រដ្ឋបាលខេត្តព្រះសីហនុ នៅថ្ងៃទី២០មេសានេះ បានជូនដំណឹងថា យោងតាមលទ្ធផលនៃការវិភាគវត្ថុសំណាករកមេរោគកូវីដ-១៩ នៅថ្ងៃទី១៩ ខែមេសា ឆ្នាំ២០២១ បានរកឃើញអ្នកជំងឺកូវីដ-១៩ ចំនួន ១០៤នាក់ទៀត ដែលជាករណីឆ្លងនៅក្នុងសហគមន៍។ ខេត្តព្រះសីហនុនៅថ្ងៃទី១៨មេសាឆ្នាំ២០២១ ត្រូវបានក្រសួងសុខាភិបាលជូនដំណឹងថា មានអ្នកឆ្លងជំងឺកូវីដ-១៩ ចូលសហគមន៍ចំនួន១៤៤នាក់។

រាជធានីភ្នំពេញ៖ នៅព្រឹកថ្ងៃទី២០ ខែមេសា ឆ្នាំ២០២១ នេះ លោកគ្រូអ្នកគ្រូ បុគ្គលិកអប់រំ បុគ្គលិកបម្រើការក្នុងវិស័យអប់រំ គ្រប់ជាន់ថ្នាក់ ទាំងក្នុងវិស័យសាធារណៈ និងឯកជន បានបន្តទទួលវ៉ាក់សាំងប្រឆាំងជំងឺកូវីដ-១៩ ជាលើកទី២ ក្រោមការរៀបចំផ្ដល់សេវាផ្ដល់វ៉ាក់សាំងដែលរៀបចំដោយក្រសួងអប់រំ យុវជន និងកីឡា និងក្រសួងសុខាភិបាល នៅតាមមណ្ឌលចំនួន១៥ ក្នុងខណ្ឌទាំង១៤ នៃរាជធានីភ្នំពេញ។ គូសបញ្ជាក់ផងដែរ ដើម្បីចូលរួមចំណែកជាមួយរាជរដ្ឋាភិបាលកម្ពុជាក្នុងអំឡុងនៃការអនុវត្តវិធានការបិទខ្ទប់ភូមិសាស្រ្តរាជធានីភ្នំពេញ និងក្រុងតាខ្មៅនៃខេត្តកណ្តាល ក្រសួងស្នើសុំ ឱ្យបុគ្គលិកអប់រំទាំងអស់ត្រូវទទួលការចាក់វ៉ាក់សាំងដូសទី២ នៅខណ្ឌដែលខ្លួនរស់នៅ ជៀសវាងការធ្វើដំណើរឆ្លងខណ្ឌ និងត្រូវចាក់នៅទីតាំងដែលក្រសួងបានរៀបចំ ដើម្បីងាយស្រួលក្នុងការគ្រប់គ្រងទិន្នន័យ ដោយភ្ជាប់មកជាមួយនូវអត្តសញ្ញាណប័ណ្ណ និងកាតចាក់វ៉ាក់សាំងលើកទី១មកជាមួយ។ ការចាក់វ៉ាក់សាំងការពារជំងឺកូវីដ-១៩ ដូសទី២នេះ ជាវិធានការតែមួយគត់ ដើម្បីឱ្យវ៉ាក់សាំងមានប្រសិទ្ធភាព និងដើម្បីការពារបុគ្គលិកអប់រំ មន្រ្តីជាប់កិច្ចសន្យា និងបុគ្គលិកអង្គការគ្រប់រូប កុំឱ្យឆ្លងជំងឺកូវីដ-១៩ ឬ មិនមានគ្រោះថ្នាក់ធ្ងន់ធ្ងរទោះបីឆ្លងជំងឺកូវីដ-១៩ ក៏ដោយ៕ដោយ -រ៉ាវុធ

ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាលចុះជួយរាជធានីភ្នំពេញ បានសូមអំពាវនាវឲ្យបងប្អូនប្រជាពលរដ្ឋ មានការអត់ធ្មត់ ក្នុងរយៈពេល ១៤ថ្ងៃ ដើម្បីទប់ស្កាត់ការរីករាលដាលជំងឺកូវី-១៩ ដោយសារតែជំងឺនេះ ពេលឆ្លងវាទៅនិងពេលស្លាប់មិនមានញាត្តិមិត្ត បងប្អូនទៅមើថែនិងទៅធ្វើបុណ្យជូន ដូចកាលពីមិនមានជម្ងឺកូវីដនោះទេ។ ការអំពាវនាវបែបនេះរបស់ លោកជំទាវម៉ែន សំអនបានធ្វើឡើងកាលពីព្រឹកថ្ងៃទី២០ខែមេសាឆ្នាំ២០២១នេះ ខណៈដែរ លោកជំទាវ និងលោកឃួង ស្រេង. អភិបាលរាជធានីភ្នំពេញ លោកទេស រដ្ឋមន្ត្រីឱម យិនទៀង ប្រធានក្រុមការងារចុះពង្រឹងមូលដ្ឋានខណ្ឌទួលគោក ចុះចែកអំណោយដល់បងប្អូនប្រជាពលរដ្ឋក្រីក្រចំនួន៦០០គ្រួសារ ដែលបាននិងកំពុងបិទខ្ទប់ដើម្បីបង្ការទប់ស្កាត់ជំងឺ-១៩ នៅសង្កាត់បឹងសាឡាងខណ្ឌទួលគោក រាជធានីភ្នំពេញ។ក្នុងឱកាសនោះលោកជំទាវម៉ែន សំអន បានមានប្រសាសន៍ថា ៖សម្ដេចតេជោហ៊ុន សែនបានគិតគូរនិងព្រួយបារម្ភយ៉ាងខ្លាំងបំផុតចំពោះ សុខទុក្ខបងប្អូនប្រជាពលរដ្ឋ ពិសេសក្នុងដំណាក់កាលកូវីដ-១៩នេះ ដោយសម្ដេចបានចេញនូវសេចក្តីសម្រេចជាច្រើនលើក ច្រើនសារ ក្នុងការបិទខ្ទប់រាជធានីភ្នំពេញ ដើម្បីបង្ការនិងទប់ស្កាត់នូវជំងឺដ៏កាចសាហាវនេះ ។ ដូច្នេះសូមបងប្អូនប្រជាពលរដ្ឋទាំងអស់មេត្តា ចូលរួមអនុវត្តឲ្យបានខ្ជាប់ខ្ជួនទៅតាមការណែនាំរបស់ក្រសួងសុខាភិបាល ក៏ដូចជាអនុសាសន៍ដ៏ខ្ពង់ខ្ពស់របស់សម្ដេចតេជោហ៊ុនសែនគឺ ៣កុំនិង៣ការពារ។ លោកជំទាវបញ្ជាក់ផងដែរថា ៖ជំងឺដ៏កាចសាហាវនេះនៅក្នុងពេលដែលយើងបានឆ្លងវាហើយ គឺមិនមានបងប្អូនសាច់ញាតិណាមើលថែទេ ហើយពេលស្លាប់ទៅក៏មិនមានអ្នកទៅធ្វើបុណ្យដូចកាលពីមិនទាន់មានកូវីដ-១៩ដែរ ។ ដូច្នេះយើងទាំងអស់គ្នា ត្រូវតែរួមគ្នា…

ក្រសួងសុខាភិបាលបញ្ជាក់ថា អ្នកជំងឺកូវីដ-១៩ចំនួន៤នាក់ បានស្លាប់៖

ខេត្តកំពង់ចាម៖ ករណីរកឃើញអ្នកឆ្លងកូវីដ-19 ចំនួន ០៤នាក់ នៅខេត្តកំពង់ចាម៖