-
អ៊ីរ៉ង់សម្រេចផ្អាកជើងហោះហើរមកពីអ៊ីរ៉ាក់ទាំងអស់មួយសប្តាហ៍ ដោយសារព្រួយបារម្ភពីការឆ្លងរីករាលដាលជំងឺ Covid-19 បំប្លែងខ្លួនប្រភេទថ្មី
អ៊ីរ៉ង់៖ រាល់ជើងហោះហើរទាំងអស់មកពីប្រទេសអ៊ីរ៉ាក់ ត្រូវបានផ្អាក ឬពន្យារពេលមួយសប្តាហ៍គិតត្រឹមថ្ងៃអាទិត្យ នេះបើតាមសេចក្តីថ្លែងការណ៍របស់អង្គភាពអាកាសចរណ៍ស៊ីវិលប្រទេសអ៊ីរ៉ង់ ។ សេចក្តីថ្លែងការណ៍ដែលចុះផ្សាយទីភ្នាក់ងារសារព័ត៌មានរដ្ឋរបស់អ៊ីរ៉ង់ IRNA បានអោយដឹងថា ការសម្រេចចិត្តបែបនេះ ត្រូវបានធ្វើឡើងជាវិធានការការពារជាមុន ដើម្បីការពារសុខភាពរបស់ប្រជាជនអ៊ីរ៉ង់ ចំពេលមានការរីករាលដាលនៃវីរុស Covid-19 បំប្លែងខ្លួនប្រភេទថ្មី ។ ជាមួយគ្នានេះ ក្រុមហ៊ុនអាកាសចរណ៍ទាំងអស់ត្រូវជូនដំណឹងដល់អ្នកដំណើរអំពីវិធានការណ៍ថ្មីអោយបានទាន់ពេលវេលា ។ កាលពីថ្ងៃអាទិត្យសប្តាហ៍មុននេះ ប្រទេសអ៊ីរ៉ង់ក៏បានព្រមានពីការឆ្លងរីករាលដាលនៃវីរុស Covid-19 បំប្លែងខ្លួនប្រភេទថ្មី អំឡុងថ្ងៃបុណ្យឈប់សម្រាកឆ្នាំថ្មី ដែលនឹងចាប់ផ្តើមពីថ្ងៃទី២០ ខែមីនាខាងមុខនេះផងដែរ ៕ ប្រភព៖ ស៊ីនហួរ
-
ថៃគ្រោងអនុវត្តវិធានការកាត់បន្ថយពេលធ្វើចត្តាឡីស័កនៅដើមខែមេសាខាងមុខនេះ ក្នុងគោលដៅជំរុញវិស័យទេសចរណ៍អោយរស់ឡើងវិញ
ថៃ៖ គិតចាប់ពីថ្ងៃទី១ ខែមេសាខាងមុខនេះ ថៃនឹងចាប់អនុវត្តការបន្ធូរបន្ថយលើវិធានការធ្វើចត្តាឡីស័ក ដែលគេហៅឈ្មោះថា ការធ្វើចត្តាឡីស័កតាមតំបន់ (Area Quarantine) ដើម្បីជំរុញវិស័យទេសចរណ៍ប្រទេសរបស់ខ្លួនឡើងវិញ ។ វិធានការថ្មីៗនេះគឺស្ថិតក្នុងកិច្ចខិតខំប្រឹងប្រែង ដើម្បីស្ដារសេដ្ឋកិច្ចប្រទេសជាតិឡើងវិញ ។ ប៉ុន្តែសហព័ន្ធឧស្សាហកម្មថៃនិយាយថា ទោះបីការធ្វើចត្តាឡីស័កត្រូវបន្ថយមកនៅរយៈពេលតែ០៧ថ្ងៃក៏ដោយ ក៏វានៅតែមិនមែនជាជម្រើសល្អឡើយ ហើយដើម្បីសម្រេចគោលដៅនេះ យើងគួរជំរុញការចាក់វ៉ាក់សាំងជូនប្រជាជនឲ្យបានគ្រប់គ្នា នោះទើបជាគន្លឹះដ៏សំខាន់ ដែលអាចឆ្ពោះទៅរកការបើកព្រំដែនឡើងវិញ ។ យ៉ាងណាមិញ ស្ថិតក្រោមផែនការខាងលើនេះ អ្នកទេសចរដែលបានចាក់វ៉ាក់សាំងបង្ការ COVID-19 នឹងត្រូវតម្រូវឱ្យធ្វើចត្តាឡីស័ករយៈពេលមួយសប្តាហ៍ ប៉ុណ្ណោះ ដែលពីមុនគឺ២សប្តាហ៍ ។ ក្រោយធ្វើចត្តាឡីស័កមួយសប្ដាហ៍រួចរាល់ អ្នកទេសចរណ៍អាចធ្វើដំណើរទៅកាន់គ្រប់ខេត្តក្រុងរបស់ប្រទេសថៃ ខណៈអ្នកដែលមិនទាន់ចាក់វ៉ាក់សាំងនឹងត្រូវចំណាយពេល១០ថ្ងៃធ្វើចត្តាឡីស័ក ៕ ប្រភព៖ Bangkok Post
-
រដ្ឋបាលស្រុកសំរោងខេត្តតាកែវ បង្ហាញបញ្ជីរាយនាមអ្នកពាក់ព័ន្ធ ជាមួយ បុគ្គលវិជ្ជមានកូវីដ-១៩ ក្នុងពិធីមង្គលការកាលពីថ្ងៃទី ១២ ខែមីនា
-
រដ្ឋបាលខេត្តកំពត ចេញសេចក្តីជូនដំណឹង ស្តីពីការផ្អាកការរៀបចំពិធីមង្គលការ ពិធីជប់លៀង និងការជួបជុំតាមបែបសាសនានានាជាបណ្តោះអាសន្ន
-
ក្រុមហ៊ុន AstraZeneca បញ្ជាក់ថា ក្រុមជំនាញរកមិនឃើញមានភស្ដុតាងណាមួយបង្ហាញថា ក្រោយចាក់វ៉ាក់សាំងខ្លួនហើយ អាចបង្កឲ្យមានបញ្ហាកំណកឈាមឡើយ
អង់គ្លេស៖ ក្រុមហ៊ុនផលិតឱសថអង់គ្លេស អាស្រ្តាហ្សេណេកា (AstraZeneca) បញ្ជាក់ថា ការត្រួតពិនិត្យឡើងវិញលើទិន្នន័យសុវត្ថិភាពរបស់អ្នកដែលបានចាក់វ៉ាក់សាំង COVID-19 របស់ខ្លួន មិនបានបង្ហាញភស្ដុតាងណាមួយ ពីការកើនឡើងហានិភ័យ នៃបញ្ហាកំណកឈាមក្នុងសសៃឈាមនោះទេ ។ នៅក្នុងសេចក្ដីថ្លែងការណ៍ចេញផ្សាយនៅថ្ងៃអាទិត្យម្សិលមិញ ក្រុមហ៊ុនផលិតឱសថអង់គ្លេសនេះបញ្ជាក់ថា បន្ទាប់ពីការត្រួតពិនិត្យយ៉ាងយកចិត្តទុកដាក់លើទិន្ន ន័យសុវត្ថិភាពរបស់អ្នកចាក់វ៉ាក់សាំងជាង១៧លាននាក់នៅអង់គ្លេស និងអឺរ៉ុប មិនមានភស្ដុតាងណាមួយបញ្ជាក់ពីហានិភ័យ នៃការស្ទះសសៃឈាមសួត ឬកំណកឈាមជាដុំតូចៗក្នុងសសៃឈាម ក្នុងចំណោមក្រុមមនុស្ស ដោយគិតទាំងទៅលើវ័យ ភេទ ឬក៏ក្រុមមនុស្សនៅក្នុងប្រទេសណាមួយនោះទេ ។ ការលើកឡើងខាងលើនេះរបស់លោក ក្រុមហ៊ុនផលិតឱសថអង់គ្លេស អាស្រ្តាហ្សេណេកា ធ្វើឡើងបន្ទាប់ពីអាជ្ញាធរសុខាភិបាលនៅក្នុងប្រទេសអៀរឡង់ ដាណឺម៉ាក ន័រវែស អ៊ីតាលី