លោក ផេង សិទ្ធី អភិបាលក្រុងបាត់ដំបង បានធ្វើការគូសបញ្ជាក់ថា៖ក្នុងវិធានការនៃការទប់ស្កាត់ពីការឆ្លងរាតត្បាតពីជម្ងឺកូវីដ-19របស់រាជរដ្ឋាភិបាលកម្ពុជា ការណែនាំ និងការអំពាវនាវរបស់ក្រសួងសុខាភិបាល រួមនិងការដាក់ចេញនូវវិធានការរដ្ឋបាលក្នុងការទប់ស្កាត់ពីការរាលដាលជម្ងឺឆ្លងកូវីដ19ពលរដ្ឋនៅក្រុងបាត់ដំបងភាគច្រើន គឺបានចូលរួមអនុវត្តនូវវិធានទប់ស្កាត់ការរាលដាលជំងឺកូវីដ-19បានប្រសើរមួយកម្រឹត បើជាទោះស្ថានភាពជំងឺកូវីដ-19មិនមានឆ្លងរាលដាលនៅក្នុងសហគមន៍នៃភូមិសាស្ត្រ របស់ ខេត្តបាត់ដំបង ខ្លួនក៏ដោយ។       លោកបានថ្លែងការកោតសរសើរនិងអំពាវនាវបន្ថែមទៀតដល់ប្រជាពលរដ្ឋ និងក្រុមអាជីវករ រស់នៅក្នុងក្រុងបាត់ដំបងដែលពួកគាត់មានការយល់ដឹង បានចូលរួមអនុវត្តនូវយុទ្ធនាការប្រយុទ្ធប្រឆាំងពីការឆ្លងរីករាលដាលជំងឺកូវីដ-19 តាមរយៈក្នុងការដាក់ចេញនិងអនុវត្តនូវវិធានការផ្សេងៗ របស់ប្រមុខរាជរដ្ឋាភិបាល ក្រសួងសុខាភិបាល និងរដ្ឋបាលខេត្តបាត់ដំបង។ក្នុងខណៈតិចតួចប៉ុណ្ណោះដែលបងប្អូនទាំងនោះ នៅមានការខ្វះចន្លោះ និងមិនទាន់យល់ដឹងនិងអនុវត្តពីវិធានការទាំងនេះ។         ការថ្លែងលើកឡើងបែបនេះ គឺក្នុងពេលដែលលោកអភិបាលក្រុង បានចុះត្រួតពិនិត្យ តាមដានល្បាតពិនិត្យមើល ពីការអនុវត្តវិធានសុខាភិបាលសេចក្តីណែនាំរបស់រដ្ឋបាលខេត្ត និង គណៈបញ្ជាការឯកភាពរដ្ឋបាលខេត្តបាត់ដំបង ដើម្បីបន្តវិធានរដ្ឋបាល រហូតដល់ ថ្ងៃទី២៨ ខែមេសា ឆ្នាំ២០២១និងដើម្បីចុះផ្សព្វផ្សាយបន្ថែម ពីវិធានទប់ស្កាត់ការឆ្លងរាលដាលជំងឺកូវីដ-19 និងចែកម៉ាស់ដល់ក្រុមអាជីវករនិងប្រជាពលរដ្ឋទូទៅ នៅផ្សារធំបាត់ដំបង (ផ្សារណាត់) នៅព្រឹកថ្ងៃទី១៩ ខែមេសា ឆ្នាំ២០២១នេះ។        លោក ផេង សិទ្ធី អភិបាលក្រុងបាត់ដំបង ក៏ បានគូសបញ្ជាក់បន្ថែមថា៖ ថ្មីៗនេះ រដ្ឋបាលខេត្តបានដាក់ចេញនូវសេចក្តីណែនាំថ្មីៗ បន្ថែមទៀត…

ផ្សាយផ្ទាល់​ ៖​ កម្លាំងចម្រុះនៃស្នងការដ្ឋាននគរបាលរាជធានីភ្នំពេញ​ បន្តរឹតបណ្ដឹងសេចក្ដីណែនាំនិងសេចក្ដីសម្រេច​ របស់ រាជរដ្ឋាភិបាល ស្ដីពីការបិទខ្ទប់ ភូមិសាស្ត្ររាជធានីភ្នំពេញ ត្រង់ចំណុចស្ទុបក្បាលថ្នល់ ដើម្បីទប់ស្កាត់ការឆ្លងរាលដាលនៃជម្ងឺកូវីដ១៩​ នៅព្រលប់ថ្ងៃទី១៩ ខែមេសា ឆ្នាំ២០២១នេះ​ ។​ លោក​ ជីម​ ភារ៉ា​ អ្នករាយការណ៍

     ឯកឧត្តម សឿម ប៊ុនរិទ្ធិ អភិបាលរងខេត្តនិងជាអ្នកនាំពាក្យរដ្ឋបាលខេត្តបាត់ដំបង បានធ្លោយឲ្យដឹងនៅល្ងាច ថ្ងៃទី១៩ខែមេសាឆ្នាំ២០២១នេះថា៖ អាជ្ញាធរនៃរដ្ឋបាលខេត្តបាត់ដំបង កំពុងតែធ្វើការពិចារណា ក្នុងការបិទនៅផ្នែកខ្លះក្នុងផ្សារចំនួន០២បន្ថែមទៀត នៅតាមបណ្តាស្រុកមួយចំនួនក្នុងខេត្តបាត់ដំបង បន្ទាប់ពីបានបិទផ្សារ ចំនួន១០ រួចមកហើយកាលពីពេលកន្លងទៅថ្មីៗនោះ៖ក្នុងនោះមានផ្សារចំនួន៨ស្ថិតក្នុងក្រុងបាត់ដំបង និងផ្សារចំនួន០២ទៀតតក្នុងស្រុកថ្មគោល រួមមាន៖ ផ្សារជ្រៃនិងផ្សារថ្មគោល។       ដោយឡែកនៅថ្ងៃនេះ រដ្ឋបាលខេត្តបាត់ដំបងបានចេញសេចក្តីសម្រេចក្នុងការបីទផ្សារក្នុងស្រុកមោងឫស្សី ដោយយោងលើលិខិតស្នើសុំបិទផ្សារពីអភិបាលស្រុកមោងឫស្សី ដោយសម្រេចបិទនៅថ្ងៃទី២០ខែមេសាឆ្នាំ២០២១នេះ។ហើយផ្សារទាំង១១ខាងលើនេះនិងបន្តអនុវត្តនូវវិធានរដ្ឋបាលក្នុងការបិទរហូតដល់ថ្ងៃទី២៨ ខែមេសាឆ្នាំ២០២១។​ ជាមួយគ្នានេះផងដែរ ឯកឧត្តម អភិបាលរងខេត្តនិងជាអ្នកនាំពាក្យរដ្ឋបាលខេត្តបាត់ដំបង បានធ្វើការបង្ហើបឲ្យដឹងទៀតថា៖រដ្ឋបាលខេត្ត គ្រោងនិងបិទផ្សារនៅក្នុងស្រុកបវេល មួយទៀត ប្រសិនបើអាជ្ញាធររដ្ឋបាលស្រុកនេះធ្វើការស្នើសុំបិទផ្សារនេះជាបណ្តោះអាសន្ន មកអាជ្ញាធរខេត្តបាត់ដំបង។           សូមបញ្ជាក់ថា៖នៅថ្ងៃទី១៩ខែមេសានេះរដ្ឋបាលខេត្តបាត់ដំបង បានដាក់ចេញនូវវិធានការរដ្ឋបាលជាបណ្តោះអាសន្ន១០ចំណុចសំខាន់ៗដើម្បីធ្វើការណែនាំដល់គ្រប់អាជ្ញាធររដ្ឋបាលក្រុង-ស្រុក គ្រប់ស្ថាប័ន មន្ទីរនិងអង្គភាពនានាចំណុះរដ្ឋបាលខេត្តដែលស្ថិតក្នុងរង្វង់នៃដែនភូមិសាស្រ្តក្នុងខេត្តរបស់ខ្លួន។                   ដោយបានចេញ សេចក្តីណែនាំស្តីពីវិធានការរដ្ឋបាលជាបណ្តោះអាសន្នបន្តទៀតរហូតដល់ថ្ងៃទី២៨ខែមេសាឆ្នាំ២០២១ ដើម្បីបន្តចូលរួមក្នុងការទប់ស្កាត់នូវការឆ្លងរាលដាលជម្ងឺកូវីដ-19 ក្នុងភូមិសាស្ត្រ ខេត្តបាត់ដំបងរបស់ខ្លួន។      ក្នុងខ្លឹមសារនៃវិធានការរដ្ឋបាល របស់ រដ្ឋបាលខេត្តបាត់ដំបង លេខ០០៥/២១.សណន ចុះថ្ងៃទី១៩ខែមេសានេះ គឺដើម្បីចូលរួមទប់ស្កាត់ ការឆ្លងរាលដាលនៃជម្ងឺកូវីដ-19។ ក្នុងន័យនេះ រដ្ឋបាលខេត្ត គណៈបញ្ជាការឯកភាពរដ្ឋបាលខេត្តបាត់ដំបង ក៏បានដាក់ចេញនូវវិធានការរដ្ឋបាលនិងសេចក្តីណែនាំមួយចំនួន បន្តរហូតដល់ថ្ងៃទី២៨ខែមេសាឆ្នាំ២០២១នូវប្រការសំខាន់ៗចំនួន១០ចំណុចផងដែរ៕ …