ភ្នំពេញ- លោកឧត្តមសេនីយ៍ត្រី សែម គន្ធា ស្នងការរង ទទួលផែនការងារនគរបាលសណ្តាប់ធ្នាប់ នៃស្នងការដ្ឋាននគរបាលរាជធានីភ្នំពេញ ជំនួសមុខ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ សូមថ្លែងអំណរគុណយ៉ាងជ្រាលជ្រៅ ចំពោះ ក្រុមហ៊ុន ទឹកពិសារបរិសុទ្ធ SKH (SKH Premium Water) ដែលបានឧបត្ថម្ភជាទឹកបរិសុទ្ធចំនួន ២០០យួរ ដល់កងកម្លាំងនគរបាលរាជធានីភ្នំពេញ ដែលកំពុងបំពេញកាតព្វកិច្ចតាមគោលដៅបិទខ្ទប់ក្នុងភូមិសាស្ត្ររាជធានីភ្នំពេញ ។ សូមជូនពរដល់ម្ចាស់ក្រុមហ៊ុន ទឹកពិសារបរិសុទ្ធ SKH (SKH Premium Water) ក្នុងឱកាសឆ្នាំថ្មី សូមជួបប្រកបនូវពុទ្ធពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើង សូមអរគុណ។ សូមបញ្ជាក់ថា ក្រុមហ៊ុន ទឹកពិសារបរិសុទ្ធ SKH (SKH Premium Water) ជានិច្ចជាកាលតែងតែចូលរួមការងារសង្គមតាមរយ:ឧបត្ថម្ភជាគ្រឿងឧបភោគ បរិភោគ ថវិកា និងទឹកបរិសុទ្ធដល់ការងារសប្បុរសនានា ។…

រដ្ឋបាលខេត្តស្វាយរៀង ជូនដំណឹង ស្តីពីករណីរកឃើញអ្នកពាក់ព័ន្ធ ជាមួយអ្នកមានវិជ្ជមានជំងឺកូវីដ-១៩ តាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី១៤ ខែមេសា ឆ្នាំ២០២១។

ខេត្តកំពង់ធំប្រកាសផ្អាកជាបណ្តោះ អាសន្ន ការលក់គ្រឿងស្រវឹងគ្រប់ប្រភេទ និងការផ្អាកការជួបជុំរយៈ ពេល ១៤ថ្ងៃ ចាប់ពីថ្ងៃទី១៥ ដល់២៨ ខែមេសា ឆ្នាំ២០២១។

អនុគណៈកម្មការស្រាវជ្រាវជំងឺកូវីដ-១៩ បានឲ្យដឹងថា អ្នកជំងឺកូវីដ-១៩ បុគ្គលិកក្រុមហ៊ុកទូរសព្ទ័ OPPO មានទីតាំងស្ថិតនៅ ផ្ទះលេខ ៣៣៥ ផ្លូវមុនីវង្ស សង្កាត់អូរឫស្សី ៤ ខណ្ឌ៧មករា ឆ្លងជំងឺកូវីដ-១៩ ហើយបានធ្វើការនៅទីនោះ ចាប់ពីថ្ងៃទី១ដល់ថ្ងៃទី៩មេសាឆ្នាំ២០២១។ អ្នកជំងឺកូវីដ១៩ គឺជាបុគ្គលិក នៅទីតាំងខាងលើនោះ បានប៉ះពាល់ផ្ទាល់ ជាមួយអ្នកធ្វើការជាមួយគ្នាចំនួន៧នាក់ និងប៉ះប្រយោលចំនួន៣០នាក់។ អនុគណៈកម្មការ បានអំពាវនាវដល់អ្នកដែលធ្លាប់ទៅទទួលសេវា និងអ្នកពាក់ព័ន្ធជាមួយបុគ្គលិកនៅក្រុមហ៊ុនឡ ត្រូវប្រញាប់ទៅធ្វើតេស្ដបើសិនជាមានសុខភាពប្រែប្រួល និងអ្នកពាក់ពន្ធ័ដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល១៤ ថ្ងៃ តាមវិធានសុខាភិបាល រាប់ចាប់ពីថ្ងៃដែលអ្នកបានទៅទីកន្លែងនោះ។

