រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ច ចាក់វ៉ាក់សាំងកូវីដ១៩ លោកស្រី ឱ វណ្ណឌីន នៅរសៀលថ្ងៃទី៣១ ខែមីនា ឆ្នាំ២០២១នេះ បានអញ្ជើញចុះពិនិត្យទីតាំងចំនួន៥​ដើម្បីត្រៀមសម្រាប់ការផ្ដើមយុទ្ធ​នាការ​ចាក់វ៉ាក់សាំងស៊ីណូវ៉ាក់ (Sinovac) នៅទូទាំងប្រទេស

ភ្នំពេញ៖ ក្រសួងទេសចរណ៍ នាថ្ងៃទី៣១ ខែមីនា ឆ្នាំ២០២១នេះ បានចេញសេចក្ដីអំពាវនាវចំពោះប្រតិបត្តិករទេសចរណ៍ចូលរួមគាំទ្រផែនការចាក់វ៉ាក់សាំងកូវីដ១៩ ពិសេសយុទ្ធនាការចាក់វ៉ាក់សាំងកូវីដ១៩ និងការចូលរួមជាសកម្មភាពសប្បុរសផ្សេងៗ។ខាងក្រោមនេះជាសេចក្ដីអំពាវនាវរបស់ក្រសួងទេសចរណ៍៖

ភ្នំពេញ ៖ អ្នកជំងឺមានវិជ្ជមានកូវីដ១៩ម្នាក់ទៀត ដែលជាពលរដ្ឋខ្មែរ បានស្លាប់បាត់បង់ជីវិត នៅព្រឹកថ្ងៃទី៣១ ខែមីនា ឆ្នាំ២០២១នេះ ខណៈកំពុងព្យាបាលនៅមន្ទីរពេទ្យមិត្តភាពខ្មែរ-សូវៀត (ពេទ្យរុស្ស៉ី)។ នេះបើតាមការបញ្ជាក់ពីក្រុមគ្រូពេទ្យ និងអាជ្ញាធររាជធានីភ្នំពេញ។ អ្នកជំងឺដែលទទួលមរណភាពថ្មីនេះ ភេទស្រី អាយុ៥៦ឆ្នាំ រស់នៅសង្កាត់វាលវង់ ខណ្ឌ៧មករា រាជធានីភ្នំពេញ ស្លាប់នៅវេលាម៉ោង១០៖៣៧នាទី ថ្ងៃទី៣១ ខែមីនា ឆ្នាំ២០២០១ បន្ទាប់ពីរកឃើញមានផ្ទុកជំងឺកូវីដ១៩ កាលពីថ្ងៃទី២៦ ខែមីនាកន្លងទៅ។ ក្រសួងសុខាភិបាល នឹងចេញសេចក្តីប្រកាសអំពីមូលហេតុនៃមរណភាពនេះនៅពេលបន្ទាប់៕ ដោយ / គ្រី សម្បត្តិ

រដ្ឋបាលខេត្តស្វាយរៀង នៅថ្ងៃទី៣១មីនាឆ្នាំ២០២១ បានអំពាវនាវដល់ប្រជាពលរដ្ឋ ដែលធ្លាប់ពាក់ព័ន្ធជាមួយ បុគ្គលវិជ្ជមានជំងឺកូវីដ១៩ ទីតាំងពាក់ព័ន្ធដូចជា បន្ទប់ពិគ្រោះព្យបាលជម្ងឺ វិថីស្មើជើង នៅភូមិបាវិតកណ្ដាល សង្កាត់បាវិត ក្រុងបាវិត ប្រសិនបើមានរោគសញ្ញាដូចជា គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមទំនាក់ទំនងទៅអាជ្ញាធរមូលដ្ឋាន ឬទំនាក់ទំនងលេខទូរស័ព្ទមកក្រុមការងារ 044 712 522។សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។

ភ្នំពេញ៖ ថ្នាក់ដឹកនាំក្រសួងអប់រំ យុវជន និងកីឡា បានធ្វើការចុះត្រួតពិនិត្យ និងណែនាំដល់ក្រុមការងារក្នុងការរៀបចំទីតាំងសម្រាប់ផ្ដល់វ៉ាក់សាំង ដើម្បីធានាឲ្យបានថាការរៀបចំមានសណ្ដាប់ធ្នាប់ និងគម្លាតសុវត្ថិភាព ក្នុងយុទ្ធនាការ នៃការចាក់វ៉ាក់សាំងជូនបុគ្គលិកអប់រំក្រោមឱវាទ ដែលចាប់ដំណើការនៅថ្ងៃទី១ ខែមេសា ឆ្នាំ២០២១ខាងមុខនេះ ហើយការចាក់សាំងនេះដែរគឺជាការចូលរួមយ៉ាងសំខាន់ក្នុងការទប់ស្កាត់ការរីករាលដាលនៃជំងឺកូវីដ-១៩។ ការចុះត្រួតពិនិត្យនេះត្រូវបានដឹកនាំដោយលោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា និងជាប្រធានអនុគណៈកម្មការចំពោះកិច្ចសម្រាប់ចាក់វ៉ាក់សាំងកូវីដ-១៩ ក្នុងក្របខ័ណ្ឌក្រសួងអប់រំ យុវជន និងកីឡា៕ ដោយ -រ៉ាវុធ

សារាចរណែនាំពីវិធានការបង្ការ និងទប់ស្កាត់ការរាតត្បាតជំងឺកូវីដ១៩ ក្នុងឱកាសឈប់សម្រាកពិធីបុណ្យចូលឆ្នាំខ្មែរ។