កងកម្លាំងសន្តិសុខនៅតែឈរយាមកាមយ៉ាងយកចិត្តទុកដាក់ ត្រួតពិនិត្យមិនឱ្យមានការធ្វើចរាចរណ៍ និងទប់ស្កាត់ប្រជាពលរដ្ឋចេញពិភ្ទះ ដើម្បីប្រយុទ្ធប្រឆាំងនឹងការីករាលដ្ឋានជំងឺកូវីដ-១៩។ សូមបញ្ជាក់ថា ស្ថានភាពពនៃការឆ្លង រីករាលដាលជំងឺកូវីដ-១៩ ក្នុងព្រះរាជាណាចក្រកម្ពុជាបច្ចុប្បន្ន នៅតែធ្ងន់ធ្ងរនៅឡើយ៕

ខេត្តព្រះសីហនុផ្អាកជាបណ្តោះអាសន្ននូវអាជីវកម្មលក់ដូរនៅក្នុងផ្សារពាណិជ្ជកម្ម ស្ថិតនៅសង្កាត់លេខ២ ក្រុងព្រះសីហនុ៖

ខេត្តព្រះសីហនុ បិទខ្ទប់ ភូមិភ្នំតូច ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ ដែលជាតំបន់មានការឆ្លងរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈ៖

ក្រោយពីបានបញ្ចប់បេសកកម្មតាមគោលដៅយកសំណាកនីមួយៗ នៅរាត្រីយប់ថ្ងៃទី២១ ខែមេសា ឆ្នាំ២០២១ នេះ បងស្រី ពេជ ចន្ទមុន្នី បានមកសួរសុខទុក្ខ ណែនាំផ្ដាំផ្ញើឲ្យបងប្អូនក្រុមគ្រូពេទ្យទាំងអស់ យកចិត្តទុកដាក់ខ្ពស់ក្នុងការថែទាំសុខភាព និងបាននាំយកជាអាហារ ជូនដល់បងប្អូនក្រុមគ្រូពេទ្យសម្ដេចតេជោ ប្រឆាំងកូវីដ-១៩ នៅក្នុងបន្ទាយទ័ពអាវស ។#TYDA

រដ្ឋបាលខណ្ឌបឹងកេងកងនៅរសៀលថ្ងៃទី២១ ខែមេសា ឆ្នាំ២០២១ បានប្រកាសផ្អាកជាបណ្តោះអាសន្ន មូលដ្ឋានផ្សារអូឡាំពិក នៅក្នុងស្ង្កាត់អូឡាំពិក ខណ្ឌបឹងកេងកង រាជធានីភ្នំពេញ។ នៅក្នុងសេចក្តីជូនដំណឹង ចុះហត្ថលេខាដោយ លោក ធឺមសំអាន អភិបាលនៃគណៈអភិបាលខណ្ឌបឹងកេងកង ការបិទមូលដ្ឋានផ្សារអូឡាំពិកជាបណ្តោះអាសន្ននេះ ដោយសារមានអាជីវករនិងប្រជាពលរដ្ឋបានឆ្លងវីរុសកូវីដ-១៩ ក្នុងព្រឹត្តិការណ៍សហគមន៍ ២០ កុម្ភះ ឆ្នាំ២០២១ក្នុងរយៈពេលប៉ុន្មានថ្ងៃកន្លងមកនេះ។ សូមបញ្ជាក់ថា អាជ្ញាធរសម្រេចបិទផ្សារអូឡាំពិកជាបណ្តោះអសន្នក្នុង រយៈពេល១៤ថ្ងៃ គិតចាប់ពីថ្ងៃទី២២ ខែមេសា រហូតដល់ថ្ងៃទី០៥ ខែឧសភា ឆ្នាំ២០២១។ ជាមួយគ្នានេះ រដ្ឋបាលខណ្ឌបានស្នើឱ្យអ្នកពាក់ព័ន្ធទាំងអស់ ទៅពិនិត្យសមណាកនៅសាលមហោស្រព ចេនឡា ជិតផ្សារដើមគររាជធានីភ្នំពេញ និងអនុវត្តវិធានការចត្តឡីស័ក តាមការណែនាំរបស់ក្រសួងសុខាភិបាល៕

