នៅលើទំព័រហ្វេសប៊ុកនៅព្រឹកថ្ងៃទី១១មីនានេះ លោកឧកញ៉ាឡេង ណាវ៉ាត្រា បានសរសេរថា ខ្ញុំបាទនិងក្រុមគ្រួសារសូមជួយតាមរយ:សម្ដេចតេជោដើម្បីទប់ស្កាត់ជំងឺ covid 19 #ចំនួន3លានដុល្លា ។ ខ្ញុំមិនអាចរស់នៅតែឯង បើប្រទេសជាតិមានចលាចល គ្មានស្ថេរភាព គ្មានសុខសន្តិភាព ខ្ញុំក៏មិនដឹងយកលុយទាំងនេះទៅចាយឯណាដែរ ខ្ញុំកើតនៅកម្ពុជាស្លាប់នៅកម្ពុជា ជួយប្រជាជនកម្ពុជា ជាតួនាទីរបស់យើងទាំងអស់គ្នា សាមគ្គីភាពទើបមានភាពរឹងមាំ ពេលនេះមិនមែនជាពេលបន្ទោសអ្នកណាម្នាក់ទេ តែជាពេលយើងត្រូវសាមគ្គីគ្នា។ សូមបញ្ជាក់ទៅដល់បងប្អូន ខ្ញុំមិនមែនជាអ្នកមានលុយច្រើននោះទេតែខ្ញុំមានបេះដូងស្រឡាញ់ប្រទេសជាតិរបស់យើង ហើយក៏មិនអាអោបដៃឈមើលអោយថ្នាក់ដឹកនាំទទួលអំរែកតែឯងដែ។

ភ្នំពេញ ៖ នាព្រឹកថ្ងៃទី១១ ខែមីនា ឆ្នាំ២០២១ ព្រឹទ្ធសភា កំពុងអនុម័តសេចក្តីព្រាងច្បាប់ ស្តីពី វិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ។ កិច្ចប្រជុំនេះប្រព្រឹត្តិទៅក្រោមអធិបតីភាពឯកឧត្តមកិត្តិនីតិកោសល បណ្ឌិត ស៊ឹម កា ប្រធានស្តីទីព្រឹទ្ធសភានៃព្រះរាជាណាចក្រកម្ពុជា ។ ដោយ / គ្រី សម្បត្តិ

ភ្នំពេញ (២២), ព្រៃវែង (៦), ព្រះសីហនុ (1), កណ្ដាល (៩), បាត់ដំបង (១) គិតត្រឹមព្រឹក ថ្ងៃទី១១ ខែមីនា ឆ្នាំ២០២១ – អ្នកឆ្លងសរុប= ១១៦៣ នាក់ – អ្នកជាសះស្បើយ= ៥៩៧ នាក់ (+៤៨) – អ្នកកំពុងព្យាបាល= ៥៦៥ នាក់។

ក្រសួងអប់រំចេញសេចក្ដីជូនដំណឹង ស្ដីពីការផ្អាកដំណើរការគ្រឹះស្ថានសិក្សាសាធារណៈ និងឯកជនជាបណ្តោះអាសន្ននៅទូទាំងខេត្តព្រៃវែង ។ដោយ -រ៉ាវុធ

