ភ្នំពេញ ៖ លោក ឌី រ័ត្នខេមរុណ ប្រធានគណៈកម្មាធិការអនុសាខា កាកបាទក្រហម ខណ្ឌមានជ័យ បានអញ្ជើញចុះសួរសុខទុក្ខ និង នាំយកអំណោយមនុស្សធម៌អនុសាខាកាកបាទក្រហម ខណ្ឌមានជ័យ ជាស្បៀង គ្រឿងឧបភោគ-បរិភោគ ផ្តល់ជូនបុរីទារក និង កុមារជាតិ ស្ថិតនៅផ្លូវឌួងងៀប២ ភូមិដំណាក់ធំ៣ សង្កាត់ស្ទឹងមានជ័យ ៣ ខណ្ឌមានជ័យ រាជធានីភ្នំពេញ នារសៀលថ្ងៃសុក្រ ១២កើត ខែពិសាខ ឆ្នាំឆ្លូវ ត្រីស័ក ព.ស ២៥៦៥ ត្រូវនិងថ្ងៃទី ២៣ ខែមេសា ឆ្នាំ ២០២១ ។ នាឱកាសនោះដែរ លោកប្រធាន អនុសាខា បានពាំនាំនូវការផ្តាំផ្ញើរសាកសួរសុខទុក្ខ ពីសណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្តេច តែងតែយកចិត្តទុកដាក់ជាប់ជានិច្ចចំពោះសុខទុក្ខប្រជាពលរដ្ឋ គ្រប់ក្រុមគ្រួសារ និងគ្រប់ទីកន្លែង ដោយមិនប្រកាន់ពីនិន្នាការនយោបាយ ជាតិសាសន៍ សាសនា វណ្ណៈ ពណ៌សម្បុរអ្វីទាំងអស់…

ភ្នំពេញ ៖ ក្រុមការងារសហភាពសហព័ន្ធយុវជនកម្ពុជា រាជធានីភ្នំពេញ កាលពីថ្ងៃទី២៣ ខែមេសា ឆ្នាំ២០២១ បាននាំយកគ្រឿងឧបភោគបរិភោគដែលជាអំណោយដ៏ថ្លៃថ្លារបស់ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ផ្ដល់ជូនបងប្អូនប្រជាពលរដ្ឋដែលប្រកបរបររត់រ៉ឺម៉កកង់បី និងសេដ្ឋកិច្ចក្រៅប្រព័ន្ធដែលមានជីវភាពខ្វះខាត នៃសមាគមន៍រួមគ្នាដើម្បីអភិវឌ្ឍន៍កម្ពុជា នៅក្នុងភូមិសាស្ត្រខណ្ឌដូនពេញ ៧មករា ចំការមន បឹងកេងកង ច្បារអំពៅ មានជ័យ ដង្កោ កំបូល និងខណ្ឌព្រែកព្នៅ ដើម្បីជួយសម្រួលជីវភាពក្នុងដំណាក់កាលដ៏លំបាកនេះ។

ចំនួននៃការចាក់វ៉ាក់សាំងសរុបបានចំនួន ១លាន២៨ម៉ឺន២ពាន់១៩៦នាក់ គិតត្រឹមថ្ងៃទី២៣ ខែមេសា ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេស។ ក្នុងនោះក្រសួងសុខាភិបាល ចាក់បានចំនួន ៩៨ម៉ឺន៧ពាន់៦៥៣ នាក់, និងក្រសួងការពារជាតិ ចាក់បានចំនួន ២៩ម៉ឺន៤ពាន់៥៤៣នាក់។

