សេចក្តីប្រកាសព័ត៌មានរបស់ខេត្តព្រះសីហនុ ស្តីពីករណីមរណភាព បុរសជនជាតិចិនឈ្មោះ RAO SHAOXING ភេទ ប្រុស អាយុ២៧ឆ្នាំ កាលពីថ្ងៃទី១៤ ខែមីនា ឆ្នាំ២០២១ កន្លងមក។

ក្រសួងផែនការ ចេញសេចក្តីសម្រេចស្តីពីការបង្កើតអនុគណៈកម្មាការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌក្រសួងផែនការ ដើម្បីសម្របសម្រួល គ្រប់គ្រង ដឹកនាំ និងការងារប្រតិបត្តិការចាក់វ៉ាក់សាំង ជាមួយក្រសួងសុខាភិបាល ជូនថ្នាក់ដឹកនាំ មន្ត្រីរាជការនៃក្រសួងផែនការ។ដោយ -រ៉ាវុធ

កម្លាំងគអន្តរាគមន៍ កងរាជអាវុធហត្ថរាជធានីភ្នំពេញ ចុះនាំខ្លួនបុរសម្នាក់ ដែលចង់គេចវេសមិនព្រមផ្តល់សំណាកតាមការស្នើសុំរបស់គ្រូពេទ្យ។

អភិបាលក្រុងកំពង់ឆ្នាំងបានធ្វើការអំពាវនាវដល់បងប្អូនប្រជាពលរដ្ឋក៍ដូចជាអាជ្ញាធមូលដ្ឋានភូមិ.ឃុំសង្កាត់និងសមត្ថកិច្ចសូមអោយផ្អាកជាបណ្តោះអាសន្ន៍នូវកម្មវិធីមង្គល់ការ ពិធីជលៀង និងការជួបជុំផ្សេងៗដែលមានមនុស្សជួបជុំច្រើននៅតាមកន្លែងផ្សេងៗចាប់ពីពេលនេះតទៅរហូតដល់មានការជូនដំណឹងជាថ្មីវិញផងដែរ ដើម្បីចូលរួមទប់ស្កាត់នៃការរីករាលដាលជម្ងឺកូវិច ១៩ទៅក្នុងសហគមន៍។ អភិបាលក្រុងកំពង់ឆ្នាំងបានធ្វើការពន្យល់ណែនាំបងប្អូនប្រជាពលរដ្ឋបង្កើនការប្រុងប្រយត្ន័ខ្ពស់និងអនុវត្តន៍តាមការណែនាំរបស់ក្រសួងសុខាភិបាលនិងអនុវត្តវិធានការ៣កុំនិង៣ការពារនេះផងដែរ ៕ដោយសុក្ខារិន

នៅយប់ថ្ងៃទី១៧ ខែមីនា ឆ្នាំ២០២១ សមាជិក សមាជិកា ក្រុមគ្រួសារសហភាពសហព័ន្ធយុវជនកម្ពុជា រាជធានីភ្នំពេញបានរៀបចំ វេចខ្ចប់ និងនាំយក សម្ភារចំនួន ១០១កញ្ចប់ ដែល នៅក្នុង ១កញ្ចប់ៗមាន៖ ក្រមា ភេសជ្ជៈប៉ូការីស្វេត តែបៃតង ទឹកបរិសុទ្ធ ផ្លែប៉ោម ចេក ក្រូច និងនំប៉័ង ទៅចែកជូនក្រុមការងារ គ្រូពេទ្យ កងកម្លាំងចម្រុះ ដែល កំពុង ប្រចាំការ និងបងប្អូនដែលកំពុងធ្វើចត្តាឡីស័ក នៅអនុវិទ្យាល័យដង្កោរ។

