ភ្នំពេញ៖ របាយការណ៍របស់ក្រសួងសុខាភិបាល គិតត្រឹមថ្ងៃទី១៨ ខែមីនា ឆ្នាំ២០២១នេះបង្ហាញថាក្រសួងសុខាភិបាលបានចាក់វ៉ាក់សាំងកូវីដ១៩ ស៊ីណូហ្វាម (Sinopharm) និង អាស្រ្តាហ្សេនីកា (Astra Zeneca) ជូនជនស៊ីវិលទូទាំងប្រទេស ដោយ វ៉ាក់សាំង Sinopharm ដែលបានចាក់សរុបចំនួន ៤៥,៥៣៣នាក់ និង Astra Zeneca ដែលបានសរុបចំនួន៖ ៦៥,៩០១នាក់៕

ភ្នំពេញ៖ ស្ត្រីម្នាក់ត្រូវបានកម្លាំងសមត្ថកិច្ចកងរាជអាវុធហត្ថរាជធានីភ្នំពេញ បញ្ជូនទៅតុលាការ នៅសៀលថ្ងៃទី២០ ខែមីនា ឆ្នាំ២០២១ ពាក់ព័ន្ធករណីចេញសែក មិនមានទឹកប្រាក់ ។ ភាគីជនរងគ្រោះ បានបង្ហើបឱ្យដឹងថា ស្ត្រីម្នាក់ឈ្មោះ លី ស៊ីវហុង មានទីលំនៅស្ថិតនៅភូមិ៤ សង្កាត់ច្រាំងចំរេះ ខណ្ឌឬស្សីកែវ រាជធានីភ្នំពេញ បានខ្ចីប្រាក់ពីជនរងគ្រោះចំនួន ២លានដុល្លារអាមរិក ដោយមានធ្វើកិច្ចសន្យាខ្ចី និងកិច្ចសន្យាសងប្រាក់ រហូតដល់ថ្ងៃសងប្រាក់ ស្ត្រីជាម្ចាស់សែកគ្មានប្រាក់ បានចេញសែកទៅឱ្យជនរងគ្រោះប្រមាណជាង ២លានដុល្លារអាមរិក ។ ភាគីជនរងគ្រោះ បានបន្តថា ក្រោយពីទទួលបានសែកហើយនោះ ជនរងគ្រោះ ក៏បានយកសែកនោះទៅដកប្រាក់នៅធនាគារ ស្រាប់តែនៅថ្ងៃទី១២ ខែមករា ឆ្នាំ២០២១ ខាងធនាគារ បានបញ្ជាក់ប្រាប់មកជនរងគ្រោះថា សែកនេះ មិនមានទឹកប្រាក់នោះទេ ។ បន្ទាប់ពីនោះមក ភាគីជនរងគ្រោះ មិនអាចទាក់ទងជាមួយស្ត្រីជាម្ចាស់សែកគ្មានទឹកប្រាក់នោះទេ រហូតដល់ថ្ងៃទី១៩ ខែមីនា ឆ្នាំ២០២១ ទើបជនរងគ្រោះបានជួបស្ត្រីជាម្ចាស់សែក និងបានអញ្ជើញស្ត្រីរូបនេះ ទៅកាន់ទីបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីមានដំណោះស្រាយជាមួយគ្នា ។ ពាក់ព័ន្ធករណីចេញសែកមិនមានទឹកប្រាក់នេះ បានដំណើរសំណុំរឿងដោយលោក សុង ឆវ័ន្ត…

