កណ្តាល៖ លោក នុត ពុធដារ៉ា អភិបាលរងខេត្តកណ្តាល រួមជាមួយលោក លោកស្រីប្រធានមន្ទីរ និងក្រុមការងារ បានចុះពិនិត្យការងារប្រយុទ្ធប្រឆាំងជម្ងឺកូវីដ១៩ នៅមណ្ឌលចត្តាឡីស័កមណ្ឌលសុខភាពតេជោ សែន វិហារសួគ៌ នៅព្រឹក ថ្ងៃទី១៨ ខែមីនា ឆ្នាំ២០២១ ។ ជាមួយគ្នានេះ លោកនុត ពុធដារ៉ា បានឧបត្ថម្ភថវិកាចំនួន៦លានរៀលដល់រដ្ឋបាលស្រុកខ្សាច់កណ្តាល នគរបាល កងរាជអាវុធហត្ថស្រុក និងក្រុមគ្រូពេទ្យផងដែរ ។ ក្នុងឱកាសនោះ លោកអភិបាលរង និងក្រុមការងារ បានចុះសួរសុខទុក្ខ និងនាំយកអំណោយចែកជូនគ្រួសារដែលធ្វើចត្តាឡីស័ក នៅតាមផ្ទះ ក្នុងឃុំវិហាសួគ៌ ស្រុកខ្សាច់កណ្តាល ៕ ដោយ / គ្រី សម្បត្តិ

ឯកឧត្តម ជាម ច័ន្ទសោភ័ណ អភិបាលខេត្ត និងជាប្រធានគណៈកម្មាធិការសាខា កាកបាទក្រហមខេត្តត្បូងឃ្មុំ នៅថ្ងៃទី១៨ ខែមីនា ឆ្នាំ២០២១ បាននាំយកអំណោយ សាខាកាកបាទក្រហមខេត្ត ទៅចែកជូនពលករ ដែលកំពុងធ្វើចត្តាឡីស័ក នៅមណ្ឌលវិទ្យាល័យ សម្តេចតេជោ ហ៊ុន សែន សួង ក្នុងក្រុងសួង ។ ក្នុងពិធីសំណេះសំណាល ឯកឧត្តម ជាម ច័ន្ទសោភ័ណ បានពាំនាំប្រសាសន៍ផ្ដាំផ្ញើ និងសួរសុខទុក្ខពីសំណាក់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះបងប្អូន ពលករទាំងអស់ ដោយក្តីនឹករលឹកបំផុត ។ ឯកឧត្តម បានគូសបញ្ជាក់ថា នៅទីណាមានទុក្ខលំបាក ទីនោះ គឺមានវត្តមាន សម្ដេចទាំងទ្វេ ដែលតែងតែព្រួយបារម្ភ ពីសុខទុក្ខបងប្អូនប្រជាពលរដ្ឋ គ្រប់ពេលគ្រប់វេលា ទោះបីសម្ដេច មិនបានអញ្ជើញមកផ្ទាល់ក៏ដោយ តែអំណោយទាំងអស់ គឺបាននាំយកមកផ្ដល់ជូន ដល់ដៃបងប្អូនប្រជាពរដ្ឋគ្រប់ៗគ្នា ។ ឯកឧត្តម ជាម ច័ន្ទសោភ័ណ ក៏បានណែនាំឱ្យបងប្អូន…

