អាជ្ញាធរស្រុកកោះធំ ខេត្តកណ្ដាល ស្នើឱ្យផ្អាកអាជីវកម្មគ្រប់ប្រភេទ ដើម្បីជៀសវាងការចម្លងកូវីដ-១៩ ទ្រង់ទ្រាយធំ។ ដោយ -រ៉ាវុធ

ក្រសួងអប់រំចេញសេចក្ដីណែនាំស្ដីពីការពង្រឹងវិធានការសុវត្ថិភាពសុខភាពសិក្សានៅតាមគ្រឹះស្ថានសិក្សា ដើម្បីចូលរួមបង្ការ និងទប់ស្កាត់ការរាតត្បាតនៃជំងឺកូវីដ-១៩។

ឯកឧត្តម ឧត្តមសេនីយឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងជាប្រធានអនុគណៈកម្មការគ្រប់គ្រងសន្តិសុខ និងសណ្តាប់ធ្នាប់នៅតាមគោលដៅ និងតំបន់ចត្តាឡីស័ក នៅថ្ងៃទី១៧ ខែមីនា ឆ្នាំ២០២១ នេះ បានអញ្ជើញពិនិត្យ និងជួយរៀបចំវិធានការដើម្បីគ្រប់គ្រងទីតាំងដែលទើបបានប្រែក្លាយជាមន្ទីរពេទ្យព្យាបាលជំងឺកូវីដ-១៩ និងកន្លែងចត្តាឡីស័កសម្រាប់អ្នកមានហានិភ័យខ្ពស់ក្នុងការឆ្លងជំងឺនេះនៅតំបន់ជ្រៃធំ។ បើយោងតាម ផេកហ្វេសប៊ុកផ្លូវការរបស់ ឯកឧត្តម ហ៊ុន ម៉ាណែត ការអញ្ជើញចុះត្រួតពិនិត្យនេះគឺឆ្លើយតបទៅនឹងសំណូមពរពីអជ្ញាធរខេត្តកណ្តាលដែលកំពុងធ្វើការព្យាបាលអ្នកជំងឺកូវីដ-១៩ និងដោយសារករណីអ្នកវិជ្ជមានកូវីដ-១៩ នៅក្នុងខេត្តមានការកើនឡើងជាគំហុកក្នុងប៉ុន្មានថ្ងៃនេះជាពិសេសនៅតំបន់ជ្រៃធំតែម្តង ដែលក្រុមការងារបច្ចេកទេសសុខាភិបាល ត្រូវរៀបចំវិធានការដើម្បីគ្រប់គ្រងទីតាំងដែលទើបបានប្រែក្លាយជាមន្ទីរពេទ្យព្យាបាលជំងឺកូវីដ-១៩ និងកន្លែងចត្តាឡីស័កសម្រាប់អ្នកមានហានិភ័យខ្ពស់ក្នុងតំបន់នេះផងដែរ។ សូមជម្រាបជូនថាស្ថានភាពជំងឺកូវីដ-១៩ ក្នុងខេត្តកណ្តាល នៅប៉ុន្មានថ្ងៃចុងក្រោយនេះ មានការកើនឡើងជាគំហុក។ សម្រាប់ខេត្តកណ្តាលថ្ងៃនេះដែរក្រសួងសុខាភិបាលកម្ពុជាប្រកាសរកឃើញអ្នកវិជ្ជមានកូវីដ-១៩ ចំនួន ២២នាក់ ខណៈដែលថ្ងៃម្សិលមិញ រកឃើញអ្នកវិជ្ជមានកូវីដ-១៩ រហូតដល់ចំនួន ៦៤នាក់។ សូមបញ្ជាក់ថា គិតត្រឹមម៉ោង៧៖០០នាទីព្រឹកថ្ងៃទី១៧ ខែមីនា ឆ្នាំ២០២១នេះ តួលេខជាសរុប កម្ពុជាបានរកឃើញអ្នកឆ្លងកូវីដ-១៩ ចំនួន ១,៥០៥នាក់ ក្នុងនោះមានអ្នកជាសះស្បើយចំនួន ៨៤០នាក់, និងអ្នកជំងឺកំពុងសម្រាកព្យាបាលចំនួន ៦៦២នាក់ និងករណីស្លាប់ចំនួន ០១នាក់៕ដោយ -រ៉ាវុធ

ក្រសួងអប់រំ យុវជន និងកីឡា ជូនដំណឹងស្តីពីការត្រៀមលក្ខណៈ ដើម្បីសម្របសម្រួលការចាក់វ៉ាក់សាំងការពារកូវីដ-១៩ ដល់បុគ្គលិកអប់រំ រាជធានីភ្នំពេញ ខេត្តកណ្តាល ព្រៃវែង ព្រះសីហនុ និងខេត្តកោះកុង ៕