នៅល្ងាចថ្ងៃទី២៣ ខែមេសា ឆ្នាំ២០២១ ក្រុមការងារ ស.ស.យ.ក រាជធានីភ្នំពេញ តាមរយៈលោកជំទាវ សុខា គងពិសី បានបន្តនាំយកអំណោយដ៏ថ្លៃថ្លារបស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ចំនួន ៣០០ កញ្ចប់ ដោយក្នុងមួយកញ្ចប់រួមមាន៖ ទឹកសុទ្ធអារុណា ម៉ាស មី ត្រីខ ទឹកស៊ីអ៊ីវ អាល់កុល ទឹកតែបៃតង ទឹកដោះគោខាប់ នំបុ័ង្គ ប្រេងកូឡា និងអាវយឺត ទៅចែកជូនបងប្អូនជនអានាថាគ្មានទីពឹងដែលកំពុងស្នាក់នៅតាមសំយាបផ្ទះ អារាមសាសនា តាមចំណីផ្លូវ និង បងប្អូន ដែល កំពុង ជួប ការ ខ្វះខាត ស្បៀង អាហារ ស្ថិត ក្នុង ភូមិ សាស្ត្រ ខណ្ឌ ចំការមន និងខណ្ឌ ៧មករា ដើម្បីរួមចំណែកសម្រួលជីវភាពរស់នៅក្នុងកាលៈទេសៈដែលរាជធានីភ្នំពេញកំពុងបិទខ្ទប់ដោយសារជំងឺកូវីដ-១៩។ ឆន្ទៈ និងទឹកចិត្តដ៏ប្រពៃដែលយុវជនបានរួមចំណែកក្នុងកាលៈទេសៈនេះ ធ្វើឱ្យបងប្អូនដែលខ្វះទីពឹងបង្ហាញពីអារម្មណ៍ រំភើបរីករាយដែលបានទទួលស្បៀងអាហារសម្រាប់ជាក្តីសង្ឃឹម និងទ្រទ្រង់ការរស់នៅរបស់ក្រុមគ្រួសារទោះបីអាចផ្គត់ផ្គង់បានតែក្នុងរយៈពេលខ្លី…

ភ្នំពេញ៖ ឯកឧត្តម ឃួង ស្រេង អភិបាលរាជធានីភ្នំពេញបានធ្វើការណែនាំឱ្យអាជ្ញាធរខណ្ឌទាំង១៤ ពិនិត្យឱ្យបានម៉ត់ចត់ចំពោះសកម្មភាពនៅតាមផ្សារនានា ដោយយើងនឹងត្រូវបិទផ្សារមួយចំនួនធំទៀតនៅក្រុងភ្នំពេញដើម្បីកាត់ផ្តាច់ឱ្យបាននូវ ការឆ្លងរីករាលដាលជម្ងឺកូវីដ-១៩ ខណៈដែលជម្ងឺនេះបាននិងកំពុងវាយលុកយ៉ាងខ្លាំងនៅក្នុងរាជធានីភ្នំពេញ។ ការណែនាំបែបនេះរបស់ឯឧ ឃួង ស្រេងអភិបាលរាជធានីភ្នំពេញបានធ្វើឡើងនារាត្រីថ្ងៃទី២៣មេសានេះ នៅក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ តាមរយៈកិច្ចប្រជុំ video conference នៅសាលារាជធានីភ្នំពេញ ដោយមានការចូលរួមពីអភិបាលខណ្ឌទាំង១៤ ស្នងការនគរបាលរាជធានីភ្នំពេញនិងមេបញ្ជាការកងរាជអាវុធហត្ថរាជធានីភ្នំពេញ ដើម្បីពង្រឹងការងារមួយចំនួន ដូចជាការងារចាក់វ៉ាក់សាំងការពារជម្ងឺកូវីដ-១៩ ការរៀបចំវិធានការលើការបិទផ្សារនានា និងការងាររៀបចំកន្លែងយកសំណាកពីអ្នកសង្ស័យកូវីដ-១៩ ផងដែរ។ ឯកឧត្តម ឃួង ស្រេង បានមានប្រសាសន៍ថា ចំពោះការងារនៃការចាក់វ៉ាក់សាំងការពារជម្ងឺកូវីដ-១៩ អាជ្ញាធរខណ្ឌទាំងអស់ ត្រូវតែរៀបចំដោយការយកចិត្តទុកដាក់និងម៉ត់ចត់ ពិសេស រក្សាគម្លាតសុវត្ថិភាពចំពោះប្រជាពលរដ្ឋមកចាក់ ។ ឯ.ឧឃួង ស្រេង បានបន្តទៀតថា កន្លងមកនេះយើងបានឃើញហើយនៅតាមផ្សារនានា បងប្អូនប្រជាពលរដ្ឋ និងកម្មករ កម្មការិនី ពេលពួកគាត់ទៅផ្សារហាក់មិនខ្លាចឆ្លងកូវីដ-១៩សោះឡើយ ។ ទង្វើទាំងនេះ បានធ្វើអោយចំនួនអ្នកឆ្លងនៅតាមផ្សារនានានៅក្នុុងក្រុងភ្នំពេញបានកើនឡើងយ៉ាងលឿន គួរឱ្យព្រួយបារម្ភ ។ដោយឃើញពីបញ្ហាប្រឈមខ្លាំងនេះ រដ្ឋបាលរាជធានីរបស់យើងបានធ្វើការបិទផ្សារជាបន្តបន្ទាប់ ហើយជាគម្រោងយើងនឹងបិទផ្សារមួយចំនួនធំទៀត នៅក្នុងក្រុងភ្នំពេញ ដើម្បីកាត់ផ្តាច់ឱ្យបាននូវ ការឆ្លងរីករាលដាលជម្ងឺកូវីដ-១៩ ។ចំពោះផ្សារដែលយើងត្រូវបិទបន្តទៀតនេះ មានផ្សារគីឡូម៉ែត្រ៦ ផ្សារគីឡូម៉ែត្រលេខ៧…

សេចក្ដីណែនាំ ស្ដីពីការប្រមូលសំណាកតេស្តរកវីរុសកូវីដ១៩ ចំពោះប្រជាពលរដ្ឋទាំងអស់ដែលកំពុងស្នាក់នៅក្នុងភូមិសាស្រ្ត “តំបន់ក្រហម“ នៅរាជធានីភ្នំពេញ។

រូបភាពនៅតាមដងផ្លូវមួយចំនួន នាព្រឹកថ្ងៃទី២៤ មេសា ឆ្នាំ២០២១ ក្នុងកំឡុងពេលអនុវត្តន៍វិធានការបិតខ្ទប់ភូមិសាស្រ្ត រាជធានីភ្នំពេញ និងក្រុងតាខ្មៅ នៃខេត្តកណ្តាល ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩។ (ថតដោយ៖ ថេត វិចិត្រ)

នេះបើតាមសេចក្ដីណែនាំ ស្ដីពីការប្រមូលសំណាកតេស្តរកវីរុសកូវីដ១៩ ចំពោះប្រជាពលរដ្ឋទាំងអស់ដែលកំពុងស្នាក់នៅក្នុងភូមិសាស្រ្ត “តំបន់ក្រហម“ នៅរាជធានីភ្នំពេញ។ អ្នកនាំពាក្យក្រសួងយុត្តិធម៌ ឯកឧត្តម គឹម សន្តិភាពសូមជម្រាបជូនថា សេចក្តីជូនដំណឹងនេះ គឺជាការកំណត់ជាកាតព្វកិច្ចក្នុងការយកសំណាកសម្រាប់បងប្អូនដែលកំពុងរស់នៅក្នុងតំបន់ក្រហម! ហេតុនេះសូមចូលរួមសហការជាមួយសមត្ថកិច្ចក្នុងការផ្តល់សំណាកតាមគោលដៅដែលបានរៀបចំ! បុគ្គលដែលមិនសហការជាមួយមន្រ្តីសុខាភិបាល ដើម្បីយកវត្ថុសំណាកទៅវិភាគរកមេរោគកូវីដ-១៩ ត្រូវផ្តន្ទាទោសជាពិន័យអន្តរការណ៍ពី ១.០០០.០០០ (មួយលាន) រៀល ទៅ ៥.០០០.០០០ (ប្រាំលាន) រៀល ។ ការបង់ប្រាក់ពិន័យអន្តរការណ៍នេះ មិនធ្វើឱ្យបុគ្គលដែលប្រព្រឹត្តអំពើល្មើសនេះ រួចផុតពីកាតព្វកិច្ចក្នុងការឱ្យមន្រ្តីសុខាភិបាលយកសំណាកទៅវិភាគរកមេរោគកូវីដ-១៩ នោះទេ!