ក្រុមការងារសុខាភិបាលខេត្តសៀមរាប នៅយប់ថ្ងៃទី២០ ខែមីនាឆ្នាំ២០២១កន្លងមក បានស្រាវជ្រាវរកអ្នកដែលពាក់ព័ន្ធ និងបុរសវិជ្ជមានកូវិដ១៩ មានចំនួនរហូតដល់១៤៣នាក់ ដើម្បីយកសំណាកមកធ្វើតេស្តទាំងយប់នៅមន្ទីរពិសោធន៍ខេត្តសៀមរាប។ នៅក្នុងថ្ងៃអាទិត្យ ទី ២១ ខែមីនា ឆ្នាំ២០២១នេះ ក្រុមការងារជំនាញបានបញ្ជាក់ថាអ្នកពាក់ព័ន្ធទាំងអស់ បានធ្វើតេស្តលើកដំបូងអវិជ្ជមានកូវី-១៩ ។សូមបញ្ជាក់ថា ក្រោពេលស្រាវជ្រាវឃើញមានបុរសម្នាក់វិជ្ជមានកូវីដ-១៩ ដែលប្រកបរបរអ្នកបើកឡានដឹកដី និងមានអាសយដ្ឋានស្នាក់នៅភូមិគោកត្នោត សង្កាត់គោកចក ក្រុងសៀមរាប ខេត្តសៀមរាប គណៈបញ្ជាការឯកភាពរដ្ឋបាលខេត្តសៀមរាប បានសម្រេចបិទចរាចរចេញ-ចូល សង្កាត់គោកចក ក្រុងសៀមរាប ចាប់ពីវេលាម៉ោង ១៩:០០នាទី ថ្ងៃទី២០ ខែមីនា ឆ្នាំ២០២១ នេះតទៅ។ និងបានផ្អាកទីតាំងចំនួន៤កន្លែងនៅក្នុងក្រុងសៀមរាប ក្នុងនោះមាន គ្លីនិច៧៧៧ និងគ្លីនិកសុខភាព ស្ថិតនៅសង្កាត់ស្វាយដង្គំ និងបន្ទប់ពិគ្រោះជំងឺ ២កន្លែងនៅក្នុងសង្កាត់គោកចក ក្រុងសៀមរាប ដើម្បីទប់ស្កាត់ការរីករាលដាលជំងឺកូវីដ-១៩។ រដ្ឋបាលខេត្ត បានជូនដំណឹងឱ្យអ្នកពាក់ព័ន្ធជួបប្រាស្រ័យទាក់ទងនឹងបុគ្គលដូចបានជម្រាបជូនខាងលើ ឬមានករណីសង្ស័យ ឬបានធ្វើដំណើរទៅកាន់ទីកន្លែងមួយចំនួន៤ខាងលើ អញ្ជើញមកយកសំណាក នៅមណ្ឌលចត្តាឡីស័កសាលាគរុកោសល្យ ខខេត្តសៀមរាប៕

ភ្នំពេញ ៖ សូមបងប្អូនប្រជាពលរដ្ឋយើងទាំងអស់គ្នា គួរមានការប្រុងប្រយ័ត្នឲ្យបានខ្ពស់ ចូលរួមទប់ស្កាត់ជំងឺឆ្លងជាសកល នៃជំងឺកូវីដ-១៩ ព្រោះបច្ចុប្បន្ននេះ ជំងឺមួយនេះកំពុងវាយលុកខ្លាំងមិនថាក្មេង ឬចាស់នោះទេ។ ជាក់ស្ដែងនាពេលថ្មីៗនេះ អាជ្ញាធរខណ្ឌមានជ័យ បានរកឃេីញទារកម្នាក់ទើបមានអាយុ២ខែប៉ុណ្ណោះ បានឆ្លងជំងឺកូវីដ-១៩ ក្នុងចំណោមមនុស្ស៦នាក់ ដែលទើបរកឃើញថាឆ្លងជំងឺកូវីត១៩នេះ នៅភូមិដុះដំណាក់ធំ សង្កាត់ស្ទឹងមានជ័យទី២ ខណ្ឌមានជ័យ ពោលនៅសហគមន៍របស់អង្គការស្កត់ដែលមាន១៨ខ្នងផ្ទះ។ បេីយោងតាមរបាយការណ៍របស់មន្រ្តីសុខាភិបាល នៅព្រឹកថ្ងៃទី២១ ខែមីនា ឆ្នាំ២០២១នេះ បានឲ្យដឹងថា រថយន្តសង្គ្រោះរបស់មន្ទីរពេទ្យ បានមកយកអ្នកពាក់ព័ន្ធឆ្លងជាមួយបុគ្គលិកធ្វើការនៅក្រុមហ៊ុនស៊ិនទ្រី ដែលឆ្លងជំងឺកូវីដ-១៩ នៅខេត្តតាកែវ មានចំនួន៦នាក់ លើចំនួន១៨នាក់ទាំងក្មេងទាំងចាស់ និង១២នាក់ទៀត ដែលកំពុងធ្វើចត្តាឡីស័ក នៅភូមិដំណាក់ធំ សង្កាត់ស្ទឹងមានជ័យ រាជធានីភ្នំពេញ។ របាយការណ៍ដដែលបញ្ជាក់ថា មនុស្សទាំង៦នាក់នោះ មានម្នាក់ គឺទារកដែលទើបមានអាយុ២ខែប៉ុណ្ណោះ។ ក្នុងខណ្ឌមានជ័យ រហូតមកដល់ពេលនេះ ចំនួនអ្នកវិជ្ជមានសរុប ៦២នាក់ បរទេស០៦នាក់ ចំនួនទីតាំងចត្តាឡីស័ក ៣៧ទីតាំង បើកដំណើរការឡើងវិញចំនួន ០៨ទីតាំង ចំនួន០៤ទីតាំងនៅសល់ និងចំនួន២៥ទីតាំង (ករណីកើនថ្មីថ្ងៃនេះចំនួន០៦ទីតាំង)។ រីឯ ចំនួនអ្នកចត្តាឡីស័កសរុប ២២៥នាក់ បរទេស០៣នាក់…

ភ្នំពេញ៖ នាព្រឹកថ្ងៃទី២១ ខែមីនា ឆ្នាំ២០២១ ក្នុងមូលដ្ឋានខណ្ឌឫស្សីកែវ នាវេលាម៉ោង ០៨:០០ នាទី បានរកឃើញអ្នកមានវិជ្ជមានមេរោគកូវីដ១៩ ចំនួន ០១នាក់ រួមមាន៖ ស្ត្រី អាយុ ៣១ ឆ្នាំ មានទីលំនៅបុរី ប៉េង ហួត (ផ្លូវ៥៩៨) ផ្ទះលេខ៨០ ផ្លូវលេខP១៨ ក្រុមទី៤ ភូមិ៤ សង្កាត់ច្រាំងចំរេះទី១ ខណ្ឌប្ញស្សីកែវ រាជធានីភ្នំពេញ ។ ដោយឡែក អ្នកពាក់ព័ន្ធជាមួយអ្នកជំងឺចំនួន ០២នាក់ (បុរសជនជាតិម៉ាឡេស៉ី ០១ នាក់ និងស្ត្រី ០១ នាក់) តម្រូវអោយធ្វើចត្តាឡីស័ក និងត្រៀមយកសំណាកជាបន្ត ហើយបច្ចុប្បន្នអ្នកជំងឺ ត្រូវបានបញ្ជូនទៅព្យាបាល នៅអតីតសណ្ឋាគារអ៉ីនធើខនទីណង់តាល់ (The Great Duke) ជាចុងក្រោយ អាជ្ញាធរ សម្រេចបិទទីតាំងខាងលើនេះជាបណ្ដោះអាសន្ន។ សូមបញ្ជាក់ថា ក្រសួងសុខាភិបាល នៅព្រឹកថ្ងៃទី២១ ខែមីនា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩…