រដ្ឋបាលខេត្តព្រះសីហនុនៅថ្ងៃអាទិត្យទី១៨ ខែមេសា ឆ្នាំ២០២១ បានប្រកាសរកឃើញអ្នកជំងឺឆ្លងថ្មី៧៥នាក់ទៀត។ ក្នុងសេចក្តីជូនដំណឹងនេះរដ្ឋបាលខេត្ត បានបញ្ជាក់ថាភាកច្រើនគឺអាជីវករនៅផ្សារលើ ដែលរកឃើញវិជ្ជមានជំងឺកូវីដ-១៩ចំនួន៧០នាក់។

ឯកឧត្ដម នួន ផារ័ត្ន អភិបាលរងរាជធានីភ្នំពេញ នាព្រឹកថ្ងៃអាទិត្យ ទី១៨ ខែមេសា ឆ្នាំ២០២១ បាននាំយកអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់បងប្អូនប្រជាពលរដ្ឋរស់នៅក្នុងភូមិសាស្រ្តខណ្ឌមានជ័យ រាជធានីភ្នំពេញ។ អំណោយដែលទទួលបានរួមមានអង្ករ១បាវ(២៥គីឡូ) មី១កេស ត្រីខ២០កំប៉ុងនិងថវិកាចំនួន៣០មុឺនរៀលក្នុងមួយគ្រួសារ។ ក្នុងថ្ងៃនេះរដ្ឋបាលរាជធានីភំ្នពេញបានចែកជូនចំនួន ៨២៧គ្រួសារ ដែលជាគ្រួសារបងប្អូនកម្មករ កម្មការិនីរោងចក្រ ដែលកំពុងធ្វើចត្តាឡីស័ក។ សូមបញ្ជាក់ថា រដ្ឋបាលរាជធានីភំ្នពេញនឹងធ្វើការចែកជាបន្តបន្ទាប់ជូនឱ្យដល់គ្រប់ក្រុមគ្រួសារជួបការលំបាកនៅរាជធានីភ្នំពេញ៕

រដ្ឋបាលខេត្តកំពង់ចាម ជូនដំណឹងពីការរកឃើញវិជ្ជមានជំងឺកូវីដ១៩ លើស្ដ្រីម្នាក់ជាអាជីវករផ្សារចាស់ និងបានប៉ះពាល់ក្រុមគ្រួសារ នៅស្រុកកោះសូទិន។

ភ្នំពេញ៖ ក្រុមហ៊ុនឯកជន២ នោះគឺក្រុមហ៊ុនKINO Care Cambodiaនិង ក្រុមហ៊ុនលីលីហ្វូត អុិនដាសទ្រី ខូអិលធីឌី នាព្រឹកថ្ងៃទី១៨មេសានេះ បាននាំយក ខ្ញីទឹកឃ្មុំចំនួន១០កេស និងបន្លែផ្លែឈើក្រៀុមចំនួន៥០កេសជូនរដ្ឋបាលរាជធានីភ្នំពេញ ដើម្បីចូលរួមទប់ស្កាត់ការរីករាលដាលនៃ ជំងឺកូវីដ-១៩ ខណៈដែលជម្ងឺនេះ កំពុងឆ្លងយ៉ាងខ្លាំងនៅរាជធានីភ្នំពេញ និងតាមបណ្តាខេត្តមួយចំនួន។ ក្នុងឱកាសនោះលោកឃួង ស្រេង អភិបាលរាជធានីភ្នំពេញបានថ្លែងអំណរគុណយ៉ាងជ្រាលជ្រៅចំពោះ ក្រុមហ៊ុនទាំង២ ដែលបានចូលរួមចំណែកបានទាន់ពេលវេលា តាមការអំពាវនាវរបស់សម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីទទួលបានអំណោយ យកទៅចែកជូនបងប្អូនប្រជាពលរដ្ឋយើងដែលកំពុងជាប់ធ្វើចត្តាឡីសក័ តាមមូលដ្ឋាន និងតាមលំនៅដ្ឋានជាច្រើនគោលដៅក្នុងរាជធានីភ្នំពេញ ដែលត្រូវការជំនួយឧបត្ថម្ភជាចាំបាច់។ កាយវិការរបស់ក្រុមហ៊ុនទាំង២ ពិតជាបានរួមចំណែកដោះ ស្រាយការលំបាករបស់បងប្អូនប្រជាពលរដ្ឋដែលកំពុងជាប់ធ្វើចត្តាឡីសក័នៅរាជធានីភ្នំពេញ៕

