កម្លាំងអាវុធហត្ថរាជធានីភ្នំពេញ ចូលរួមអនុវត្តន៍សេចក្តីសម្រេច របស់រាជរដ្ឋាភិបាលកម្ពុជា លេខ៥០សសរ ចុះថ្ងៃទី១៧ ខែមេសា ឆ្នាំ២០២១ ស្ដីពីការកែសម្រួលវិធានការដែលត្រូវអនុវត្តអំឡុងពេលបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្ដាល ជាបណ្តោះអាសន្នសម្រាប់រយៈពេល១៤ថ្ងៃ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។ ក្នុងអំឡុងពេលនៃការអនុវត្តវិធានការបិទខ្ទប់នេះ បុគ្គលគ្រប់រូបត្រូវបានហាមមិនឱ្យធ្វើដំណើរចេញពីលំនៅឋាន ឫទីសំណាក់របស់ខ្លួន។ ក្នុងករណីមានការបំពានវិធានការហាមឃាត់ការធ្វើដំណើរនេះ អាជ្ញាធរអនុវត្តវិធានការបិទខ្ទប់ត្រូវអនុវត្តវិធានការយ៉ាងម៉ឺងម៉ាត់ ដោយរួមទាំងការឃាត់ទុកជាបណ្តោះអាសន្ននូវមធ្យោបាយធ្វើដំណើរ ដោយអនុលោមតាមបទប្បញ្ញត្តិ និងនិតិវិធីជាធរមាន។ ប៉ុន្តែ ការធ្វើដំណើរចេញក្រៅលំនៅឋាន ឫទីសំណាក់បច្ចុប្បន្ន អាចត្រូវបានអនុញ្ញាត ក្នុងករណីចាំបាច់ ដោយតម្រូវឱ្យមាន ឯកសារបញ្ជាក់តាមការកំណត់ដែលមានក្នុងសេចក្តីសម្រេច រីឯការធ្វើដំណើរចេញ-ចូលឆ្លងកាត់ព្រំប្រទល់ភូមិសាស្រ្តបិទខ្ទប់ ត្រូវបានហាមឃាត់ លើកលែងតែការធ្វើដំណើរដើម្បីបំពេញមុខងារក្នុងការផ្តល់សេវាសង្រ្គោះបន្ទាន់ សេវាសាធារណៈចាំបាច់ និងបន្ទាន់ សេវាពាក់ព័ន្ធនឹងការងារសន្តិសុខ និងសណ្តាប់ធ្នាប់សាធារណៈ ឬសេវាដឹកជញ្ជូនទំនិញ និងករណីចាំបាច់ផ្សេងទៀតដោយមានការអនុញ្ញាតពីអាជ្ញាធរមានសមត្ថកិច្ច៕

ភ្នំពេញ៖ នៅព្រឹកថ្ងៃទី១៩ ខែមេសា ឆ្នាំ២០២១ ម្ចាស់ហាង១៩៨១ កាហ្វេ&ម៉ាត ខណ្ឌសែនសុខ ផ្ដល់អំណោយបន្តិចបន្ទួចដល់គ្រួសារខ្វះខាត ដែលជាសកម្មភាពចូលរួមជាមួយអាជ្ញាធរ ក្នុងស្ថានភាពបិទខ្ទប់កុំឱ្យរីករាលដាលCovid-19 ជាមួយរាជរដ្ឋាភិបាលកម្ពុជា ។ ម្ចាស់ហាង១៩៨១ កាហ្វេ&ម៉ាត ខណ្ឌសែនសុខ បានបញ្ជាក់ថា ការចូលរួមផ្ដល់អំណោយដល់គ្រួសារខ្វះខាតនេះ ធ្វើឡើងចំហ្នឹងថ្ងៃកំណើតរបស់កុមារី វណ្ណៈ បញ្ញាវត្តី និង វណ្ណៈ បញ្ញាពេជ្យ ដែលជាកូនរបស់ម្ចាស់ហ៊ាង១៩៨១ កាហ្វេ &ម៉ាត ខណ្ឌសែនសុខ ក្នុងកាយវិការចូលរួមចែករំលែកការដល់លំបាកគ្រួសារខ្វះខាត និងជាសកម្មភាពនៃទឹកចិត្តបន្តិចបន្ទួច ចូលរួមជាមួយអាជ្ញាធរខណ្ឌ-សង្កាត់ ក្នុងស្ថានភាពបិទខ្ទប់កុំឱ្យរីករាលដាលCovid-19 ជាមួយរាជរដ្ឋាភិបាលកម្ពុជា ៕ ដោយ វណ្ណលុក

