សូមរង់ចាំទស្សនា ចេញផ្សាយនៅពេលឆាប់ៗនេះ ភាពយន្តភាគ បង្ហាញពីជីវិតគ្រូពេទ្យដែលពលិកម្មដើម្បីមនុស្សជាតិ ប្រឆាំងនឹងជំងឺកូវីដ-១៩។

តាកែវ៖ អាជ្ញាធរស្រុកអង្គរបូរី សហការជាមួយគណៈកម្មាធិការសហភាពសហព័ន្ធយុវជនកម្ពុជាស្រុក ដឹកនាំដោយលោក ឌឹម គឹមសាន ជាអភិបាលស្រុក នៅព្រឹកថ្ងៃអង្គារិ៍នេះ បានចុះផ្សព្វផ្សាយអនុក្រឹត្យស្តីពីវិធានការសុខាភិបាលដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងនធ្ងរផ្សេងទៀត ទៅដល់បងប្អូនប្រជាពលរដ្ឋនៅក្នុងមូលដ្ឋាន ឱ្យបានយល់ដឹងកាន់តែច្បាស់ថែមទៀត ។ លោក ឌឹម គឹមសាន អភិបាលស្រុកអង្គរបូរី បានបញ្ជាក់ថា ការចុះផ្សព្វផ្សាយខ្លឹមសារអនុក្រឹត្យ ស្តីពីវិធានការសុខាភិបាលដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងនធ្ងរផ្សេងទៀត របស់រាជរដ្ឋាភិបាល ជូនដល់ប្រជាពលរដ្ឋនៅក្នុងស្រុកអង្គរបូរីនេះ ក្នុងគោលបំណងឱ្យប្រជាពលរដ្ឋចូលរួមក្នុងការអនុវត្តវិធានការណែនាំរបស់ក្រសួងសុខាភិបាល នឹងរួមគ្នាប្រយុទ្ធប្រឆាំង ការការពារ នឹងទប់ស្កាត់ការរីករាលដាលជំងឺCOVID-19នៅក្នុងសហគមន៍ ២០កុម្ភៈ និងវិធានការការពារជំងឺCOVID-19របស់រាជរដ្ឋាភិបាលគឺ បីការពារ: ១.ពាក់ម៉ាស់ ២.លាងដៃ ៣កម្លាតសង្គម កម្លាតបុគ្គល បីកុំ: ១.កុំចូលទៅកន្លែងបិទជិត ២.កុំទៅកន្លែងមានមនុស្សច្រើន ៣.កុំប៉ះពាល់គ្នា កុំចាប់ដៃគ្នា កុំគៀកស្មាគ្នា កុំឱបគ្នាជាដើម ៕