នៅថ្ងៃព្រហស្បតិ៍ទី១៨ ខែមីនា ឆ្នាំ២០២១ លោក សែស ប្រាក់ពិសាល អភិបាលរងនៃគណៈអភិបាលស្រុកកោះអណ្តែតខេត្តតាកែវ និងជាអនុប្រធានក្រុមការងារគណបក្សប្រជាជនកម្ពុជាចុះមូលដ្ឋានឃុំក្រពុំឈូក ស្រុកកោះអណ្តែត បាននាំយកនូវអំណោយរបស់ លោកជំទាវ នូ សុវណ្ណនី អនុប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកកោះអណ្ដែត និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានឃុំក្រពុំឈូក រួមមាន អាល់កុល១កាន សាប៊ូ៧២ដុំ និងហ្វុងគណបក្សប្រជាជនកម្ពុជា អំណោយរបស់ ឯកឧត្តម ឈន ថុង អនុប្រធានក្រុមការងារគណបក្សប្រជាជនកម្ពុជាចុះមូលដ្ឋានឃុំក្រពុំឈូក អាល់១កាន និងអំណោយរបស់ក្រុមការងារគណបក្សប្រជាជនកម្ពុជាថ្នាក់ស្រុកចុះមូលដ្ឋានឃុំក្រពុំឈូក ទង់ជាតិចំនួន៧ និងទង់បក្សចំនួន៧ ជូនដល់គណ:កម្មាធិការគណបក្សឃុំក្រពុំឈូក ទុកសម្រាប់ប្រើប្រាស់ក្នុងយុទ្ធនាការទប់ស្កាត់ការឆ្លងរីករាលដាលជម្ងឺកូវីដ-១៩ និងកែលម្អទីស្នាក់ការគណបក្សឃុំ៕ ដោយ -រ៉ាវុធ

ដោយ៖ម៉ាដេប៉ូភ្នំពេញ៖ដើម្បីទប់ស្កាត់ការរីករាលដាលនៃជំងឺកូវីដ-១៩ពិសេសក្នុងព្រឹត្តិការណ៍ ២០កុម្ភៈនៅថ្ងៃទី១៨ ខែមីនា ឆ្នាំ២០២១ នេះក្រសួងយុតិ្តធម៌បានបង្ហាញអំពីបទល្មើសនីមួយៗ ទាក់ទងនឹងការមិនគោរពវិធានការ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ក្នុងនេះមានដូចជា ៖ ១) បទគេចវេះពីការធ្វើចត្តាទ្បីស័ក ឬគេចចេញពីទីកន្លែងធ្វើចត្តាទ្បីស័ក២) បទគេចវេះពីការព្យាបាល ឬគេចចេញពីទីកន្លែងព្យាបាលគួរបញ្ជាក់ថាបើយោងតាមមាត្រា២២ នៃអនុក្រិត្យ៖បទគេចវេះពីការធ្វើចត្តាឡីស័ក ឬគេចចេញពីទីកន្លែងធ្វើចត្តាឡីស័ក ត្រូវផ្តន្ទាទោសជាពិន័យអន្តរការណ៍ពី១លានរៀលទៅ៥លានរៀល(បើមិនបានបណ្តាលឱ្យមានការចម្លងជំងឺកូវីដ-១៩ដល់អ្នកដទៃ)។ ដោយឡែកមាត្រា៧នៃច្បាប់វិញគឺបទគេចវេះពីការធ្វើចត្តាឡីស័ក ឬ គេចចេញពីកន្លែងធ្វើចត្តាឡីស័ក ត្រូវផ្តន្ទាទោសដាក់ពន្ធនាគារពី ៦ ខែទៅ ៣ឆ្នាំ និង ពិន័យជាប្រាក់ពី២លានរៀលទៅ១០លានរៀល(បើបានបណ្តាលឱ្យមានការចម្លងជំងឺកូវីដ-១៩ដល់អ្នកដទៃ)។ ចំពោះមាត្រា៨នៃច្បាប់-បទគេចវេះពីការព្យាបាល ឬគេចចេញពីទីកន្លែងព្យាបាល ត្រូវផ្តន្ទាទោសដាក់ពន្ធនាគារពី ១ឆ្នាំទៅដល់៥ឆ្នាំនិងពិន័យជាប្រាក់ពី ៥លានរៀលទៅ២០លានរៀល។-បទគេចវេះពីការព្យាបាល ឬគេចចេញពីទីកន្លែងព្យាបាលត្រូវផ្តន្ទាទោសដាក់ពន្ធនាគារពី ៥ឆ្នាំទៅ១០ឆ្នាំ(ប្រើបានបណ្តាលឱ្យមានការចម្លងជំងឺកូវីដ-១៩ដល់អ្នកដទៃ)៕

