ភ្នំពេញ៖ លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាល បានបញ្ជាក់ប្រាប់បណ្ដាញសារព័ត៌មាននៅថ្ងៃទី០៣ ខែមេសា ឆ្នាំ២០២១ ថា ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានបន្តផ្តល់ជំនួយថវិកាចំនួន១,២៦០លានរៀល ដល់បណ្តាខេត្តនានារបស់កម្ពុជា ដើម្បីរៀបចំធ្វើចត្តាឡីស័ក។ លោកជំទាវ យក់ សម្បត្តិ បានបញ្ជាក់ថា សម្រាប់ជំនួយនេះ មានខេត្តចំនួន១៥ ទទួលបានថវិកាសរុបចំនួន១,២៦០លានរៀលសម្រាប់ត្រៀមរៀបចំធ្វើចត្តាឡីស័ក ពីថ្ងៃទី០៣ ខែមីនា រហូតដល់ថ្ងៃទី១០ ខែមេសា ឆ្នាំ២០២១។ បណ្តារាជធានី-ខេត្តទាំង១៥ ដែលទទួលបានថវិកា ដើម្បីរៀបចំធ្វើចត្តាឡីស័ករួមមាន៖ ខេត្តបាត់ដំបង, បន្ទាយមានជ័យ, ប៉ៃលិន, ពោធិ៍សាត់, ព្រះវិហារ, កណ្តាល, ស្វាយរៀង, ព្រៃវែង, ត្បូងឃ្មុំ, ក្រចេះ, តាកែវ, កំពង់ចាម, កំពង់ឆ្នាំង, ព្រះសីហន និងខេត្តសៀមរាប ៕ ដោយ វណ្ណលុក

ភ្នំពេញ៖ អនុវត្តតាមសេចក្ដីសម្រេច ស្តីពីការអនុវត្តវិធានការរដ្ឋបាលជាបណ្ដោះអាសន្ន ដើម្បីទប់ស្កាត់ការរីករាលដាលជំងឺកូវីដ-១៩ របស់អាជ្ញាធររាជធានីភ្នំពេញ កាលពីរាត្រីថ្ងៃទី០២ មេសានេះ ឃើញថា គ្រប់កម្លាំងគណៈបញ្ជាការឯកភាពខណ្ឌទាំង១៤ បានបំពេញការងាររបស់ខ្លួនយ៉ាងសកម្មបំផុត ហើយក្នុងខណ្ឌទាំង១៤នេះមានតែខណ្ឌទួលគោកនិងខណ្ឌពោធិសែនជ័យដែលឃាត់យកយានយន្តទៅរក្សាទុក នោះ ឃាត់បានយានយន្តជាង៣០គ្រឿងបញ្ជូនមករក្សាទុកនៅអធិការរដ្ឋានខណ្ឌនិងបានឱ្យអ្នកបើកបរទៅធ្វើចត្តាឡីស័កនៅផ្ទះ។ ដើម្បីក្កាប់បានសភាពការណ៌ទូទៅក្នុងរាជធានីភ្នំពេញដែលចាប់ផ្ដើមអនុវត្តវិធានការរដ្ឋបាលរបស់រដ្ឋបាលរាជធានីភ្នំពេញរយះពេល១៤ថ្ងៃពីថ្ងៃទី១មេសាដល់ថ្ងៃ១៤មេសានោះលោកឃួង ស្រេង. អភិបាលរាជធានីភ្នំពេញនិងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ កាលពីរាត្រីថ្ងៃទី០២ខែមេសានេះដែរ ក៏បានចុះធ្វើការត្រួតពិនិត្យនៅតាមទីតាំងរបស់គណៈបញ្ជាការឯកភាពខណ្ឌនីមួយៗ នៅទូទាំងរាជធានីភ្នំពេញ ដើម្បីធ្វើការនាំណែឱ្យអាជ្ញាធរនិងកងកម្លាំងទាំងអស់ អនុវត្តការងារឱ្យមានប្រសិទ្ធភាព តាមសេចក្ដីសម្រេច