រដ្ឋបាលខេត្តកណ្ដាលនារសៀលថ្ងៃទី១៦ ខែមីនា ឆ្នាំ២០២១នេះ បានចេញសេចក្ដីជូនដំណឹងស្តីពី ការផ្អាកការរៀបចំពិធីមង្គលការ ពិធីជប់លៀង និងការជួបជុំ តាមបែបសាសនានា បណ្តោះអាសន្នក្នុងភូមិសាស្ត្រ ខេត្តកណ្ដាល ដើម្បីទប់ស្កាត់ការឆ្លងរីករាលដាលជំងឺកូវីដ-១៩។ យោងតាមសេចក្តីលិខិតជូនដំណឹង រដ្ឋបាលខេត្តកណ្តាលបានណែនាំដល់អភិបាលក្រុង-ស្រុក, មេឃុំ-ចៅសង្កាត់ អនុវត្តតាមគោលការណ៍ណែនាំដូចខាងក្រោម ៖ ទី១៖ ត្រូវផ្អាកជាបណ្តោះអាសន្ននូវការអនុញ្ញាតច្បាប់សម្រាប់រៀបចំពិធីមង្គលការ ពិធីជប់លៀង និងការជួបជុំ តាមបែបសាសនានានា ក្នុងរូបភាពប្រមូលផ្តុំចាប់ពីជូន ដំណឹងនេះតទៅ រហូតដល់មានការជូនដំណឹងជាថ្មី។ ទី២៖ ចំពោះករណីបុណ្យសព អាចប្រារព្ធបានជាធម្មតាតាមប្រពៃណី ប៉ុន្តែត្រូវធ្វើឡើងតែក្នុងរង្វង់សាច់ញាតិ ក្រុមគ្រួសារដោយត្រូវកាត់ បន្ថយមនុស្សចូលរួម ឱ្យនៅកម្រិតទាបបំផុត។ ទី៣៖ ត្រូវធ្វើការណែនាំដល់ប្រជាពលរដ្ឋឱ្យអនុវត្តតាមវិធានការណែនាំរបស់ក្រសួងសុខាភិបាលឱ្យបានម៉ឺងម៉ាត់ ដូចជា ការធ្វើអនាម័យ ការពាក់ម៉ាស ការរក្សាគម្លាត សុវត្ថិភាពសង្គម ការរក្សាគម្លាតសុវត្ថិភាពបុគ្គល និងវិធានការសុខាភិបាលផ្សេងទៀត។ ទី៤៖ ត្រូវអនុវត្តវិធានការច្បាប់ដែលមានជាធរមាន ចំពោះជនណាដែលបំពានការណែនាំ និងមិនសហការជាមួយ នឹងអាជ្ញាធរមូលដ្ឋានក្នុងការងារទប់ស្កាត់ ការឆ្លងរាលដាលនៃជំងឺកូវីដ-១៩។ សូមបញញចាក់ថា ចំណាត់ការប្រឆាំងនឹងជំងឺកូវី-១៩ របស់រដ្ឋបាលខេត្តកណ្ដាល បានធ្វើឡើងក្រោយប្រទេសកម្ពុជាបានផ្ទុះឡើងនូវព្រឹត្តិការណ៍ «សហគមន៍ ២០ កុម្ភៈ» កំពុងរីករាលដាលនៅក្នុងប្រទេសកម្ពុជា។ រដ្ឋបាលខេត្តបានជំរុញឱ្យសាថារណជនចូលរួមអនុវត្តតាមការណែនាំរបស់រាជរដ្ឋាភិបាល…

ភ្នំពេញ៖ តាមរយៈទំព័រហ្វេសប៊ុកផ្លូវការនៅរសៀលថ្ងៃទី១៦ ខែមីនា ឆ្នាំ២០២១ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអរគុណដល់ក្រុមគ្រូពេទ្យស្ម័គ្រចិត្តទាំងអស់ ដែលបានចូលរួមលះបង់កម្លាំងកាយចិត្ត បើទោះបីជាដឹងថា ជំងឺកូវីដ-១៩នេះ ជាឃាតករលាក់មុខក៏ដោយ ហើយការលះបង់របស់ក្រុមគ្រូពេទ្យ គឺជាតម្លៃដ៏ធំធេងសម្រាប់ជួយសង្គ្រោះជីវិតមនុស្ស ។ ដើម្បីចៀសវាងការពារពីជំងឺកូវីដ-១៩ សម្ដេចតេជោ នាយករដ្ឋមន្ត្រី បានបន្តអំពាវនាវដល់ បងប្អូនប្រជាពលរដ្ឋគ្រប់រូប អនុវត្តតាមវិធានសុខាភិបាលអោយបានម៉ត់ចត់ និងបន្តចូលរួមជាមួយវិធានការ «៣ការពារ ៣កុំ» ឲ្យបានល្អប្រសើរ ដើម្បីចៀសវាងការពារពីជំងឺកូវីដ-១៩ ។ ជាមួយគ្នានេះ សម្តេចតេជោ ហ៊ុន សែន ក៏បានណែនាំដល់ប្រជាពលរដ្ឋគ្រប់ក្រុមគ្រួសារ បើមិនមានការចាំបាច់ទេ គឺ “កុំចេញក្រៅផ្ទះ” ហើយប្រសិនបើចេញក្រៅផ្ទះ ត្រូវតែពាក់ម៉ាសឲ្យបានម៉ត់ចត់ ព្រោះឥឡូវនេះ យើងមិនដឹងថា ជំងឺកូវីដ-១៩ ពិតប្រាកដនៅទីណានោះទេ ៕ ដោយ វណ្ណលុក

