នៅព្រឹកថ្ងៃអាទិត្យ ទី១១ ខែមេសា ឆ្នាំ២០២១ លោក ស៊ុ សុវណ្ណដិកា អនុប្រធានលេខាធិការដ្ឋាន និងលោកស្រី ផាន ពិសីនលក្ខណ៍ រួមជាមួយសមាជិកនៃកម្មវិធីសាបព្រួសគ្រាប់ពូជ របស់ស.ស.យ.ក រាជធានីភ្នំពេញ បាននាំយកថវិកា ទឹកបរិសុទ្ធ ម៉ាស់ និងបដាផ្សព្វផ្សាយ«៣កុំ ៣ការពារ» ដែលជាអំណោយដ៏ថ្លៃថ្លារបស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ដើម្បីប្រគល់ជូនក្រុមគ្រួសារសហភាពសហព័ន្ធយុវជនកម្ពុជាមូលដ្ឋានខណ្ឌចំនួន ០៣ ដើម្បីជាការថ្លែងអំណរគុណ ជូនពរក្នុងឱកាសបុណ្យចូលឆ្នាំថ្មីប្រពៃណីជាតិ និងលើកទឹកចិត្តចំពោះកងទ័ពអាវផ្ទៃមេឃដែលបានប្រគៀកស្មានៅសមូរភូមិមុខជាមួយក្រុមគ្រូពេទ្យស្ម័គ្រចិត្ត កងកម្លាំងគ្រប់ប្រភេទ និងអាជ្ញាធរមូលដ្ឋាន ប្រកបដោយទឹកចិត្តអង់អាចក្លាហាន និងឆន្ទៈមុះមុតដោយមិនរុញរា ក្នុងការបំពេញបេសកកម្មប្រយុទ្ធប្រឆាំងការរីករាលដាលនៃជំងឺកូវីដ-១៩ និងសម្រសម្រួលយុទ្ធនាការចាក់វ៉ាក់សាំងជូនប្រជាពលរដ្ឋនៅគ្រប់បណ្តាមូលដ្ឋាន។ ចំពោះគោលដៅ ស.ស.យ.ក ខណ្ឌទាំង៣រួមមាន៖ (១)-ខណ្ឌទួលគោក (២)-ខណ្ឌសែនសុខ និង (៣)-ខណ្ឌពោធិសែនជ័យ ដោយក្នុងមួយខណ្ឌទទួលបានថវិកាចំនួន ៤លានរៀល ទឹកបរិសុទ្ធចំនួន ២០កេស ម៉ាស់ចំនួន ៥០០ម៉ាស់ និងបដាផ្សព្វផ្សាយ«៣កុំ ៣ការពារ» មួយចំនួន។

ក្រសួងផែនការ ចេញសេចក្តីណែនាំបន្ទាន់ ដើម្បីចូលរួមបង្ការ និងទប់ស្កាត់ការចម្លងមេរោគកូវីដ-១៩ ដោយអនុញ្ញាតឱ្យមន្ត្រីរាជការក្រោមឱវាទ សម្រាកធ្វើការនៅផ្ទះ ចាប់ពីថ្ងៃនេះ រហូតដល់ថ្ងៃចាក់វ៉ាក់សាំងលើកទី២ (សូមអានសេចក្តីណែនាំ )។ដោយ-រ៉ាវុធ