ស្តីពីការអនុវត្តវិធានការរដ្ឋបាលជាបណ្ដោះអាសន្ន ដើម្បីទប់ស្កាត់ការរីករាលដាលជំងឺកូវីដ-១៩ របស់អាជ្ញាធររាជធានីភ្នំពេញ ដោយចាប់ពីថ្ងៃទី០១ខែមេសាឆ្នាំ២០២១ ដល់ថ្ងៃទី១៤ មេសា ចាប់ផ្ដើមពីម៉ោង៨យប់រហូតដល់ម៉ោង៥ភ្លឺ។ លោកឃួង ស្រេង អភិបាលរាជធានីភ្នំពេញ បានចុះត្រួតពិនិត្យគោលដៅ កាលពីរាត្រីថ្ងៃទី០២ មេសារនេះ គឺបានចុះទៅគោលដៅនៃខណ្ឌ ដូនពេញ ខណ្ឌឬស្សីកែវ បន្តទៅខណ្ឌជ្រោយចង្វា ទើបលោកត្រឡប់មកចាំបញ្ជានៅទីបញ្ជាការស្រាលនៅសាលារាជធានីភ្នំពេញ។ ក្នុងការចុះពិនិត្យនោះលោកឃួង ស្រេងបានធ្វើការណែនាំទៅអាជ្ញាធរខណ្ឌនិងកម្លាំងចម្រុះចំណុះអោយគណៈបញ្ជាការខណ្ឌ ត្រូវពិនិត្យជាក់ស្ដែង បើបងប្អូនប្រជាពលរដ្ឋដែលធ្វើដំណើរតាមដងផ្លូវ ជាប្រជាពលរដ្ឋដែលមកពីបំពេញការងារក្នុងគោលបំណងទៅផ្ទះវិញ សូមឱ្យពួកគាត់បង្ហាញ កាតសំគាល់ខ្លួនដែលចេញដោយក្រុមហ៊ុន រួចអោយពួកគាត់ទៅចុះនិងត្រូវណែនាំអោយពួកគាត់បានយល់សេចក្ដីសម្រេច ស្តីពីការអនុវត្តវិធានការរដ្ឋបាលជាបណ្ដោះអាសន្ន ដើម្បីទប់ស្កាត់ការរីករាលដាលជំងឺកូវីដ-១៩ បើមិនចាំបាច់កុំធ្វើដំណើរពេលយប់។ គួរបញ្ជាក់ថា៖យោងតាមសេចក្ដីរាយការណ៍របស់មន្ត្រីរដ្ឋបាលរាជធានីភ្នំពេញថា៖ក្នុងខណ្ឌទាំង១៤ក្នុងមួយខណ្ឌមាមដាក់គោលដៅចំនួន២កន្លែងដែលដឹកនាំដោយអភិបាលខណ្ឌជាប្រធានគណះបញ្ជាការឯកភាពរដ្ឋបាលខណ្ឌនិមួយៗផ្ទាល់តែម្ដង។ ជាក់ស្ដែងនាយប់ថ្ងៃទី០២ ខែមេសា ឆ្នាំ២០២១…

ភ្នំពេញ៖ យោងតាមសេចក្តីសម្រេចលេខ ០៦៨/២១ ស.ស.រ ចុះថ្ងៃទី០១ ខែមេសា ឆ្នាំ២០២១ របស់សាលារាជធានីភ្នំពេញ ស្តីពីការអនុវត្តវិធានការ រដ្ឋបាលជាបណ្តោះអាសន្ន រយៈពេល ០២សប្ដាហ៍ ដើម្បីទប់ស្កាត់ការរីករាលដាលជម្ងឺកូវីដ១៩ នៅយប់ថ្ងៃទី០២ ខែមេសា ឆ្នាំ២០២១ វេលាម៉ោង២០និង០០នាទី គណ:បញ្ជាការឯកភាពរដ្ឋបាលខណ្ឌច្បារអំពៅ ដឹកនាំដោយលោក ចេង មុនីរ៉ា អភិបាលខណ្ឌច្បារអំពៅ លោកវរសេនីយ៍ ឯក ម៉ៅ សឿត អធិការនគរបាលខណ្ឌ និង លោកមេបញ្ជាការរងកងរាជអាវុធហត្ថខណ្ឌ បានអញ្ជេីញចុះត្រួតពិនិត្យកម្លាំង តាមគោលដៅកំពុងអនុវត្តវិធានការបម្រាមគោចរ ក្នុងមូលដា្ឋនខណ្ឌច្បារអំពៅ ។ សូមបញ្ជាក់ថា ការអនុវត្តនេះ មានរយៈពេល១៤ថ្ងៃ ចាប់ពីម៉ោង៨យប់ ដល់៥ភ្លឺ អ្នកលក់ដូរអាចវេចខ្ចប់ ហើយអ្នកធ្វើចរាចរណ៍មានករណីលើកលែងដូចមានចែងក្នុងសេចក្តីសម្រេចលេខ ០៦៨/២១ ស.