ភ្នំពេញ៖ ដោយមានការអនុញ្ញាតពី លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងលោក ឧត្តមសេនីយ៍ទោ ស សំបូរធន នាយសេនាធិការ កងរាជអាវុធហត្ថលើផ្ទៃប្រទេសព្រឹកថ្ងៃចន្ទ ទី១៩ ខែមេសា ឆ្នាំ២០២១ នៅបញ្ជាការដ្ឋានកងរាជអាវុធហត្ថលើផ្ទៃប្រទេស លោក ឧត្តមសេនីយ៍ត្រី អេង ហ៊ី ស្នងការ ស្នងការដ្ឋានទំនាក់ទំនងកិច្ចការសាធារណៈ និងជាអ្នកនាំពាក្យ កងរាជអាវុធហត្ថលើផ្ទៃប្រទេស បានធ្វើការផ្សព្វផ្សាយពីក្រមសីលធម៌ លិខិតបទដ្ឋានគតិយុត្ត និងសារាចរស្ដីពីវិធានការបិទខ្ទប់នៅរាជធានីភ្នំពេញនិងក្រុងតាខ្មៅ ដល់កម្លាំងអន្តរាគមន៍កងរាជអាវុធហត្ថលើផ្ទៃប្រទេសដែលឈរតាមគោលដៅបិទខ្ទប់បម្រាមគោចរ។

ភ្នំពេញ៖ ក្រោយពីផ្សារដើមគរដែលជាផ្សារបន្លែដ៏ធំមួយនៅក្នុងរាជធានីភ្នំពេញ ត្រូវបានបិទដោយសារតែការរីករាលដាលនៃជំងឺកូវីដ-១៩ ដែលបានធ្វើឲ្យអាជីវកររាប់រយនាក់បានឆ្លងនូវជំងឺនេះ ហើយត្រូវបានអាជ្ញាធររាជធានីភ្នំពេញ ធ្វើការបិទជាបណ្តោះអាសន្ននោះ មកដល់ពេលនេះ លោកឃួង ស្រេង. អភិបាលរាជធានីភ្នំពេញបានបង្កើតថ្មីមួយទៀតជាបណ្តោះអាសន្ននៅស្រុកកណ្ដាលស្ទឹងខេត្តកណ្ដាល ដើម្បីបញ្ជូនបន្លែបង្ការនានាទៅលក់នៅផ្សារនោះ ដើម្បីបែងចែកបន្លែ បង្ការ ជំនួសផ្សារដើមគរដែលត្រូវបានបិទ ដោយសារតែការរីករាលដាលនៃជំងឺកូវីដ-១៩ ។ លោកឯក ឃុនដឿនអភិបាលខណ្ឌទួលគោក បានបញ្ជាក់ឲ្យដឹងនៅរាត្រីថ្ងៃទី១៨ ខែមេសានេះថា លោកឃួង ស្រេងអភិបាលនៃគណៈអភិបាលរាជធានីភ្នំពេញ ក្រោយពីមានការបិទដើមគរជាបណ្តោះអាសន្ន ដោយសារតែមានការរីករាលដាលនៃជំងឺកូវីដ-១៩ លោកឃួង ស្រេង ក៏បានបង្កើតទីផ្សារមួយទៀតជំនួសផ្សារដើមគរជាបណ្តោះអាសន្ន ជំនួសផ្សារដើមគរ ។ ផ្សារនេះ មានទីតាំងនៅតាមផ្លូវជាតិលេខ២ ក្នុងស្រុកកណ្ដាលស្ទឹង ខេត្តកណ្ដាល ដែល មានចម្ងាយប្រមាណជាជាង១៤គីឡូម៉ែត្រពីផ្សារដើមគរ រាជធានីភ្នំពេញ ។ ផ្សារថ្មីនេះ មកដល់ពេលនេះ បន្លែបង្ការមួយចំនួនបានដឹកចូលទៅក្នុងទីផ្សារនេះ ហើយដែរ ដើម្បីផ្គត់ផ្គង់តម្រូវការប្រជាពលរដ្ឋនៅរាជធានីភ្នំពេញនិងប្រជាពលរដ្ឋមួយចំនួននៅតាមបណ្ដាខេត្តនានានៃព្រះរាជាណាចក្រកម្ពុជា៕