អនុក្រឹត្យស្តីពីកាតព្វកិច្ចក្នុងការទទួលការចាក់វ៉ាក់សាំងការពារជំងឺកូវីដ-១៩ កាតព្វកិច្ចក្នុងការទទួលការចាក់វ៉ាក់សាំងការពារជំងឺកូវីដ-១៩ ត្រូវអនុវត្តចំពោះ៖ មន្រ្តីរាជការសាធារណៈ និងកងកម្លាំងប្រដាប់អាវុធគ្រប់ប្រភេទ នៅក្នុងស្ថាប័ននីតិប្រតិបត្តិ ពលរដ្ឋទទួលអាណត្តិសាធារណៈដោយការបោះឆ្នោត និងមន្រ្តីរាជការសាធារណៈនៅក្នុងស្ថាប័ននីតិប្បញ្ញត្តិ និង ចៅក្រម ព្រះរាជអាជ្ញា និងមន្រ្តីរាជការសាធារណៈនៅក្នុងស្ថាប័នតុលាការ។ កាតព្វកិច្ចក្នុងការទទួលការចាក់វ៉ាក់សាំងការពារជំងឺកូវីដ-១៩ ក៏ត្រូវអនុវត្តផងដែរចំពោះបុគ្គលមួយចំនួនផ្សេងទៀត ដោយផ្អែកលើស្ថានភាពនៃការងារ ឬស្ថានភាពនៃមុខរបររបស់បុគ្គលនោះ តាមការកំណត់របស់ក្រសួងសុខាភិបាល។ កាតព្វកិច្ចក្នុងការទទួលការចាក់វ៉ាក់សាំងខាងលើ មិនអនុវត្តចំពោះបុគ្គលដែលមិនអាចទទួលការចាក់វ៉ាក់សាំងការពារជំងឺកូវីដ-១៩ បានដោយមូលហេតុសុខភាព និងដោយមានលិខិតបញ្ជាក់ពីមន្រ្តីសុខាភិបាលមានសមត្ថកិច្ច។

មួយថ្ងៃស្លាប់៣នាក់ ! ក្រសួងសុខាភិបាលប្រកាសថា មានករណីស្លាប់បុរសជនជាតិខ្មែរអាយុ ៤៨ឆ្នាំ បុរសជនជាតិខ្មែរអាយុ ៣៦ឆ្នាំ និងស្ត្រីជនជាតិខ្មែរអាយុ ៧២ឆ្នាំ ដោយសារជំងឺកូវីដ-១៩ នាថ្ងៃទី១០ ខែមេសា ឆ្នាំ២០២១៖

មានករណីស្លាប់បុរសជនជាតិខ្មែរអាយុ​ ៤៨ឆ្នាំ​ និងស្ត្រីជនជាតិខ្មែរអាយុ​ ៧២ឆ្នាំ​ ដោយសារជំងឺកូវីដ-១៩​ នាថ្ងៃទី១០​ ខែមេសា​ ឆ្នាំ២០២១៖

មានករណីស្លាប់បុរសជនជាតិខ្មែរអាយុ​ ៤៨ឆ្នាំ​ និងស្ត្រីជនជាតិខ្មែរអាយុ​ ៧២ឆ្នាំ​ ដោយសារជំងឺកូវីដ-១៩​ នាថ្ងៃទី១០​ ខែមេសា​ ឆ្នាំ២០២១៖

ភ្នំពេញ ៖ ក្រុមការងារសហភាពសហព័ន្ធយុវជនកម្ពុជាដឹកនាំដោយលោក ឃន សុជាតិ ប្រធានសហភាពសហព័ន្ធយុវជនកម្ពុជាខណ្ឌជ្រោយចង្វារ នារសៀលថ្ងៃសៅរ៍ ១៣រោច ខែចេត្រឆ្នាំជូត ទោស័ក សព ២៥៦៤ ត្រូវនឹងថ្ងៃទី១០ ខែមេសា ឆ្នាំ២០២១ បានអញ្ជើញទទួលអំណោយ ដ៏ថ្លៃថ្លា របស់ ឯកឧត្តម ហ៊ុន ម៉ានី ប្រធាន សហភាពសហព័ន្ធយុវជនកម្ពុជា តាមរយៈក្រុមការងារ លេខាធិការដ្ឋាននៃ ស.ស.យ.ក. រាជធានីភ្នំពេញ ដើម្បីលើកទឹកចិត្តយុវជនចូលរួមក្នុងបុព្វហេតុ ការពារ ការរីករាលដាលនៃជំងឺកូវីដ១៩ក្នុងមូលដ្ឋានខណ្ឌ ។ -អំណោយដ៏ថ្លៃថ្លា នាឱកាសនេះរួម មាន៖១- ថវិកា ៤លានរៀល២- ម៉ាស ៥០០៣- បដា (៣កុំ ៣ការពារ ) ០២ផ្ទាំង៤- ទឹកសុទ្ធ ២០កេស។ ដោយ / គ្រី សម្បត្តិ

