លោកស្រី Pauline Tamesis ប្រធានអង្គការសហប្រជាជាតិប្រចាំកម្ពុជា នៅលើគេហទំព័ររបស់អង្គការសហប្រជាជាតិ បានលើកឡើងថា អង្គការសហប្រជាជាតិប្រចាំកម្ពុជា សូមថ្លែងអំណរគុណយ៉ាងជ្រាលជ្រៅជូនចំពោះរាជរដ្ឋាភិបាលកម្ពុជា ដែលបានបញ្ចូលបុគ្គលិករបស់អង្គការសហប្រជាជាតិ នៅក្នុងផែនការចាក់វ៉ាក់សាំងកូវីដ១៩ តាមការស្នើសុំរបស់អគ្គលេខាធិការអង្គការសហប្រជាជាតិ។ ជាមួយគ្នានោះ លោកស្រីបានណែនាំឲ្យបុគ្កលិករបស់អង្គការសហប្រជាជាតិ នៅប្រទេសកម្ពុជា ត្រូវធ្វើតាមតួនាទីរបស់ខ្លួន ក្នុងការប្រយុទ្ធនឹងជំងឺកូវីដ-១៩ ហើយនេះរាប់បញ្ជូលទាំងការចាក់វ៉ាក់សាំង ដើម្បីការពារខ្លួន ក្រុមគ្រួសាររបស់ខ្លួនសហគមន៍របស់របស់ខ្លួន និងសហគមន៍ដែលខ្លួនធ្វើការជាមួយ។ លោកស្រីបានបន្តថា យើងអាចចាប់ផ្ដើមកសាងឡើងវិញឲ្យកាន់តែប្រសើរ លុះត្រាតែយើងអាចគ្រប់គ្រងជំងឺរាតត្បាតជាសាកលនេះបាន។ យើងចូលរួមចាក់វ៉ាក់សាំងការពារ ដើម្បីឲ្យយើងអាចបន្តកិច្ចការងាររបស់យើងបាន។ យោងតាមសេចក្ដីជូនដំណឹងរបស់ក្រសួងសុខាភិបាលកាលពីថ្ងៃទី២៧មីនាឆ្នាំ២០២១ បានឲ្យដឹងថា សម្ដេចតេជោនាយករដ្ឋមន្ត្រីបានផ្ដល់ការចាក់វ៉ាក់សាំងជូនបុគ្គលិកស្ថានទូត និងអង្គការអន្តរជាតិមួយចំនួនដូចជា ស្ថានទីចំនួន១៨នៅរាជធានីភ្នំពេញ ដែលមានបុគ្គលិកសរុប៧៤១នាក់ បានចាក់រួចរាល់នៅថ្ងៃទី២៦មីនាឆ្នាំ២០២១នៅមន្ទីរពេទ្យកុមារជាតិ, អង្គការអន្តជាតិ៤៤អង្គការ ដែលស្ថិតនៅក្រោមឆ័ត្ររបស់អង្គការសហប្រជាជាតិ ដែលមានបុគ្គលិកសរុប១ពាន់៦៧១នាក់ បាននិងកំពុងដំណើរការចាក់វ៉ាក់សាំងនៅមន្ទីរពេទ្យកាល់ម៉ែត្រចាប់ពីថ្ងៃទី២៦មីនាដល់ថ្ងៃទី៣១មីនាឆ្នាំ២០២១, អង្គការអន្តរជាតិពហុភាគី និងទ្វេភាគីមួយចំនួនទៀត មានបុគ្គលិកចំនួន៤៤៣នាក់ ដែលនឹងជូនដំណឹងដល់អង្គការទាំងនោះដោយក្រសួងការបរទេស ហើយចាប់ផ្ដើមចាក់ជូនចាប់ពីថ្ងៃទី៣០មីនឆ្នាំ២០២១តទៅ មន្ទីរពេទ្យព្រះអង្គឌួង។

នៅថ្ងៃទី៣០ ខែមីនា ឆ្នាំ២០២១នេះមន្ទីរសុខាភិបាលខេត្តតាកែវ ដោយរួមកិច្ចសហការជាមួយការិយាល័យសុខាភិបាលស្រុកប្រតិបត្តិចំនួន៣ស្រុក/ក្រុង រួមមាន ÷ ការិយាល័យសុខាភិបាលស្រុកប្រតិបត្តិបាទី , ព្រៃកប្បាស និងស្រុកប្រតិបត្តិក្រុងដូនកែវ ដែលមានកងទ័ពអាវសចូលរួមប្រមាណ៦០នាក់ដើម្បីបើកយុទ្ធនាការប្រមូលវត្ថុសំណាកពីប្រជាពលរដ្ឋជាប់ពាក់ព័ន្ធដោយផ្ទាល់ និងដោយប្រយោលដែលនៅសេសសល់ក្នុងព្រឹត្តិការណ៍១២មីនាហើយសង្ស័យថាបានពាក់ព័ន្ធនឹងបុគ្គលផ្ទុកកូវីដ១៩ កក្កដា សុភ័ណ្ឌ ក្នុងពីធីមង្គលការមួយកន្លែងនៅភូមិក្រាំងលាវ ឃុំរវៀង ស្រុកសំរោង ខេត្តតាកែវ កាលពីថ្ងៃទី១១ និងទី១២ ខែមីនា ឆ្នាំ២០២១កន្លងមកនេះ ។ នៅក្នុងទិដ្ឋភាពនេះផងដែរយើងសង្កេតឃើញប្រជាពលរដ្ឋដែលជាប់ពាក់ព័ន្ឌនឹងព្រឹត្តិការណ៍ខាងលើលោកបានភ្ញាក់រឭកនាំគ្នាអញ្ជើញមកផ្តល់វត្ថុសំណាកយ៉ាងច្រើនកុះករតាមការអំពាវនាវដោយទទូចរបស់អាជ្ញាធរគ្រប់លំបាប់ថ្នាក់។ សូមបួងសួងដល់អស់វត្ថុស័ក្តិសិទ្ធិដែលមានបារមីនៅថែរក្សាទឹកដីព្រះរាជាណាចក្រកម្ពុជា ជាពិសេសទឹកដីឃុំរវៀងសូមលោកមេត្តាបញ្ចេញនូវឫទ្ធានុភាពជួយរារាំងឃុំគ្រងប្រជាពលរដ្ឋយើងឲ្យបានចៀសផុតពីការឆ្លងមរោគដ៏ចង្រៃនេះគ្រប់ៗគ្នាកុំបីអាក់ខានឡើយ។ដោយ -រ៉ាវុធ

ខេត្តព្រះសីហនុប្រកាសស្រង់បញ្ជីឈ្មោះប្រជាពលរដ្ឋដែលជាអ្នកប្រកបរបររត់ម៉ូតូឌុប រត់ម៉ូតូកង់បី រត់តាក់ស៊ី និងអ្នកផ្តល់សេវាកម្មដឹកជញ្ជូនភ្ញៀវផ្សេងទៀត នៅក្នុងខេត្តព្រះសីហនុ ដែលស្ម័គ្រចិត្តចាក់វ៉ាក់សាំងការពារជំងឺកូវីដ-១៩។

យោងតាមក្រសួងសុខាភិបាលនៅថ្ងៃទី៣០មីនឆ្នាំ២០២១ បានឲ្យដឹងថានៅថ្ងៃទី២៩មីនា គេបានរកឃើញអ្នកឆ្លងថ្មីជំងឺកូវីដ-១៩ចំនួន១០៥នាក់ ក្នុងនោះអ្នកទាំងនោះពាក់ពន្ធ័នឹងព្រឹត្តិការណ៍សហគមន៍២០កុម្ភៈមានចំនួន១០៤នាក់ និងអ្នកដំណើរមកពីបរទេស១នាក់។ នៅថ្ងៃនេះ ក្រសួងការបានបញ្ជាក់ថា មានអ្នកជំងឺកូវីដ-១៩ចំនួន៤នាក់ បានជាសះស្បើយផងដែរ។ កម្ពុជាគិតត្រឹមថ្ងៃទី៣០មីនា ឆ្នាំ២០២១ 🇰🇭 មានអ្នកឆ្លងជំងឺកូវីដ-១៩សរុបចំនួន២ពាន់៣៧៧នាក់ ក្នុងនោះបានព្យាបាលជាសះស្បើយចំនួន១ពាន់១៧៦នាក់ និងនៅសល់ពាន់១៨៦នាក់ កំពុងសម្រាកព្យាបាល។ ក្រសួងសុខាភិបាលក៏បានបញ្ជាក់ដែរថា គិតមកដល់ថ្ងៃនេះ មានអ្នកស្លាប់ដោយសារជំងឺកូវីដ-១៩ចំនួន១១នាក់ហើយ។

កម្រងរូបភាពមួយចំនួន បានស្តែងឡើងនូវសកម្មភាពការងារយ៉ាងមមាញឹក និងយ៉ាងសកម្មបំផុតមិនថាថ្ងៃឬយប់ ជាប្រចាំថ្ងៃ ដើម្បីចូលរួមជួយសង្រ្គោះ និងប្រឆាំងទប់ស្កាត់ការរីករាលដាលជំងឺកូវីដ-១៩។ នៅថ្ងៃទី២៩ ខែមីនា ឆ្នាំ២០២១ ក្រុមគ្រូពេទ្យសម្តេចតេជោប្រឆាំងកូវីដ១៩ បានចូលរួមយ៉ាងសកម្មជាមួយវិទ្យាស្ថានជាតិ សុខភាពសាធារណ: និង ក្រសួងសុខាភិបាល ក្នុងកិច្ចការងារប្រយុទ្ធប្រឆាំងជំងឺកូវីដ-១៩ បូករួមទាំងព្រឹត្តិការណ៍ ២០ កុម្ភៈ នេះ ដើម្បីយកសំណាកអ្នកដែលសង្ស័យនៅក្នុងតំបន់ដែលមានការសង្ស័យថ្មីៗបន្ថែមទៀត ក្នុងទឹកដីរាជធានីភ្នំពេញ ក្រោមការដឹកនាំផ្ទាល់របស់ឯកឧត្តម ហ៊ុន ម៉ាណែត ប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ និង លោកជំទាវ ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA)។

បន្ទាប់ពីប្រមុខរាជរដ្ឋាភិបាលកម្ពុជា បានមានអនុសាសន៍ណែនាំ និងចង្អុលបង្ហាញអំពីការចាក់វ៉ាក់សាំងកូវីដ-១៩ ជូនប្រជាពលរដ្ឋក្នុងមូលដ្ឋានរាជធានី-ខេត្ត ក្រុមគ្រូពេទ្យស្ម័គ្រចិត្តដែលស្ថិតក្រោមរចនាសម្ព័ន្ធសហភាពសហព័ន្ធយុវជនកម្ពុជា រួមមានគ្រូពេទ្យស្ម័គ្រចិត្តនៃសម្ព័ន្ធគ្រូពេទ្យស.ស.យ.ក. និងក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានធ្វើការរៀបចំក្រុមការងារដើម្បីត្រៀមចូលរួមក្នុងកិច្ចការដ៏បន្ទាន់ និងមានសារៈសំខាន់នេះ។ ជាជំហានដំបូង ក្រុមគ្រូពេទ្យស្ម័គ្រចិត្តរបស់យើង បានទទួលការបណ្តុះបណ្តាលសម្រាប់ការត្រៀមចូលរួមក្នុងយុទ្ធនាការចាក់វ៉ាក់សាំងកូវីដ-១៩ ជូនប្រជាពលរដ្ឋ ដែលដឹកនាំដោយគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស។ ការចូលរួមហ្វឹកហាត់របស់ក្រុមគ្រូពេទ្យស័្មគ្រចិត្តរបស់យើងនាពេលនេះ បានបង្ហាញពីឆន្ទៈ និងការត្រៀមខ្លួនរបស់ ស.ស.យ.ក. គ្រប់កាលៈទេសៈ ក្នុងការចូលរួមសហការជាមួយរាជរដ្ឋាភិបាល ជាពិសេសក្នុងបេសកកម្មចាក់វ៉ាក់សាំងកូវីដ-១៩ ជូនដល់បងប្អូនប្រជាពលរដ្ឋ ដើម្បីរួមគ្នាទប់ស្កាត់ការរីករាលដាលជំងឺកូវីដ-១៩ នៅកម្ពុជា។ប្រភពៈ ស.ស.យ.ក

សម្តេចពិជ័យសេនា ទៀ បាញ់ ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិ នៅថ្ងៃទី៣០ ខែមីនា ឆ្នាំ ២០២១លើបណ្តាញផ្សព្វផ្សាយហ្វេសប៊ុក បានបញ្ជាក់ថា បើទោះជាកម្ពុជាបានទទួលវ៉ាក់សាំងការពារជំងឺកូវីដ-១៩ ជាបន្តបន្ទាប់ ហើយបាននិងកំពុងចាក់ជូន មន្ត្រីរាជការ កងកម្លាំងប្រដាប់អាវុធ ប្រជាពលរដ្ឋជារៀងរាល់ថ្ងៃ។ សម្តេចមានប្រសាសន៍បន្ថែមថាការគំរាមកំហែងនៃការីករាលដាលនៃជំងឺកូវីដ-១៩នៅតែមានកម្រិតខ្ពស់ ដោយហេតុថា ព្រឹត្តិការណ៍២០កុម្ភៈ មិនទាន់បានបិទបញ្ចប់នៅឡើយ។ សម្តេចបានសំណូមពរដល់បងប្អូនទាំងអស់គ្នា បន្តចូលរួមអនុវត្តឱ្យបានម៉ឺងម៉ាត់បំផុតនូវវិធានការ “៣ការពារ ៣កុំ”។