លោកឧត្តមសេនីយឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងជាប្រធានអនុគណៈកម្មការគ្រប់គ្រងសន្តិសុខ និងសណ្តាប់ធ្នាប់នៅតាមគោលដៅ និងតំបន់ចត្តាឡីស័ក នៅថ្ងៃទី១៧មីនា ឆ្នាំ២០២១ បានអញ្ជើញពិនិត្យ និងជួយរៀបចំវិធានការដើម្បីគ្រប់គ្រងទីតាំងដែលទើបបានប្រែក្លាយជាមន្ទីរពេទ្យព្យាបាលជំងឺកូវីដ-១៩ និងកន្លែងចត្តាឡីស័កសម្រាប់អ្នកមានហានិភ័យខ្ពស់ក្នុងការឆ្លងជំងឺនេះនៅតំបន់ជ្រៃធំ ខេត្តកណ្ដាល។បើយោងតាម ទំព័រហ្វេសប៊ុកផ្លូវការរបស់ លោកឧត្តមសេនីយ៍ឯក ហ៊ុន ម៉ាណែត នៅព្រឹកថ្ងៃទី១៧មីនាឆ្នាំ២០២១ ដំណើរចុះពិនិត្យនោះ គឺធ្វើឡើងដោយឆ្លើយតបទៅនឹងសំណូមពរពីអជ្ញាធរខេត្តកណ្តាលដែលកំពុងធ្វើការព្យាបាលអ្នកជំងឺកូវីដ-១៩ និងដោយសារករណីអ្នកវិជ្ជមានកូវីដ-១៩ នៅក្នុងខេត្តមានការកើនឡើងជាគំហុកក្នុងប៉ុន្មានថ្ងៃនេះជាពិសេសនៅតំបន់ជ្រៃធំតែម្តង ដែលក្រុមការងារបច្ចេកទេសសុខាភិបាល ត្រូវរៀបចំវិធានការដើម្បីគ្រប់គ្រងទីតាំងដែលទើបបានប្រែក្លាយជាមន្ទីរពេទ្យព្យាបាលជំងឺកូវីដ-១៩ និងកន្លែងចត្តាឡីស័កសម្រាប់អ្នកមានហានិភ័យខ្ពស់ក្នុងតំបន់នេះផងដែរ។ សូមជម្រាបជូនថាស្ថានភាពជំងឺកូវីដ-១៩ ក្នុងខេត្តកណ្តាល នៅប៉ុន្មានថ្ងៃចុងក្រោយនេះ មានការកើនឡើងជាគំហុក។ សម្រាប់ខេត្តកណ្តាលថ្ងៃទី១៧មីនាឆ្នាំ២០២១ បានឃើញអ្នកវិជ្ជមានកូវីដ-១៩ ចំនួន២២នាក់ ខណៈដែលថ្ងៃ១៦មីនា បានរកឃើញអ្នកវិជ្ជមានកូវីដ-១៩ រហូតដល់ចំនួន៦៤នាក់។ ខេត្តកណ្ដាលគិតមកដល់ថ្ងៃទី១៧មីនាឆ្នាំ២០២១ មានករណីវិជ្ជមានវីរុសកូវីដ-១៩ចំនួន១៥៨នាក់។ កម្ពុជា គិតត្រឹមម៉ោង៧ព្រឹកថ្ងៃទី១៧ មីនា ឆ្នាំ២០២១ តួលេខជាសរុប បានរកឃើញអ្នកឆ្លងកូវីដ-១៩ ចំនួន ១ពាន់៥០៥នាក់ ក្នុងនោះមានអ្នកជាសះស្បើយចំនួន៨៤០នាក់, នៅសល់អ្នកជំងឺកំពុងសម្រាកព្យាបាលចំនួន ៦៦២នាក់ និងករណីស្លាប់ចំនួន១នាក់៕

យោងតាមក្រសួងសុខាភិបាលនៅថ្ងៃទី១៧មីនាឆ្នាំ២០២១ បានឲ្យដឹងថា គេបានរកឃើញករណីវិជ្ជមានវីរុសកូវិដ-១៩ចំនួន៧៥នាក់ ដែលអ្នកទាំងនោះពាក់ពន្ធ័នឹងព្រឹត្តិការសហគមន៍២០កុម្ភៈទាំងអស់។ ជាមួយគ្នានោះដែរ ក្រសួងសុខាភិបាលក៏បានបញ្ជាក់ដែរថា មានអ្នកជាសះស្បើយពីជំងឺកូវីដ-១៩ចំនួន២២នាក់។ កម្ពុជាគិតមកដល់ថ្ងៃ១៧មីនាឆ្នាំ២០២១ មានអ្នកឆ្លងជំងឺកូវីដ-១៩សរុបចំនួន១ពាន់៥០៥នាក់ ក្នុងនោះបានព្យាបាលជាសះស្បើយចំនួន៨៤០នាក់ នៅសល់៦៦២នាក់កំពុងសម្រាកព្យាបាល និងមានអ្នកស្លាប់ម្នាក់។