កម្លាំងក្រុមការងារទប់ស្កាត់ជំងឺកូវីដ-១៩នៅចំណុចស្ពានស្រែពកជាប់ព្រំប្រទល់ខេត្តស្ទឹងត្រែង នៅម៉ោង១១និង៣០នាទីយប់ថ្ងៃទី១៧មេសា ឆ្នាំ២០២១ រួមសហការជាមួយអាជ្ញាធរដែនដីស្រុកកូនមុំ បានឃាត់ករណីល្មើសបម្រាមឆ្លងកាត់ខេត្តពីភ្នំពេញ ទៅខេត្តរតនគិរី ដែលមានមនុស្ស៤នាក់ ក្នុងរថយន្តសាមុយពាក់ស្លាកលេខភ្នំពេញ2BF-2271 ចេញពីពេទ្យព្រះកុសមៈ ឬពេទ្យលោក សង្ឃរាជាធានីភ្នំពេញ។ រាជធានីភ្នំពេញ និងក្រុងតាខ្មៅខេត្តកណ្ដាលត្រូវបានរាជរដ្ឋាភិបាលបិទខ្ទប់តាំងពីថ្ងៃទី១៥មេសាដល់ថ្ងៃ២៨មេសា ដើម្បីទប់ស្កាត់ការឆ្លងរាលដាលជំងឺកូវីដ-១៩ ដែលកំពុងរាតត្បាតខ្លាំង។ មនុស្សទាំង៤នាក់នៅលើរថយន្តគិលានសង្គ្រោះនោះមានឈ្មោះ បៀន ពក ភេទប្រុស អាយុ ៣៣ឆ្នាំ ជនជាតិខ្មែរ មុខរបរកម្មករពេទ្យព្រះកុសុមៈ មានទីលំនៅភូមិជាចជួរ ឃុំជាច ស្រុកកំចាយមារ ខេត្តព្រៃវែង ជាអ្នកបើកបរ, ឈ្មោះ ញ៉ឹប គត់ ភេទប្រុស អាយុ ៣៨ឆ្នាំ ជនជាតិខ្មែរ មុខរបរកម្មករពេទ្យព្រះកុសុមៈ មានទីលំនៅ ភូមិចតុលោក ឃុំបារាយណ៍ ស្រុកបារាយណ៍ ខេត្តកំពង់ធំ ជាព្រូឡាន។ ចំណែកមនុស្ស២នាក់ទៀត មានឈ្មោះ ឃាង ចន្នី ភេទស្រី អាយុ ៦១ឆ្នាំ ជនជាតិខ្មែរ មានទីលំនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី និងម្នាក់ទៀតឈ្មោះ…

អាជ្ញាធរខណ្ឌចំការមន ចេញសេចក្ដីជូនដំណឹង ស្ដីពីការផ្អាកដំណើរការជាបណ្ដោះអាសន្នផ្សារបឹងត្របែកផ្លាហ្សា រយៈពេល ១៤ថ្ងៃ គិតចាប់ពីថ្ងៃទី១៩ ខែមេសា ដល់ថ្ងៃទី០២ ខែឧសភា ឆ្នាំ២០២១ ដើម្បីបង្ការ និងទប់ស្កាត់ការឆ្លងរាលដាលវីរុសកូវីដ១៩ ទៅដល់បងប្អូនអាជីវករ អតិថិជន ក៏ដូចជាប្រជាពលរដ្ឋដែលចេញ-ចូលផ្សារនេះ។

រដ្ឋបាលខណ្ឌឫស្សីកែវ ចេញសេចក្ដីជូនដំណឹង ស្តីពីការផ្អាកដំណើរការជាបណ្តោះអាសន្នមូលដ្ឋានផ្សារធំទួលសង្កែ(សាំហាន់)ក្នុងសង្កាត់ទួលសង្កែទី១ ខណ្ឌឫស្សីកែវ គិតចាប់ពីម៉ោង០០ និង០០នាទី ថ្ងៃទី១៩ ខែមេសា ឆ្នាំ២០២១ ដល់ថ្ងៃទី០២ ខែឧសភា ឆ្នាំ២០២១ ដើម្បីបង្ការ និងទប់ស្កាត់ការឆ្លងរីករាលដាលវីរុសកូវីដ១៩៕

សេចក្ដីសម្រេចរបស់រដ្ឋបាលខេត្តស្វាយរៀង ស្ដីពីការអនុវត្តវិធានការរដ្ឋបាលជាបណ្ដោះអាសន្ន ដើម្បីទប់ស្កាត់ការរីករាលដាលជំងឺកូវីដ-១៩ នៅក្នុងភូមិសាស្រ្តសង្កាត់បាវិត នៃក្រុងបាវិត មានរយះពេល១៤ថ្ងៃគិតចាប់ពីម៉ោងសូន្យនាថ្ងៃទី១៩ ខែមេសា ឆ្នាំ២០២១ រហូតដល់ថ្ងៃទី២ ខែឧសភា ឆ្នាំ២០២១។