ភ្នំពេញ៖ តាមរយៈទំព័រហ្វេសប៊ុកផ្លូវការនារសៀលថ្ងៃទី១៦ ខែមីនា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបន្តអំពាវនាវដល់ បងប្អូនប្រជាពលរដ្ឋគ្រប់រូប អនុវត្តតាមវិធានសុខាភិបាលអោយបានម៉ត់ចត់ និងបន្តចូលរួមជាមួយវិធានការ «៣ការពារ ៣កុំ» ឲ្យបានល្អប្រសើរ ដើម្បីចៀសវាងការពារពីជំងឺកូវីដ-១៩ ។ ជាមួយគ្នានេះ សម្តេចតេជោ ហ៊ុន សែន ក៏បានណែនាំដល់ប្រជាពលរដ្ឋគ្រប់ក្រុមគ្រួសារ បើមិនមានការចាំបាច់ទេ គឺ “កុំចេញក្រៅផ្ទះ” ហើយប្រសិនបើចេញក្រៅផ្ទះ ត្រូវតែពាក់ម៉ាសឲ្យបានម៉ត់ចត់ ព្រោះឥឡូវនេះ យើងមិនដឹងថា ជំងឺកូវីដ-១៩ ពិតប្រាកដនៅទីណានោះទេ។ សូមបញ្ជាក់ថា ក្រសួងសុខាភិបាល នៅព្រឹកថ្ងៃទី១៦ ខែមីនា ឆ្នាំ២០២១ បានចេញសេចក្តីជូនព័ត៌មាន ស្ដីពីករណីវិជ្ជមានកូវីដ-១៩ថ្មី ចំនួន១០៥នាក់ និងមានអ្នកជាសះស្បើយ ៨៨នាក់ ។ ករណីវិជ្ជមានថ្មី និងជាសះស្បើយខាងលើនេះ សុទ្ធតែជាអ្នកជាប់ទាក់ទងនឹង «ព្រឹត្តិការណ៍សហគមន៍២០កុម្ភៈ»។ តាមក្រសួងសុខាភិបាល រហូតមកដល់ពេលនេះ បានរកឃើញអ្នកឆ្លងវីរុសកូវីដ-១៩ សរុប ១៤៣០ករណី ក្នុងនោះ អ្នកជំងឺ៨១៤នាក់ បានជាសះស្បើយ…

ភ្នំពេញ ៖ ឯកឧត្តមបណ្ឌិត លី ឆេង តំណាងរាស្ត្រមណ្ឌលរាជធានីភ្នំពេញ និងជាអគ្គនាយក ប៊ែលធី គ្រុប និង លោក ឌី រ័ត្នខេមរុណ អភិបាលរងខណ្ឌមានជ័យ ដែលជាតំណាង ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ នៅវេលាព្រឹកថ្ងៃអង្គារ ៣កើត ខែចេត្រ ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី១៦ ខែមីនា ឆ្នាំ២០២១ បាននាំយកអាហារូបករណ៍ពិសេសសិក្សារយៈពេល ១២ឆ្នាំ របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ប្រគល់ជូនលោកស្រី វ៉េង សុម៉ាលី ដែលត្រូវជាប្រពន្ធរបស់លោក ឡៅ វណ្ណា ដែលបានទទួលមរណភាព ដោយសារជំងឺកូវីដ-១៩ កាលពីថ្ងៃទី១១ ខែមីនា ឆ្នាំ២០២១ សម្រាប់ផ្តល់ជូនកូនៗក្នុងបន្ទុកទាំង ៤នាក់…

ក្រសួងសុខាភិបាលរកឃើញអ្នកឆ្លងថ្មីជំងឺកូវីដ-១៩ចំនួន១០៥នាក់ និងជាសះស្បើយចំនួន៨៨នាក់។ យោងតាមក្រសួងសុខាភិបាលបានឲ្យដឹងថា នៅថ្ងៃសទី១៥មីនាឆ្នាំ២០២១ មានករណីវិជ្ជមានវីរុសកូវីដ-១៩ចំនួន១០៥នាក់ ដែលអ្នកឆ្លងថ្មីទាំងនោះពាក់ពន្ធ័នឹងព្រឹត្តិការណ៍សហគន៍២០កុម្ភៈ។