យោងតាមទំព័រហ្វេសប៊ុករបស់រដ្ឋលេខាធិការក្រសួងការងារ លោក ហេង សួរ នៅថ្ងៃទី៣៤មីនាឆ្នាំ២០២១ ឲ្យសរសេរចាត់ទុកការ ចាក់វ៉ាក់សាំងការពារកូវីដ គឺជាគន្លឹះក្នុងការការពារអាយុជីវិតរបស់កម្មករ និងប្រជាពលរដ្ឋ ព្រមទាំងក្រុមគ្រួសារ!។ លោកបានបន្តថា ការចាក់វ៉ាក់សាំងការពារកូវីដ គឺជាផ្លូវតែមួយគត់ ដែលឲ្យយើងអាចចេញធ្វើការ រកស៊ី និងជួបជុំគ្នាដោយសុវត្ថិភាពជាងមុន។ ជាមួយគ្នានោះនោះ លោកបានចាត់ទុក ជនដែលឃោសនា បំផុសបំផុល អ្នកដទៃកុំឲ្យចាក់វ៉ាក់សាំងនឹងទទួលទណ្ឌកម្ម និងបាបកម្មយ៉ាងធ្ងន់ធ្ងរពីអាជ្ញាធរ និងមហាជន ហើយ អំពើបាបនោះអាចឲ្យពួកគេចុះនរក។ លោកហេង សួរ បានអំពាវនាវឲ្យកម្មករ និងប្រជាពលរដ្ឋ ជឿជាក់លើវិទ្យាសាស្ត្រ និងវ៉ាក់សាំងគ្រប់ប្រភេទដែលរាជរដ្ឋាភិបាលបានខិតខំស្វែងរកមក។ លោកហេង សួរ បានបញ្ជាក់ថា រូបលោកផ្ទាល់ និងមិត្តភ័ក្ត្ររបស់លោកបានចាក់វ៉ាក់សាំងទាំងនោះរួចហើយ និងមិនឃើញមានផលប៉ះពាល់អ្វីដល់សុខភាពពួកគាត់ឡើយ។ ជាមួយគ្នានោះ លោកហេង សួរ បានស្នើឲ្យកម្មករ នៅតាមរោងចក្រ រាយការណ៍ជូនរដ្ឋបាលរោងចក្រជាបន្ទាន់ ប្រសិនជាឃើញ ឬស្តាប់ឮអ្នកណាម្នាក់ឃោសនាបំផុសកុំឲ្យចាក់វ៉ាក់សាំងកូវីដ។ លោកក៏បានស្នើឲ្យថ្នាក់ដឹកនាំសហជីពទាំងអស់ ចូលរួមជាមួយរាជរដ្ឋាភិបាល ក្នុងការលើកទឹកចិត្ត និងបំផុសឲ្យ កម្មករចូលរួមចាក់វ៉ាក់សាំងការពារកូវីដទាំងអស់គ្នា។ សូមជម្រាបថា សម្ដេចតេជោហ៊ុន សែន នាយករដ្ឋមន្ត្រី បានបញ្ជាក់ថា…

យោងតាមស្ថានទូតចិនប្រចាំកម្ពុជានៅព្រឹកថ្ងៃទី២៤មីនាឆ្នាំ២០២១ បានឲ្យដឹងថា បរិក្ខារតេស្តរកជំងឺវីរុសកូវីដ-១៩ខ្នាតធំមួយគ្រឿងដែលជាជំនួយឥតសំណងរបស់រដ្ឋាភិបាលចិននឹងមកដល់ខេត្តព្រះសីហនុនាដើមខែមេសាខាងមុខ។ ជាមួយគ្នានោះ ភាគីចិនគ្រោងនឹងបញ្ជូនក្រុមអ្នកជំនាញមកកាន់ប្រទេសកម្ពុជាផងដែរ ដើម្បីជួយសម្រួលដល់មន្ទីរពេទ្យបង្អែកខេត្តព្រះសីហនុក្នុងការតំឡើង រៀបចំ និងបណ្ដុះបណ្ដាលជូនដល់បុគ្គលិកពាក់ព័ន្ធផងដែរ។ ស្ថានទូតបានបន្តថា បន្ទាប់ពីដាក់ឱ្យប្រើប្រាស់ សំណាកតេស្តរកវីរុសរបស់ខេត្តព្រះសីហនុ, ខេត្តកែប ខេត្តកំពត និងខេត្តមួយចំនួនដែលនៅក្បែរនោះនឹងត្រូវបានបញ្ជូនមកកាន់ទីនោះ ដែលនឹងអាចជួយដល់ភាគីកម្ពុជាក្នុងការបង្កើនល្បឿនតេស្តរកជំងឺវីរុស ជួយសន្សំថវិកាទប់ស្កាត់នឹងជំងឺវីរុស ហើយកិច្ចប្រយុទ្ធប្រឆាំងនឹងជំងឺវីរុសអាចអនុវត្តន៍កាន់តែល្អប្រសើរ។ បើយោងតាមក្រសួងសុខាភិបាល បានបញ្ជាក់ថា ក្នុងពេលឆាប់ៗ ម៉ាស៊ីនតេស្តរកជំងឺវីរុសកូវីដ-១៩ខ្នាតធំ៣គ្រឿង នឹងត្រូវបំពាក់ចំនួន៣គ្រឿង ក្នុងនោះមួយគ្រឿងជាជំនួយរបស់ប្រទេសចិន និង២គ្រឿងទៀត ត្រូវបានកម្ពុជាបញ្ជាក់ទិញដោយខ្លួនឯង ដែលគេគ្រោងដំឡើងនៅមជ្ឈមណ្ឌលជាតិផ្ដល់ឈាម១គ្រឿង និងមួយគ្រឿងទៀតដំឡើងនៅវិទ្យាស្ថានសុខភាពសាធារណៈ ក្នុងរាជធានីភ្នំពេញ៕