បាត់ដំបង៖ លោក ណុប ដារ៉ា អភិបាលរង នៃគណៈអភិបាលខេត្តបាត់ដំបង តំណាងឯកឧត្តម ងួន រតនៈ អភិបាលខេត្តបាត់ដំបង បានអញ្ជើញចុះត្រួតពិនិត្យកន្លែងបូជាសព នឹងកន្លែងបញ្ចុះសព សម្រាប់អ្នកដែលបាត់បង់ជីវិតដោយសារជំងឺកូវីដ-១៩ នៅល្ងាចថ្ងៃទី២១ ខែមេសា ឆ្នាំ២០២១ ដែលមានទីតាំងស្ថិតនៅភ្នំស្លឹក ស្រុករតនមណ្ឌល ខេត្តបាត់ដំបង ។ លោក ណុប ដារ៉ា បានឱ្យដឹងថា គឹតត្រឹមល្ងាចថ្ងៃទី២១ មេសា ឈាបនដ្ឋានសម្រាប់បូជាសពអ្នកដែលបាត់បង់អាយុជីវិតដោយសារជំងឺកូវីដ-១៩ បានសាងសង់រួចរាល់ហើយ ចំណែកឯទីតាំងសំរាប់បញ្ចុះសពអ្នកដែលបាត់បង់ជីវិតដោយសារជំងឺកូវីដ-១៩ ក៏បានត្រៀមទុករួចរាល់ហើយដែរ ។ សូមកុំភ្លេចអនុវត្តន៍វិធានការ ៣កុំ និង ៣ការពារ ដើម្បីទប់ស្កាត់ការរីករាលដាល នៃជំងឺកូវិដ-១៩ ៕ ដោយវណ្ណលុក

ថ្ងៃទី២១ ខែមេសា ឆ្នាំ២០២១ កម្លាំងចម្រុះប្រចាំគោលដៅត្រួតពិនិត្យច្រកចេញ-ចូលក្នុងភូមិសាស្ត្រខេត្តកែប លើផ្លូវជាតិលេខ៣៣ ត្រង់ចំណុចព្រំប្រទល់កំពត-កែប បានឃាត់ខ្លួនជនជាតិវៀតណាមចំនួន ០៧នាក់(ស្រី ០៥នាក់) ធ្វើដំណើរមកពីខេត្តព្រះសីហនុ និងជនជាតិខ្មែរចំនួន ០១នាក់ ជាអ្នកនាំផ្លូវ ព្រមទាំងដឹកបន្តតាមម៉ូតូពីខេត្តកំពតឆ្ពោះទៅខេត្តកែបតាមផ្លូវលំដើម្បីគេចពីប៉ុស្តិ៍ត្រួតពិនិត្យ ក្នុងគោលដៅទៅកាន់ប្រទេសវៀតណាម ។ ក្រោយឃាត់ខ្លួន ជនជាតិវៀតណាមទាំងនោះ ត្រូវបាននាំទៅកាន់ស្នងការដ្ឋាននគរបាលខេត្ត ដើម្បីប្រគល់បន្តឲ្យមន្ទីរសុខាភិបាលខេត្តបញ្ជូនទៅមណ្ឌលចត្តាឡីស័ក រងចាំយកសំណាកវត្ថុវិភាគ ចំណែកជនជាតិខ្មែរជាអ្នកផ្តល់មធ្យោបាយនាំផ្លូវ ត្រូវបានកសាងសំណុំរឿងបញ្ជូនទៅតុលាការដើម្បីចាត់ការបន្ត។ សូមអំពាវនាវដល់កម្លាំងសមត្ថកិច្ចបន្តការរឹតបន្តឹងឲ្យបានតឹងរឹង និងសុំការចូលរួមពីបងប្អូនប្រជាពលរដ្ឋ ដែលនៅតំបន់ក្រហម និងតំបន់បិទខ្ទប់កុំធ្វើការចល័តចេញក្នុងកាលៈទេសៈដ៏លំបាកនេះ ពិសេសកុំយកគំរូតាមករណីខាងលើ ព្រោះការលួចគេច មិនអាចរួចផុតពីកម្លាំងសមត្ថកិច្ចបានទេ ហើយត្រូវប្រឈមនឹងការអនុវត្តវិធានការច្បាប់ និងវិធានការសុខាភិបាលផងដែរ៕