អនុគណៈកម្មការស្រាវជ្រាវជំងឺកូវីដ-១៩ បានឲ្យដឹងថា អ្នកជំងឺកូវីដ-១៩ បានទៅធានាគារ ចិន សាខាអូឡាំពិក ដែលមានទីតាំងស្ថិតនៅ ផ្លូវលេខ ២៧៤ សង្កាត់វាលវង់ ខណ្ឌ ៧មករា នៅថ្ងៃទី៨ និងទី៩មេសាឆ្នាំ២០២១។ អនុគណៈកម្មការ បានអំពាវនាវដល់អ្នកដែលធ្លាប់ទៅទទួលសេវា និងអ្នកពាក់ព័ន្ធជាមួយបុគ្គលិកនៅធនាគារ នោះ ត្រូវដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល១៤ ថ្ងៃ តាមវិធានសុខាភិបាល រាប់ចាប់ពីថ្ងៃដែលអ្នកបានទៅទីកន្លែងនោះ។

ក្រសួងសុខាភិបាល នៅថ្ងៃទី១៥មេសា បានជម្រាបជូនសាធារណជនថា ស្ថិតក្នុងដំណាក់កាលដែលអ្នកជំងឺកូវីដ-១៩ នៅក្នុងរាជធានីភ្នំពេញ កំពុងមានចំនួនកើនឡើងច្រើន ហើយទីកន្លែងសម្រាប់ដាក់ជូនសម្រាកព្យាបាលមានការខ្វះខាត ក្រសួង កំពុងតែបន្តរៀបចំទីកន្លែង ជាបន្តបន្ទាប់ ដោយសហការជាមួយអាជ្ញាធររាជធានីភ្នំពេញ។ ក្រសួងបានបញ្ជាក់ទៀតថា ប្រសិនបើប្រជាពលរដ្ឋក្នុងរាជធានីភ្នំពេញ ដែលមានវិជ្ជមានវីរុសកូវីដ-១៩ មិនទាន់ទទួលបានកន្លែងសម្រាកព្យាបាល ត្រូវ អនុវត្តតាមការណែនាំ ក្នុងការតាមដានរោគសញ្ញា និងការថែទាំព្យាបាលអ្នកជំងឺកូវីដ-១៩ នៅតាមផ្ទះ។

យោងតាមក្រសួងសុខាភិបាលនៅថ្ងៃទី១៥មេសាឆ្នាំ២០២១ បានឲ្យដឹងថានៅថ្ងៃទី១៤មេសា គេបានរកឃើញអ្នកឆ្លងថ្មីជំងឺកូវីដ-១៩ចំនួន៣៤៤នាក់ ក្នុងនោះអ្នកពាក់ពន្ធ័នឹងព្រឹត្តិការណ៍សហគមន៍២០កុម្ភៈមានចំនួន៣៣៩នាក់ និងអ្នកមកពីបរទេសចំនួន៥នាក់។ នៅថ្ងៃនេះដែរ ក្រសួងការបានបញ្ជាក់ថា មានអ្នកជំងឺកូវីដ-១៩ចំនួន២៩នាក់ បានជាសះស្បើយផងដែរ។ កម្ពុជាគិតត្រឹមថ្ងៃទី១៥មេសា ឆ្នាំ២០២១ 🇰🇭 មានអ្នកឆ្លងជំងឺកូវីដ-១៩សរុបចំនួន៥ពាន់២១៨នាក់ ក្នុងនោះបានព្យាបាលជាសះស្បើយចំនួន២ពាន់៣១៩នាក់ និងអ្នកកំពុងសម្រាកព្យាបាលមានចំនួន២ពាន់៨៥៨នាក់។ ក្រសួងសុខាភិបាលក៏បានបញ្ជាក់ដែរថា គិតមកដល់ថ្ងៃនេះ មានអ្នកស្លាប់ដោយសារជំងឺកូវីដ-១៩ចំនួន៣៦នាក់ហើយ។