នៅតាមដងវិថី និងមហាវិថី ទាំងអស់ មានចងខ្សែ ដាក់រនាំងហាមឃាត់ការធ្វើដំណោះ អគារ ហាងទំនិញនានា បានបិទទ្វារ ។ គេឃើញតែកងកម្លាំងសមត្ថកិច្ចប៉ុណ្ណោះ ឈរយាម ការពារសន្តិសុខ សណ្តាប់ធ្នាប់ ដើម្បីបង្ការទប់ស្កាត់ការីរាលជំងឺកូវី-១៩។ ចរាចរណ៍មានសភាពស្ងប់ស្ងាត់បានចាប់ផ្តើមឡើងតាំងពីព្រឹកព្រលឹមនៅថ្ងៃទី១៨ មេសា ឆ្នាំ២០២១បន្ទាប់ពីរាជរដ្ឋាភិបាលបានសម្រេចកែសម្រួលលើវិធានការដែលត្រូវអនុវត្តក្នុង អំឡុងពេលបិទខ្ទប់ភូមិសាស្ត្ររាជធានីភ្នំពេញនិងក្រុងតាខ្មៅនៃខេត្តកណ្តាលដើម្បីទប់ស្កាត់ការឆ្លងរាលដាលនៃជំងឺកូវីដ-១៩ រយៈពេល ១៤ថ្ងៃ ចាប់ពីម៉ោងសូន្យ ថ្ងៃទី១៥មេសា ឆ្នាំ២០២១ ដើម្បីទប់ស្កាត់ការឆ្លងរាលដាលជំងឺកូវីដ-១៩។ សូមបញ្ជាក់ថា ព្រះរាជាណាចក្រកម្ពុជា ជាពិសសនៅរាជធានីភ្នំពេញ កំពុងប្រឈមនឹងការឆ្លងរាលដាលជំងឺកូវីដ-១៩។ រាជរដ្ឋាភិបាលក្រៅពីការផ្តល់ការថែទាំ ព្យាបាលអ្នកជំងឺកូវីដ-១៩ បានចាត់វិធានការអប់រំផ្សព្វផ្សាយជាច្រើនដើម្បីបង្ការ ទប់ស្កាត់ការរីករាលជំងឺទាំងនៅទីក្រុងនិងជនបទ។ ព្រឹត្តការណ៍ឆ្លងចូលសហគមន៍ថ្ងៃទី២០ កុម្ភះ បានក្លាយជាព្រឹត្តិការណ៍ដែលមានអត្រាឆ្លងកូវីដ-១៩ បន្តកើនឡើងខ្ពស់ នៅក្នុងរាជធានីភ្នំពេញ និងទីក្រុងតាខ្មៅ ខេត្តកណ្តាល ហើយត្រូវបានរាជរដ្ឋាភិបាល សម្រេចអនុវត្តបិទខ្ទប់ (Lockdown) រយៈពេល ១៤ថ្ងៃ ចាប់ពីម៉ោងសូន្យ ថ្ងៃទី១៥មេសា ឆ្នាំ២០២១ ដើម្បីទប់ស្កាត់ការឆ្លងរាលដាលជំងឺកូវីដ-១៩។ ដើម្បីអនុវត្តវិធានការបិទខ្ទប់រាជធានីភ្នំពេញ និងក្រុងតាខ្មៅ ឱ្យមានប្រសិទ្ធភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា…