ភ្នំពេញ៖ ក្រសួងសុខាភិបាលនៃប្រទេសកម្ពុជា បានចេញប្រកាសព័ត៌មាន នៅព្រឹកថ្ងៃទី២៨ ខែមីនា ឆ្នាំ២០២១នេះ ថាបានបន្តរកឃើញអ្នកឆ្លងកូវីដ-១៩ ថ្មីរហូតដល់៨៦នាក់ ក្នុងនោះសុទ្ធសឹងជាករណីឆ្លងក្នុងសហគមន៍ «ព្រឹត្តិការណ៍២០កុម្ភៈ»។ នៅក្នុងសេចក្តីប្រកាសព័ត៌មាន អ្នកឆ្លងជំងឺកូវីដ-១៩ ដែលភាគច្រើនរកឃើញ ភាគច្រើន នៅក្នុងខេត្តព្រះសីហនុ ដែលមានរហូតដល់ចំនួន៤៣នាក់។ ជាមួយគ្នានេះ ក្រសួងសុខាភិបាល បានបញ្ជាក់ដែរថា អ្នកជំងឺចំនួន៣៤នាក់ បានជាសះស្បើយ និងអនុញ្ញាតឲ្យចេញពីមន្ទីរពេទ្យ៕

លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាល បានប្រកាសរហូតដល់ពេលនេះគ្មានបុគ្គលណាស្លាប់ដោយសារការចាក់វ៉ាក់សាំងនោះទេ។ តាមរយៈសារអប់រំផ្សព្វផ្សាយនៅយប់ថ្ងៃទី២៧ខែមីនាឆ្នាំ២០២១ លោកជំទាវវេជ្ជបណ្ឌិត ឱ វណ្ណឌីន បានឱ្យដឹងថាវ៉ាក់សាំងកូវីដ-១៩គឺជួយសរីរាង្គបុគ្គលដើម្បីបង្កើតនូវកងការពារពីការវាយលុកធ្ងន់ធ្ងរបណ្តាលមកពីវីរុសកូវីដ-១៩។ បើតាមលោកស្រីវេជ្ជបណ្ឌិត មរណភាពរបស់អ្នកជំងឺកូវីដ-១៩ ស្លាប់គឺមិនមែនបណ្តាលមកពីការចាក់វ៉ាក់សាំងនោះទេ ហើយអ្នកដែលទទួលមរណភាពទាំងនោះក៏មិនដែលបានទទួលវ៉ាក់សាំងដែរលើកលែងតែបុគ្គលម្នាក់គត់ដែលបានចាក់វ៉ាក់សាំងរួច។ ប៉ុន្តែការស្លាប់របស់គាត់ក៏មិនមែនដោយសារវ៉ាក់សាំងនោះដែរ។ ក្នុងឱកាសនេះដែរ លោកជចំទាវអ្នកនាំពាក្យក្រសួងសុខាភិបាល បានច្រាលចោលនូវព័ត៌មានក្លែងក្លាយ ដែលបានផ្សព្វផ្សាយជាបន្តបន្ទាប់ ថាមានមនុស្សស្លាប់បន្ទាប់ពីចាក់វ៉ាក់សាំងរួច។ ជាមួយគ្នានេះ លោកជំទាវ បានស្នើឱ្យអាជ្ញាធរមានសមត្ថកិច្ចចាត់វិធានការលើការផ្សព្វផ្សាយព័ត៌មានមិនពិតនេះផងដែរ។ សូមបញ្ជាក់ថា រហូតដល់យប់ថ្ងៃទី២៧ ខែមីនា ឆ្នាំ២០២១ កម្ពុជាមានអ្នកស្លាប់ដោយសារជំងឺកូវីដចំនួន១០នាក់ រួមមាន៖ទី១៖ បុរសជនជាតិខ្មែរ អាយុ៥០ឆ្នាំ បានស្លាប់នៅមន្ទីរមិត្តភាពខ្មែរ-សូវៀត កាលពីថ្ងៃទី១១ ខែមីនា ឆ្នាំ២០២១។ទី២៖ ស្រ្តីជនជាតិខ្មែរ ឈ្មោះ ងឿន សុថានី អាយុ៦២ឆ្នាំ បានស្លាប់នៅមន្ទីរពេទ្យមិត្តភាពខ្មែរ-សូវៀត នៅថ្ងៃទី១៩ ខែមីនា ឆ្នាំ២០២១ (ភរិយា លោក ហួរ ឡាវី)ទី៣៖ បុរសជនជាតិខ្មែរ ឈ្មោះ គឹម ឃីស៊ុន អាយុ៤៦ឆ្នាំ បានស្លាប់នៅមន្ទីរពេទ្យមិត្តភាពខ្មែរ-សូវៀត នៅថ្ងៃទី១៩…

នៅក្នុងការចូលរួមរំលែកមរណទុក្ខនេះ សម្ដេចកិត្តិព្រឹទ្ធបណ្ឌិត បានចាត់ទុកការស្លាប់របស់ជនរងគ្រោះខាងលើ គឺជាមរណភាពមួយគួរឲ្យសោកស្ដាយជាទីបំផុត ដែលបច្ចុប្បន្នមេរោគដ៏កាចសាហាវនេះកំពុងតែឆ្លងរាលដាលនៅលើពិភពលោកហើយក៏កំពុងតែសម្លាប់ជីវិតមនុស្សយ៉ាងច្រើនជារៀងរាល់ថ្ងៃ។ ស្ថិតក្នុងមរណទុក្ខដ៏ក្រៀមក្រំនេះ សម្ដេចកិត្តិព្រឹទ្ធបណ្ឌិត សូមឧទ្ទិសបួងសួងសូមឲ្យវិញ្ញាណក្ខន្ធសពបានទៅកាន់សុគតិភព កុំបីឃ្លៀងឃ្លាតឡើយ។ ជាមួយគ្នានេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមអំពាវនាវដល់បងប្អូនជនរួមជាតិទាំងអស់ ចូលរួមប្រយុទ្ធប្រឆាំង និងទប់ស្កាត់ការឆ្លងរីករាលដាលជំងឺកូវីដ-១៩ ដោយអនុវត្តឱ្យបានខ្ជាប់ខ្ជួននូវវិធានការ «៣ការពារ និង៣កុំ» ដេីម្បីសុវត្ថិភាពផ្ទាល់ខ្លួន គ្រួសារ សហគមន៍ និងសង្គមជាតិយេីង។ សូមបញ្ជាក់ថា សពស្ត្រីជនជាតិខ្មែរ អាយុ ៧៦ឆ្នាំ រស់នៅភូមិ២ ឃុំព្រែកខ្សាយ ស្រុកពាមរក៍ ខេត្តព្រៃវែង បានទទួលមរណភាពនៅវេលាម៉ោង ១៩:០៥នាទីយប់ថ្ងៃទី ២៧ ខែមីនា ឆ្នាំ២០២១ នៅមន្ទីរពេទ្យមិត្តភាពខ្មែរ-សូវៀត៕

ក្រសួងសុខាភិបាល នៅយប់ថ្ងៃទី២៧ ខែមីនា ឆ្នាំ២០២១ បានប្រកាសថា ស្រ្តីខ្មែរ១រូប អាយុ ៧៦ ឆ្នាំមានទីលំនៅឃុំព្រែកខ្សាយស្រុកពាមរក៍ខេត្តព្រៃវែង បានធ្វើតេស្តិ៍វិជ្ជមានកាលពីថ្ងៃទី ៨ ខែមីនា ហើយត្រូវបានផ្ទេរពីមន្ទីរពេទ្យបង្អែកខេត្តទៅពិនិត្យព្យាបាលជំងឺកូវីដ-១៩ នៅមន្ទីរពេទ្យមិត្តភាពខ្មែរ – សូវៀត រាជធានីភ្នំពេញ កាលពីថ្ងៃទី ២០ ខែមីនាឆ្នាំ២០២១ កន្លងទៅ បានទទួលមរណភាពនៅម៉ោង៧៖០៥នាទីយប់ ថ្ងៃទី២៧ ខែមីនា ឆ្នាំ២០២១។ សេចក្តីប្រកាសព័ត៌មានរបស់ក្រសួងសុខាភិបាលបានបញ្ជាក់ថា ក្រុមគ្រូពេទ្យ បានសន្និដ្ឋានថា អ្នកជំងឺស្លាប់បាត់បង់ជីវិតដោយសារផ្លូវដង្ហើមស្រួចស្រាវ និងរលាកសួតទាំងសងខាងធ្ងន់ធ្ងរបណ្តាលមកពីវិរុសកូវីដ១៩។

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចេញលិខិតថ្លែងអំណរគុណអ្នកឧកញ៉ា ឡេង ណាវ៉ាត្រា ដែលបានបរិច្ចាគថវិកា៣លាន៥សែនដុល្លារសហរដ្ឋអាមេរិច ជូនសម្តេចតេជោ ហ៊ុន សែន ដើម្បីចូលរួមទិញមន្ទីរពេទ្យ «នគរទេព» ដែលនឹងប្តូរឈ្មោះទៅជាមន្ទីរពេទ្យ «ហ្លួងម៉ែ»។

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចេញលិខិតថ្លែងអំណរគុណ ជូនចំពោះអ្នកឧកញ៉ា លី យ៉ុងផាត់ ប្រធានក្រុមហ៊ុន L.Y.P គ្រុប ដែលបានបរិច្ចាគថវិកាចំនួន ២លានដុល្លារអាមេរិក ដើម្បីចូលរួមចំណែកទិញមន្ទីរពេទ្យ «នគរទេព»។

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានថ្លែងអំណរគុណថ្នាក់ដឹកនាំក្រុមហ៊ុនជីបម៉ុង ដែលបានបរិច្ចាគថវិកាជួយទិញមន្ទីរពេទ្យ «នគរទេព» ដើម្បីចូលរួមព្យាបាលជំងឺកូវីដ-១៩។

នៅ ថ្ងៃទី២៦ ខែមីនា  ឆ្នាំ២០២១  សមាជិកកម្មវិធី ភូមិឃុំ សង្កាត់ មានសុវត្តិភាពបានចូលរួមសហការជាមួយក្រុមហ៊ុន ទឹកបរិសុទ្ធ វីតាល នឹង ក្រុមហ៊ុន មីជាតិ បានរៀបចំកម្មវិធី យុទ្ធនាការប្រឆាំង នឹងកូវីត១៩ ក្រោមប្រធានបទ«សុវត្តិភាពខ្ញុំ សហគមន៍ខ្ញុំ »  ដែលចែកជូននូវសំភារះមួយចំនួន ដល់បងប្អូនប្រកបរបរ រត់រឺម៉ក កង់បី ចំនួន ២៥០ រឺម៉ក ដោយក្នុង មួយ រឺម៉ក ទទួលបាន នូវ មីជាតី ចំនួនមួយកេះ, ទឹកបរិសុទ្ធវីតាល ០៦ដបតូច, ទឹកអាកុលចំនុះ ៥០០ មីលីលីត្រមួយដប នឹង ម៉ាសក្រណាត់ចំនួន០២។