យោងតាមក្រសួងសុខាភិបាលនៅថ្ងៃទី២១មេសាឆ្នាំ២០២១ បានឲ្យដឹងថានៅថ្ងៃទី២០មេសា គេបានរកឃើញអ្នកឆ្លងថ្មីជំងឺកូវីដ-១៩ចំនួន៣០៣នាក់ ជាអ្នកពាក់ពន្ធ័នឹងព្រឹត្តិការណ៍សហគមន៍២០កុម្ភៈ ទាំងអស់។ នៅថ្ងៃនេះដែរ ក្រសួងការបានបញ្ជាក់ថា មានអ្នកជំងឺកូវីដ-១៩ចំនួន២៣៩នាក់ បានជាសះស្បើយផងដែរ។ កម្ពុជាគិតត្រឹមថ្ងៃទី២១មេសា ឆ្នាំ២០២១ 🇰🇭 មានអ្នកឆ្លងជំងឺកូវីដ-១៩សរុបចំនួន៧ពាន់៧៤៧នាក់ នោះបានព្យាបាលជាសះស្បើយចំនួន២ពាន់៧៩៤នាក់ និងអ្នកកំពុងសម្រាកព្យាបាលមានចំនួន៤ពាន់៨៩៣នាក់។ ក្រសួងសុខាភិបាលក៏បានបញ្ជាក់ដែរថា គិតមកដល់ថ្ងៃនេះ មានអ្នកស្លាប់ដោយសារជំងឺកូវីដ-១៩ចំនួន៥៤នាក់ហើយ។

ខេត្តប៉ៃលិន៖ សេចក្តីសម្រេច ស្តីពីការពិន័យអន្តរការណ៍ ចំពោះបុគ្គលដែលមិនគោរពដោយចេតនាវិធានការរដ្ឋបាល ក្នុងការទប់ស្កាត់ការឆ្លងរាលដាលជំងឺកូវីដ-១៩ និងជំងឺកាចសាហាវប្រកបដោយគ្រោះថ្នាក់ធ្ងន់ធរផ្សេងទៀត នៅក្នុងភូមិសាស្ត្រខេត្តប៉ៃលិន ។

ភ្នំពេញ៖ តាមរយៈបណ្តាញសង្គម Facebook នៅព្រឹកថ្ងៃទី២១ ខែមេសា ឆ្នាំ២០២១ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានអះអាងថា សម្តេចនឹងចេញដំណើរទៅហ្សាកាតា នៅម៉ោង១៣រសៀល ថ្ងៃទី២៣ ខែមេសា ឆ្នាំ២០២១ ព្រោះសម្ដេច នឹងត្រូវធ្វើតេស្តចំនួន ២លើក ដើម្បីរកមេរោគកូវីដ១៩ មុននឹងចូលរួមកិច្ចប្រជុំកំពូលអាស៊ាន ដែលនឹងធ្វើឡើងនៅរដ្ឋធានីហ្សាកាតា ប្រទេសឥណ្ឌូនេស៊ី នាថ្ងៃទី២៤ ខែមេសា ឆ្នាំ២០២១ ។ សម្តេចតេជោ ហ៊ុន សែន បានបញ្ជាក់តាមរយៈបណ្តាញសង្គម Facebook ថា៖ ដោយសារតម្រូវការនៃវិធានការសុខាភិបាលរបស់ឥណ្ឌូនេសុី ដែលជាម្ចាស់ផ្ទះនៃកិច្ចប្រជុំកំពូលអាស៊ាន ខ្ញុំសម្រេចចេញដំណើរទៅហ្សាកាតានៅម៉ោង១៣រសៀល ថ្ងៃ២៣ មេសា ២០២១។ ដូចនេះខ្ញុំនឹងត្រូវធ្វើតេស្តនៅថ្ងៃស្អែក ២២ មេសា ២០២១ នៅកម្ពុជា និងធ្វើតេស្តម្តងទៀតនៅឥណ្ឌូនេសុី ថ្ងៃ២៣ មេសា២០២១ ។ សម្តេចតេជោ ហ៊ុន ៣ បានបន្តថា៖ ដើម្បីធានាសុវត្តិភាពសម្រាប់មេដឹកនាំមុនចូលប្រជុំត្រូវធ្វើតេស្តទាំងអស់គ្នារាប់ទាំងប្រធានាធិបតីឥណ្ឌូនេសុីផងដែរ។ សូមរំលឹកថា ដើម្បីធានាសុវត្ថិភាពពីការឆ្លងកូវីដ១៩នេះ…