ក្រសួងសុខាភិបាល បានចេញផ្សព្វផ្សាយរបាយការណ៍ថា ចាក់វ៉ាក់សាំងជំងឺកូវីដ១៩ នៅទូទាំងប្រទេស កើនដល់គិតត្រឹមថ្ងៃទី១០ ខែមេសា ឆ្នាំ២០២១ ក្រសួងបានចាក់វ៉ាក់សាំងកូវីដ១៩ ជូនប្រជាពលរដ្ឋទូទាំងប្រទេស សរុបទាំងអស់ចំនួន៖ ៧៤០,៧៩២នាក់។សូមអានតារាងព័ត៌មានលម្អិត នៃការចាក់វ៉ាក់សាំងការពារកូវីដ១៩ របស់ក្រសួងសុខាភិបាលខាងក្រោម៖

អង្គការសុខភាពពិភពលោក (WHO) ប្រចាំកម្ពុជា បានព្រមានថាប្រទេសកម្ពុជាឈរនៅមាត់ជ្រោះនៃសោកនាដកម្ម ព្រោះមេរោគរាត្បាតកូវីដ-19 បើសិនប្រជាពលរដ្ឋមិនធ្វើទង្វើដោយទទួលខុសត្រូវ។ អង្គការនេះបានសង្កត់ថា លុះត្រាតែយើងអាចបញ្ឈប់ការផ្ទុះឡើងយ៉ាងអាក្រក់បំផុត បើមិនដូច្នេះទេ ប្រព័ន្ធសុខាភិបាលរបស់ប្រទេសកម្ពុជាស្ថិតក្នុងហានិភ័ខ្ពស់ដែលត្រូវមានបន្ទុកធ្ងន់ធ្ងរ ដែលអាចនឹងមានផលវិបាកមហន្តរាយដ៏ធំ!វេជ្ជបណ្ឌិត Li Ailan តំណាងអង្គការ WHO ប្រចាំកម្ពុជា បានព្រមានថា «ប្រទេសកម្ពុជាស្ថិតនៅលើផ្លូវបំបែក – អ្វីដែលយើងទាំងអស់គ្នាត្រូវធ្វើក្នុងប៉ុន្មានថ្ងៃនិងសប្តាហ៍ខាងមុខ នឹងកំណត់ពីអនាគតរបស់យើង។ ប្រទេសជាតិត្រូវតែរួមគ្នាតែមួយឆ្ពោះទៅរកគោលដៅរួមមួយ – រួមគ្នាយើងអាចគ្រប់គ្រងការផ្ទុះឡើងនេះ។ បើសិនជាយើងមិនអាចគ្រប់គ្រងបានទេ ខ្ញុំភ័យខ្លាចចំពោះផលវិបាលទាំងនេះនឹងក្លាយជាមហន្តរាយ។អង្គការនេះក៏បានសាទរចំពោះកិច្ចខំប្រឹងប្រែងនិងវិធានរបស់រាជរដ្ឋាភិបាលចំពោះការបិទធ្វើដំណើរឆ្លងកាត់ខេត្ត និងការជួបជុំគ្នាផ្សេងៗ។ អង្គការបានស្នើសុំឱ្យប្រជាពលរដ្ឋកម្ពុជាចូលរួមទប់ស្កាត់ការឆ្លងនិងចម្លងដោយគោរពវិធានការសុខាភិបាល និងអបអរសាទរពិធីបុណ្យចូលឆ្នាំជាមួយក្រុមគ្នានៅក្នុងផ្ទះ។ ស្នាក់នៅមានសុវត្ថិភាព!«សង្ខេបចេញពីសេចក្តីប្រកាសព័ត៌មាន របស់អង្គការសុខភាពពិភព (WHO) ប្រចាំកម្ពុជា ចុះថ្ងៃទី១០ ខែមេសា ឆ្នាំ២០២១ នេះ ដែលចេញផ្សាយជាការបន្ទាន់។ សូមអានសេចក្តីប្រកាសព័យ៌មានជាភាសាអង់គ្លេស នៅខាងក្រោម ៖For immediate release 10 April 2021PRESS RELEASEWHO warns of impending disaster, unless people act responsibly…