ក្រសួងសុខាភិបាលនៅថ្ងៃទី២៤មីនាឆ្នាំ២០២១ បានកំណត់ដំបន់ដែលត្រូវមានកាតព្វកិច្ចពាក់ម៉ាស និងរក្សាគម្លាតសុវត្ថិភាពបុគ្គល រួមមាន នៅរាជធានីភ្នំពេញ ខេត្តព្រះសីហនុ ខេត្តកណ្តាល ខេត្តព្រៃវែង និងខេត្តសៀមរាប។ នៅថ្ងៃសទី២៥មីនឆ្នាំ២០២១ រដ្ឋលេខាធិការក្រសួងយុត្តធម៌លោក គឹម សន្តិភាព បានបញ្ជាក់បន្ថែមជុំវិញប្រកាសស្ដីពីការពាក់ម៉ាស និងគម្លាតសុវត្ថិភាពបុគ្គល សម្រាប់នៅរាជធានីភ្នំពេញ ខេត្តព្រះសីហនុ ខេត្តកណ្តាល ខេត្តព្រៃវែង និងខេត្តសៀមរាប។ លោកគឹម សន្តិភាព បានបញ្ជាក់ថា ក្នុងអំឡុងពេលធ្វើដំណើរតាមគ្រប់មធ្យោបាយត្រូវពាក់ម៉ាស់ជាកាតព្វកិច្ច លើកលែងតែការធ្វើដំណើរតាមមធ្យោបាយធ្វើដំណើរឯកជនបិទជិតតែម្នាក់ឯង ឬជាមួយបុគ្គលដែលរស់នៅក្នុងលំនៅឋានជាមួយគ្នាតែប៉ុណ្ណោះ ។ លោកបានបញ្ជាក់ទៀតថា ក្នុងអំឡុងពេលធ្វើដំណើរតាមគ្រប់មធ្យោបាយករណីការរក្សាគម្លាតសុវត្ថិភាពបុគ្គលមិនអាចធ្វើទៅបាន ការពាក់ម៉ាសត្រូវធ្វើជាកាតព្វកិច្ច និងត្រូវប្រកាន់ខ្ជាប់នូវការធ្វើអនាម័យដើម្បីសម្លាប់មេរោគ ដើម្បីជាវិធានការក្នុងការបង្ការការចម្លង ឬការឆ្លងមេរោគកូវីដ-១៩ លើកលែងតែការធ្វើដំណើរតាមមធ្យោបាយធ្វើដំណើរឯកជនបិទជិតជាមួយបុគ្គលដែលរស់នៅក្នុងលំនៅឋានជាមួយគ្នាតែប៉ុណ្ណោះ។ ជាមួយគ្នានោះ លោករដ្ឋលេខាធិការក្រសួងយុត្តិធម៌ បានបង្ហាញអំពីទណ្ឌកម្មចំពោះការមិនអនុវត្តការព្វកិច្ចពាក់ម៉ាស បុគ្គលដែលបំពាននឹងកាតព្វកិច្ចពាក់ម៉ាសត្រូវទទួលទណ្ឌកម្មដូចជា ការបំពានលើកទី១ ត្រូវធ្វើការព្រមាន និងធ្វើការណែនាំដោយមន្ត្រីសុខាភិបាល ឬអាជ្ញាធរមានសមត្ថកិច្ច។ ការបំពានចាប់ពពីលើកទី២ទៅ ត្រូវផ្ដន្ទាទោសផាកពិន័យអន្តរការណ៍ពី២សែនរៀលទៅ១លានរៀល។ ចំពោះការមិនអនុវត្តកាតព្វកិច្ចរក្សាគម្លាតសុវត្ថិភាពវិញ ការបំពានលើកទី១ ត្រូវធ្វើការព្រមាន និងធ្វើការណែនាំដោយមន្ត្រីសុខាភិបាល ឬអាជ្ញាធរមានសមត្ថកិច្ច។ ការបំពានលើកទី២ ត្រូវផ្ដន្ទាទោសពិន័យអន្តរការណ៍ ពី២សែនរៀលទៅ១លានរៀលចំពោះបុគ្គល, ពី១លានរៀលទៅ៥លានរៀលចំពោះអ្នកទទួលខុសត្រូវក្នុងការរៀបចំការជួបជុំមនុស្ស ឬសកម្មភាពសង្គមដទៃទៀត, ពី២លានរៀល…

ភ្នំពេញ៖ ក្នុងដំណាក់កាលជំងឺកូវីដ-១៩ កំពុងយាយីសុខភាពនិងជីវភាពរស់ នៅរបស់ប្រជាពលរដ្ឋស្ទើគ្រប់ទីកន្លែងនៅព្រះរាជាណាចក្រកម្ពុជា មានសប្បុរសជន ក្រុមហ៊ុន សមាគមន៍ បានជួយឧបត្ថម្ភជាថវិកា និង សម្ភារៈ ដល់រាជរដ្ឋាភិបាល ក្រសួង មន្ទីរ រាជធានី ខេត្ត ក្រុង ស្រុក ខណ្ឌ ដើម្បីរួមចំណែកក្នុងការបង្ការ ទប់ស្កាត់ ប្រយុទ្ធប្រឆាំងជំងឺ កូវីដ-១៩ កុំអោយរីករាលដាលចូលសហគមន៍ ។ ក្នុងដំណាក់កាលជំងឺកូវីដ-១៩ នេះដែរសម្រាប់រដ្ឋបាលខណ្ឌច្បារអំពៅបានទទួលអំណោយជាបន្តបន្ទាប់ពីសប្បុរសជន ក្រុមហ៊ុន និងសមាគមន៍ នានា បានជួយឧបត្ថម្ភសម្រាប់យកទៅប្រើប្រាស់ក្នុងទិសដៅបង្ការ ទប់ស្កាត់ ប្រយុទ្ធប្រឆាំងជំងឺ កូវីដ-១៩ និងជួយដល់ប្រជាពលរដ្ឋដែលមានជីវភាពខ្វះខាត ។ ជាក់ស្តែងនៅព្រឹកថ្ងៃទី២៥ ខែមីនា ឆ្នាំ២០២១ សមាគមន៍រាជសីហ៍ បានផ្តល់អំណោយជា ទឹកសុទ្ធ៥០កេស ម៉ាស់ ជែល អាល់កុល ដល់រដ្ឋបាលខណ្ឌច្បារអំពៅ ដើម្បីយកទៅប្រើប្រាស់ក្នុងកិច្ច ការបង្ការ ទប់ស្កាត់ ប្រយុទ្ធប្រឆាំងជំងឺ កូវីដ-១៩ កុំអោយរីករាលដាលចូលសហគមន៍ ។ លោកស្រី ហេង សុវត្ថា…

យោងតាមក្រសួងសុខាភិបាលនៅថ្ងៃទី២៥មីនាឆ្នាំ២០២១ បានឲ្យដឹងថា គេបានរកឃើញករណីវិជ្ជមានវីរុសកូវិដ-១៩ចំនួន៥៥នាក់ ក្នុងនោះអ្នកដែលពាក់ពន្ធ័នឹងព្រឹត្តិការសហគមន៍២០កុម្ភៈទាំង៥៥នាក់។ ជាមួយគ្នានោះដែរ ក្រសួងសុខាភិបាលក៏បានបញ្ជាក់ដែរថា មានអ្នកជាសះស្បើយពីជំងឺកូវីដ-១៩ចំនួន២៣នាក់។ កម្ពុជាគិតមកដល់ថ្ងៃ២៥មីនាឆ្នាំ២០២១ មានអ្នកឆ្លងជំងឺកូវីដ-១៩សរុបចំនួន១ពាន់៨៧២នាក់ ក្នុងនោះបានព្យាបាលជាសះស្បើយចំនួន១ពាន់៥៦នាក់ នៅសល់៨០៩នាក់កំពុងសម្រាកព្យាបាល និងមានអ្នកស្លាប់ចំនួន៥នាក់។ ដោយឡែកព្រឹត្តិការសហគមន៍២០កុម្ភៈ គិតមកដល់ថ្ងៃ២៥មីនាឆ្នាំ២០២១ មានអ្នកឆ្លងសរុប ១ពាន់៣៤៨នាក់ ក្នុងនោះមានអ្នកស្លាប់ចំនួន៥នាក់។ ដោយ កឹម ទៀង