ហូឡង់ និងប្រទេសមួយចំនួនទៀត កាលពីសប្ដាហ៍មុនបានសម្រេចចិត្តផ្អាកការចាក់វ៉ាក់សាំងរបស់ អាស្រ្តាហ្សេណេកា ជូនប្រជាជនរបស់ពួកគេ ក្រោយប្រទេសអឺរ៉ុបជាច្រើនរកឃើញថា អ្នកដែលបានចាក់វ៉ាក់សាំងក្រុមហ៊ុនផលិតឱសថអង់គ្លេសនេះ មានបញ្ហាកំណកឈាមក្នុងសសៃឈាម ៕ ប្រភព៖ Reuters
-
សហភាពអឺរ៉ុបប្រឈមនឹងកង្វះវ៉ាក់សាំង Covid-19 បន្ទាប់ពីក្រុមហ៊ុនផលិតឱសថអង់គ្លេស AstraZeneca ប្រកាសពីកង្វះខាតការផលិតវ៉ាក់សាំងរបស់ខ្លួន
បរទេស៖ សហភាពអឺរ៉ុបបានប្រឈមនឹងកង្វះខាតវ៉ាក់សាំងបង្ការជំងឺ Covid-19 ដើម្បីដំណើរការកម្មវិធីចាក់វ៉ាក់សាំងរបស់ខ្លួន ក្រោយក្រុមហ៊ុនផលិតឱសថអង់ គ្លេស អាស្រ្តាហ្សេណេកា (AstraZeneca) បានប្រកាសពីកង្វះខាតរបស់ខ្លួន ចំពេលដែលប្រទេសលើពិភពលោកទាក់ទងរកវ៉ាក់សាំងពួកគេច្រើន ។ ក្រុមហ៊ុន អាស្រ្តាហ្សេណេកា កាលពីចុងសប្តាហ៍មុននេះបញ្ជាក់ថា ខ្លួនបានខកចិត្ត ដើម្បីប្រកាសពីកង្វះខាតវ៉ាក់សាំង Covid-19 របស់ខ្លួន ដែលតាមផែនការត្រូវបញ្ជូនទៅសហភាពអឺរ៉ុបតាមការគ្រោងទុក បើទោះជាពួកគេបានខិតធ្វើការដោយមិនគិតនឿយហត់ ដើម្បីពន្លឿនក្នុងការផលិតសម្រាប់ការផ្គត់ផ្គង់ ។ ក្រុមហ៊ុននេះបន្ថែមថា គួរឲ្យស្តាយ… ការរឹតត្បិតនាំចេញនឹងត្រូវការបន្ថយចំពោះការចែកចាយនៅត្រីមាសទី១ និងទំនងជាប៉ះពាល់ដល់ការចែកចាយនៅត្រីមាសទី២ ។ គួរបញ្ជាក់ផងដែរថា ការចាក់វ៉ាក់សាំងការពារត្រូវបានចាត់ទុកថា ជាជម្រើសដ៏សំខាន់ ដើម្បីបញ្ឈប់ការរីករាលដាលវីរុស Covid-19 ដែលបានសម្លាប់ជីវិតមនុស្សជាង២.៦លាននាក់ទូទាំងពិភពលោក ហើយការប្រកាសរបស់ក្រុមហ៊ុន អាស្រ្តាហ្សេណេកា ជាការវាយប្រហារមួយទៀតទៅលើមេដឹកនាំសហភាពអឺរ៉ុប ដែលបានប្រឈមនឹងការរិះគន់ ចំពោះការចាប់ផ្តើមមិនល្អសម្រាប់កម្មវិធីវ៉ាក់សាំងនៅទ្វីបមួយនេះ ៕ ប្រភព៖ Bangkok Post
-
