ក្រសួងការបរទេសនិងសហប្រតិបត្តិការអន្តរជាតិនៅថ្ងៃទី១១ខែមីនាឆ្នាំ២០២១បានណែនាំឱ្យអគ្គកុងស៊ុលនិងកុងស៊ុលកិត្តិយសនៃព្រះរាជាណាចក្រកម្ពុជាប្រចាំបរទេសចាត់វិធានការបន្ថែមលើវិធានការរបស់ក្រសួងសុខាភិបាលចំពោះជនបរទេសដែលស្នើសុំទិដ្ឋាការចូលប្រទេសកម្ពុជា។សេចក្តីណែនាំរបស់ក្រសួងកាបរទេសបានសង្កត់ធ្ងន់លើចំណុចសំខាន់ៗមុនផ្តល់តិដ្ឋាការជូនជនបរទេសចូលមកកម្ពុជាដូចខាងក្រោម៖ ១- ត្រូវមានលិខិតធានាឱ្យច្បាស់លាស់ពីក្រុមហ៊ុនឬសមភាគីរបស់ខ្លួននៅកម្ពុជាឬលិខិតអញ្ជើញពីស្ថាប័នរដ្ឋណាមួយនៅកម្ពុជា។ ២- ត្រូវផ្តល់ព័ត៌មានឱ្យបានច្បាស់លាស់អំពីអាសយដ្ឋាននៅកម្ពុជាឬកន្លែងស្នាក់នៅក្នុងប្រទេសកម្ពុជានិងលេខទូរស័ព្ទទំនាក់ទំនងនៅកម្ពុជា។ ៣- ត្រូវបញ្ជាក់ឱ្យបានច្បាស់លាស់ពីគោលបំណងនៃការធ្វើដំណើរមកកម្ពុជាដោយគួរភ្ជាប់ជាមួយកម្មវិធីការងារនៅកម្ពុជា។ ៤- ត្រូវគោរពវិធានការនានាដែលដាក់ចេញដោយក្រសួងសុខាភិបាលកម្ពុជា។ សូមបញ្ជាក់ថាសេចក្តីណេនាំរបស់ក្រសួងការបរទេស  រៀបចំឡើងដើម្បីជួយសម្រួលដល់អាជ្ញាធរមានសមត្ថកិច្ចក្នុងការស្រាវជ្រាវនិងស្វែងរកបុគ្គលដែលមានការពាក់ព័ន្ធក្នុងករណីដែលមានការចម្លងនៃជំងឺកូវីដ-១៩នៅកម្ពុជានិងចូលរួមទប់ស្កាត់ការរីករាលដាលនៃជំងឺកូវីដ-១៩នៅកម្ពុជា៕

ច្បាប់ ស្តីពី វិធានការ ទប់ស្កាត់ការឆ្លងរាលដាល នៃជំងឺលូវីដ-១៩ និង ជំងឺឆ្លងកាចសាហាវ និង ប្រកបដោយគ្រោះថ្នាក់ ធ្ងន់ធ្ងរផ្សេងទៀត។

រាជធានី​ភ្នំពេញ៖ ដើម្បី​ចូលរួម​អបអរ​សាទរ “ទិវា​ជាតិ​អំណាន ១១ មីនា” ផង និង​បន្ត​អនុវត្ត​តាម​ការ​ណែនាំ​របស់​ក្រសួង​សុខាភិបាល ក្នុង​ការ​ទប់​ស្កាត់​ការ​រីក​រាលដាល​នៃ​ជំងឺកូវីដ-១៩ ផង ក្រសួង​អប់រំ យុវជន និង​កីឡា ​នៅ​តែ​បន្ត​រៀប​ចំ​ការ​ប្រារព្ធ​ទិវា​ជាតិ​អំណាន តាម​ប្រព័ន្ធ​អន​ឡាញ ក្នុង​គោល​បំណង​រំឭក​ដល់​វីរភាព​របស់​សម្តេច​ព្រះ​សង្ឃ​រាជ ជួន ណាត ដែល​បាន​ខិត​ខំ​តស៊ូ ពុះពារ​ការពារ​មរតក​វប្បធម៌​អក្សរសាស្រ្ត​ខ្មែរ និង​ក្នុង​គោល​បំណង​បណ្តុះ​ទម្លាប់​អាន ​ជំរុញ វប្បធម៌​អាន លើក​កម្ពស់​សមត្ថភាព​អាន និង​ការ​តែង​និពន្ធ សំដៅ​រួម​ចំណែក​ការពារ និង​ពង្រឹង​វប្បធម៌ អរិយធម៌​ខ្មែរ។  ទិវា​ជាតិ​អំណាន​លើក​ទី​៦ ដែល​បាន​ប្រារព្ធ​ឡើង​ក្រោម​ប្រធាន​បទ “អំណាន​ក្នុង​បរិបទ​កូវីដ-១៩” នៅ​ពេល​នេះ មាន​គោល​បំណង​រំលេច​ឱ្យ​ឃើញ​អំពី​ទស្សនាទាន​ថ្មី​នៃ​អំណាន រួម​ទាំង​ខ្លឹមសារ​សម្រាប់​អំណាន មធ្យោបាយ​អាន និង​ការ​ផ្តល់​នូវ​អន្តរាគមន៍​ចាំ​បាច់​សម្រាប់​គាំទ្រ​ដល់​អំណាន​ក្នុង​បរិបទ​កូវីដ-១៩។  កម្មវិធី​នេះ​បាន​ប្រព្រឹត្ត​ទៅ​ក្រោម​អធិបតីភាព​ឯកឧត្ដម​បណ្ឌិត​សភាចារ្យ ហង់ជួន ណារ៉ុន រដ្ឋមន្ត្រី​ក្រសួង​អប់រំ យុវជន និង​កីឡា តាម​ប្រព័ន្ធ​អន​ឡាញ Zoom ដែលមានអ្នកចូលរួមប្រមាណ៣០០នាក់ ហើយទស្សនិកជន ក៏អាចទស្សនាការផ្សាយផ្ទាល់​តាមបណ្ដាញហ្វេសប៊ុកក្រសួងអប់រំ។  ឯកឧត្ដមបានលើកទឹកចិត្តគ្រប់មជ្ឈដ្ឋានក្នុងការលើកកម្ពស់អំណានគ្រប់ទីកន្លែងគ្រប់ពេលវេលា។ ឯកឧត្ដមបានមានប្រសាសន៍ថា សមត្ថភាពនៃការអានមិនត្រឹមតែសមត្ថភាព និងវិធីសាស្ត្រក្នុងការបង្រៀន សម្ភារៈឧបទេស ប៉ុណ្ណោះ អាស្រ័យទៅលើការគ្រប់គ្រងសាលារៀនដោយនាយក ការចូលរួមពីសហគមន៍ មាតាបិតា…

សេចក្ដីណែនាំ ស្ដីពីការបន្តពង្រឹងការអនុវត្តគោលការណ៍ណែនាំរបស់រាជរដ្ឋាភិបាល និងវិធានសុវត្ថិភាពទេសចរណ៍នៅតាមមូលដ្ឋានអាជីវកម្មសេវាកម្មទេសចរណ៍ក្នុងរាជធានី ខេត្ត។

យោធិនម្នាក់ដែលចាក់វ៉ាក់សាំងស៊ីណូហ្វាមដូសទី១ បានរងនឹងការឆ្លងកូវីដ១៩ យោងតាមសេចក្តីរាយការណ៍ មួយរបស់អគ្គបញ្ជាការដ្ឋានកងយោធពលខេមរភូមិន្ទ។ ព្រឹន្ទបាលទោ លីចាន់សុវណ្ណ បញ្ញា អាយុ២៤ឆ្នាំ ជំនួយ ការការិយាល័យហិរញ្ញវត្ថុនៃខុទ្ទកាល័យអគ្គបញ្ជាការដ្ឋានកងយោធពលខេមរភូមិន្ទ ត្រូវគេរកឃើញការឆ្លងកូវីដ ១៩នៅថ្ងៃទី៨មីនា។ យោងតាមសេចក្តីរាយការណ៍ដដែល ព្រឹន្ទបាលទោ លីចាន់សុវណ្ណ បញ្ញា គឺជាកូនប្រសារ របស់គ្រូពេទ្យម្នាក់នៅអ្នកលឿងដែលគេបានរកឃើញឆ្លងកូវីដ១៩។ យោធិនរូបនោះ បានចាក់វ៉ាក់សាំងស៊ីណូ ហ្វាមលើកទី១នៅថ្ងៃទី២២កុម្ភៈឆ្នាំ២០២១ និងមិនទាន់បានទទួលការចាក់វ៉ាក់សាំងស៊ីណូហ្វាមជាលើកទី២ឡើយ ។ យោធិនរូបនោះ បានឆ្លងកូវីដ១៩ ក្នុងរយៈពេល១៤ថ្ងៃក្រោយមក៕ (អត្ថបទ ហាក់ សារ័ត្ន)