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានសម្តែងនូវទឹកចិត្តអាណិតអាសូរ ចំពោះ កុមារាអាយុ៦ឆ្នាំដែលមានវិជ្ជមានវីរុសកូវីដ១៩យ៉ាងខ្លោចចិត្ត ម្យ៉ាងទៀតអាណិតក្រុមគ្រូពេទ្យ ប្រឈមសព្វបែបយ៉ាង។លោកជំទាវកិត្តិសង្គហបណ្ឌិត មានប្រសាសន៏តាមរយៈសារសម្លេងថា៖មានតែបួងសួងសុំឲ្យបារមីវត្ថុស័ក្តិសិទ្ធ ជួយគាំទ្រនូវនយោបាយរបស់រាជរដ្ឋាភិបាល ដែលខិតខំប្រឹង ប្រែងដាក់ចេញនូវវិធានការណ៏ “៣កុំ៣ការពារ” និងសារនយោបាយជាបន្តបន្ទាប់ យើងខិតខំអនុវត្តផ្សព្វផ្សាយ ដើម្បីបញ្ចៀស។សុំឲ្យស្ត្រីៗ រួមចំណែកផ្សព្វផ្សាយការពារ វិធានការណ៏”៣កុំ៣ ការពារ” បញ្ជ្រៀបឲ្យបានយល់ដឹងគ្រប់ៗគ្នា ។ជាមួយគ្នានោះដែរលោកជំទាវកិត្តិសង្គហបណ្ឌិត “សូមដឹងគុណដល់បារមីព្រះម៉ែធរណី ព្រះម៉ែគង្គា ព្រះអគ្គី ព្រះវាយោ សុំឲ្យលោកជួយ ផាយផាត់ឲ្យអស់នូវឧត្បាតចង្រៃពិសេសអាកូវីដ១៩ហ្នឹង សុំឲ្យធ្លាក់ ទៅក្នុងទឹកសមុទ្រឲ្យអស់ កុំឲ្យមកលងយាយី គំរាមកំហែងដល់ប្រជា ពលរដ្ឋយើងដល់កូនៗ ចៅៗយើងដែលគ្នាអត់ដឹងអីសោះ”។នៅលើបណ្តាញសង្គមហ្វេសបុកសុទ្ធ បានបង្ហាញ នូវអារម្មណ៏ក្តុក ក្តួល នៅពេលដែលកុមារា អាយុ៦ ឆ្នាំម្នាក់នេះ ឆ្លងវីរុសកូវីដ១៩ថ្មីពីម្តាយ រស់នៅ(សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ)ត្រូវបាន ក្រុមគ្រូពេទ្យមកជួយសង្គ្រោះនាំកុមារារូបនោះទៅព្យាបាលជំងឺកូវីដ១៩ និងបានជូនពរឲ្យកុមារារូបនោះឆាប់ជាសះស្បើយពីជំងឺ ដ៏កាចសាហាវនេះផងដែរ។កុមារាតូចក្នុងសំលៀកបំពាក់ខោខ្លីពណ៌ខៀវ ពាក់អាវយឺតពណ៌ស និងពាក់ម៉ាសដើម្បីការពារ តាមវិធានការណ៌អនាម័យរបស់ក្រសួងសុខាភិបាលផងនោះនិងស្ពាយកាបូបសំលៀកបំពាក់ ពាក់ស្បែកជើងប៉ាតា និងកាន់យួរថង់ក្រដាសមួយនៅនឹងដៃដើរសំដៅឡើងឡានសាមុយពេទ្យដែម្នាក់ឯង…

បញ្ហាសំខាន់របស់បុគ្គលគ្រប់រូបដែលជាមនុស្សពេញវ័យនៅពេលនេះ តេីយេីងត្រូវចូលរួមធ្វេីអ្វីខ្លះ ដេីម្បីកុំឱ្យមានការចម្លងបន្តគ្នាបែបនេះ បេីសូម្បីកូនតូចៗ ក៏ឆ្លងដែរហេីយនៅពេលនេះ? គ្មានអ្វីដែលល្អប្រសេីរជាងការនៅផ្ទះ កុំចេញក្រៅផ្ទះ បេីមិនចាំបាច់ បេីចាំបាច់ត្រូវចេញ សុំអនុវត្តន៍វិធានការ ៣ការពារ និង ៣កុំ ដែលបានដាក់ចេញដោយសម្តេចតេជោនាយករដ្ឋមន្ត្រី ឱ្យអនុវត្តន៍ទាំងអស់គ្នា ឱ្យបានម៉ឺងម៉ាត់ជាទីបំផុត អ្នកនៅភ្នំពេញសូមកុំចេញទៅខេត្ត អ្នកនៅខេត្តសូមកុំទាន់អាលចូលមកភ្នំពេញ អ្នកដែលត្រូវធ្វេីចត្តាឡីស័កចំនួន ១៤ថ្ងៃ សូមគោរពអនុវត្តន៍ឱ្យបានត្រឹមត្រូវជាទីបំផុត ផ្អាកឫពន្យាពេលការជួបជុំគ្នាជាចាំបាច់ និងនាំគ្នាធ្វេីការពីផ្ទះតាមអនឡាញ សាមគ្គីគ្នា ជួយអប់រំគ្នាក្នុងគ្រួសារនិមួយៗ (សុខចិត្តទ្រាំលំបាកនៅពេលនេះសិនជាជាងការលំបាកហួសប្រមាណនៅពេលខាងមុខប្រសិនបេីយេីងមិនចូលរួម ៣ការពារ និង ៣កុំទេនោះ ) ទេីបយេីងអាចឆ្លងកាត់ដំណាក់កាលដ៏លំបាកនេះទាំងអស់គ្នាបាន។ ខ្ញុំសូមផ្ញេីជូននូវការជូនពរដល់កុមារាតូចនេះ សូមឱ្យកូនបានជាសះស្បេីយបានឆាប់ៗ និងជូនពរដល់បងប្អូនអ្នកដែលឆ្លងរួចហេីយទាំងអស់ឱ្យឆ្លងកាត់ដំណាក់វ៉ៃលុករបស់សត្រូវអត់ស្រមោលវិលមករកការជាសះស្បេីយឆាប់ៗ និងអ្នកដែលមិនទាន់ឆ្លង សុំកុំឱ្យមានការឆ្លងបន្តគ្នាឱ្យសោះ មានសុខភាពល្អ រួមគ្នាវ៉ៃបកសត្រូវមេីលមិនឃេីញនេះ ដោយអាវុធ ៣ការពារ និង ៣កុំ ។ សូមអរគុណ” សាររបស់លោកជំទាវវេជ្ជបណ្ឌិត ឱ វណ្ណឌីន អ្នកនាំពាក្យក្រសួងសុខាភិបាល