សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានធ្វើ Comment ឆ្លើយតបភ្លាមៗទៅបុរសម្នាក់នៅក្នុងខេត្តពោធ៌សាត់ដែលជា ម្ចាស់បន្ទប់ជួលចំនួន៤៦បន្ទប់ឱ្យកម្មករ កម្មការិនីរោងចក្រ កាត់ដេរស្នាក់ ដែល ម្ចាស់បន្ទប់ជួលរូបនេះ បានបង្ហោះផ្សាយលើគណនីហ្វេសប៊ុកផ្ទាល់ខ្លួនដែលមានឈ្មោះ Heng Norin នៅថ្ងៃទី២៥ ខែមីនា ឆ្នាំ២០២១នេះថា «រូបគាត់នឹងមិនយកថ្លៃឈ្នួលជួលបន្ទប់ទាំងនោះទេ សម្រាប់កម្មករ កម្មការិនីស្នាក់នៅ បើខេត្តពោធ៌សាត់ទៅមុខទៀត មានបញ្ហាកូវីដកើតឡើង»។ ឆ្លើយតបទៅនឹងទឹកចិត្តដ៏ល្អរបស់ម្ចាស់បន្ទប់ជួលរូបនេះ សម្តេចតេជោ ហ៊ុន សែន បានបញ្ជាក់ត្រឡប់ទៅវិញដោយ សម្តេចសម្តែងនូវការអរគុណ និងក៍ចាត់ទុក ការសម្រេចចិត្តរបស់ម្ចាស់ផ្ទះជួលនេះថា «ជាគំរូដ៏ល្អដែលផ្តល់ប្រយោជន៍ដល់កម្មករ កម្មការិនីខ្មែរយើង»៕

ភ្នំពេញ ៖ ក្រុមការងារអនុសាខាកាកបាទក្រហម ខណ្ឌមានជ័យ ដឹកនាំដោយ លោក ឌី រ័ត្នខេមរុណ ប្រធានគណៈកម្មាធិការអនុសាខាកាកបាទក្រហម ខណ្ឌមានជ័យ បាននាំយកអំណោយមនុស្សធម៌ ជាគ្រឿងឧបភោគ-បរិភោគ ជូនដល់ប្រជាពលរដ្ឋដែលកំពុងធ្វើចត្តាឡីស័ក ចំនួន ៦៥គ្រួសារ ស្ថិតនៅក្នុងភូមិឬស្សី៣ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ នាទីរសៀល ថ្ងៃព្រហស្បតិ៍ ១២កើត ខែចេត្រ ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី ២៥ ខែមីនា ឆ្នាំ២០២១ ។ នាឱកាសនោះដែរ លោក ឌី រ័ត្នខេមរុណ ប្រធានគណៈកម្មាធិការអនុសាខាកាកបាទក្រហម ខណ្ឌមានជ័យ បានពាំនាំនូវការផ្តាំសាកសួរសុខទុក្ខ ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ហើយ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តែងតែយកចិត្តទុកដាក់ជាប់ជានិច្ចចំពោះសុខទុក្ខប្រជាពលរដ្ឋ គ្រប់ក្រុមគ្រួសារ និងគ្រប់ទីកន្លែង ដោយមិនប្រកាន់ពីនិន្នាការនយោបាយ ជាតិសាសន៍ សាសនា…

នៅព្រឹកថ្ងៃទី២៥ ខែមីនា ឆ្នាំ២០២១ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន បានទទួលជួប និងទទួលម៉ាស់ជាអំណោយរបស់ ឯកឧត្តម បណ្ឌិត សុខ ប្រសិទ្ធិ រដ្ឋលេខាធិការ ក្រសួង ព័ត៌មាន ចំនួន ១ ពាន់ម៉ាស់ ហើយតាមរយៈនេះ ឯកឧត្តម រដ្ឋមន្ត្រី ជូនបែងចែកដល់បណ្តា អគ្គនាយកដ្ឋានទាំង៥ ក្រោមឱវាទក្រសួង ដើម្បីជាការចូលរួមចំណែកក្នុងការ ការ ពារ ការឆ្លង រាលដាលនៃជំងឺកូវីដ-១៩ ។ ឯកឧត្កម បណ្ឌិត សុខ ប្រសិទ្ធិ បានបញ្ជាក់ថា ម៉ាស់ទាំងអស់នេះ គឺបានធ្វើឡើងដោយ ក្រុមការងារ រាជសែន ដឹកនាំដោយ អ្នកស្រី ឱ លក្ខិណា អគ្គនាយករង ទូរទស្សន៏ជាតិកម្ពុជា ដោយបានធ្វើជាម៉ាស់ក្រម៉ា ម៉ាស់ខ្មែរ មានគុណភាពល្អ និងមាន ប៉ាក់រូបសញ្ញា ក្រសួង ព័ត៌មាន នៅខាងមុខនៃម៉ាស់នេះតែម្តង។…

