ភ្នំពេញ ៖ ឯកឧត្តម ប៉ា សុជាតិវង្ស ប្រធានក្រុម ប្រឹក្សា រាជធានីភ្នំពេញ និងជាប្រធានក្រុមការងារចុះជួយ ខណ្ឌមានជ័យ បានអញ្ជើញចុះ សំណេះសំណាល និងនាំយកថវិកា រួមទាំងសំភារះ ទឹកសុទ្ធ ទឹកក្រូច និងថវិកា ជូនដល់រដ្ឋបាលខណ្ឌមានជ័យ កងកម្លាំងប្រដាប់អាវុធទាំង២ប្រភេទ សណ្តាប់ធ្នាប់ខណ្ឌ រដ្ឋបាលសង្កាត់ទាំង៧ ប៉ុស្តិ៍រដ្ឋបាលសង្កាត់ទាំង៧ ប្រជាការពារសង្កាត់ទាំង៧ នៅសាលាខណ្ឌមានជ័យ នាព្រឹកថ្ងៃសុក្រ ៥រោច ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០២ ខែមេសា ឆ្នាំ២០២១ ។ នាឱកាសនោះដែរ ឯកឧត្ដម ប៉ា សុជាតិវង្ស បានថ្លែងអំណរគុណ និងកោតសរសើរខ្ពស់ចំពោះការលះបង់ និងកិច្ចខិតខំប្រឹងប្រែង យកចិត្តទុកដាក់ ក្នុងការការពារបងប្អូនដែលកំពុងធ្វើចត្តាឡីស័ក និងកំពុងសម្រាកព្យាបាល ក៍ដូចជាបានសហការជាមួយក្រុមគ្រូពេទ្យ មិនថាយប់ ឬថ្ងៃ ភ្លៀង ឬក្តៅ នោះទេ អាជ្ញាធរមូលដ្ឋាន តែងតែនៅមុខគេជានិច្ច ។ ហើយ ឯកឧត្ដម…

ភ្នំពេញ៖ ចាប់ពីថ្ងៃទី៣ ដល់ថ្ងៃទី៩ ខែមេសា ឆ្នាំ២០២១ ក្រសួងសុខាភិបាល នឹងមកចាក់វ៉ាក់សាំង សម្រាប់មន្រ្តីអគ្គលេខាធិការដ្ឋានរដ្ឋសភា នៅវិមានរដ្ឋសភា៕

ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ស្នើអោយភាគីពាក់ព័ន្ធទាំងអស់ ដែលធ្វើការទាំងយប់ទាំងថ្ងៃ អំពាវនាវដល់ប្រជាពលរដ្ឋ អនុវត្តន៍វិធានការចាំបាច់មួយចំនួនរបស់រាជរដ្ឋាភិបាល ដើម្បីទប់ស្កាត់ ការចម្លងវីរីសកូវីដ-១៩ ក្នុងរាជធានីភ្នំពេញ៕

ភ្នំពេញ ៖ ដើម្បីបង្ការ ទប់ស្កាត់ជំងឺកូវីដ-១៩ កុំអោយរីករាលដាលចូលសហគមន៍ គណៈបញ្ជាការឯកភាពរដ្ឋបាលខណ្ឌច្បារអំពៅបាន ចុះត្រួតពិនិត្យផ្សព្វផ្សាយណែនាំសេចក្ដីសម្រេចស្ដីពីការអនុវត្តន៍ វិធានការរដ្ឋបាលជាបណ្ដោះអាសន្នរបស់រដ្ឋបាលរាជធានីភ្នំពេញទៅដល់ប្រជាពលរដ្ឋនៅទូទាំងមូលដ្ឋានខណ្ឌ។យុទ្ធនាការចុះផ្សព្វផ្សាយណែនាំនិងចែកសេចក្តីសម្រេចដល់អ្នកលក់ដូរពេលយប់តាមដងផ្លូវនិងកន្លែងទីប្រជុំជននេះបានធ្វើឡើង កាលពីយប់ថ្ងៃទី០១ ខែមេសា ឆ្នាំ២០២១ ដោយបែងចែកគោលដៅចុះផ្សព្វផ្សាយណែនាំដល់អ្នកលក់ដូរពេលយប់ ។ ក្នុងនោះលោកណុប ផា អភិបាលរងខណ្ឌដឹកនាំកម្លាំងចុះតាមផ្លូវ៣៦៩ ព្រែកប្រាទៅកាន់ស្ពានព្រែកសំរោង ឆ្ពោះទៅផ្លូវថៃហ្គ័រ ទៅកាន់តំបន់ទីប្រជុំជនក្នុងសង្កាត់ក្បាល់កោះ សង្កាត់ព្រែកឯង សង្កាត់វាលស្បូវ និងសង្កាត់និរោធ ។ ចំណែកលោកញាណ ច័ន្ទសោភា នាយករដ្ឋបាលសាលាខណ្ឌជាប្រធានក្រុមការងារចុះផ្សព្វផ្សាយណែនាំនិងចែកសេចក្តី សម្រេចដល់អ្នកលក់ដូរនៅផ្សារច្បារអំពៅនិងកន្លែងទីប្រជុំជនមួយចំនួនទៀត។ ក្នុងការចុះផ្សព្វផ្សាយណែនាំ អំពីសេចក្ដីសម្រេចស្ដីពីការអនុវត្តន៍ វិធានការរដ្ឋបាលជាបណ្ដោះអាសន្នរបស់រដ្ឋបាលរាជធានីភ្នំពេញនេះដែរលោក ញាណ ច័ន្ទសោភា នាយករដ្ឋបាលសាលាខណ្ឌច្បារអំពៅ បានប្រាប់ផ្ទាល់មាត់ដល់អាជីវករលក់ដូរ ឲ្យគោរពតាមសេចក្តីសម្រេចស្ដីពីការ អនុវត្តវិធានការរដ្ឋបាលជាបណ្ដោះអាសន្ន ដើម្បីទប់ស្កាត់ការរីករាលដាលជំងឺកូវីដ-១៩ នៅក្នុងភូមិសាស្ត្ររាជធានីភ្នំពេញ ការងារគ្រប់គ្រងសភាពការណ៍ក្នុងមូលដ្ឋាន ការចូលរួមអនុវត្តន៍តាមវិធានការរបស់ ក្រសួងសុខាភិបាល និង ការចូលរួមគោរពតាមអនុសាសន៍ដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា “៣ការពារ ៣កុំ” ដើម្បីចៀសផុតពីជំងឺកូវីដ១៩។ លោកបន្តថា បន្ទាប់ពីឯកឧត្តម ឃួង ស្រេង…

ក្រសួងរៀបចំដែនដី នគរូបនីកម្ម និងសំណង់ ចាប់ផ្តើមយុទ្ទនាការចាក់វ៉ាក់សាំងជូនមន្រ្តីរយៈពេល២ថ្ងៃ គឺថ្ងៃទី២ និងទី៣ ខែមេសា ឆ្នាំ២០២១។

សម្តេចតេជោ នាយករដ្ឋមន្ត្រីនៃ ព្រះរាជាណាចក្រកម្ពុជាតាមរយៈ ឯកឧត្តម ហ៊ុន ម៉ាណែត និងលោកជំទាវ បានអនុញ្ញាតិឲ្យមន្ទីរពេទ្យមិត្តភាពកម្ពុជា ចិន ព្រះកុសុមៈ ប្រេីប្រាស់នូវបន្ទប់ព្យាបាលអ្នកជំងឺចល័ត ដេីម្បីព្យាបាល និងសង្គ្រោះ ដល់អ្នកជំងឺសង្ស័យ ក្នុងកំឡុងពេលរងចាំលទ្ធផលតេស្តជំងឺកូវីដ-១៩។ នេះគឺជាការគិតគូរយកចិត្តទុកដាក់ដល់សុខទុក្ខរបស់ប្រជាជនប្រកបដោយទឹកចិត្តដ៏ល្អប្រពៃនិងបេះដូងមនុស្សធម៌របស់ប្រមុខថ្នាក់ដឹកនាំរាជរដ្ឋាភិបាល និងដើម្បីជួយសម្រួលដល់មន្ទីរពេទ្យដែលកំពុងព្យាបាល អ្នកជំងឺកូវីដ១៩ និងដេីម្បីបង្កេីនការយកចិត្តទុកដាក់ភ្លាមៗ ដល់អ្នកជំងឺដែលមានអាការ:សង្ស័យ ជំងឺកូវីដ-១៩។

ជាក់ស្តែងនៅថ្ងៃទី០១ ខែមេសា ឆ្នាំ២០២១ នេះ នៅតែបន្តចូលរួមយ៉ាងសកម្មជាមួយវិទ្យាស្ថានជាតិ សុខភាពសាធារណ: និង ក្រសួងសុខាភិបាល ក្នុងកិច្ចការងារប្រយុទ្ធប្រឆាំងជំងឺកូវីដ-១៩ បូករួមទាំងព្រឹត្តិការណ៍ ២០ កុម្ភៈ នេះ បានបន្តការងារយ៉ាងមមាញឹក និងយ៉ាងសកម្មបំផុតមិនថាថ្ងៃឬយប់ដើម្បីយកសំណាកអ្នកដែលសង្ស័យនៅក្នុងតំបន់ដែលមានការសង្ស័យថ្មីៗបន្ថែមទៀត ក្នុងទឹកដីរាជធានីភ្នំពេញ ក្រោមការដឹកនាំផ្ទាល់របស់លោក ហ៊ុន ម៉ាណែត ប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ និង លោកស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ។