិភាព និងការឯកភាពជាតិពេញលេញ នៅរសៀលថ្ងៃទី២៤ ខែមេសា ឆ្នាំ២០២១ ឯកឧត្តម សាយសំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមការងារថ្នាក់ជាតិចុះជួយមូលដ្ឋានខេត្តព្រះសីហនុ បានអញ្ជើញចុះសួរសុខទុក្ខ និងនាំយកអំណោយមួយចំនួនជូន ដល់កងទ័ពជើងទឹកមូលដ្ឋានសមុទ្រ ដែលឈរជើងតាមគោលដៅនានា ដើម្បីចូលរួមអនុវត្តនូវវិធានការការពារទប់ស្កាត់ការរីករាលដាលនៃជំងឺកូវី១៩ នៅខេត្តព្រះសីហនុ។ អំណោយទាំងនោះរួមមាន÷-ទឹកសុទ្ធ ៥០កេស-ទឹកអូអីឈិ ២០ កេស-ទឹកគោជល់ ២០ កេស-មី ១០ កេសធំ-ម៉ាស់ ១ កេសធំ-អាកុល ៦០ លីត្រ-អាកុលដបតូច ២២០ ដប-ដបបាញ់អាកុល ២០ ដបនិងថវិកាចំនួន ១០,០០០,០០០,៛ (ដប់លានរៀល)៕

ស.ស.យ.ក រាជធានីភ្នំពេញ បានបំពេញសកម្មភាព បន្តចូលរួមសម្របសម្រួលការងារចាក់វ៉ាក់សាំងជូនប្រជាពលរដ្ឋ មន្ត្រីរាជការ កម្មករ និងបុគ្គលិកវិស័យឯកជននានា របស់ក្រុមគ្រួសារ ស.ស.យ.ក ខណ្ឌទាំង ១៤ នៅតាមគោលដៅនៃការចាក់វ៉ាក់សាំងនានាទូទាំងរាជធានីភ្នំពេញថ្ងៃទី២៤ ខែមេសា ឆ្នាំ២០២១ តាមខណ្ឌនីមួយៗ នៅរាជធានីភ្នំពេញ។

ខេត្តកែប៖ ថ្ងៃទី២៤ ខែមេសា ឆ្នាំ២០២១ ឯកឧត្តម សោម ពិសិដ្ឋ អភិបាលខេត្តកែប និងលោក ងិន ងិនដា លោក វ៉ៅ សុខា អភិបាលរងខេត្ត បានចុះសំណេះសំណាលសួរសុខទុក្ខ និងផ្ដល់សម្ភារ គ្រឿងឧបភោគបរិភោគជូនដល់កម្លាំងប្រចាំការតាមប៉ុស្តិ៍គោលដៅត្រួតពិនិត្យទូទាំងខេត្តកែប។ សូមបងប្អូនប្រជាពលរដ្ឋចូលរួមអនុវត្តន៍វិធានការនានារបស់ក្រសួងសុខាភិបាល ពិសេសវិធានការ ៣ការពារ និង ៣កុំ កុំបីខាន៕