ក្រសួងសុខាភិបាលចេញសេចក្ដីប្រកាសព័ត៌មានផ្លូវការនៃការស្លាប់អ្នកជំងឺកូវីដ-១៩ ចំនួន២នាក់នៅថ្ងៃនេះ។

សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានសម្រេចឲ្យរដ្ឋបាលខេត្តកំពង់ចាម យកសណ្ឋាគារមេគង្គ ធ្វើជាមន្ទីរពេទ្យសម្រាប់ព្យាបាលអ្នកកើតជំងឺកូវីដ-១៩ សម្រាប់ប្រជាពលរដ្ឋរស់នៅខេត្តកំពង់ចាម និងខេត្តត្បូងឃ្មុំ។ អភិបាលខេត្តកំពង់ចាម លោក អ៊ុន ចាន់ដា នៅព្រឹកថ្ងៃទី២៥ ខែមីនា ឆ្នាំ២០២១នេះ បានដឹកនាំកិច្ចប្រជុំបន្ទាន់ ជាមួយថ្នាក់ដឹកនាំខេត្ត ដើម្បីរៀបចំមន្ទីរពេទ្យសម្រាប់ព្យាបាល អ្នកជំងឺកូវីដ-១៩ និងរៀបចំទីតាំងសម្រាប់ចាក់វ៉ាក់សាំងកូវីដ-១៩ ជូនដល់ប្រជាពលរដ្ឋនៅក្នុងខេត្តកំពង់ចាម។ គួរជម្រាបថា កន្លងមកសណ្ឋាគារមេគង្គ ត្រូវបានប្រើប្រាស់ជាមណ្ឌលចត្តាឡីស័ក ប៉ុន្ដែនៅពេលនេះត្រូវបានប្រើប្រាស់ជាកន្លែងសម្រាប់ព្យាបាលអ្នកកើតជំងឺកូវីដ-១៩វិញ, ដោយឡែកចំពោះអ្នកដែលកំពុងធ្វើចត្តាឡីស័កនៅសណ្ឋាគារមេគង្គ ត្រូវប្តូរយកទៅធ្វើចត្តាឡីស័កបន្ត នៅឯសាលាគរុកោសល្យភូមិភាគកំពង់ចាមវិញ។ ក្នុងកិច្ចប្រជុំនោះ លោក អ៊ុន ចាន់ដា បានលើកឡើងថា សម្រាប់ប្រជាពលរដ្ឋដែលត្រូវទទួលការចាក់វ៉ាក់សាំង បង្ការជំងឺកូវីដ-១៩ នាពេលខាងមុខ រដ្ឋបាលខេត្តកំពង់ចាម សម្រេចយកទីតាំងសាលាខេត្តកំពង់ចាម ជាកន្លែងផ្ដល់ការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋដោយឥតគិតថ្លៃ៕(អត្ថបទ ហាក់ សារ័ត្ន)

