រាជធានីភ្នំពេញ៖ ក្រសួងអប់រំ យុវជន និងកីឡា បានរៀបចំកិច្ចប្រជុំពិភាក្សាតុមូលជាមួយបណ្តាញសភាអន្តរជាតិសម្រាប់ការអប់រំ (International Parliamentary Network for Education (IPNEd)ក្នុងគោលបំណងចែករំលែកបទពិសោធន៍ និងពិភាក្សាអំពី ទី១៖ ស្ថានភាពវិស័យអប់រំនៅកម្ពុជាក្នុងដំណាក់កាលនៃការរីករាលនៃជំងឺកូវីដ-១៩ និងការកៀរគរហិរញ្ញប្បទានអប់រំ ទី២៖ កំណើននៃចំនួនថវិកាជាតិសម្រាប់វិស័យអប់រំ និងការគាំទ្រធនធានពីមូលនិធិភាពជាដៃគូសាកលសម្រាប់ការអប់រំ និងទី៣៖ សមិទ្ធផលដែលសម្រេចបាន និងផែនការវិនិយោគនាពេលអនាគតសម្រាប់វិស័យអប់រំដែលគាំទ្រដោយមូលនិធិភាពជាដៃគូសាកលសម្រាប់ការអប់រំ។ ពិធីនេះបានប្រព្រឹត្តទៅក្រោមអធិបតីភាព ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងមានការចូលរួមពី ឯកឧត្តម ថ្នាក់ដឹកនាំក្រសួងអប់រំ យុវជន និងកីឡា និងនាយកដ្ឋានជំនាញ រួមជាមួយបណ្ដាប្រទេសដូចជា សហរដ្ឋអាមេរិក សាធារណរដ្ឋកូរ៉េ ប្រទេសជប៉ុន និងសហព័ន្ធ អារ៉ាប់រួមតាមប្រព័ន្ធអេឡិចត្រូនិក។ ក្នុងឱកាសនោះឯកឧត្តមបណ្ឌិតសភាចារ្យបាន ចែករំលែកបទពិសោធន៍ល្អៗ និងបានបង្ហាញអំពីអាទិភាពសំខាន់ៗក្នុងវិស័យអប់រំ និងបានឆ្លុះបញ្ចាំងពីគំនិតនវានវត្តន៍ក្នុងការធ្វើកំណែទម្រង់អប់រំក្នុងទទួលបានជោគជ័យ ជាពិសេសការផ្តល់សេវាអប់រំ និងការកំណត់សកម្មភាពអាទិភាពសំខាន់ៗក្នុងវិស័យអប់រំ ក្នុងដំណាក់កាលនៃការរីករាលដាលនៃជំងឺកូវីដ-១៩៕ ដោយ -រ៉ាវុធ

រកឃើញករណីវិជ្ជមានចំនួន ០៣នាក់ទៀត ក្នុងខេត្តកំពត

តាកែវ៖ អាជ្ញាធរសម្រេច Lockdown ភូមិចំនួន២ ក្នុងស្រុកបាទី បណ្ដោះអាសន្នរហូតមានការជូនដំណឹងថ្មី ៖

ការរៀបចំមណ្ឌលព្យាបាលជំងឺកូវី-១៩ កម្រិតស្រាលនៅកោះពេជ្រ៖

សេចក្តីសម្រេច ស្តីពីការពិន័យអន្តរការណ៍ចំពោះបុគ្គលដែលមិនគោរពដោយចេតនាវិធានការរដ្ឋបាលក្នុងការទប់ស្កាត់ការឆ្លងរាលដាលជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត នៅក្នុងភូមិសាស្រ្តខេត្តព្រះសីហនុ។

គណៈបញ្ជាការឯកភាពរាជធានីភ្នំពេញ ក៏ដូចជាខេត្តកណ្តាល កាលពីថ្ងៃអាទិត្យ ថ្ងៃទី២១ ខែមេសា ឆ្នាំ២០២១ បានបន្តត្រួតពិនិត្យនិងរក្សាសុវត្ថិភាព តាមគោលដៅបិទខ្ទប់ ក្នុងភូមិសាស្ត្ររបស់ខ្លួន ដើម្បីបង្ការ និងទប់ស្កាត់ការរីករាលនៃជំងឺកូវីដ-១៩ ។ កងកម្លាំងទាំងអស់ ដែលឈរជើងជារនាំការពារជំងឺកូវីដ-១៩ ដើម្បីសុខភាពសាធារណៈ ដើម្បីប្រជាជនមានសុខភាពល្អ ចូលរួមជំនះលើគ្រោះមហន្តរាយដ៏កាចសាហាវនាពេលនេះទាំងអស់គ្នា និងជាពិសេស ក្រុមកងទ័ពអាវស ក្រុមគ្រូពេទ្យទាំងអស់ ដែលលះបង់ខ្ពស់ កម្លាំងកាយ កម្លាំងចិត្ត ឃ្លាតពីគ្រួសារ ហ៊ានប្រឈមមុខដោយជីវិត និងប្រាជ្ញា ចូលរួមប្រចាំការ ពិនិត្យ ព្យាបាល ចាក់វ៉ាក់សាំង ការផ្តល់ជំនួយមនុស្សធម៌នានា ដើម្បីប្រយុទ្ធប្រឆាំងជាមួយជំងឺរាលដាលសាកលកំពុងគម្រាមកំហែងដល់អាយុជីវិតរបស់ ប្រជាជនកម្ពុជា។ នេះពិតជាត្រូវគោរពដល់វីរភាពរបស់កងកម្លាំង និងក្រុមគ្រូពេទ្យទាំងអស់ណាស់សម្រាប់ប្រជាពលរដ្ឋគ្រប់រូប ដែលមើលឃើញពីកម្លាំងសាមគ្គីគ្នា កៀកស្មា ដើម្បីអនុវត្តវិធានការតាមការណែនាំដ៏ខ្ពង់ខ្ពស់របស់សម្តេចអគ្គមហាសេនបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា តាមសេចក្តីសម្រេចរបស់រាជរដ្ឋាភិបាល និងគោលការណ៍ណែនាំរបស់ក្រសួងសុខាភិបាល ដើម្បីបង្ការ និងទប់ស្កាត់ការរីករាលនៃជំងឺកូវីដ-១៩។ សូមប្រជាពលរដ្ឋនៅក្នុងផ្ទះ យើងនឹងយកឈ្នះលើជំងឺដ៏កាចសាហាវនេះ។ អគ្គនាយកដ្ឋានវិទ្យុនិងទូរទស្សន៍អប្សរានិងនៅជាមួយគ្នាដើម្បីបម្រើការផ្សព្វផ្សាយជូនទស្សនា ព័ត៌មានថ្មីៗ សិល្បះកម្សាន្ត និងរឿងរ៉ាននានាជាប្រយោជន៍សម្រាប់សង្គម និងមនុស្សជាតិ។ សូមបញ្ជាក់ថា ដើម្បីគ្រប់គ្រងការរីករាលដាលនៃមេរោគកូវីដ -១៩…