សំខាន់ខ្លាំង៖ តើកម្ពុជាមានភាពចាំបាច់អ្វីបានជាត្រូវរៀបចំឱ្យមានច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-19 និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត? បទបង្ហាញរបស់ឯកឧត្តម កើត រិទ្ធិ រដ្ឋមន្ត្រីក្រសួងយុត្តិធម៌ ក្នុងកិច្ចប្រជុំពេញអង្គព្រឺទ្ធសភា នាសម័យប្រជុំវិសាមញ្ញ នីតិកាលទី៤ នៅថ្ងៃទី១១ ខែមីនា ឆ្នាំ២០២១!

តាកែវ៖ ឯកឧត្ដម អ៊ូច ភា អភិបាល ខេត្ត នៃគណៈអភិបាល ខេត្តតាកែវ រួមជាមួយមន្រ្តីជំនាញពាក់ព័ន្ធ នៅរសៀលថ្ងៃទី ១១ ខែមីនា ឆ្នាំ ២០២១ បានអញ្ជេីញចុះពិនិត្យមណ្ឌលចត្តាឡីស័ នៅក្នុងអាគារអន្តេវាសិកដ្ឋាននៅមជ្ឈមណ្ឌលគរុកោសល្យភូមិភាគតាកែវ នឹងត្រៀមដាក់ពលករ ស្នាក់នៅ និងធ្វេីចត្តាឡីស័ក ឱ្យបានត្រឹមត្រូវ។ ក្នុងឱកាសចុះពិនិត្យក៏ដូចជាត្រៀមដាក់ពលករនេះដែរ ឯកឧត្ដម អ៊ូច ភា អភិបាល ខេត្ត បានមានប្រសាសន៍ដោយធ្វេីការណែនាំទៅដល់បងប្អូនពលករដែលទេីបវិលត្រឡប់មកពីប្រទេសថៃ នឹងកំពុងតែធ្វេីចត្តាឡីស័ក នាពេលនេះ សូមបងប្អូនប្រកាន់ភ្ជាប់នឹងចូលរួមអនុវត្តឱ្យបានត្រឹមត្រូវបំផុតតាមការណែនាំរបស់ក្រសួងសុខាភិបាល ក៏ដូចជាវិធានការណ៍សម្តេចតេជោ ហ៊ុន សែន ៣កុំនឹង៣ការពារ ដេីម្បីរួមគ្នាប្រយុទ្ធប្រឆាំងជំងឺកូវីដ១៩ដែលកំពុងតែឆ្លងចូលសហគមន៍របស់យេីង ។ ជាមួយគ្នានេះដែរ ឯកឧត្ដម អ៊ូច ភា ក៏បា នណែនាំបន្ថែម ទៅដល់មន្រ្តីជំនាញពាក់ព័ន្ធត្រូវរួមសហការគ្នាឱ្យបានខ្ពស់ លេីការងាររបស់ខ្លួននៅក្នុងមណ្ឌលចត្តាឡីស័កនេះ ពិសេសយកសំណាកអោយបានត្រឹមត្រូវ ហេីយក្នុងនោះដែរបងប្អូនពលករដែលកំពុងធ្វេីចត្តាឡីស័ក ក៏ត្រូវតែអនុវត្តនូវវិធានសុខាភិបាល ដោយមិនត្រូវដេីរទៅណាមកណាពីមណ្ឌលចត្តាឡីស័កនេះជាដាច់ខាត ពោលរយៈពេល១៤ថ្ងៃ ត្រូវអនុវត្តអោបានល្អប្រសេីរ ដេីម្បីអោយសហគមន៍របស់យេីង យកឈ្នះកូវីដ១៩ ៕ដោយ -រ៉ាវុធ

ថ្ងៃនេះក្រសួងសុខាភិបាលរកឃើញករណីឆ្លងជំងឺកូវីដ-១៩ចំនួន៦២នាក់បន្ថែមទៀត និងជាសះស្បើយចំនួន២២នាក់។ ក្នុងចំណោមអ្នកឆ្លងថ្មីទាំង៦២នាក់ មាន៦០នាក់ពាក់ព័ន្ធនឹងព្រឹត្តិការណ៍សហគមន៍២០កុម្ភៈ។

