រតនគិរី ៖ ឯកឧត្តម ថង សាវុន អភិបាលនៃគណៈអភិបាលខេត្តរតនគិរីអញ្ជើញចុះពិនិត្យទីតាំងចាក់វ៉ាក់សាំង ចំនួន២ទីតាំង ស្ថិតនៅទីតាំងសាលមហោស្រពសម្តេចតេជោ បរិវេណមន្ទីរវប្បធម៌ និងវិចិត្រសិល្បៈខេត្ត និងនៅវិទ្យាល័យស្រុកលំផាត់ ព្រមទាំងមានការចូលរួមដោយ មេបញ្ជាការកងកម្លាំងប្រដាប់អាវុធទាំង៣ប្រភេទ ក្រុមយុវជន សសយក ក្រុង ស្រុក និងប្រធានមន្ទីរពាក់ព័ន្ធមួយចំនួនទៀត នាថ្ងៃទី២៣ ខែមេសា ឆ្នាំ២០២១។ ក្នុងឱកាសជួបសំណេះសំណាលនេះ ឯកឧត្តមបានធ្វើការកោតសរសើរ ដល់ក្រុមគ្រូពេទ្យចាក់វ៉ាក់សាំងទាំងអស់ដែលខិតខំបំពេញការងារបានយ៉ាងល្អ ដែលធ្វើអោយដំណើរការនៃការចាក់វ៉ាក់សាំង នៅក្នុងខេត្តរបស់យើងទទួលបាននូវលទ្ធផលដ៏ល្អប្រសើរ ដែលជាការចូលរួមមួយដ៏សំខាន់ជាមួយរាជរដ្ឋាភិបាលកម្ពុជាក្នុងការចាក់វ៉ាក់សាំងជូនពលរដ្ឋទូទាំងប្រទេសអោយបានជោគជ័យ ។ ឯកឧត្តមអភិបាលខេត្តក៏បានសំណូមពរអោយបងប្អូនប្រជាពលរដ្ឋទាំងអស់អញ្ជើញមកទទួលយកការចាក់វ៉ាក់សាំងទាំងអស់គ្នាតាមការកំណត់របស់រាជរដ្ឋាភិបាល និងសូមចូលរួមបន្ដអនុវត្តវិធានការ៣ការពារ ៣កុំ តាមការណែនាំរបស់ក្រសួងសុខាភិបាលដើម្បីការពារខ្លួនយើង គ្រួសារ ក៏ដូចជាសង្គមជាតិយើងជៀសផុតពីជំងឺដ៏កាចសាហាវនេះ។ ឆ្លៀតក្នុងឱកាសនេះផងដែរឯកឧត្តមអភិបាលខេត្ត ក៏បានអញ្ជើញទៅត្រួតពិនិត្យទីតាំងបិទការឆ្លងកាត់ចេញចូលខេត្ត ត្រង់ចំណុចអូររវាក់នៅក្នុងស្រុកលំផាត់ ដែលជាព្រំប្រទល់រវាងខេត្តរតនគិរី និងមណ្ឌលគិរីផងដែរ។ ឯកឧត្តមសូមអោយកងកម្លាំងដែលឈរជើងនៅទីតាំងទាំងអស់ អនុវត្តអោយបានម៉ត់ចត់តាមសេចក្ដីសម្រេចរបស់រដ្ឋបាលខេត្ត ក៏ដូចជាសេចក្ដីសម្រេចរបស់ រាជរដ្ឋាភិបាលក្នុងការបិទការចេញចូលខេត្តនេះ ដើម្បីចូលរួមជាមួយគ្នាក្នុងការទប់ស្កាត់ ការចម្លងជំងឺកូវីដ-១៩អោយមានប្រសិទ្ធភាព ៕

ភ្នំពេញ៖ លោកឃួង ស្រេងអភិបាលរាជធានីភ្នំពេញនៅរសៀលថ្ងៃទី២៣ មេសានេះបានទទួលអំណោយ ជាគ្រឿងឧបភោគ បរិភោគនិងភេសជ្ជៈ ពីក្រុមហ៊ុនJ T I ដើម្បីឱ្យរដ្ឋបាលរាជធានីភ្នំពេញបន្តយកទៅចែកចាយ ដល់កងកម្លាំងមានសមត្ថកិច្ចនិងអាជ្ញាធរដែលបាននិងកំពុងឈរនៅតាមគោលដៅបិទខ្ទប់រាជធានីភ្នំពេញ ក្នុងខណៈដែលរាជធានីភ្នំពេញ ត្រូវបានរាជរដ្ឋាភិបាលបិទខ្ទប់ក្នុងរយៈពេល១៤ ថ្ងៃ ដើម្បីបង្ការទប់ស្កាត់ការរីករាលដាលនៃជំងឺកូវីដ-១៩ ។ ក្រុមហ៊ុនJ T I កន្លងមកតែងបានជួយឧបត្ថមមករដ្ឋបាលរាជធានីភ្នំពេញជាបន្តបន្ទាប់ ។សម្រាប់អំណោយ ដែលទទួលបានពីក្រុមហ៊ុនខាងលើនៅពេលនេះរួមមាន ទឹកក្រូចចំនួន៥០០កេស ទឹកបរិសុទ្ធចំនួន៥០០ កេសនិងអាហារសម្រន់ចំនួន១០០០កញ្ចប់ក្នុងឱកាសនោះដែរ លោកឃួង ស្រេង បានថ្លែងនូវការអរគុណយ៉ាងជ្រាលជ្រៅចំពោះក្រុមហ៊ុនJTIដែលបានជួយឧបត្ថម្ភ គ្រឿងឧបភោគ បរិភោគនិងភេសជ្ជៈខាងលើនេះ ដើម្បីឱ្យរដ្ឋបាលរាជធានីភ្នំពេញបានបន្តយកទៅចែកចាយ កងកម្លាំងមានសមត្ថកិច្ចនិងអាជ្ញាធរដែលបាននិងកំពុងឈរនៅតាមគោលដៅបិទខ្ទប់រាជធានីភ្នំពេញ រយៈពេល១៤ ថ្ងៃ ដើម្បីបង្ការទប់ស្កាត់ការរីករាលដាលនៃជំងឺកូវីដ-១៩នេះ។ ក្រោយពីបានទទួលបានអំណោយខាងលើ លោកឃួង ស្រេង អភិបាលរាជធានីភ្នំពេញក៏បានចាត់តាំង ឲ្យលោក ហួត ហៃ និងលោកនួន ផារ័ត្ន អភិបាលរងរាជធានីភ្នំពេញ ជាតំណាងលោកដោយមានការចូលរួមពីតំណាងក្រុមហ៊ុនJ T I ផងដែរនោះបានបន្តយកភេសជ្ជៈ និងអាហារសម្រន់ទាំងនេះ ទៅចែកជូនដល់កងកម្លាំងនៅតាមគោលដៅបិទខ្ទប់នៅក្នុងភូមិសាស្ត្ររាជធានីភ្នំពេញ ។នៅល្ងាចថ្ងៃដដែលនេះ ដោយក្នុងនោះលោកហួត ហៃ បាននាំយកអំណោយទាំងនេះទៅចែកងកម្លាំងដែលបាននិងកំពុងឈជើងនៅគោលដៅផ្លូវជាតិលេខ៦…

ភ្នំពេញ៖ នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានថ្លែងថា ការជួយឧបត្ថម្ភគាំទ្ររបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដល់កងកម្លាំងនគរបាលជាតិ គឺជាការឆ្លើយតបទាន់ពេលវេលាចំពោះតម្រូវការចាំបាច់ និងបានឆ្លុះ បញ្ចាំងឲ្យឃើញអំពីការយកចិត្តទុកដាក់ប្រកបដោយសន្តានចិត្តអាណិតស្រលាញ់របស់ សម្តេច ដែលតែងតែគិតគូរ ដល់សុខទុក្ខរបស់កងកម្លាំងនគរបាលជាតិ។ នេះបើយោងតាមលិខិតរបស់នាយឧត្តមសេនីយ៍សន្តិបណ្ឌិត នេត សារឿន ផ្ញើជូនសម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃនៅថ្ងៃទី២៣ ខែមេសា ឆ្នាំ២០២១។ នាយឧត្តមសេនីយ៍ សន្តិបណ្ឌិត នេត សាវឿន បានជម្រាបជូនសម្តេចក្រឡាហោម ស ខេង ថា កាយវិការ ដ៏ឧត្តុង្គឧត្តមនេះ បានក្លាយជាប្រភពលើកទឹកចិត្ត និងជាថាមពលជម្រុញឲ្យស្មារតីរបស់កងកម្លាំងនគរបាលជាតិ កាន់តែមុតស្រួចក្នុងការបំពេញកាតព្វកិច្ច ដើម្បីបុព្វហេតុ សន្តិសុខ សណ្តាប់ធ្នាប់ និងសុវត្ថិភាពសង្គម ពិសេសបេសកកម្មអនុវត្តបទបញ្ជារបស់រាជរដ្ឋាភិបាលក្នុងការទប់ស្កាត់ ការឆ្លងរាលដាលជំងឺកូវីដ-១៩ ឲ្យមានប្រសិទ្ធភាពខ្ពស់។ ក្នុងនាមកងកម្លាំងនគរបាលជាតិ និងក្នុងនាមខ្លួនលោកផ្ទាល់មានសេចក្តីសោមនស្សរីករាយឥតឧបមា សូមគោរពថ្លែងអំណរគុណយ៉ាងជ្រាលជ្រៅបំផុតជូនចំពោះ សម្តេចក្រឡាហោម ស ខេង ឧបនាយករដ្ឋមន្ត្រី…

ភ្នំពេញៈ កម្លាំងអាវុធហត្ថរាជធានីភ្នំពេញឃាត់ខ្លួនអ្នករត់ម៉ូតូកង់បី មិនគោរពតាមវិធានការបិទខ្ទប់របស់រាជរដ្ឋាភិបាល ដោយចេញក្រៅលំនៅដ្ឋាន និងធ្វើដំណើរលើដងផ្លូវគ្មានលិខិតអនុញ្ញាត។ ការឃាត់ខ្លួននេះ បានធ្វើឡើងកាលពីថ្ងៃទី២២ ខែមេសា ឆ្នាំ២០២១ នៅតាមបណ្តាយផ្លូវសុធារស ភូមិ៣ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ មន្ត្រីអាវុធហត្ថបានឲ្យដឹងថា នៅពេលដែលកម្លាំង គ.អន្តរាគមន៍ អាវុធហត្ថរាជធានីភ្នំពេញ បានល្បាតក្នុងភូមិសាស្ត្រខណ្ឌចំការមន ដល់ចំណុចខាងលើ ក៏បានឃើញបុរសខាងលើកំពុងតែអង្គុយលើម៉ូតូរ៉ឺម៉កកង់បី ខណៈនោះកម្លាំងគ.អន្តរាគមន៍ អាវុធហត្ថរាជធានីភ្នំពេញ ក៏បានណែនាំពីវិធានការរបស់រាជរដ្ឋាភិបាល ទៅកាន់បុរសនោះដើម្បីចូលរួមបង្ការការឆ្លងរាលដាលនៃជំងឺកូវីដ-១៩។ ប៉ុន្តែបុរសរូបនោះមិនត្រឹមតែមិនស្ដាប់នូវការណែនាំនោះទេ ថែមទាំងបានប្រើកាយវិការមិនសមរម្យឌឺដងមកលើសមត្ថកិច្ចកំពុងអនុវត្តច្បាប់ទៀតផង ឃើញដូច្នោះ កម្លាំងគ.អន្តរាគមន៍ អាវុធហត្ថរាជធានីភ្នំពេញ បានសហការការជាមួយកម្លាំង មូលដ្ឋានអាវុធហត្ថខណ្ឌចំការមន ធ្វើការឃាត់ខ្លួន បុរសម្នាក់នោះ បញ្ជូនទៅ ទៅមន្ទីសង្គមកិច្ចរាជធានីភ្នំពេញ តាមការណែនាំ របស់គណៈបញ្ជាការឯកភាពរដ្ឋបាលខណ្ឌចំការមន ដើម្បីធ្វើការអប់រំនិងផាកពិន័យតាមច្បាប់៕ដោយៈ ឫទ្ធិស័ក្តិ

ផ្សារច្បារអំពៅ និងផ្សារបន្លែ ស្ថិតក្នុងសង្កាត់ច្បារអំពៅទី២ ត្រូវបានផ្អាកដំណើរការជាបណ្តោះអាសន្ន ក្រោយមានអាជីវករឆ្លងជំងឺកូវីដ៖