អ្នកឆ្លង COVID-19 នៅទូទាំងពិភពលោកកើនឡើង១២០លាន៤១ម៉ឺននាក់ ក្នុងនោះស្លាប់២លាន៦៦ម៉ឺននាក់ និងជាសះស្បើយ៩៦លាន៩៦ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១២០លាន៤១ម៉ឺន៣ពាន់៧៦៤ករណី ក្នុងនោះមានអ្នកជម្ងឺសរុបចំនួន២លាន៦៦ម៉ឺន៥ពាន់២២៦នាក់ស្លាប់ និង ជាសះស្បើយឡើងវិញសរុបចំនួន៩៦លាន៩៦ម៉ឺន២ពាន់៩៥២នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៥ ខែមិនា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣០លាន៨ម៉ឺន១ពាន់៦៥៧នាក់ ស្លាប់ចំនួន៥៤ម៉ឺន៧ពាន់២៣៤នាក់ និងជាសះស្បើយចំនួន២២លាន១៦ម៉ឺន៩ពាន់២៣៧នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសប្រេស៊ីល ដោយមានអ្នកឆ្លងចំនួន ១១លាន៤៨ម៉ឺន៣ពាន់៣៧០នាក់ ស្លាប់២៧ម៉ឺន៨ពាន់៣២៧នាក់ និងជាសះស្បើយ១០លាន៦ម៉ឺន៣ពាន់៨០៨នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសឥណ្ឌា ដោយមានអ្នកឆ្លងចំនួន១១លាន៣៨ម៉ឺន៥ពាន់១៥៨នាក់ ស្លាប់ចំនួន១៥ម៉ឺន៨ពាន់៧៦២នាក់ និងជាសះស្បើយ១១លាន៥ពាន់៤៤៥នាក់ ៕ ប្រភព៖ worldometers
-
ផ្សាយបន្តផ្ទាល់ សន្និសីទសារព័ត៌មាន ស្ដីពី“ច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត”
-
អ្នកដំណើរចូលមកខេត្តសៀ់មរាបមានការថយចុះជាងមុន ខណៈអ្នកឆ្លងកូវីដ១៩មានការកើនឡើងជាង១៣០០នាក់នោះ
សៀមរាប៖ អ្នកបើកបររថយន្តឈ្នួល ពីបណ្ដាខេត្តនានា ចូលមកខេត្តសៀមរាប នាព្រឹកថ្ងៃទី១៤ ខែមីនា ឆ្នាំ២០២១នេះ បានលើកឡើងថា ចំនួនរថយន្តធ្វើចរាចរណ៍ នៅតាមផ្លូវជាតិលេខ៦ រវាងព្រំប្រទល់ខេត្តកំពង់ធំ និងខេត្តសៀមរាប មានការថយចុះ ស្របពេលដែលចំនួនអ្នកមានវីរុសកូវីដ-១៩ នៅតាមបណ្ដាខេត្តទូទាំងប្រទេស កើនដល់ ១៣០៥នាក់ គិតត្រឹមម៉ោង៧:០០ព្រឹកថ្ងៃទី១៤ ខែមីនានេះ។ អ្នកបើកបររថយន្តឈ្នួល ពីខេត្តកំពង់ធំ ទៅខេត្តឧត្តរមានជ័យ ដោយឆ្លងកាត់ខេត្តសៀមរាប លើកឡើងថា ក្នុងរយៈពេលថ្មីៗនេះ ការធ្វើដំណើរតាមរថយន្ត មានការត្រួតពិនិត្យសុខភាពតឹងរឹង នៅតាមដងផ្លូវ មិនត្រឹមតែក្នុងខេត្តសៀមរាបនោះទេ ខេត្តផ្សេងៗឯទៀតក៏មានការរឹតបន្តឹងដូចគ្នាដែរ។ បើតាមប្រសាសន៍ លោក ចឹក គឹមជុន នាយករងរដ្ឋបាលខេត្តសៀមរាប កាលពីថ្ងៃទី១២ ខែមីនានេះ ក៏បានបង្ហាញដែរថា ប្រជាពលរដ្ឋធ្វើដំណើរតាមផ្លូវជាតិលេខ៦ ពីខេត្តកំពង់ធំ មកខេត្តសៀមរាប មានការប្រុងប្រយ័ត្នខ្ពស់ជាងមុន និងមានការកាត់បន្ថយការធ្វើចរាចរណ៍តាមរថយន្តដឹកអ្នកដំណើរ ដោយភាគច្រើន មានតែរថយន្តដឹកទំនិញធំៗ តែប៉ុណ្ណោះ៕ ដោយ ស៊ាន សុផាត
-
រដ្ឋបាលខេត្តព្រះសីហនុពិន័យចំពោះអ្នកបើកបររថយន្ត២នាក់ដែលគេចវេះប៉ុស្តិ៍ត្រួតពិនិត្យចត្តាឡីស័ក
យោងតាមរដ្ឋបាលខេត្តព្រះសីហនុ នៅថ្ងៃទី១៤មីនាឆ្នាំ២០២១ មានរថយន្តពីរគ្រឿង បានបើកគេចវេះប៉ុស្តិ៍ត្រួតពិនិត្យចត្តាឡីស័កចំណុចត្រពាំងរពៅ ផ្លូវជាតិលេខ៣ ព្រំប្រទល់ខេត្តព្រះសីហនុ និងខេត្តកំពត ប៉ុន្តែត្រូវបានកម្លាំងគណៈបញ្ជាការឯកភាពស្រុកព្រៃនប់ ចាប់ឃាត់បាន និងធ្វើការពិន័យអន្តរការណ៍។ យោងតាមរបាយការណ៍សមត្ថកិច្ចស្រុកព្រៃនប់នៅថ្ងៃទី១៤ ខែមីនា ឆ្នាំ២០២១ ករណីទី១- អ្នកបើកបរឈ្មោះ សាធ វាចា ភេទ ប្រុស បើកបររថយន្តដឹកស៊ីម៉ង់ត៍មួយគ្រឿង ពាក់ស្លាកលេខភ្នំពេញ 3B-7264 បានបើកគេចវេះពីប៉ុស្តិ៍ត្រួតពិនិត្យចត្តាឡីស័កនៅចំណុចត្រពាំងរពៅ (ផ្លូវជាតិលេខ៣) ព្រំប្រទល់ខេត្តព្រះសីហនុ និងខេត្តកំពត។ ករណីទី២- អ្នកបើកបរឈ្មោះ ភិន ភ័ក្រ ភេទ ប្រុស បើកបររថយន្តម៉ាកសាំងយ៉ុង ពណ៌លឿង ពាក់ស្លាកលេខភ្នំពេញ 2AE-5252 បានបើកគេចវេះប៉ុស្តិ៍ត្រួតពិនិត្យចត្តាឡីស័កនៅចំណុចត្រពាំរពៅ (ផ្លូវជាតិលេខ៣) ព្រំប្រទល់ខេត្តព្រះសីហនុ និងខេត្តកំពត។ យោងតាមអនុក្រឹត្យលេខ៣៧ ចុះថ្ងៃទី១២មីនា ឆ្នាំ២០២១ របស់រាជរដ្ឋាភិបាលកម្ពុជា ត្រង់មាត្រា២២ ត្រូវផ្តន្ទាទោសពិន័យអន្តរការណ៍ពី ១លាន រៀល ទៅ ៥លានរៀល ចំពោះបុគ្គលដែលគេចវេះពីការធ្វើចត្តាឡីស័ក ឬគេចចេញពីទីកន្លែងធ្វើចត្តាឡីស័កក្នុងអំឡុងពេលធ្វើចត្តាឡីស័ក តែមិនបានបណ្តាលឱ្យមានការចម្លងជំងឺកូវីដ-១៩ ដល់អ្នកដទៃ។ ចំពោះជនដែលប៉ុនប៉ង…