ឯកឧត្តម​ នាយ​ឧត្តមសេនីយ៍​ សន្តិ​បណ្ឌិត​ នេ​ត​ សា​វឿ​ន​ អគ្គស្នងការ​នគរបាល​ជាតិ​ បាន​ចេញ​សេចក្តីណែនាំ​ស្ដី​ពី​ការ​ពង្រឹង​វិធានការ​ប្រយុទ្ធ​ប្រឆាំង​ជម្ងឺឆ្លង​កូ​វីត​១៩​ ពាក់ព័ន្ធ​ព្រឹត្តិការណ៍​សហគមន៍​ ២០​ កុម្ភៈ​ ២០២១​។

រដ្ឋបាលខេត្តបាត់ដំបង សូមជូនដំណឹង ស្តីពីការផ្អាកដំណើរការអាជីវកម្ម ក្លឹបហាត់ប្រាណដើម្បីសុខភាព នៅក្នុង និងក្រៅសណ្ឋាគារ ក្នុងភូមិសាស្រ្តខេត្តបាត់ដំបង ជាបណ្តោះអាសន្ន។

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានស្នើឲ្យអភិបាលរាជធានី-ខេត្ត តាមតំបន់នីមួយៗ រៀបចំទៅតាមទំនៀមទម្លាប់ត្រឹមត្រូវរបស់បងប្អូនយើង ប្រសិនបើបូជា យើងត្រូវរៀបចំឈាបនដ្ឋាន ឱ្យបានត្រឹមត្រូវតាមទីកន្លែងដែលយើងត្រៀមទុក ដោយឡែក សម្រាប់ការបញ្ចុះសព ក៏ត្រូវរៀបចំនៅកន្លែងសមរម្យ គោរពតាមវិធានសុខាភិបាល ជៀសវាងមានហានិភ័យ ។ សម្ដេច ក៏បានលើកឡើងផងដែរថា ការដែលត្រៀមបម្រុងរបស់យើង បែរជាមានបុគ្គលមួយក្រុមបានចោទប្រកាន់ថា យើងបានប្រមាថអាយុជីវិតប្រជាជន ។ ពាក់ព័ន្ធទៅនឹងការលើកឡើងនេះ សម្តេចក៏បានបញ្ជាក់នៅរសៀលថ្ងៃទី១១ ខែមីនា ឆ្នាំ២០២១ ថា នេះមិនមែនជាការប្រមាថនោះទេ ជាការគោរព ជាការត្រៀមបម្រុងទុកជាមុនរបស់យើង ជាក់ស្តែង ទំនៀមទម្លាប់របស់បងប្អូនខ្មែរយើង នៅពេលដែលមានឪពុកម្ដាយចាស់ៗ ដូចជា តាចាស់ គឺតែងតែត្រៀមបម្រុងទុកជាស្រេច ថាតើបញ្ចុះ ឬបូជា ។ល៕ ដោយ វណ្ណលុក

លោក ស៊ិន គឹមសៀន ភ្នាក់ងាររាយការណ៍របស់ទូរទស្សន៍អប្សរាប្រចាំខេត្តកំពង់ឆ្នាំបានឱ្យដឹងថា នៅថ្ងៃទី១១ ខែមិនា ឆ្នាំ២០២១ វេលាម៉ោង ៧និង៤០នាទីយប់ កងកម្លាំង អធិការដ្ឋាននគរបាល ស្រុកបរិបូណ៌ សហការជាមួយរដ្ឋបាលក្នុងស្រុក ដឹកនាំដោយលោកយឹម សារិន អភិបាលស្រុកបរិបូណ៌ បានទទួលពលករមកពីប្រទេសថៃ ចំនួន០៩នាក់ ស្រី០៣ នាក់ ដើម្បីធ្វេីចត្ថាឡីស័កនៅមណ្ឌលវិទ្យាល័យ ហ៊ុន សែន បរិបូណ៌ ។