រាជធានីភ្នំពេញ៖ក្រោយពី រាជរដ្ឋាភិបាលបានដាក់ចេញជាបន្តបន្ទាប់នូវវិធានការនានា ដើម្បីប្រយុទ្ធនិងទប់ស្កាត់ ការឆ្លងរាលដាលជំងឺកូវីដ-១៩ ដែលវិធានការនេះ រួមមានការ បិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល ព្រមទាំងក្នុងនេះបានដាក់ទីកន្លែងមួយចំនួន ជាតំបន់ក្រហមដែលជាតំបន់គ្រោះថ្នាក់ផងដែរ។ ឯកឧត្តម គឹម សន្តិភាព រដ្ឋលេខាធិការ និង ជាមន្រ្តីនាំពាក្យក្រសួងយុត្តិធម៌ បានសំណូមពរ ឱ្យពលរដ្ឋ ​អាននូវខ្លឹមសា​រសង្ខេបនៃ​សេចក្តីណែនាំលេខ​០១ សណន ចុះថ្ងៃទី១៩ ខែមេសា ឆ្នាំ២០២១ របស់រាជរដ្ឋាភិបាលដូចខាងក្រោម ៖ ១.វិធានការហាមឃាត់​ការធ្វើដំណើរ​ចេញ-ចូល​ឆ្លងកាត់«តំបន់ក្រហម» ២.វិធានការធ្វើដំណើរនៅក្នុង«តំបន់ក្រហម» ៣.វិធានការហាមឃាត់​ការធ្វើសកម្មភាព​ការងារ មុខរបរ និងអាជីវកម្មក្នុង«តំបន់ក្រហម»៕ ដោយ៖ម៉ាដេប៉ូ (សូមអានខ្លឹមសារខាងក្រោម)

ក្នុងទំព័ត៌ហ្វេសប៊ុករបស់លោក ហ៊ុន ម៉ាណែត ដែលជាបុត្រាសម្ដេចតេជោ និងជាប្រធានអនុគណៈកម្មការគ្រប់គ្រងសន្តិសុខ និងសណ្តាប់ធ្នាប់នៅតាមគោលដៅ និងតំបន់ចត្តាឡីស័កដើម្បីប្រយុទ្ធនឹងជំងឺកូវីដ-១៩ នៅថ្ងៃទូ២១មេសានេះ បញ្ជាក់ថា ក្នុងកាលៈទេសៈដ៏លំបាកនេះ ក្រុមការងាររបស់លោកមិនទាន់មានសិទ្ធិសម្រាកទេ។ លោកបានបន្តថា បន្ទាប់ពីបញ្ចប់ការរៀបចំមណ្ឌលព្យាបាលកូវីដ-១៩ កម្រិតស្រាលនៅកោះពេជ្រជំហានទី២ ដែលបង្កើនចំនួនគ្រែសម្រាប់ព្យាបាលអ្នកជំងឺកូវីដ-១៩ នៅមណ្ឌលកោះពេជ្រដល់ប្រមាណជិត២ពាន់៦០០គ្រែ ក្រុមការងារបានបន្តទៅរៀបចំមណ្ឌលព្យាបាលជំងឺកូវីដ-១៩ មួយកន្លែងទៀតនៅក្នុងខណ្ឌដង្កោ ដើម្បីត្រៀមទទួលព្យាបាលអ្នកជំងឺកូវីដ-១៩ ក្នុងករណីមានតម្រូវការចាំបាច់។ លោក ហ៊ុន ម៉ាណែត បានបន្តថា រូបលោក និងក្រុមការងារសង្ឃឹមថា ការឆ្លងនិងរីករាលដាលនៃជំងឺកូវីដ-១៩ នឹងត្រូវបញ្ចប់នៅក្នុងពេលឆាប់គ្រប់មុខ ហើយទីតាំងដែលក្រុមការងារលោករៀបចំទាំងនោះ នឹងមិនមានតម្រូវការប្រើប្រាស់នោះទេ។ ប៉ុន្តែទោះជាយ៉ាងណា ក៏ក្រុមការងាររបស់លោកនឹងខិតខំប្រឹងប្រែងរៀបចំមណ្ឌលព្យាបាលជំងឺកូវីដ-១៩ ទាំងនោះឲ្យបានឆាប់រហ័សនិងបានល្អ ក្នុងករណីមានតម្រូវការចាំបាច់ក្នុងការទទួលព្យាបាលប្រជាពលរដ្ឋដែលឆ្លងជំងឺកូវីដ១៩។ ជាមួយគ្នានោះដែរ លោក ហ៊ុន ម៉ាណែត បានអំពាវនាវដល់ប្រជាពលរដ្ឋទាំងអស់ ឲ្យចូលរួមក្នុងការអនុវត្តឲ្យបានខ្ជាប់ខ្ជួននូវវិធានសុខាភិបាល (៣កុំ ៣ ការពារ) ក៏ដូចជាក្នុងការទទួលចាក់វ៉ាក់សាំងការពារជំងឺកូវីដ-១៩ និងការគោរពគោលការណ៏អនុវត្តក្នុងការបិទខ្ទប់មួយរយៈពេលខ្លី ដើម្បីយើងរួមគ្នាទប់ស្កាត់ការរីករាលដាលនិងឈានដល់ការបញ្ចប់ជំងឺកូវីដ-១៩ នៅក្នុងប្រទេសកម្ពុជាឲ្យបានឆាប់រហ័ស។ តាមបាយការណ៍របស់ក្រសួងសុខា កម្ពុជាគិតត្រឹមថ្ងៃទី២០មេសា ឆ្នាំ២០២១ 🇰🇭 មានអ្នកឆ្លងជំងឺកូវីដ-១៩សរុបចំនួន៧ពាន់៤៤៤នាក់ នោះបានព្យាបាលជាសះស្បើយចំនួន២ពាន់៥៥៥នាក់ និងអ្នកកំពុងសម្រាកព្យាបាលមានចំនួន៤ពាន់៨៣៥នាក់។ ក្រសួងសុខាភិបាលក៏បានបញ្ជាក់ដែរថា…

🟥 Breaking NEWS: ផ្អាកជាបណ្តោះអាសន្នមូលដ្ឋានផ្សារដេប៉ូ ស្ថិតនៅសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ៖

សុន្ទរកថា បើកវេទិកា បូ អាវ សម្រាប់អាស៊ី សម្តេចតេជោ ហ៊ុន សែន ទាមទារឲ្យពិភពលោកមានអភិបាលកិច្ច គាំទ្រពហុភាគីនីយម និងច្បាប់អន្តរជាតិ ដើម្បីជម្នះបញ្ហា បង្កដោយជំងឺកូវីដ១៩ និងការប្រកួតប្រជែង ភូមិសាស្ត្រនយោបាយ ៕