អនុគណៈកម្មការស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ នៅថ្ងៃទី២១មេសាឆ្នាំ២០២១ បានជូនដំណឹងថា នៅថ្ងៃទី១៣មេសាឆ្នាំ២០២១ មានអ្នកជំងឺកូវីដ-១៩បានទៅដើរ បឹងទំពុន ដែលមានទីតាំងស្ថិតនៅផ្លូវលេខ ៣៣BT ភូមិសន្សំកុសល សង្កាត់បឹងទំពុន ខណ្ឌមានជ័យ ។ អនុគណៈកម្មការ បានអំពាវនាវដល់ប្រជាពលរដ្ឋដែលធ្លាប់ទៅផ្សារនោះ ត្រូវដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។

កំពង់ឆ្នាំង ៖ លោកជំទាវ កែ ច័ន្ទមុនី អ្នកតំណាងរាស្ត្រ មណ្ឌលកំពង់ឆ្នាំង បានបញ្ជាក់នាព្រឹកថ្ងៃទី 21 ខែមេសា ឆ្នាំ 2021 ថា បច្ចុប្បន្នដោយសារតែប្រទេសកម្ពុជា ពិសេសខេត្តកំពង់ឆ្នាំង កំពុង រួមគ្នាប្រយុទ្ធប្រឆាំងនឹងជំងឺកូវីដ19 ក្នុងនោះមន្ត្រី នៃមន្ទីរសុខាភិបាលមានសកម្មភាពយ៉ាងសកម្មខ្លាំងក្លា ក្នុងកិច្ចធ្វើការងារនេះ ។ ថ្វីបើអំណោយនេះ បន្តិចបន្តួចក៏ពិតមែន ប៉ុន្តែក៏វាអាចដោះស្រាយបញ្ហាដែលយើងលំបាកបានមួយគ្រា ៗផងដែរ ។ ក្នុងឱកាសនោះដែរលោកជំទាវ គ្រី សារ៉ន អនុប្រធានសម្ព័ន្ធប្រជាជនដើម្បីសន្តិភាពនិងជាប្រធានសាខាសម្ព័ន្ធប្រជាជនដើម្បីសន្តិភាព ខេត្តកំពង់ឆ្នាំង ក៏បានលើកឡើងដែរថា ថ្ងៃនេះផងដែរបានឯកភាពគ្នា បាននាំយកនូវទឹកសុទ្ធ ចំនួន 30កេស ក្រមាចំនួន 50 និងថវិកា 50ម៉ឺនរៀល មកប្រគល់ជូនមន្ទីរសុខាភិបាលខេត្តកំពង់ឆ្នាំងដើម្បីឆ្លើយតបនិង តម្រូវការរបស់មន្ត្រីនៃមន្ទីរដែលកំពុងតែធ្វើសកម្មភាពទប់ស្កាត់នៃជំងឺកូវិដ19 នេះ។ នៅក្នុងឱកាសនោះដែរលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំងក៏បានថ្លែង អំណរគុណដល់លោកជំទាវទាំងអស់ ដែលបាននាំយកនូវអំណោយទឹកសុទ្ធ ក្រមា ថវិកាមួយចំនួនផ្តល់ជូននៅពេលនេះ និងសូមជូនពរដល់លោកជំទាវជួបតែសេចក្ដីសុខសេចក្ដីចំរើននិងទទួលជោគជ័យគ្រប់ភារកិច្ច។ លោកវេជ្ជបណ្ឌិត ប្រធានមន្ទីរ សុខាភិបាលខេត្តកំពង់ឆ្នាំង…