កម្មវិធីចាក់វ៉ាក់សាំងជូនពលរដ្ឋស្ម័គ្រចិត្ត នៅតាមមូលដ្ឋានរស់នៅក្នុងរាជធានីភ្នំពេញ។

រាជធានីភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈនៅថ្ងៃទី ៥ ខែ មេសា ឆ្នាំ ២០២១នេះបានជូនដំណឹងថ្មីមួយស្តីពីការចាក់វ៉ាក់សាំងកូវីដ-១៩ (ស៊ីណូរ៉ាក់) ជូនបងប្អូនកម្មករ និយោជិតតាមរោងចក្រ សហគ្រាសនៅក្នុងរាជធានីភ្នំពេញ។ ក្នុងសេចក្តីជូនដំណឹងរបស់ក្រសួងការងារបានបញ្ជាក់ថាការចាក់វ៉ាក់សាំងនេះគឺយោងតាមអនុសាសន៍ដ៏ខ្ពង់ខ្ពស់របស់ សម្តេច តេជោ ហ៊ុន សែន នាយករដ្ឋមន្ត្រីកម្ពុជា ។ ប្រភពខាងលើដដែលនេះបានបញ្ជាក់បន្ថែមថាក្នុងដំណើរការចាក់នេះនឹងមានក្រុមគ្រូពេទ្យចាក់វ៉ាក់សាំង ចំនួន ៦០ក្រុម ដោយ ១ក្រុម មានគិលានុបដ្ឋាក និងគ្រូពេទ្យចំនួន ៨នាក់, អ្នកបញ្ចូលទិន្នន័យ និងអ្នកសម្របសម្រួលចំនួន ៧នាក់ និងមានសមត្ថភាពចាក់បានចំនួន ៤០០ដូស ក្នុងមួយថ្ងៃ។ ក្រុមគ្រូពេទ្យចាក់វ៉ាក់សាំងចំនួន ៣០ក្រុម នឹងចល័ត ចាក់វ៉ាក់សាំងចំនួន ២០ម៉ឺនដូស ក្នុងមួយខែ ជូនបងប្អូនកម្មករ និយោជិតនៅតាមរោងចក្រ សហគ្រាស នៅក្នុងដែន រាជធានីភ្នំពេញ។ ដោយឡែកក្រុមគ្រូពេទ្យចាក់វ៉ាក់សាំងចំនួន ៣០ក្រុមផ្សេងទៀត នឹងចល័តចាក់វ៉ាក់សាំងជូនបងប្អូនកម្មករ និយោជិតនៅតាមរោងចក្រ សហគ្រាស នៅតាមបណ្តាខេត្តផ្សេងទៀតតាមការចាំបាច់ និងតាមចំនួនវ៉ាក់សាំងដែលមាន។ ក្រសួងបន្តឱ្យដឹងថា ចំពោះមុខនេះ អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ជូនបងប្អូនកម្មករ និយោជិត…

ខេត្តកណ្ដាល៖ ឯកឧត្តម គង់ សោភ័ណ្ឌ អភិបាលខេត្តកណ្ដាល បានមានប្រសាសន៍ថា ដោយមានការកើនឡើង អ្នកដែលបានផ្ទុកមេរោគកូវីដ-១៩ នៅក្នុងខេត្តកណ្ដាល និងមានតម្រូវការចាំបាច់ នូវអគារសម្រាប់ព្យាបាលអ្នកដែលមានផ្ទុកមេរោគកូវីដ-១៩។ រដ្ឋបាលខេត្តកណ្ដាល នឹងត្រៀមយកអគារចំនួន ២បន្ថែមទៀត នៅក្នុងមន្ទីរពេទ្យបង្អែកជ័យជំនះ ក្រុងតាខ្មៅ សម្រាប់ព្យាបាលអ្នកដែលបានរកឃើញមានវិជ្ជមានមេរោគកូវីដ-១៩ នៅក្នុងខេត្តកណ្ដាល។ ឯកឧត្តមអភិបាលខេត្តកណ្ដាល បានលើកឡើងបែបនេះ ក្នុងឱកាសឯកឧត្តមអញ្ជើញ ក្នុងពិធីប្រគល់ទទួលអគារវះកាត់ សុភាវី និងអគារសម្ភព សុភាវ័ន្ត នៃមន្ទីរពេទ្យជ័យជំនះ ដែលជាអំណោយរបស់ លោកជំទាវឧកញ៉ាគតិ្តបណ្ឌិត សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍន៍ នៅរសៀលថ្ងៃទី០៥ ខែមេសា ឆ្នាំ២០២១នេះ។ ឯកឧត្តមអភិបាលខេត្តកណ្ដាល បន្ថែមថា ព្រឹត្តិការណ៍សហគមន៍ ២០ កុម្ភៈ គិតត្រឹមថ្ងៃទី០៤ ខែមេសា ឆ្នាំ២០២១ ទូទាំងខេត្តកណ្ដាល មានអ្នកវិជ្ជមានមេរោគកូវីដ-១៩ សរុបចំនួន ៣៥៤នាក់ និងបានព្យាបាលបានជាសះស្បើយ សរុបចំនួន ២៩១នាក់ ហើយខេត្តកណ្ដាលមិនមានអ្នកស្លាប់ដោយមេរោគកូវីដ-១៩ឡើយ អ្នកដែលបានប៉ះពាល់ដោយផ្ទាល់ និងប្រយោល សរុបចំនួន ១៦,៧៣៣នាក់ បានយកសំណាកធ្វើតេស្តរកមេរោគកូវីដ-១៩…

ភ្នំពេញ៖ លោក ថេង សុថុល អភិបាល នៃគណៈអភិបាលខណ្ឌចំការមន រួមជាមួយលោក ងី មានហេង ប្រធានមន្ទីរសុខាភិបាលរាជធានីភ្នំពេញ បានអញ្ជើញចុះត្រួតពិនិត្យ និងសម្របសម្រួលក្នុងការចាក់វ៉ាក់សាំងកូវីដ-១៩ ជូនប្រជាពលរដ្ឋដែលរស់នៅក្នុងមូលដ្ឋានខណ្ឌចំការមន ដែលមានអាយុចាប់ពី១៨ឆ្នាំ ដល់ ៥៩ឆ្នាំ នៅវិទ្យាល័យទួលទំពូង នៅព្រឹកថ្ងៃទី០៥ ខែមេសា ឆ្នាំ២០២១ ។ សូមបញ្ជាក់ថា ការចាក់វ៉ាក់សាំងកូវីដ-១៩ នៅក្នុងមូលដ្ឋានខណ្ឌចំការមន មានចំនួន ០៣ទីតាំងរួមមាន៖ ១-ទីតាំងមណ្ឌលសុខភាព ផ្សារដើមថ្កូវ ចាក់ជូនប្រជាពលរដ្ឋដែលមានអាយុចាប់ពី ៦០ឆ្នាំឡើងទៅ ២-ទីតាំងវិទ្យាល័យ ប៊ុនរ៉ានីហ៊ុនសែន ផ្សារដើមថ្កូវ ចាក់ជូនមន្ត្រីរបស់ក្រសួងអប់រំ យុវជន និងកីឡា ៣-ទីតាំងវិទ្យាល័យ ទួលទំពូង ចាក់ជូនប្រជាពលរដ្ឋដែលមានអាយុចាប់ពី ១៨ឆ្នាំ រហូតដល់អាយុ ៥៩ឆ្នាំ ៕ ដោយប៊ុនធី និងវណ្ណលុក