ស.រ ចុះថ្ងៃទី០១ ខែមេសា ឆ្នាំ២០២១ របស់សាលារាជធានីភ្នំពេញ ។ ការធ្វើចរាចរ ការជួបជុំ ឬការប្រមូលផ្ដុំមនុស្សត្រូវបានលើកលែងក្នុងករណីចាំបាច់ដូចខាងក្រោម៖ *ទី១៖ សកម្មភាពអាជីវកម្មតាមភោជនីយដ្ឋាន អាហារដ្ឋាន តូបអាហារចល័ត អាចបម្រើសេវាកម្មជាលក្ខណៈវេចខ្ចប់…

រសៀលថ្ងៃសុក្រ ទី២ ខែមេសា ឆ្នាំ២០២១ ឯកឧត្ដម ជា សុមេធី អភិបាលខេត្តព្រៃវែង និងសមាជិកអនុគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ-១៩ បានអញ្ជើញចុះពិនិត្យយុទ្ធនាការចាក់វ៉ាក់សាំងការពារជំងឺកូវីដ-១៩ សម្រាប់បុគ្គលិកមន្ត្រីរាជការគ្រប់ជាន់ថ្នាក់ ជាពិសេស នៅតាមមន្ទីរ អង្គភាពជុំវិញខេត្តទាំងអស់ ដែលប្រព្រឹត្តទៅ នៅមន្ទីរពេទ្យបង្អែកខេត្តព្រៃវែង។ សូមបញ្ជាក់ផងដែរថា យុទ្ធនាការចាក់វ៉ាក់សាំងការពារជំងឺកូវីដ-១៩នេះ គឺក្នុងគោលបំណងដើម្បីបង្ការ និងទប់ស្កាត់ការឆ្លងរីករាលដាលជំងឺកូវីដ-១៩ ក្រោមកិច្ចខិតខំប្រឹងប្រែង និងការយកចិត្តទុកដាក់ខ្ពស់ពីសំណាក់ក្រុមគ្រូពេទ្យខេត្តរបស់យើង។ សូមរំលឹកជូនថា មន្ត្រីរាជការទាំងអស់ដែលបានទទួលវ៉ាក់សាំងរួចហើយ ត្រូវចងចាំថាត្រូវបន្តចូលរួមត្រួតពិនិត្យ និងការពារហានិភ័យនៃការចម្លងជំងឺកូវីដ-១៩ កាត់បន្ថយផលប៉ះពាល់លើសេដ្ឋកិច្ច និងសង្គមដោយបន្តអនុវត្តនូវវិធានការបីការពារ (ពាក់ម៉ាស លាងដៃអោយបានញឹកញាប់ និងរក្សាគម្លាតសុវត្ថិភាពបុគ្គលពី មួយម៉ែត្រកន្លះឡើងទៅ និងបីកុំ (កុំទៅកន្លែងមានមនុស្សកុះករច្រើន កុំទៅកន្លែងបិទជិតគ្មាន ខ្យល់ចេញចូល កុំប៉ះពាល់គ្នា កុំចាប់ដៃគ្នា កុំកៀកស្មាគ្នា) ដើម្បីចូលរួមទប់ស្កាត់ការចម្លងវីរុសកូវីដ-១៩ នៅក្នុងសហគមន៍ដែលជាការណែនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សារជាថ្មីម្តងទៀត ឯកឧត្ដម អភិបាល ខេត្ត និងប្រជាពលរដ្ឋក្នុង ខេត្តព្រៃវែងទាំងមូល សូមគោរពជូនពរ ក្រុមគ្រូពេទ្យជួរមុខទាំងអស់ និងសមាជិកអនុគណៈកម្មការចំពោះកិច្ចចាក់វ៉ាក់សាំងកូវីដ-១៩ខេត្ត សូមមានសុខភាពល្អ…

ក្នុងក្របខណ្ឌយុទ្ធនាការចាក់វ៉ាក់សាំងបង្ការជំងឺកូវីដ-១៩ ក្រសួងសុខាភិបាលសហការជាមួយអគ្គលេខាធិការដ្ឋានរដ្ឋសភា ធ្វើការចាក់វ៉ាក់សាំងបង្ការជំងឺកូវីដ-១៩ ដល់មន្ត្រីក្របខណ្ឌ និងមន្ត្រីជាប់កិច្ចសន្យា នៃអគ្គលេខាធិការដ្ឋានរដ្ឋសភា ចាប់ពីថ្ងៃទី៣ ដល់ថ្ងៃទី៩ ខែមេសា ឆ្នាំ២០២១ តាមគោលការណ៍ស្ម័គ្រចិត្ត។ មន្ត្រីអគ្គលេខាធិការដ្ឋានរដ្ឋសភាជាច្រើននាក់ បានចុះឈ្មោះចាក់វ៉ាក់សាំង។ ឯកឧត្តម ឡេង ប៉េងឡុង អគ្គលេខាធិការរដ្ឋសភា តំណាងអោយមន្រ្តីរាជការនៃអគ្គលេខាធិការដ្ឋានរដ្ឋសភា បានថ្លែងអំណរគុណចំពោះរាជរដ្ឋាភិបាលកម្ពុជា និងក្រសួងសុខាភិបាល ជាពិសេសសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានយកចិត្តទុកដាក់ខ្ពស់លើសុខុមាលភាពប្រជាពលរដ្ឋ ក្នុងការទប់ស្កាត់ជំងឺកូវីដ១៩ នាពេលកន្លងមក និងបានកៀរគរ រកវ៉ាក់សំាង មកចាក់ជូនពលរដ្ឋតាមគ្រប់មធ្យោបាយ។ ឯកឧត្តម លើកឡើងថា វ៉ាក់សំាងមានសារសំខាន់ណាស់នាពេលបច្ចុប្បន្ននេះ នៅក្នុងការការពារអាយុជីវិតពលរដ្ឋនិងការស្តារសេដ្ឋកិច្ច សង្គមជាតិអោយល្អប្រសើរវិញ នៅក្រោយការរាតត្បាតជំងឺកូវីដ-១៩ នោះ។ រាជរដ្ឋាភិបាលគ្រោងចាក់វ៉ាក់សំាងជូនពលរដ្ឋឱ្យបាន១០លាននាក់ ក្នុងចំណោមប្រជាពលរដ្ឋ ពលរដ្ឋទាំងអស់ ហើយនៅក្នុងយុទ្ធនាការទ្រង់ទ្រាយធំនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី បានណែនាំឱ្យក្រសួងសុខាភិបាលចាក់វ៉ាក់សំាង ជូនពលរដ្ឋអោយបានមួយលានដូសក្នុងមួយខែ។

ក្រសួងទេសចរណ៍ចេញសេចក្តីជូនដំណឹងលេខ ១៧៧ សជណ.អរហ ចុះថ្ងៃសុក្រ ៥រោច ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០២ ខែមេសា ឆ្នាំ២០២១ ស្តីពីការពន្យាពេលទទួលពាក្យសុំសិទ្ធិចូលរួមការប្រឡងជ្រើសរើសបេក្ខជន និស្សិត និងមន្រ្តីរាជការស៊ីវិលទូទៅឱ្យចូលបម្រើការងារក្នុងក្របខណ្ឌក្រសួងទេសចរណ៍សម្រាប់ឆ្នាំ២០២១។ សេចក្តីជូនដំណឹងនេះមានខ្លឹមសារដូចមានជូនភ្ជាប់ខាងក្រោម៖