ខេត្តតាកែវ ៖ បើតាមការបញ្ជាក់ពី លោក កេត ម៉ៅ អភិបាលស្រុកសំរោង នៅរសៀលថ្ងៃទី ១៧ ខែមីនា ឆ្នាំ២០២១នេះ ភូមិពន្លឺ ឃុំជំរះពេន និងភូមិត្បាច ឃុំជើងគួ នៃស្រុកសំរោង ខេត្តតាកែវ ត្រូវបានបិទជាបណ្តោះអាសន្ន ដើម្បីចូលរួមទប់ស្កាត់ និងបង្ការការឆ្លងរីករាលដាលនៃជំងឺកូវីដ-១៩ កុំឱ្យកើតមានឡើង នៅសហគមន៍ ។ លោកអភិបាលស្រុកសំរោង ក៏សូមធ្វើការអំពាវនាវ ដល់ឱ្យបងប្អូនប្រជាពលរដ្ឋ បង្កើនការប្រុងប្រយ័ត្ន កុំនៅជិត ឬប៉ះពាល់អ្នក ដែលមកពីតំបន់ផ្សេង ដែលមានហានិភ័យខ្ពស់ ជាពិសេស ត្រូវស្ដាប់តាមការណែនាំរបស់ ក្រសួងសុខាភិបាល និងអនុសាសន៍ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា ៣កុំ ៣ការពារ ។លោក កេត ម៉ៅ អភិបាលស្រុក បានបន្តថា រដ្ឋបាលស្រុកសំរោង បានសម្រេចបិទ ការចេញចូលភូមិចំនួន២ទៀត ដែលមានអ្នកប៉ះពាល់ អ្នកមានវិជ្ជមានកូវិដ-១៩ ៕

អភិបាលខេត្តព្រៃវែង នាំយកអំណោយ និងសម្ភារមួយចំនួនចែកជូនដល់ប្រជាពលរដ្ឋដែលមកពីប្រទេសថៃនៅកន្លែងធ្វើចត្តាឡីស័ក ថ្ងៃពុធ ទី១៧ ខែមីនា ឆ្នាំ២០២១ ឯកឧត្តម ជា សុមេធី អភិបាលខេត្តព្រៃវែង និងលោកជំទាវ ព្រមជាមួយលោកអភិបាលរងខេត្ត និងសហការី បាននាំនូវអំណោយ និងសម្ភារមួយចំនួន ដើម្បីចែកជូនដល់ប្រជាពលរដ្ឋដែលមកពីប្រទេសថៃនៅកន្លែងធ្វើចត្តាឡីស័ក វិទ្យាល័យ ហ៊ុន សែន កំពង់លាវ និងបានបែងចែកអំណោយសម្ភារ ជាច្រើនផ្សេងទៀត ដល់បណ្តាអាជ្ញាធរក្រុងស្រុកទាំង១៣ដើម្បីជួយឧបត្ថម្ភកន្លែងធ្វើចត្តាឡីស័កក្នុងស្រុករបស់ខ្លួននីមួយៗ។ សូមបញ្ជាក់ផងថា ទាំងអស់នេះ ជាអំណោយដ៏ថ្លៃថ្លាដែលកើតចេញការផ្តួចផ្តើមពីភរិយា ឯកឧត្តម អភិបាល ខេត្ត បានខិតខំ គៀរគងសប្បុរសជននានា ដើម្បីជួយសម្រួលដល់ការលំបាកខ្លះៗដែលបងប្អូនប្រជាពលរដ្ឋវិលត្រឡប់ពីប្រទេសថៃ ដែលកំពុងត្រូវធ្វើចត្តាឡីស័កនាពេលនេះ។ នេះជាកាយវិការ និង ទឹកចិត្តដ៏ស្មោះសរបស់សប្បុរសជនទាំងអស់ ដែលមានសទ្ធាជ្រះថ្លា តែងតែគិតគូរយកចិត្តទុកដាក់ចំពោះសុខទុក្ខ និងសុខុមាលភាពរបស់បងប្អូនពលករដែលមកធ្វើចត្តាឡីស័ក ទោះបីជាមានការលំបាកយ៉ាងណាក៏ដោយ ក៏ត្រូវខិតខំជួយបងប្អូនអោយអស់លទ្ធភាព។ លើសពីនេះទៀតដែរ ឯកឧត្តម អភិបាល ខេត្ត បានអំពាវនាវដល់បងប្អូនពលករទាំងអស់ និងបណ្តាអាជ្ញាធរក្រុង-ស្រុកធ្វើការផ្សព្វផ្សាយបន្ត ដោយសូមចូលរួមគ្នាទប់ស្កាត់ជម្ងឺរាតត្បាតតាមរយៈ “៣ការពារ ៣កុំ” ដែលនេះ ជាការចូលរួមប្រយុទ្ធប្រឆាំងបង្ការទប់ស្កាត់ជាមួយរាជរដ្ឋាភិបាល និងអនុវត្តនូវវិធានការ និងសេចក្ដីណែនាំរបស់ក្រសួងសុខាភិបាល៕…