យោងតាមក្រសួងសុខាភិបាលនៅថ្ងៃទី២៤មីនាឆ្នាំ២០២១ បានឲ្យដឹងថា គេបានរកឃើញករណីវិជ្ជមានវីរុសកូវិដ-១៩ចំនួន២៩នាក់ ក្នុងនោះអ្នកដែលពាក់ពន្ធ័នឹងព្រឹត្តិការសហគមន៍២០កុម្ភៈមានចំនួន២៧នាក់ និង២នាក់ទៀតជាអ្នកដំណើរមកពីបរទេស។ ជាមួយគ្នានោះដែរ ក្រសួងសុខាភិបាលក៏បានបញ្ជាក់ដែរថា មានអ្នកជាសះស្បើយពីជំងឺកូវីដ-១៩ចំនួន៣៤នាក់។ កម្ពុជាគិតមកដល់ថ្ងៃ២៤មីនាឆ្នាំ២០២១ មានអ្នកឆ្លងជំងឺកូវីដ-១៩សរុបចំនួន១ពាន់៨១៧នាក់ ក្នុងនោះបានព្យាបាលជាសះស្បើយចំនួន១ពាន់៣៣នាក់ នៅសល់៧៧៧នាក់កំពុងសម្រាកព្យាបាល និងមានអ្នកស្លាប់ចំនួន៥។ ដោយឡែកព្រឹត្តិការសហគមន៍២០កុម្ភៈ គិតមកដល់ថ្ងៃ២៣មីនាឆ្នាំ២០២១ មានអ្នកឆ្លងសរុប ១ពាន់២៩៣នាក់ ក្នុងនោះមានអ្នកស្លាប់ចំនួន៥នាក់។ ដោយ កឹម ទៀង

រដ្ឋបាលខេត្តត្បូងឃ្មុំ នៅយប់ថ្ងៃទី២៣មីនាឆ្នាំ២០២១ បានជូនដំណឹងអំពីការផ្អាកជាបណ្ដោះអាសន្ននូវការចរាចរណ៍ចេញ-ចូល ចំពោះប្រជាពលរដ្ឋរស់នៅក្នុងបណ្ដាទីតាំងមួយចំនួន ស្ថិតនៅសង្កាត់សួង ក្រុងសួង និងឃុំដារ ឃុំមេមត់ ស្រុកមេមត់ ខេត្តត្បូងឃ្មុំ។ ការសម្រេចរដ្ឋបាលខេត្តត្បូងឃ្មុំនេះធ្វើឡើងបន្ទាប់ពីមានករណីវិជ្ជមាន កូវីដ១៩លើមន្ត្រី នគរបាលមួយរូបនៃស្នងការដ្ឋាននគរបាលខេត្តត្បូងឃ្មុំ នៅថ្ងៃទី២៣ខែមីនានិងបាន ទៅសម្រាកព្យាបាលជំងឺនិងទៅកាន់ទីតាំងមួយចំនួននៅមុនពេលដែលបុរសរូបនោះធ្វើតេស្ត រកឃើញវិជ្ជមាន កូវីដ-១៩។ បើតាមរដ្ឋបាលត្បូងឃ្មុំ ទីតាំងដែលត្រូវបានបិទការធ្វើចរាចរណ៍ចេញ-ចូលនោះរួមមាន១.មន្ទីរសម្រាកព្យាបាលមេឌីកា២៤ម៉ោងនៅភូមិមេមត់ផ្សារ ឃុំនិងស្រុកមេមេត់២.គ្លីនិកពេទ្យនិម្មិតក្រុងសួង៣.ស្នាក់ការនគរបាលសេដ្ឋកិច្ច នៅឃុំដា ស្រុកមេមត់៤.ផ្ទះអ្នកជំងឺនៅភូមិចំការគរ ឃុំដារ ស្រុកមេមត់។