ខេត្តកណ្ដាល៖ ស្ថិតក្នុងកាលៈទេសៈ នៃការប្រយុទ្ធប្រឆាំងជាមួយជំងឺដ៏កាចសាហាវ កូវីដ-១៩ នៅទូទាំងប្រទេសកម្ពុជា ពិសេសក្នុងភូមិសាស្ត្រខេត្តកណ្ដាល នៅថ្ងៃទី២៤ ខែមីនា ឆ្នាំ២០២១ ឯកឧត្តម គង់ សោភ័ណ្ឌ អភិបាលខេត្តកណ្ដាល អញ្ជើញជួបសំណេះសំណាល និងសាកសួរសុខទុក្ខ មន្ត្រីរាជការសាលាខេត្តកណ្ដាល។ មានប្រសាសន៍ក្នុងពិធីសំណេះសំណាល ឯកឧត្តម គង់ សោភ័ណ្ឌ អភិបាលខេត្តកណ្ដាល បានកោតសរសើរ និងវាយតម្លៃខ្ពស់ចំពោះលទ្ធផលការងារ ដែលមន្ត្រីរដ្ឋបាលខេត្តកណ្ដាលសម្រេចបាននាពេលកន្លងមក ពិសេសបានចូលរួមយ៉ាងសកម្ម ក្នុងការប្រយុទ្ធប្រឆាំងការរាលដាលជំងឺកូវីដ-១៩ ក្នុងភូមិសាស្ត្រខេត្តកណ្ដាល។ ជាងនេះទៀត បើទោះបីជាខេត្តកណ្ដាល មានការកើនឡើងអ្នកផ្ទុកមេរោគកូវីដ-១៩ តែមន្ត្រីរដ្ឋបាលខេត្ត បានអនុវត្តយ៉ាងល្អ តាមវិធានរបស់ក្រសួងសុខាភិបាល ពិសេសអនុវត្តវិធីបង្ការការពារជំងឺកូវីដ-១៩ របស់ប្រមុខរាជរដ្ឋាភិបាល សម្ដេចតេជោ ៣កុំ ៣ការពារ បានយ៉ាងល្អ ទើបធ្វើឱ្យមន្ត្រីរបស់រដ្ឋបាលខេត្ត មិនមានពាក់ព័ន្ធ និងឆ្លងមេរោគកូវីដ-១៩ឡើយ។ ឯកឧត្តម អភិបាលខេត្តកណ្ដាល បានក្រើនរំលឹកដល់មន្ត្រីរាជការទាំងអស់ ពិសេសមន្ត្រីដែលផ្ដល់សេវាជូនប្រជាពលរដ្ឋ ត្រូវបន្តរក្សាអនាម័យជាប្រចាំ ព្រមទាំងអនុវត្តឱ្យបានខ្ជាប់ខ្ជួននូវវិធានការ ការពាររបស់ក្រសួងសុខាភិបាល និងវិធានការការពារជំងឺកូវីដ-១៩ របស់ប្រមុខរាជរដ្ឋាភិបាល សម្ដេចតេជោ នាយករដ្ឋមន្ត្រី។ ជាងនេះទៀត ឯកឧត្តមអភិបាលខេត្តកណ្ដាល…

សេចក្ដីណែនាំ ស្ដីពីការពង្រឹងវិធានការសន្តិសុខ សុវត្ថិភាព សណ្ដាប់ធ្នាប់ និងរបៀបរៀបរយតាមបណ្ដាគោលដៅចត្តាឡីស័កទាំងអស់ ក្នុងមូលដ្ឋានរាជធានីភ្នំពេញ។

ភ្នំពេញ៖ នៅថ្ងៃទី២៣ ខែមីនា ឆ្នាំ២០២១ លោកឧកញ៉ា សាម ឃុន និងលោកជំទាវ បានឧបត្ថម្ភថវិកា ចំនួន ៣០,០០០ ដុល្លារ ជូនដល់ក្រុមគ្រូពេទ្យស្ម័គ្រចិត្តយុវជនសម្តេចតេជោ ហ៊ុន សែន (TYDA) ដែលចូលរួមប្រយុទ្ធប្រឆាំងជំងឺកូវីដ១៩ ដើម្បីជាការលើកទឹកចិត្តចំពោះកិច្ចខិតខំ ប្រឹងប្រែងចូលរួមក្នុងការទប់ស្កាត់ជំងឺកូវី១៩កន្លងមក។ នាពេលបច្ចុប្បន្ននេះ ថ្នាក់ដឹកនាំ និងក្រុមការងារសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) និងយុវជនស្ម័គ្រចិត្តប្រឆាំងកូវីដ-១៩ កំពុងបំពេញភារកិច្ចយ៉ាងសកម្មដើម្បីជាតិ និងប្រជាជនខណៈដែលប្រទេសកម្ពុជាមានការរីករាលដាលជំងឺកូវីដ-១៩នៅក្នុងសហគមន៍។ ក្រុមការងារនៃសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) និងយុវជនស្ម័គ្រចិត្តប្រឆាំងកូវីដ-១៩ បានចូលរួមយ៉ាងសកម្មជាមួយក្រុមគ្រូពេទ្យ និងអាជ្ញាធរ និងផ្នែកដែលពាក់ព័ន្ធ ក្នុងការចុះយកសំណាក និងដឹកអ្នកជំងឺកូវីដ-១៩ ទៅកាន់មន្ទីរពេទ្យ។ សូមជម្រាបថា ក្រសួងសុខាភិបាលកម្ពុជា នៅព្រឹកថ្ងៃពុធ ទី២៤ ខែមីនា ឆ្នាំ២០២១នេះ បានប្រកាសរកឃើញអ្នកវិជ្ជមានកូវីដ-១៩ថ្មីចំនួន២៩នាក់ ដែល ២៧នាក់ជាករណីឆ្លងសហគមន៍ ( ព្រឹត្តិការណ៍សហគមន៍២០កុម្ភៈ ) ហើយ០២នាក់ទៀត ជាករណីដែលនាំចូលពីបរទេស ខណៈដែលមានអ្នកជាសះស្បើយថ្មីមានចំនួន៣៤នាក់ផងដែរ។ តួលេខជាសរុប កម្ពុជា មានអ្នកឆ្លងកូវីដ-១៩ ចំនួន ១,៨១៧នាក់ ក្នុងនោះមានអ្នកជាសះស្បើយចំនួន ១,០៣៣នាក់,…