នាយឧត្ដមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ នៅថ្ងៃទី១៨មីនាឆ្នាំ២០២១ បានចេញសេចក្តីណែនាំស្ដីពីការបង្ការ ការពារ និងទប់ស្កាត់ការរាតត្បាតនៃជំងឺ កូវីដ-១៩ ក្នុងជួរកងទ័ព។ សេចក្ដីណែនាំបានបញ្ជាក់ថា ដោយមានការព្រួយបារម្ភចំពោះស្ថានភាពនៃជំងឺកូវីដ-១៩ បានរីករាលដាលកាន់តែធំនៅរាជធានីភ្នំពេញ និងខេត្តមួយចំនួនទៀត ជាពិសេសការរាលដាលចូលទៅក្នុងអង្គភាពមួយចំនួននៃកងយោធពលខេមភូមិន្ទនាពេលថ្ងៃនេះ។ ដើម្បី បង្ការ ការពារ និងទប់ស្កាត់ការរាតត្បាតនៃជំងឺ កូវីដ-១៩ ក្នុងជួរកងទ័ព អគ្គមេបញ្ជាការនៃកងយោធពលខេមរភូមិន្ទបានណែនាំ ដល់មេបញ្ជាការប្រភេទទ័ព ទ័ពជំនាញ និងនាយកស្ថាប័ន ចំណុះអគ្គបញ្ជាការដ្ឋានទាំងអស់ ត្រូវបន្តអនុវត្តឱ្យបានម៉ឺងម៉ាត់បំផុតនូវវិធានការសុខាភិបាល ជាពិសេសវិធានការ ៣ការពារ ៣កុំ របស់ រាជរដ្ឋាភិបាលក្នុងការប្រយុទ្ធប្រឆាំងនឹងជំងឺកូវីដ-១៩។ ផ្សព្វផ្សាយដល់យោធិនចំណុះ ឱ្យបានជ្រួតជ្រាប និងអនុវត្ត ឱ្យបាន ខ្ជាប់ខ្ជួននូវច្បាប់ និងអនុក្រឹត្យ ស្ដីពីវិធានការសុខាភិបាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិង ប្រកបដោយ គ្រោះ ថ្នាក់ធ្ងន់ធ្ងរផ្សេងទៀត។ ត្រួតពិនិត្យទីតាំងចត្តាឡីស័កនៅក្នុងអង្គភាពរៀងៗខ្លួនដែលបានរៀបចំកន្លងមក សម្រាប់ធ្វើចត្តាឡីស័ក ក្នុងករណីដែលយោធិន នៅក្នុងអង្គភាពមានការពាក់ព័ន្ធជាមួយអ្នកជំងឺកូវីដ-១៩។ ត្រូវបង្កើនការប្រុងប្រយ័ត្នខ្ពស់ និងរឹតបន្តឹងការគ្រប់គ្រងកម្លាំង ទាំងកម្លាំងជំនាញ កម្លាំងសុខាភិបាល និងកម្លាំងអន្តរាគមន៍ ដើម្បីត្រៀមលក្ខណៈក្នុងករណីមានបទបញ្ជា។ យោងតាមសារសម្លេងរបស់រដ្ឋមន្ត្រីក្រសួងការពារជាតិសម្ដេចពិជ័យសេនាទៀ…

យោងតាមក្រសួងសុខាភិបាលនៅថ្ងៃទី១៨មីនាឆ្នាំ២០២១ បានឲ្យដឹងថា គេបានរកឃើញករណីវិជ្ជមានវីរុសកូវិដ-១៩ចំនួន៣៦នាក់ ក្នុងនោះអ្នកដែលពាក់ពន្ធ័នឹងព្រឹត្តិការសហគមន៍២០កុម្ភៈមានចំនួន៣៥នាក់។ ជាមួយគ្នានោះដែរ ក្រសួងសុខាភិបាលក៏បានបញ្ជាក់ដែរថា មានអ្នកជាសះស្បើយពីជំងឺកូវីដ-១៩ចំនួន៥៨នាក់។ កម្ពុជាគិតមកដល់ថ្ងៃ១៨មីនាឆ្នាំ២០២១ មានអ្នកឆ្លងជំងឺកូវីដ-១៩សរុបចំនួន១ពាន់៥៤១នាក់ ក្នុងនោះបានព្យាបាលជាសះស្បើយចំនួន៨៩៨នាក់ នៅសល់៦៤០នាក់កំពុងសម្រាកព្យាបាល និងមានអ្នកស្លាប់ម្នាក់។