រដ្ឋបាលខេត្តសៀមរាប អំពាវនាវឲ្យប្រជាពលរដ្ឋ បង្កើនការប្រុងប្រយ័ត្ន និងសហការជាមួយសមត្ថកិច្ច ក្រោយរកឃើញអ្នកវិជ្ជមានកូវីដ១៩ រហូតដល់៤នាក់ នៅថ្ងៃទី១២ ខែមេសា ឆ្នាំ២០២១។

ភ្នំពេញ៖ក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងថារយៈពេល៦ថ្ងៃមកនេះ ពោលគឺចាប់ពីថ្ងៃទី៧-១២ការចាក់វ៉ាក់សាំងស៊ីណូវ៉ាក់ ជូនបងប្អូនកម្មករ-និយោជិត និងថ្នាក់ដឹកនាំអង្គការវិជ្ជាជីវៈបានសរុបចំនួន ៥១ ៨៣៣នាក់។ បើតាមសេចក្តីជូនដំណឹងខាងលើនេះបានបញ្ជាក់ថា ៖ អនុគណៈកម្មការចំពោះកិច្ចសម្រាប់ចាក់វ៉ាក់សាំងការពារជំងឺកូវី៥-១៩ ជូនបងប្អូនកម្មករនិយោជិត និង ថ្នាក់ដឹកនាំអង្គការវិជ្ជាជីវៈ សូមជម្រាបជូន សាធារណជន អំពីលទ្ធផលការចាក់វ៉ាក់សាំងស៊ីណូវ៉ាក់ ជូនបងប្អូន កម្មករនិយោជិត និងថ្នាក់ដឹកនាំអង្គការវិជ្ជាជីវៈ ចាប់ពីថ្ងៃទី៧ ដល់ថ្ងៃទី១២ ខែមេសា ឆ្នាំ២០២១ ដោយថ្ងៃនេះ អនុគណៈកម្មការចំពោះកិច្ចបានបើកទីតាំងចាក់វ៉ាក់សាំងចំនួន ៣ទីតាំងបន្ថែម សរុបទាំងអស់ចំនួន ១០ទីតាំង ដោយទទួលបានលទ្ធផលដូចខាងក្រោម៖ ក-លទ្ធផលក្នុងថ្ងៃទី១២ ខែមេសា -អ្នកស្ម័គ្រចិត្តចាក់វ៉ាក់សាំងសរុបចំនួន ១៦ ០៦៧នាក់ (បរទេសចំនួន ៤៣៩នាក់) – ចាក់បានចំនួន ១៥ ៦១៦នាក់ (បរទេសចំនួន ៤៣៩នាក់ ) -គ្រូពេទ្យមិនអនុញ្ញាតឱ្យចាក់ចំនួន ៤៥១នាក់ (បរទេសចំនួន ០នាក់ )។ ខ-លទ្ធផលគិតត្រឹមថ្ងៃនេះ -អ្នកស្ម័គ្រចិត្តចាក់វ៉ាក់សាំងសរុបចំនួន ៥៣ ៦៩៣នាក់ (បរទេសចំនួន ២ ០៩៦នាក់)…

រាជធានីភ្នំពេញ៖  ការហាមឃាត់ការធ្វើដំណើរឆ្លងកាត់ ចេញ-ចូល ពីភូមិសាស្ត្រខេត្តមួយទៅភូមិសាស្ត្រខេត្តមួយជាបណ្តោះអាសន្ន ដែលសម្រេចដោយរាជរដ្ឋាភិបាល គឺជា “វិធានការរដ្ឋបាល” ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។នេះបើតាមការឱ្យដឹងពីសំណាក់ ឯកឧត្តម គឹម សន្តិភាព រដ្ឋលេខាធិការនិងជាមន្រ្តីនាំពាក្យក្រសួងយុត្តិធម៌។ ដោយសំដៅទប់ស្កាត់និងក៏ដូចជាហាមឃាត់ពលរដ្ឋក្នុងការធ្វើដំណើរឆ្លងកាត់ពីខេត្តមួយទៅកាន់ខេត្តមួយទៀតពិសេសក្នុងអំឡុងចូលឆ្នាំថ្មីនេះដែរ ឯកឧត្តម គឹម សន្តិភាព បានឱ្យដឹងថា “ហេតុនេះហើយជនណាដែលមិនគោរព “វិធានការរដ្ឋបាល” ដោយចេតនា នឹងត្រូវប្រឈមនឹងការផ្តន្ទាទោសដាក់ពន្ធនាគាររហូតដល់ ៣ឆ្នាំ ឬ៥ឆ្នាំ ប្រសិនអំពើនេះបណ្តាល​ឱ្យមានការចម្លងជំងឺកូវីដ-១៩ ដល់អ្នកដទៃ ឬបណ្តាល​ឱ្យប៉ះពាល់ធ្ងន់ធ្ងរដល់សុខភាពសាធារណៈ ដោយមិនគិតដល់បទល្មើសព្រហ្មទណ្ឌដទៃទៀត អនុលោមតាមមាត្រា១០ នៃច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត” ។ ជាមួយគ្នានេះឯកឧត្តមបានបានបញ្ជាក់បន្ថែមថាចំពោះអ្នកដែលជួយសម្រួលដោយចេតនាដល់ការប៉ុនប៉ង ឬការសម្រេចអំពើមិនគោរព “វិធានការរដ្ឋបាល” នេះ ក៏នឹងត្រូវផ្ដន្ទាទោសដូចគ្នានឹងអ្នកប្រព្រឹត្តផងដែរ អនុលោមតាមមាត្រា២៩ នៃក្រមព្រហ្មទណ្ឌ ៕ ដោយ៖ម៉ាដេប៉ូ

រាជធានីភ្នំពេញ៖ ដោយក្ដីយកចិត្តទុកដាក់ទៅលើការលើកកម្ពស់គុណភាពអប់រំ ក្នុងស្ថានភាពនៃជំងឺកូវីដ-១៩ ថ្នាក់ដឹកនាំក្រសួងអប់រំ យុវជន និងកីឡា បានជួបពិភាក្សាការងារ ជាមួយដៃគូអភិវឌ្ឍវិស័យអប់រំនានា តាមរយៈប្រព័ន្ធអេឡិចត្រូនិក (Video Conference) លើការរៀបចំយុទ្ធសាស្ត្រសម្រាប់គាំទ្រដល់ការសិក្សាពីចម្ងាយ (Distance Learning) ក្នុងបរិបទជំងឺកូវីដ-១៩ ដើម្បីកំណត់នូវសកម្មភាពខ្លី និងមធ្យមធានាឱ្យបានការអប់រំនៅតែបន្ដ។ កិច្ចប្រជុំនេះបានប្រព្រឹត្តទៅក្រោមការដឹកនាំដោយ ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រី ក្រសួងអប់រំ យុវជន និង កីឡា។ ក្នុងឱកាសនោះ ឯកឧត្តមបណ្ឌិតសភាចារ្យ បានចែករំលែកនូវបទពិសោធន៍នៃការគ្រប់គ្រងស្ថានភាពអប់រំ ដែលរងផលប៉ះពាល់ដោយជំងឺកូវីដ-១៩ នាពេលកន្លងមក។ សូមជម្រាបថា ស្ថិតក្នុងបរិបទនៃជំងឺកូវីដ-១៩ ឯកឧត្ដមបណ្ឌិតសភាចារ្យរដ្ឋមន្ត្រី បានកំណតគោលដៅធ្វើយ៉ាងណាធានាឱ្យបាននូវសុវត្ថិភាពជូនដល់បុគ្គលិកអប់រំ ព្រមទាំងសិស្សានុសិស្ស ស្របគ្នានឹងការធានាបាននូវការផ្ដល់ការអប់រំប្រកបដោយគុណភាព៕ ដោយ -រ៉ាវុធ

លិខិតរបស់សម្ដេចតេជោនៅថ្ងៃទី១២មេសាឆ្នាំ២០២១ គឺតបទៅនឹងលិខិតរបស់លោកវេជ្ជបណ្ឌិត kasai កាលពីថ្ងៃទី៩មេសា ដែលបានបញ្ជាក់ពីការបប្ដេជ្ញាចិត្តជាថ្មីរបស់អង្គការសុខភាពពិភពលោក គាំទ្រដល់កិច្ចខិតខំប្រឹងប្រែងប្រកបដោយចីរភាពរបស់កម្ពុជាក្នុងការទប់ស្កាត់ការរីករាលដាលនៃជំងឺកូវីដ-១៩។ លិខិតរបស់សម្ដេចតេជោ បានសរសសេរថា ខណៈដែលប្រទេសកម្ពុជាបានរួចផុតពីការរីករាលដាលនៃជំងឺកូវីដ-១៩ កាលពីឆ្នាំមុន នៅក្នុងនេះ យើងខ្ញុំមិនមានភ័ព្វសំណាងនោះទេ ដោយបច្ចុប្បន្ននេះ យើងខ្ញុំកំពុងប្រឈមនឹងការឆ្លងរាលដាលនៃវីរុសកូរ៉ូណានាំចូលប្រភេទថ្មីក្នុងសហគមន៍ ដែលជាអកុសលបានធ្វើឲ្យចំនួននៃការបាត់បង់អាយុជីវិតមនុស្សមានការកើនឡើង។ សម្ដេចតេជោបានបន្តថា នៅចំពោះមុខគ្រោះអាសន្នដ៏ធ្ងន់ធ្ងរនៃសុខភាពសាធារណៈនាពេលបច្ចុប្បន្ននេះ រាជរដ្ឋាភិបាលកម្ពុជា ត្រូវបង្ខំចិត្តជ្រើសរើសយកការសម្រេចចិត្តដ៏លំបាកក្នុងការបិទតំបន់ដែលទទួលរងផលប៉ះពាល់ និងដាក់វិធានការរឹតត្បិតការធ្វើដំណើ់រដ៏តឹងរ៉ឹង រួមជាមួយនឹងវិធានការផ្សេងៗទៀត ដើម្បីទប់ស្កាត់ការរីករាលដាលនៃការផ្ទុះជំងឺនោះ។ សម្ដេចបានបន្តថា វិធានការណ៍ទាំងអសើនោះមានភាពចាំបាច់ ក្នុងការធានារសង្គ្រោះជីវិត សុវត្ថិភាពសុខភាពសាធារណៈ សុខុមាលភាពប្រជាជន និងការវិលត្រឡប់ទៅរកភាពធម្មតាវិញនៃជីវិតរស់នៅឲ្យបានឆាប់។ លិខិតរបស់សម្ដេចតេជោ បានបញ្ជាក់ថា កម្ពុជា ជាប្រទេសដែលគាំទ្រយ៉ាងខ្លាំងក្លាចំពោះពហុភាគីនិយម ហើយកម្ពុជាកោតសរសើរចំពោះតួនាទីឈានមុខរបស់អង្គការសុខភាពពិភពលោក ក្នុងការប្រយុទ្ធប្រឆាំងនឹងជំងឺរាតត្បាតជាសកលនាពេលបច្ចុប្បន្ននេះ។ ជាមួយគ្នានោះ សម្ដេចបានថ្លែងអំណំាគុណចំពោះជំនួយដែលផ្ដល់ដោយអង្គការសុខភាពពិភពលោក ក្នុងអំឡុងពេលនៃវិបត្តិដ៏លំបាកនេះ។ យោងតាមលិខិតរបស់លោកបណ្ឌិត Kasai ជូសម្ដេចតេជោហ៊ុន សែន កាលពីថ្ងៃទី៩មេសាឆ្នាំ២០២១ លោកបានកោតសរសើរចំពោះសម្ដេចតេជោផ្ទាល់ និងរាជរដ្ឋាភិបាលកម្ពុជាដែលបានខិតខំប្រឹងប្រែង និងសម្ដេចបានសមិទ្ធផលធំធេង ជាការឆ្លើយតបទៅនឹងការរាតត្បាតនៃជំងឺកូវីដ-១៩។ លោកក៏បានថ្លែងអំណរគុណសម្ដេចតេជោ ដែលបានសង្គ្រោះនាវា Westerdam និងតវិធានការទប់ស្កាត់ជំងឺកូវីដ នាពេលកន្លងមក។ យ៉ាងណាក៏ដោយអង្គការសុខភាពពិភពលោកបានសម្ដែងនូវការព្រួបារម្ភចំពោះស្ថានភាពនាពេលបច្ចុប្បន្ន នៅពេលដែលប្រទេសកម្ពុជាកំពុងប្រឈមនឹងការផ្ទុះឡើងនៃជំងឺកូវីដ-១៩ដ៏អាក្រក់បំផុតមិនធ្លាប់មាន តាំងពីជំងឺនោះចាប់ផ្ដើមរាតត្បាតមក។ ជាមួយគ្នានោះ…