ភ្នំពេញ៖ ក្រុមគ្រូពេទ្យមន្ទីរពេទ្យបង្អែករាជធានី នៃមន្ទីរពេទ្យសុខាភិបាលរាជធានីភ្នំពេញ ដោយមានការសម្របសម្រួល ពីគណៈបញ្ជាការឯកភាពខណ្ឌទួលគោក បានចុះយកអ្នកជំងឺកូវីដ១៩ ចំនួន២នាក់ទៀត ដែលជាអាជីវករនៅផ្សារអូឬស្សី នៅរសៀលថ្ងៃទី៥ ខែមេសា ឆ្នាំ២០២១។ នេះបើយោងតាមហ្វេសប៊ុករបស់សាលាខណ្ឌទួលគោក។ របាយការណ៍ដដែលបញ្ជាក់ថា អ្នកជំងឺដែលមន្ត្រីសុខាភិបាល បានចុះទៅយកមុននេះបន្តិច គឺជាបុរសខ្មែរ ឈ្មោះ ដួងច័ន្ទ ពិសារ អាយុ ២៥ឆ្នាំ មុខរបរអាជីវករផ្សារអូឬស្សី និងស្ត្រីខ្មែរ ឈ្មោះ ប៊ុន សុខលាប អាយុ ៥១ឆ្នាំ មុខរបរអាជីវករផ្សារអូឫស្សី អ្នកទាំងពីររស់នៅផ្ទះលេខ ៥៧A អាផ្លូវ២០៥ ភូមិ៦ សង្កាត់ទឹកល្អក់៣ ខណ្ឌទួលគោក។ បច្ចុប្បន្នទីតាំងខាងលើនេះ ត្រូវបានគណៈបញ្ជាការឯកភាពខណ្ឌសម្រេចបិទ ដោយហាមការចេញចូល និងមានមនុស្ស៣នាក់ ត្រូវធ្វើចត្តាឡីស័ករង់ចាំក្រុមសុខាភិបាល ចុះទៅយកសំណាក។ សូមបញ្ជាក់ថា គិតត្រឹមថ្ងៃទី៤ ខែមេសា ឆ្នាំ២០២១ អាជីវករ និងសន្តិសុខនៅផ្សារអូឬស្សីចំនួន១៦នាក់ ក្នុងនោះមានអាជីវករ១២នាក់ និងសន្តិសុខ៤នាក់ បានឆ្លងជំងឺកូវីដ១៩ បន្ថែម២នាក់ នៅថ្ងៃនេះទៀត អ្នកឆ្លងក្នុងទីតាំងផ្សារអូឬស្សី កើនដល់១៨នាក់។ ជាមួយគ្នានេះ…

ភ្នំពេញ ៖ យោងតាមរបាយការណ៍របស់លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី ៥ ខែមេសា ឆ្នាំ ២០២១នេះ កម្លាំងប៉ុស្តិ៍នគរបាលគោកឃ្លាង ឃាត់ខ្លួនជនសង្ស័យ០៣នាក់ កាលពីយប់មិញ ពាក់ព័ន្ធ ករណីល្មើសវិធានការសុខាភិបាលក្នុងការប្រយុទ្ធប្រឆាំងជម្ងឺកូវីត១៩ (ជួបជុំស៊ីផឹក និងច្រៀងការាអូខេ) នៅចំណុចមុខបន្ទប់ជួលក្នុងផ្សារបឹងបៃតង ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ ជនសង្ស័យ៣នាក់ខាងលេីរួមមាន ៖ ទី១-ឈ្មោះ អូន រតនា ភេទប្រុស អាយុ៣៧ឆ្នាំ ជនជាតិខ្មែរ មុខរបរជាងម៉ាស៊ីនរោងចក្រវួយឈែង ស្នាក់នៅបន្ទប់ជួល ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន), ទី២-ឈ្មោះ ហូ រុនមុនី ភេទប្រុស អាយុ៣០ឆ្នាំ ជនជាតិខ្មែរ មុខរបរលក់ដូរ ស្នាក់នៅបន្ទប់ជួល ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន) , និងទី៣-ឈ្មោះ ហេង សូវីត…