លោក អ៊ូច ភា អភិបាលខេត្តតាកែវ នៅថ្ងៃទី៩មេសា បានដឹកនាំមន្ត្រីពាក់ពន្ធ័ ចុះត្រួតពិនិត្យ គោលដៅឈរជើងរបស់សមត្ថកិច្ច ក្នុងការហាមឃាត់ការធ្វើដំណើរឆ្លងកាត់ពីខេត្តមួយ ទៅខេត្តមួយ ដើម្បីទប់ស្កាត់ការឆ្លងរាលដាលជំងឺកូវីដ-១៩ នៅព្រំប្រទល់ខេត្តកំពង់ស្ពឺ ខេត្តកំពត ខេត្តកណ្ដាល ដោយអនុវត្តតាមសេចក្ដីសម្រេច របស់រាជរដ្ឋាភិបាលកម្ពុជា ស្ដីពីការហាមឃាត់ការធ្វើដំណើរ និងការបិទ រមណីយដ្ឋានទេសចរណ៍នៅទូទាំងប្រទេសជាបណ្ដោះអាសន្ន ដើម្បីទប់ស្កាត់ការឆ្លងរាល ដាលនៃជំងឺកូវីដ-១៩។ លោក អ៊ូច ភា អភិបាលខេត្ត បានថ្លែងថា ការចុះត្រួតពិនិត្យគោលដៅឈរ ជើងរបស់សមត្ថកិច្ចនោះ ដើម្បីចុះសួរសុខទុក្ខ និងនាំយក អំណោយមួយចំនួន ចែកជូនកងកម្លាំងប្រចាំការនៅគោលដៅ ព្រមទាំងជំរុញឲ្យសមត្ថកិច្ច រឹតបន្ទឹងការអនុវត្តសេចក្ដីសម្រេចរបស់រាជរដ្ឋាភិបាលឱ្យមានប្រសិទ្ធភាពខ្ពស់។ លោកអភិបាលខេត្ត បានបន្តថា ការហាមឃាត់ការធ្វើដំណើររបស់ ប្រជាពលរដ្ឋ ពីខេត្តមួយទៅខេត្តមួយនាពេលនេះ គឺដើម្បីទប់ស្កាត់ការឆ្លងរីករាលដាលជំងឺកូវីដ១៩ ពីតំបន់មួយទៅតំបន់មួយ ពីខេត្តមួយទៅខេត្តមួយ ពិសេសរាជរដ្ឋាភិបាលបានគិតគូរពី សុខភាពសាធារណៈ គិតគូរពីអាយុជីវិតប្រជាពលរដ្ឋក្នុងគ្រួសារ និងសង្គមជាតិ ។ ចំពោះ អ្នកចំណូលស្រុកត្រូវអោយពួកគាត់ធ្វើចត្តាឡីស័ក ១៤ថ្ងៃ នៅតាមផ្ទះ ឬនៅមណ្ឌល ចត្តាឡីស័ក លោកអភិបាលខេត្តបានណែនាំឲ្យអនុវត្តឲ្យបានត្រឹមត្រូវ ព្រមទាំងចូលរួមអនុវត្តន៍តាមវិធានការ…

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី៩មេសាឆ្នាំ២០២១ បានជូនដំណឹងថា មានអ្នកជំងគឺកូវីដ-១៩ បានចូលទៅផ្សារដើមគ នៅថ្ងៃសទី២មេសា ដើម្បីទិញបន្លែ ត្រី សាច់។ បានអំពាវនាវដល់ប្រជាពលរដ្ឋដែលធ្លាប់ ទៅផ្សារដើមគ រាជធានីភ្នំពេញ ត្រូវតាមដានសុខភាពរបស់ខ្លួន ហើយអ្នកដែលត្រូវមកផ្សារត្រូវ ពាក់ម៉ាស់ រក្សាគម្លាត ពេលទៅផ្សារ ។ ជាមួយគ្នានោះ អនុគណៈកម្មការស្រាវជ្រាវជំងឺកូវីដ-១៩ ក៏បានអំពាវនាវដល់ អ្នកលក់ដូរ និងអ្នកដើរផ្សារនៅប្រសិនបើមានរោគសញ្ញាដូចជា គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ ត្រូវប្រញាប់ទៅធ្វើតេស្ដរកមេរោគកូវីដ-១៩។ អនុគណៈកម្មការស្រាវជ្រាវជំងឺកូវីដ-១៩ បានបន្តថា ការធ្វើតេស្ដអាដទៅធ្វើនៅទីតាំង វិទ្យាល័យបាក់ទូក,ទ្យាល័យបឹងត្របែក, មណ្ឌលសុខភាពចាក់អង្រែក្រោម, មន្ទីរពេទ្យខ្មែរ-សូវៀត, សាលាបឋមសិក្សា សុភមង្គល ក្រោយផ្សារស៊ិន ជូរី បណ្តោះអាសន្ន ឬមន្ទីរពេទ្យបង្អែកនៅតាមបណ្តាខេត្តនានា។ សម្រាប់អ្នកដែលគ្មានរោគសញ្ញា ត្រូវដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។

ភ្នំពេញ៖ អាជ្ញាធររាជធានីភ្នំពេញបាននិងកំពុងរៀបចំ វិទ្យាល័យជា ស៊ីម សាមគ្គី ជាកន្លែងសម្រាប់ព្យាបាលអ្នកជម្ងឺកូវីដ-១៩ ហើយមួុយផ្នែកខ្វះធ្វើជាកន្លែងសម្រាប់ធ្វើចត្តាឡីស័កផងដែរ ខណៈដែរជំងឺនេះមិនបានធូរស្រាលនៅឡើយទេ តែបានបន្ថែមអ្នកជំងឺកាន់តែច្រើន ដែលនៅតាមមន្ទីរពេទ្យនានារបស់រដ្ឋមិនអាចទទួលអ្នកជំងឺអស់ ។ វិទ្យាល័យជាស៊ីមសាមគ្គី ស្ថិតនៅតាមបណ្តោយផ្លូវ២៧១ ក្នុងសង្កាត់បឹងសាឡាង ខណ្ឌទួលគោក។នៅព្រឹកថ្ងៃទី០៩ ខែមេសានេះ ឯកឧត្តម ឃួង ស្រេងអភិបាលរាជធានីភ្នំពេញបានដឹកនាំអាជ្ញាធរនិងមន្ទីរសុខាភិបាល ចុះពិនិត្យទីតាំងវិទ្យាល័យជាស៊ីមសាមគ្គីខាងលើ ដើម្បីទុកជាកន្លែងសម្រាប់ព្យាបាលអ្នកជំងឺ-១៩ ឱ្យបានសមរម្យ ហើយមួយផ្នែកខ្លះអគារនៃទ្យាល័យនេះ ក៏ត្រូវរៀបចំជាកន្លែងសម្រាប់ធ្វើចត្តាឡីស័កផងដែរ ។ ក្នុងឱកាសនៃការចុះពិនិត្យស្ថានភាពនៃការរៀបចំទីតាំងខាងលើនេះ ឯកឧត្តម ឃួង ស្រេង បានបញ្ជាក់ថា ទីតាំងខាងលើនេះ ត្រូវរៀបចំគ្រែចំនួន២០០ គ្រែ សម្រាប់អ្នកជម្ងឺ និង១០គ្រែទៀតសំរាប់ក្រុមគ្រូពេទ្យដែលត្រូវព្យាបាលអ្នកជំងឺកូវីដ-១៩ ។ វិទ្យាល័យជា ស៊ីម សាមគ្គី ក្រោមការបញ្ជាផ្ទាល់ពីឯឧ ឃួង ស្រេង ក្រុមការងារចម្រុះ ដែលមានទាំងអាជ្ញាធរខណ្ឌទួលគោក ប៉ូលីសមូលដ្ឋាន មន្ត្រីអគ្គីសនី មន្ទីរសុខាភិបាលបានដុតដៃ ដុតជើងយ៉ាងខ្លាំងក្នុងការរៀបចំទៅតាមតួនាទីរបស់ខ្លួន ដើម្បីធ្វើយ៉ាងណាអោយទីតាំងមួយនេះក្លាយជាកន្លែងដែលមានភាពសមរម្យនិងមានអនាម័យ បរិស្ថានល្អប្រសើរ ក្នុងការព្យាបាលអ្នកជម្ងឺកូវិដ-១៩ ខណៈដែរជម្ងឺនេះ មិនត្រឹមតែមិនបានធូរស្រាលនោះទេ តែបានបន្ថែមអ្នកជំងឺកាន់តែច្រើនឡើង ដែលបានធ្វើអោយមន្ទីរពេទ្យនានារបស់រដ្ឋមិនអាចទទួលអ្នកជំងឺអស់៕

អនុគណៈកម្មការចំពោះកិច្ចសម្រាប់ចាក់វ៉ាក់សាំងការពារជំងឺកូវីដ-១៩ នៃក្រសួងការងារ នាព្រឹកថ្ងៃទី៩មេសា ឆ្នាំ២០២១ បានបើកដំណើរការមណ្ឌលចាក់វ៉ាក់សាំងការពារជំងឺកូវីដ-១៩ ជូនដល់ថ្នាក់ដឹកនាំ និងបុគ្គលិកសហព័ន្ធសហជីព សហភាពសហជីព សមាគមនិយោជក និងអង្គការវិជ្ជាជីវៈនានា ជាពិសេសកម្មករនិយោជិតខ្មែរ និងបរទេស ចំនួន៤ទីតាំងបន្ថែមទៀត នៅក្នុងភូមិសាស្ត្ររាជធានីភ្នំពេញ។ ទីតាំងទាំង៤នោះ រួមមាននៅ សួនឧស្សាហកម្មវឌ្ឍនៈ១ ផ្លូវវេងស្រេង, រោងចក្រសិនចូវ ផ្លូវវេងស្រេង, សួនឧស្សាហកម្មវឌ្ឍនៈ២ ផ្លូវជាតិលេខ៣, និងរោងចក្រ Marvel។ យុទ្ធនាការចាក់វ៉ាក់សាំងនោះ រៀបចំឡើងដោយអនុគណៈកម្មការចំពោះកិច្ចសម្រាប់ចាក់វ៉ាក់សាំងការពារកូវីដ-១៩ ជូនមន្ត្រីរាជការក្រសួងការងារ និងបណ្តុះបណ្តាលវិជ្ជាជីវៈ ថ្នាក់ដឹកនាំអង្គការវិជ្ជាជីវៈ កម្មករនិយោជិតតាមរោងចក្រ សហគ្រាស និងកម្មករសេដ្ឋកិច្ចក្រៅប្រព័ន្ធ ក្នុងគោលបំណងដើម្បីបង្ការ និងទប់ស្កាត់ការឆ្លងរីករាលដាលជំងឺកូវីដ-១៩ និងធានាឱ្យបាននូវសុខភាព សុខុមាលភាព និងសុវត្ថិភាពជូនដល់មន្ត្រីរាជការ សហជីព និយោជក និងបងប្អូនកម្មករ និយោជិតទាំងអស់គ្នា។ ដំណើរការនៃការផ្តល់វ៉ាក់សាំងបានប្រពឹត្តិទៅដោយរលូន ប្រកបដោយស្មារតីអនុគ្រោះកម្រិតខ្ពស់ រក្សាឱ្យបាននូវសុវត្ថិភាព ដោយអនុវត្តតាមវិធានការណ៍ណែនាំរបស់ក្រសួងសុខាភិបាលយ៉ាងម៉ត់ចត់។ លោកហេង សួរ រដ្ឋលេខាធិការ និងជាប្រធានអនុគណៈកម្មការចំពោះកិច្ចសម្រាប់ចាក់វ៉ាក់សាំងការពារជំងឺកូវីដ-១៩ នៃក្រសួងការងារ និងបណ្តុះបណ្តាលវិជ្ជាជីវៈ មានប្រសាសន៍ថា មណ្ឌលចាក់វ៉ាក់សាំងចំនួន ៤ ទីតាំងដែលត្រូវបើកបន្ថែមទៀតនៅថ្ងៃទី៩មេសានេះ…

យោងតាមក្រសួងសុខាភិបាលនៅថ្ងៃទី៩មេសាឆ្នាំ២០២១ បានឲ្យដឹងថានៅថ្ងៃទី៨មេសា គេបានរកឃើញអ្នកឆ្លងថ្មីជំងឺកូវីដ-១៩ចំនួន៥៧៦នាក់ ដែលអ្នកទាំងនោះ ជាអ្នកពាក់ពន្ធ័នឹងព្រឹត្តិការណ៍សហគមន៍២០កុម្ភៈ ទាំងអស់។ នៅថ្ងៃនេះដែរ ក្រសួងការបានបញ្ជាក់ថា មានអ្នកជំងឺកូវីដ-១៩ចំនួន៧០នាក់ បានជាសះស្បើយផងដែរ។ កម្ពុជាគិតត្រឹមថ្ងៃទី៩មេសា ឆ្នាំ២០២១ 🇰🇭 មានអ្នកឆ្លងជំងឺកូវីដ-១៩សរុបចំនួន៣ពាន់៦០៤នាក់ នោះបានព្យាបាលជាសះស្បើយចំនួន១ពាន់៩៨៤នាក់ និងអ្នកកំពុងសម្រាកព្យាបាលមានចំនួន១ពាន់៥៩១នាក់។ ក្រសួងសុខាភិបាលក៏បានបញ្ជាក់ដែរថា គិតមកដល់ថ្ងៃនេះ មានអ្នកស្លាប់ដោយសារជំងឺកូវីដ-១៩ចំនួន២៤នាក់ហើយ៕

ដោយមានកិច្ចសហការរវាងក្រុមការងារ ស.ស.យ.ក រាជធានីភ្នំពេញ និង ស.ស.យ.ក វិស័យអប់រំ យុវជន និងកីឡា ក្រុមការងារបានចុះពិនិត្យទីតាំងចាក់វ៉ាក់សាំងនៅតាមគ្រឹះស្ថានសិក្សាចំណេះដឹងទូទៅជូនលោកគ្រូ អ្នកគ្រូ និងមន្ត្រីរាជការនៃក្រសួងអប់រំ យុវជន និងកីឡា និងបាននាំយកអំណោយរបស់ ឯកឧត្តម ហ៊ុន ម៉ានី រួមមានទឹកបរិសុទ្ធ ភេសជ្ជៈ និងម៉ាស មួយចំនួន ដើម្បីប្រគល់ជូនក្រុមគ្រូពេទ្យស្ម័គ្រចិត្ត ស.ស.យ.ក និងមន្ត្រីសម្របសម្រួលប្រចាំ ដើម្បីជាការថ្លែងអំណរគុណ និងលើកទឹកចិត្តចំពោះឆន្ទៈ និងការប្តេជ្ញាចិត្តខ្ពស់ក្នុងបេសកកម្មនៃការចាក់វ៉ាក់សាំង។ គោលដៅដែលក្រុមការងារបានចុះរួមមាន៖១.វិទ្យាល័យ ជាសុីម ឈូកវ៉ា២.សាលាបឋមសិក្សា ហ៊ុនសែន ភ្នំពេញថ្មី៣.សាលាបឋមសិក្សាជម្ពូរវ័ន្ត៤.សាលាបឋមសិក្សាកំបូល៥.វិទ្យាល័យជ្រោយចង្វារ៦.វិទ្យាល័យឬស្សីកែវ៧.វិទ្យាល័យច្បារអំពៅ។