យោងតាមសេចក្ដីសម្រេចរបស់រដ្ឋបាលខេត្តបាត់ដំបងនៅថ្ងៃទី១២មេសានេះ បានប្រកាសបិទផ្នែកខាងក្នុងផ្សារ ឬតួផ្សារចំនួន៨ ក្នុងក្រុងបាត់ដំបងជាបណ្ដោះអាសន្ន។ ផ្សារទាំង៨រួមមាន ផ្សារធំបាត់ដំបង ឬផ្សារណាត់, ផ្សារបឹងឈូក, ផ្សារ១៣មករា, ផ្សារអប្សរាផ្សារលើ, ផ្សាររោងល្ខោន, ផ្សារវត្តលៀប, ផ្សារពោធិ៍វង្ស និងផ្សារទំនើបភូពុយ។ ប៉ុន្តែផ្សារទាំងនោះ ត្រូវបានអនុញ្ញាតឲ្យល់នៅផ្នែកខ្លះនៃបរិវេណខាងក្រៅផ្សារដូចជា បន្លែ ត្រូ សាច់ គ្រឿងឧបភោគបរិភោគដែលជាតម្រូវការចាំបាច់រស់នៅប្រចាំថ្ងៃ ដោយត្រូវអនុវត្តនូវវិធានការសុខាភិបាលក្នុងការរក្សាគម្លាតសង្គម គម្លាតបុគ្គល ពាក់ម៉ាស និងលាងដៃ។ រដ្ឋបាលខេត្តបាត់ដំបងបានបញ្ជាក់ថា ការបិទខាងក្នុងផ្សារនោះ មានរយៈពេល៧ថ្ងៃ ចាប់ពីថ្ងៃទី១៤ដល់ថ្ងៃទី២០មេសាឆ្នាំ២០២១។ ការបិទនោះ ត្រូវគេបញ្ជាក់ថា ដើម្បីបង្ការទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងសហគមន៍អំឡុងពេលចូលឆ្នាំថ្មីប្រពៃណីជាតិ៕

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី១២មេសាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ ធ្លាប់ទៅផ្សារនោះនៅថ្ងៃទី៦មេសាឆ្នាំ២០២១។ អនុគណៈកម្មការ បានអំពាវនាវដល់ប្រជាពលរដ្ឋ ដែលធ្លាប់បានទៅ ផ្សារសួនឧស្សាហកម្មកាណាឌីយ៉ា បើសិនជាមានអ្នក មានរោគសញ្ញាដូចជា គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ ត្រូវប្រញាប់ ទៅធ្វើតេស្តរកមេរោគកូវីដ-១៩។ ការធ្វើតេស្ដមានទីតាំងនៅ វិទ្យាល័យបាក់ទូក, វិទ្យាល័យបឹងត្របែក,មណ្ឌលសុខភាពចាក់អង្រែក្រោម, មន្ទីរពេទ្យខ្មែរ-សូវៀត, សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន) និង មន្ទីរពេទ្យបង្អែកនៅតាមបណ្តាខេត្តនានា។ សម្រាប់អ្នកដែលគ្មានរោគសញ្ញា ត្រូវដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។