ស្រុកអង្គស្នួល៖ ព្រឹកថ្ងៃទី២៥ ខែមីនា ឆ្នាំ២០២១ លោក ខុន សេរីរដ្ឋា អភិបាលស្រុកអង្គស្នួល អញ្ជើញសំណេះសំណាល និងសាកសួរសុខទុក្ខ ប្រជាពលរដ្ឋចំនួន ៦៣នាក់ ដែលបានធ្វើចត្តាឡីស័ក បានត្រឹមត្រូវតាមវិធានរបស់ក្រសួងសុខាភិបាល នៅមណ្ឌលចត្តាឡីស័កសាលាបឋមសិក្សា អង្គពពាយ និងបានអនុញ្ញាតឱ្យពួកគាត់ត្រឡប់ទៅផ្ទះរៀងៗខ្លួន។ ប្រជាពលរដ្ឋចំនួន ៦៣នាក់ ដែលមានជាប់ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ និងបានធ្វើចត្តាឡីស័កបានត្រឹមត្រូវតាមវិធានរបស់ក្រសួងសុខាភិបាល ក្រោយយកសំណាកធ្វើតេស្តមិនមានមេរោគកូវីដ-១៩ នៅមណ្ឌលចត្តាឡីស័កសាលាបឋមសិក្សា អង្គពពាយ ត្រូវបានអាជ្ញាធរស្រុកអង្គស្នួល អនុញ្ញាតឱ្យត្រឡប់ទៅផ្ទះវិញ។ លោក ខុន សេរីរដ្ឋា អភិបាលស្រុកអង្គស្នួល បានសម្ដែងនូវការអបអរសាទរ ដែលបងប្អូនប្រជាពលរដ្ឋទាំង ៦៣នាក់ មិនមានអ្នកណាម្នាក់វិជ្ជមាននូវមេរោគកូវីដ-១៩ ។ លោកអភិបាលស្រុកអង្គស្នួល បានថ្លែងអំណរគុណយ៉ាងជឿបំផុត ចំពោះប្រជាពលរដ្ឋទាំងអស់ដែលមានការអត់ធ្មត់ និងចូលរួមជាមួយអាជ្ញាធរបានយ៉ាងល្អ ក្នុងការធ្វើចត្តាឡីស័កបានយ៉ាងត្រឹមត្រូវ តាមការណែនាំរបស់ក្រសួងសុខាភិបាល។ ក្នុងឱកាសនោះដែរ លោកអភិបាលស្រុកអង្គស្នួល បានធ្វើការផ្សព្វផ្សាយ អំពីវិធានការការពារជំងឺកូវីដ-១៩ របស់ក្រសួងសុខាភិបាល ជូនប្រជាពលរដ្ឋទាំង ៦៣នាក់ ពិសេសវិធានការការពារជំងឺកូវីដ-១៩ របស់ប្រមុខរាជរដ្ឋាភិបាល សម្ដេចតេជោ គឺ ៣ការពារ ៣កុំ។…

អ្នកវិជ្ជមានកូវីដ-១៩នោះមាន ឈ្មោះ វ៉ាន់ ណាក្រូ អាយុ ៣៤ ឆ្នាំ មានតួនាទីជាប្រធានការិយាល័យសុខាភិបាល នៃស្នងការដ្ឋាននគរបាលខេត្តត្បូងឃ្មុំ។

យោងតាមរដ្ឋបាលខេត្តព្រះសីហនុនៅថ្ងៃ២៥មីនឆ្នាំ២០២១ បានបញ្ជាក់ថា អគារមន្ទីរពិសោធន៍វេជ្ជសាស្ត្រ មានទីតាំងស្ថិតនៅក្នុងមន្ទីរពេទ្យបង្អែកខេត្តព្រះសីហនុ ដែលជាអំណោយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត នឹងត្រូវបញ្ចប់ការសាងសង់ជាស្ថាពរនៅចុងខែមីនាឆ្នាំ២០២១នេះ។ ដោយឡែកបរិក្ខារតេស្តវិភាគវីរុសកូវីដ-១៩ ជាជំនួយឥតសំណងរបស់សាធារណរដ្ឋប្រជាមានិតចិន ក៏គ្រោងនឹងរៀបចំតម្លើងនៅក្នុងដើមខែមេសាឆ្នាំ២០២១ ហើយគ្រោងនឹងដាក់ឱ្យដំណើរការជាផ្លូវការនៅចុងខែមេសាឆ្នាំ២០២១ផងដែរ។ ជាមួយគ្នានោះ ភាគីចិននឹងបញ្ជូនក្រុមអ្នកជំនាញមកកាន់ប្រទេសកម្ពុជាផងដែរ ដើម្បីជួយសម្រួលដល់មន្ទីរពេទ្យបង្អែកខេត្តព្រះសីហនុ ក្នុងការតម្លើងបរិក្ខារតេស្តវិភាគវីរុសកូវីដ-១៩ និងបណ្ដុះបណ្ដាលជូនដល់បុគ្គលិក សុខាភិបាលដែលមានការពាក់ព័ន្ធ។ រដ្ឋបាលខេត្តព្រះសីហនុ ក៏បានបញ្ជាក់ដែរថា នៅពេលដែលដាក់ឱ្យ ដំណើរការមន្ទីរពិសោធន៍វិជ្ជសាស្រ្តនោះ នឹងផ្តល់ភាពងាយស្រួលដល់ខេត្តព្រះសីហនុ និងបណ្តាខេត្តមួយចំនួនដែលមានព្រំប្រទល់ជិតគ្នា ក្នុងការបង្កើនល្បឿនធ្វើសំណាកតេស្តរកជំងឺវីរុសកូវីដ-១៩ បាឆាប់រហ័ស ចំនេញពេលវេលា និងថវិកា ព្រមទាំងអាចចូលរួមក្នុងការប្រយុទ្ធប្រឆាំងនឹងជំងឺកូវីដ-១៩ កាន់តែមានប្រសិទ្ធភាព៕