រដ្ឋបាលខណ្ឌឫស្សីកែវ សហការជាមួយមន្ត្រីសុខាភិបាល បានរកឃើញអ្នកមានវិជ្ជមានមេរោគកូវីដ១៩ ២ករណីទៀត ចំនួន«២ទីតាំង» និងអ្នកពាក់ព័ន្ធចំនួន ១៥នាក់ផ្សេងទៀត និងកំពុងធ្វើចត្តាឡីស័កនៅតាមផ្ទះ ក្រោយពីបានបើកឲ្យដំណើរការជាសាធារណៈឡើងវិញ១កន្លែងនូវផ្ទះឈ្មោះ ឡាយ គា អ្នកជំងឺកូវីដ១៩ ពាក់ព័ន្ធព្រឹត្តិការណ៍សហគមន៍២០កុម្ភៈ។ អភិបាលខណ្ឌឫស្សីកែវ លោក ជា ពិសី បានឲ្យដឹងថា មន្រ្តីសុខាភិបាលបានរកឃើញអ្នកមានវិជ្ជមាកូវីដ១៩ នៅថ្ងៃទី១០ ខែមីនា ឆ្នាំ២០២១ ចំនួន០២នាក់ ស្មើនឹង០២ទីតាំង រួមមាន ៖ ទីតាំងផ្ទះលេខ១៤ ផ្លូវលេខ៩ ក្រុមទី៤ ភូមិស្ពានខ្ពស់ សង្កាត់គីឡូម៉ែតលេខ៦ អ្នកជំងឺឈ្មោះ សុគន្ធ នីសា ភេទស្រី អាយុ៣៨ឆ្នាំ មុខរបរ តារាចម្រៀង មានអ្នកពាក់ព័ន្ធ០៥នាក់ ។ទី២៖ ទីតាំងផ្ទះលេខ០៨២J ផ្លូវកាំកូស៊ីធី ក្រុមទី៧ ភូមិគង្គាផុស សង្កាត់ទួលសង្កែទី២ អ្នកបុរសម្នាក់អាយុ៤០ឆ្នាំ មុខរបរតន្ត្រីករមានអ្នកពាក់ព័ន្ធ១០នាក់ ។ បច្ចុប្បន្នអ្នកជម្ងឺទាំង២នាក់ បានបញ្ជូនទៅព្យាបាល នៅអតីតសណ្ឋាគារ The Great Duke។ រីឯអ្នកដែលពាក់ព័ន្ធទាំង១៥នាក់ខាងលើ…

យោងតាមរបាយការណ៍ របស់រដ្ឋបាលក្រុងព្រៃវែង បានអោយដឹងនាព្រឹកថ្ងៃទី១១ ខែមីនា ឆ្នាំ២០២១នេះថាពលករចំណាកស្រុកចំនួន៤៦៩នាក់ ត្រូវបានអាជ្ញាធរដឹកតាមរថយន្តចំនួន ៣០គ្រឿង ទៅកាន់ខេត្តព្រៃវែង ដើម្បីនាំធ្វើចត្តាឡីស័កនៅតាមបណ្ដាស្រុកក្រុងនានាក្នុងខេត្ត។ សូមបញ្ជាក់ថា ខេត្តព្រៃវែង គិតត្រឹមល្ងាចថ្ងៃទី១១ ខែមីនា ឆ្នាំ២០២១ មានមនុស្សចំនួន២៣នាក់ បានឆ្លងជំងឺកូវីដ១៩ ពីលោកគ្រូពេទ្យពេទ្យម្នាក់ នៅសម្ភពព្យាបាលមួយស្ថិតនៅក្នុងស្រុកពាមរក៍ ខេត្តព្រៃវែង។ទន្ទឹមនេះ ក្រសួងអប់រំ យុវជន និងកីឡា ក៏បានសម្រេចផ្អាកដំណើរការគ្រឹះស្ថានសិក្សាសាធារណៈ និងឯកជនទូទាំងខេត្តព្រៃវែងផងដែរ៕ ហាក់ សារ័ត្ន

ក្រសួងសុខាភិបាលប្រកាសផ្អាកជាបណ្តោះអាសន្ននូវការចាក់វ៉ាក់សាំងស៊ីណូហ្វាមសម្រាប់អ្នកដែលមកចាក់លេីកទី១ (ដូសទី១)បណ្ដោះអាសន្នសិន។