នៅក្នុងសារសំលេង ដែលប្រព័ន្ធផ្សព្វផ្សាយទើបទទួលបាននៅល្ងាចថ្ងៃទី១០ ខែមីនា ឆ្នាំ២០២១ សម្តេចអគ្គមហាសេនាបតីតេជៅ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានបានស្នើឱ្យក្រសួងការពារជាតិបញ្ចេញក្រុមគ្រូពេទ្យទាហានដើម្បីជួយក្រុមគ្រូពេទ្យស៊ីវិល ក្នុងការពិនិត្យព្យាបាលជំងឺកូវីដ១៩ ដែលកំពុងរីករាលដាលនៅកម្ពុជា។ សម្តេចតេជោនាយករដ្ឋមន្រ្តី បានថ្លែងថា សម្តេចពិជ័យសេនាទៀ បាញ់ ឧបនាយករដ្ឋមន្រ្តី និងជារដ្ឋមន្ត្រីក្រសួងការពារជាតិត្រូវបញ្ចេញក្រុមគ្រូពេទ្យ យោធាចំនួន៣០ក្រុមដែលស្មើនឹង៣០០នាក់ ដែលបានត្រៀមទុក ដើម្បីជួយក្រុមគ្រូពេទ្យស៊ីវិលក្នុងបេសកកម្មជួយព្យាបាលជំងឺដល់ប្រជាពលរដ្ឋកំពុងអ្នកឆ្លងកូវីដ១៩នៅកម្ពុជា។ ជាមួយគ្នានេះ រាជរដ្ឋាភិបាលនឹងលើកទឹកចិត្តដល់ក្រុមគ្រូពេទ្យយោធា ដែលមានបេសសកម្មដូចក្រុមគ្រូពេទ្យស៊ីវិលផងដែរ ដើម្បីប្រសិទ្ធភាព និងការទទួលខុសត្រូវខ្ពស់ចំពោះការប្រយុទ្ធទប់ស្កាត់ការីករាលដាលជំងឺកូវីដ១៩។សម្តេចតេជោ ហ៊ុន សែន មានប្រសាសន៍ឱ្យស្វែងរកទីតាំងសណ្ឋាគារ២ដទៃទៀតក្នុងរាជធានីភ្នំពេញ ត្រូវបានយកមកធ្វើជាមណ្ឌលចត្តាឡីស័ក ក្រោយមានការឆ្លងជំងឺកូវីដ១៩ច្រើនគំហុក បានកើតឡើងក្នុងរយៈពេល២៤ម៉ោងចុងក្រោយនេះ។ កាលពីសប្តាហ៍នេះ សណ្ឋាគារ The Great Duke Inter Continental ដែលមានចំនួន៥០០បន្ទប់ ត្រូវបានរៀបចំធ្វើជាកន្លែងចត្តាឡីស័កថ្មី។ សណ្ឋាគារ២ថ្មីដែលសម្តេច បានកំណត់យកជាទីតាំងធ្វើមណ្ឌលចត្តាឡីស័កថ្មីថែមទៀត នៅមិនទាន់បញ្ជាក់ឈ្មោះនៅឡើយទេ ប៉ុន្តែសម្តេចបានបញ្ជាក់ថា អាចមានចំនួន២០០បន្ទប់ឬច្រើនជាងនេះ៕

តាមរយៈការស្នើសុំរបស់សាសនិកឥស្លាមកម្ពុជា នៅល្ងាចថ្ងៃទី១០ ខែមីនា ឆ្នាំ២០២១ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានប្រកាសសម្រេចលើកលែងចំពោះជនមូស្លីម ដែលស្លាប់ដោយជំងឺកូវីដ១៩ នៅកម្ពុជា ដោយអាចបញ្ចុះសពបាន  ។  ជាមួយគ្នានេះ សម្តេចតេជោ ហ៊ុន សែន ក៏បានប្រកាសណែនាំដល់ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល និងក្រសួងយុត្តិធម៌ ឲ្យរៀបចំ កំណត់ករណីលើកលែងនេះ នៅក្នុងអនុក្រឹត្យ ដែលសម្តេច បានណែនាំ ឲ្យរៀបចំកាលពីថ្ងៃទី៩ ខែមីនា ឆ្នាំ២០២១  ។  ក្នុងសារជាសំឡេង នៅល្ងាចថ្ងៃទី១០ មីនា ឆ្នាំ២០២១ សម្តេចតេជោ ហ៊ុន សែន ក៏បានប្រកាសណែនាំដល់បងប្អូនមូស្លីមនៅកម្ពុជា ត្រូវរៀបចំ ការបញ្ចុះសពអ្នកស្លាប់ដោយកូវីដ-១៩ ប្រសិនបើមាន ដោយគោរព តាមវិធានសុខាភិបាល ហើយមិនត្រូវកប់ពាសវាលពាសកាលនោះទេ ។ គួររម្លឹកថា ក្នុងសារជាសំឡេង កាលពីរសៀលថ្ងៃទី៩ ខែមីនា សម្តេចតេជោ ហ៊ុន សែន បានប្រកាសថា…