យោងតាមស្នងការនគរបាលខេត្តកំពតលោកឧត្តមសេនីយ៍ទោ ម៉ៅ ច័ន្ទមធុរិទ្ធ បានឲ្យដឹងថា នៅថ្ងៃទី ១៨ ខែមេសា ឆ្នាំ២០២១ កម្លាំងការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលខេត្តកំពត បានឃាត់ខ្លួនជនជាតិអាល្លឺម៉ង់ ឈ្មោះ KASKE STEVE ភេទប្រុស អាយុ ៣៦ ឆ្នាំ ដែលបានផ្គើននឹងប្រព្រឹត្តល្មើសបម្រាមគោចររបស់រដ្ឋបាលខេត្តកំពត និងរាជរដ្ឋាភិបាលកម្ពុជា។ បុរសរូបនោះ ថែមទាំងបានញុះញង់ឲ្យមានការផឹកស៊ី នៅលើបណ្ដាញសង្គមហ្វេសប៊ុក នៅម៉ោង៩នាទីយប់ទី ១៧ មេសា ឆ្នាំ ២០២១ នៅក្រុងកំពត ខេត្តកំពត។ លោកស្នងការបានបន្តថា សមត្ថកិច្ចបានកសាងសំណុំរឿង និងបញ្ជូនជនសង្ស័យទៅតុលាការដើម្បីអនុវត្តតាមនីតិវិធី។ សូមជម្រាបថា ជំងឺកូវីដ-១៩ កំពុងរាតត្បាតនៅក្នុងប្រទេសកម្ពុជា ធ្វើឲ្យរាជរដ្ឋាភិបាលបិទខ្ទប់រាជាធានីភ្នំពេញ និងក្រុងតាខ្មៅខេត្តកណ្ដា។ ជាមួយគ្នានោះ បណ្ដាខេត្តនានាបានដាក់បម្រាមគោចរ និងហាមការលក់ដូរគ្រឿងស្រវឹង និងការជួបជុំផឹកស៊ីផងដែរ។

ថ្ងៃទី១៨ ខែមេសា ឆ្នាំ២០២១ មានករណីស្លាប់បុរសជនជាតិខ្មែរ ០២នាក់ ដោយសារកូវីដ១៩ អាយុ ៥៥ឆ្នាំនៅមន្ទីរពេទ្យហ្លួងម៉ែ និងអាយុ ៤៩ឆ្នាំ នៅមណ្ឌលសុខភាពចាក់អង្រែ ៖

ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានធ្វើការណែនាំមួយទៅកាន់អភិបាលរាជធានីភ្នំពេញ ខេត្តកណ្តាល ព្រៃវែង និងកំពង់ចាម ឱ្យពិនិត្យមើលក្រែងមានការលួចធ្វើដំណើរចេញចូលក្នុងភូមិសាស្ត្ររាជធានី ខេត្តទាំងនេះ ដោយប្រើមធ្យោបាយផ្លូវទឹក។ ក្នុងសារសំឡេងណែនាំមួយដែលទទួលបាននៅយប់ថ្ងៃទី១៨ ខែមេសា ឆ្នាំ២០២១ សម្តេចតេជោ បានដាក់ការព្រួយបារម្ភថា ខ្លាចមានការឆ្លងចេញចូលពីរាជធានីភ្នំពេញ ទៅកាន់បណ្តាខេត្តនានា ដោយប្រើមធ្យោបាយផ្លូវ ជាពិសេសតាមរយៈទូកនេសាទ ដែលអាចនាំដល់ការឆ្លងរីករាលដាលជំងឺកូវីដ១៩។ សូមបញ្ជាក់ថា សម្តេចតេជោ ហ៊ុន សែន កាលពីយប់ថ្ងៃទី០៦ ខែមេសា ឆ្នាំ២០២១កន្លងទៅនេះ បានសម្រេចបិទការធ្វើដំណើរឆ្លងកាត់ពីរាជធានីភ្នំពេញ ទៅកាន់បណ្តាខេត្តនានា ក៏ដូចជាការធ្វើដំណើរឆ្លងកាត់ពីខេត្តមួយទៅកាន់ខេត្តមួយទៀតផងដែរ។ ការហាមឃាត់នេះមានរយៈពេលពីរសប្តាហ៍ដោយរាប់ចាប់ពីថ្ងៃទី០៧ ខែមេសា រហូតដល់ថ្ងៃទី២០ ខែមេសា។ សម្តេចតេជោ ក៏ធ្លាប់បានលើកឡើងដែរថា ប្រសិនបើការហាមឃាត់ធ្វើដំណើរឆ្លងកាត់ខេត្តរយៈពេលពីសប្តាហ៍នេះហើយ ជំងឺកូវីដ១៩ មិនមានស្ថានភាពថមថយទេនោះ សម្តេចនឹងពិចារណាពន្យារពេលវិធានការនេះបន្តទៀត៕