គោរពអនុវត្តន៍តាមបទបញ្ជារបស់ឯកឧត្ដមបណ្ឌិត ខៀវ កញ្ញារិទ្ធ រដ្ឋមន្រ្តីក្រសួងព័ត៌មានឯកឧត្តម សុខ ប្រសិទ្ធិ រដ្ឋលេខាធិការក្រសួងពត៌មានបានដឹកនាំក្រុមការងារ ផលិតឯកសារក្រសួងចុះថតសកម្មភាព និងរូបភាពផ្សេងៗ របស់ កម្លាំងសមត្ថកិច្ចកំពុង អនុវត្តច្បាប់បំម្រាមគោរចតាមសេចក្ដីសម្រេចលេខ៤៩សសរចុះថ្ងៃ ទី១៧ មេសា២០២១ របស់រាជរដ្ឋាភិបាលក្នុងអំឡុងពេលបិទខ្ទប់រាជធានីភ្នំពេញ និងក្រុងតាខ្មៅខេត្តកណ្ដាល ដើម្បីរក្សាទុកឯកសារសម្រាប់ប្រើប្រាស់និងរក្សាទុកក្នុងក្រសួងពត៌មាន(គណៈកម្មាធិការនីតិកម្មនិងគណៈកម្មាធិការសម្របសម្រួលពង្រឹងនិងពង្រីកកិច្ចសហប្រតិបត្តិការអន្តរជាតិ) ។ ឆ្លៀតក្នុងឱកាស ចុះបំពេញភារកិច្ច ឯកឧត្តម សុខ ប្រសិទ្ធិ បាន អញ្ជើញចុះសាកសួរសុខទុក្ខនិងនាំយកអំណោយផ្ទាល់ខ្លួនរបស់ឯកឧត្ដមបណ្ឌិត ខៀវ កញ្ញារិទ្ធ រដ្ឋមន្រ្តីក្រសួងព៌តមាន មាន ទឹកសុទ្ធ១០កេស ទឹកបាកាស៥កេស ទឹកក្រូច៥កេសនិងថវិការ១លាន៤សែនរៀលប្រគល់ ជូនដល់កងកម្លាំងរបស់នាយកដ្ឋានចរាចរណ៍សណ្ដាប់ធ្នាប់ក្រសួងមហាផ្ទៃកំពុងបំពេញភារកិច្ចឈរជើងនៅចំណុចគោលដៅ ស្តុប ណតប្រីតផ្លូវលេខ២០០៤ ស្ថិតក្នុង ខណ្ឌសែនសុខរាជធានីភ្នំពេញនិងបានឧបត្ថម្ភ ទឹកសុទ្ធ១០កេស ទឹកបាកាស៥កេស ទឹកក្រូច៥កេសនិងថវិការ២លាន២សែនរៀលជូនគោលដៅមួយទៀតរបស់កងកម្លាំងបញ្ជាការឯកភាពស្រុកលើកដែកនៃស្នងការនគរបាលខេត្តកណ្ដាលកំពុងឈរជើងនៅលើផ្លូវជាតិលេខ១ត្រង់ចំនុចស្ពានអ្នកលឿងស្ថិតក្នុងមូលដ្ឋានឃុំកំពង់ភ្នំស្រុកលើកដែកខេត្តកណ្ដាលក្នុងអំឡុងពេលដែលរាជរដ្ឋាភិបាលចេញវិធានការបិទខ្ទប់LOCK DOWN ក្នុងរាជធានីភ្នំពេញនិងខេត្តកណ្ដាលក្នុងរយៈពេល១៤ថ្ងៃដើម្បីទប់ស្កាត់ការរីករាលដាលនៃជំងឺកូវីដ១៩ រសៀលថ្ងៃទី១៨មេសា ។ ឯកឧត្តម សុខ ប្រសិទ្ធិ មានប្រសាសន៍ពាំនាំនូវការផ្ដាំផ្ញើរសួរសុខទុក្ខពីសំណាក់ឯកឧត្ដម រដ្ឋមន្រ្តីក្រសួងពត៌មានជូនដល់កម្លាំងសមត្ថកិច្ចទាំងអស់ដែលកំពុងបំពេញភារកិច្ចបំរើជាតិនិងប្រជាពលរដ្ឋ ។ ឯកឧត្តម បាន មានប្រសាសន៍ថាក្នុងអំឡុងពេលអនុវត្តវិធានការរបស់រាជរដ្ឋាភិបាល កងកម្លាំងត្រូវអនុត្តការងាររបស់ខ្លួនដោយភាពទន់ភ្លន់ តែត្រូវម៉ឺងម៉ាត់…